米線陣 (新都城中心二期)

营业中

休息中

想食下午茶，但一粥麵、大家樂果d比較多人，又坐唔耐；就寧願比貴少少去米線陣，至少唔使趕住走。［b］鮮炸豬扒豆卜黑米線［/b］叫了蕃茄湯底，尚算清甜但沒太多蕃茄味，蕃茄肉都比較少，另有少少豆卜同腐竹。黑米線倒是第一次食，口感較白米線滑，但好多都斷既，可能煮得太耐。豬扒有手掌咁大塊、好厚，內裡好有肉汁又唔韌，值得一讚。對連鎖快餐點，有時候都不會有太大期望，不過不失吧。

平時都好少上黎寫食評,多數只會睇下人地寫咩,但今日食左間我真係幾滿意既米線鋪,忍唔住要上黎讚一讚.今日同女朋友去左佢屋企附近行下街,行到點幾開始覺得肚餓,於是睇下有咩好食啦.見到有間韓國快餐同呢間食米線既,兩間女朋友都話想食,不過果間韓國快餐實在太多人啦又要等位,於是就食呢間米線個門面裝修都幾靚,同埋係出面見到佢有個番茄湯米線我已經想食,見唔駛等位就梗係拿拿淋入去食啦我地坐左張二人卡位,裝修都真係幾靚,坐得ok舒服佢有d夏日推介既野食,我同女朋友除左一人一碗米線之外仲叫左杯凍野飲,我要左個香芒熱情果特飲,女友要左杯金桔雜果冰個店員話呢期做緊推廣,我地可以+$5就有一罐果粒橙,不過我地冇換到落左單一陣好快就有野食.女友果碗係酸辣芝心丸木耳米線,而我就叫左個鮮茄肥牛芝心丸米線.碗米線都幾大碗,我個碗番茄味好濃,個湯夠清甜,又唔多食到味精味,要讚一讚食到最後我幾乎成碗湯飲哂.我諗佢真係有自己熬過既.至於肥牛就普通貨色啦,似一般打邊爐果d肥牛,但唔會話太肥,個人覺得ok.芝心丸好味既!我同女友都勁鍾意食.而女友果碗我冇食到,不過佢話好味,尤其係個酸辣湯底唔錯喎,夠酸夠辣我地另外叫多左個大汗雞翼

這店在開業已有一段日子，但每次去新都城，都不會刻意去試試他們的米線。這次與家姐行街 shopping 後，決定進去一試。我們兩人分別點了兩款下午茶餐，家姐點的是清湯芝士腸魚腐米線，清湯的味道不錯，但個人認為湯底若能稍微濃一點，味道會更好。我自己就點了擔擔米線，坦白說，雖然這碗米線的賣相並不太好，但卻湯底卻很香，花生醬的味道與辣味配合得剛剛好，米線不會太淋。進食時，將米線與肉碎、榨菜絲一起吃，口感真的不錯。值得一提的是 - 套餐轉凍飲不用 +$

平時中午食飯都有黎開呢間米線陣，一路都係番茄湯底嘅捧場客。佢地既番茄全部都係新鮮番茄，但又唔會過甜或過酸，不過飲品選擇太少，所以每次只可飲凍檸茶。今日放完假再去，估唔到有大轉變，依家新出左學生優惠，包一配料，可以選擇蕃茄又可以飲“好立克“同“阿華田“，睇怕呢度都會變成我既飲堂了

放工後真的好肚餓，可能今天是星期日，雖現是大約3:15pm，米線陣的門外仍有少許客人正在等候入座，大約等了十分鐘終於可以入去開餐。下午茶的米線套餐只得三款選擇，包括有雞翼芝士腸米線、鮮菌碎腩米線及黑木耳獅子狗米線，可以自選湯底，分別有清湯、蕃茄、麻辣及酸辣。麻辣及酸辣更分為小、中及大辣。以上的下午茶米線套餐都包一杯指定的飲品。指定飲品除了茶啡之外，更有汽水可以選擇。可是下午茶套餐真是太少選擇，當我打開主餐牌，有米線自由配、特盛米線、鮮茄肥牛芝心米線、鮮菌肥牛玩命辣湯米線、重慶酸辣薯粉有五款米線的選擇但是沒有免費包飲品，不過可以用優惠價享用指定飲品。那麼我都是決定點了「米線自由配」$28，配料的價錢分別有$5、$7及$9。「米線自由配」本身已有湯底+米線+配菜:芽菜、韭菜、腐皮，個人口味點了不要韭菜，酸辣湯底少辣，配料選擇了$5的鮮冬菇及$9黑醋豬軟骨。我沒有點飲品，向店員取了杯暖水，大約等了10分鐘米線都上枱，湯底都不會太濃，酸辣味道都好平均，也達到少辣的效果，米線份量都足，入口又不會太腍身，好滑順喉，鮮冬菇都好入味，咬開已爆出酸辣湯的水份，大約有4 粒，豬軟骨同樣有4小件，味道會偏甜