米線樂•麻辣豬骨濃湯 (已結業)

📌 米線樂•麻辣豬骨濃湯-🔸菜單種類：米線、涼皮、滷水 🍜老壇酸菜魚米線（$58）（配潮汕芫荽牛丸+$12）湯底係新出嘅口味，酸辣好爽，好上勁。🤤米線有勁道，唔係住到好軟個種🤣原本米線係配魚片，仲加咗「潮汕芫荽牛丸」😍 又彈牙牛味又重，同芫荽浸味意想不到地夾，魚片都好嫩滑。🍜招牌涼拌涼皮（$30）（配肥牛+$12）有青瓜絲，攪拌均勻，這個料汁拌出來的粉真係一齊，在微熱的天氣，吃到一份爽口的涼皮，還是很愉快的！😝😝🍖滷水豬手（$32）一份有四件，肥美豬手，不膩，好軟糯，滷水入味。🤤🤤🥘滷水拼盤（$58）$58一份，有豬耳、豬大腸、雞腎、雞翼等，最啱咩都想試嘅人🤤滷水汁同滷水豬手汁差唔多，都係好入味。-📍：長沙灣元州街231-247號潤發大廈地下B1舖🚆：長沙灣站，步行約5分鐘

有留意開熊貓的朋友，應該知道熊貓係好鍾意食米線😍最近特登去咗長沙灣呢間好Hit嘅米線，試吓係咪真係咁好食先😆米線黎到，第一件事梗係飲啖湯先啦👍🏽佢呢度嘅湯底同出邊嘅米線有少少唔同，主打濃郁豬骨湯味配上麻辣或者酸辣🤩咁就啱晒熊貓心水啦，因為熊貓好鍾意食豬骨湯👍🏽酸辣嘅味道，又唔會搶佢豬骨嘅味道，但係酸辣嘅味道依然feel到，所以真係配合得好好👍🏽配料方面，我就揀咗腩肉同埋麻辣肉碎🤩肉碎係分開上，加埋落個湯度真係好正😆而呢度嘅腩肉比起譚仔仲好食，而且份量超多，好食又抵食！同埋本身個米線都有芽菜同埋腐竹👍🏽另外我都特登嗌左個小食，就係麻椒泡雞腳😆雞腳好入味，麻辣得來亦都令人回味無窮，熊貓好推薦👍🏽👍🏽

身為米線關注組嘅一員，知道屋企附近有間米線舖，今日放工唔想煮飯，就同老公去食晚飯。舖頭嘅裝修好特別呀，好年青，我哋就梗係坐喺型男索女專區啦🤣平時啲米線舖頭坐得好迫，食到好辣嘅時候一定要嗌嘢飲，有啲紙巾仲要俾錢添！呢度坐得舒服之餘，有自助嘅水吧，自己拎水飲，仲有碗啊紙巾嗰啲拎，唔使麻煩店員呀嘛！-麻酸辣豬骨濃湯米線🍜豬骨湯嘅湯底好濃味，果然係真材實料去熬製嘅湯底，再加埋麻酸辣，真係令人食唔停口！配料一定要叫腩肉啦，另外仲有好少見嘅芫荽牛丸，芫荽牛丸一定要試吓呀，咬落去勁Juicy!仲有淡淡的芫荽味，外面比較少見！-除咗米線之外呢度小食嘅選擇都好多，分別叫咗個滷水雞翼同麻辣泡椒雞腳，滷水雞翼醃得非常之入味，麻辣泡椒雞腳係越食越辣，食落好惹味!

見到「米線關注組」有人介紹 咁岩經過開去左 買外賣回家 要讚包得好好 拎到家冇任何倒瀉嘅情況🧡嗌左酸辣豬骨米線 雞肉牛柏葉 個雞肉好厚唔錯 但bb辣淡左少少 下次嗌小辣。🧡涼皮有驚喜 👍🏻花生好脆 食到底都脆 麻醬味好出 e碗嗌左小辣 真係正 會回食😆豬耳都好入味 但鴨血普通🧡黃金花枝丸 誤會左以為係鹹蛋黃 原來係炸only 不過不失 如果有酸甜醬點應該好正😆🧡蒜泥白肉 份量好多 抵食 2個人都食唔曬喔等外賣時見到有下午茶餐 $36好抵 長沙灣返工既真係值得一試而且成個店都裝修得好新穎 好多打卡位環境乾淨👍🏻

同個米線控嘅朋友出街就當然係食米線啦😂佢話喺米線關注組睇到呢間唔錯好想試下喎，咁咪試下究竟好唔好味啦泡椒鳯爪 $32我最鍾意就係食鳯爪，所以係必點呢間都整得唔錯喎，啲鳯爪咬落去係爽口嘅，泡椒味都好出，唔太辣，涼涼地啱晒夏天食水煮麻辣湯米線 $32未見過有水煮麻辣湯嘅米線，見係新出，一於試下佢，估唔到個湯麻麻辣辣幾好味喎，同出面食嘅麻辣米線唔同，呢個會香啲，加左墨魚頭$12同埋麻辣鴨血$12（出面唔會有呢啲配料梗係要試下啦）整體絕對係高分架！推薦！涼拌䈑筍 $22每塊都厚切🙈🙈加埋特製醬汁好惹味，咬落好爽脆，唔會有時喺出面食到啲腍晒嘅，仲要無渣架涼拌米線 $32本身想食佢地招牌涼皮架，不過可能真係太好賣喇，賣晒無得試，就試下涼拌米線啦，點左小辣我覺得唔夠辣，所以覺得唔夠味，下次都係點辣少少🙈加左酥炸墨魚膠豆卜同埋孜然炸雞翼，我發覺涼拌點豆卜有啲dry😂😂浸左落我朋友碗湯米線度好味好多😂建議點豆卜都係食返湯米線好啲白桃乳酸梳打 跟餐$12

和朋友來到長沙灣呢間米線樂，乾淨企理，有面型男索女專區打卡牆。我點招牌涼拌米線（滷水豬耳+孜然免治豬肉棒）：本身想點涼皮，不過呢排冇晒貨，於是轉米線。入面有脆豆、青瓜絲、芫茜，清爽開胃有咬口，岩晒夏天食﹗豬耳滷得入味，彈爽口感。豬肉棒呢個配料少見，表面有孜然香味，味道亦不錯！朋友點泡椒金牌酸菜米線（牛柏葉+滷水豬大腸）：酸菜泡椒不少，好夠酸爽麻辣，表面有芫茜、芝麻粒，增添香味﹗米線滑身，索晒湯底，邊食邊流汗﹗麻辣鴨血：真係好麻好辣，帶少許中藥香料味，鴨血入味，偏硬身不會一夾即散。麻辣墨魚咀拼軟骨：不會好辣，墨魚咀同軟骨都好脆爽，咬完一粒又一粒。朋友點荔枝紅茶，我點鹹青檸梳打，解辣舒爽﹗

學完車之後順路過來米線樂，買大大份的外賣回家慢慢享用。平時總是坐車，沒想到，自己開的時候，還是超級緊張，吃頓好的，為自己打打氣。 今天涼皮已經賣完了，看來生意還是不錯的。於是，選擇了米線，也是同樣的棒。 麻辣豬骨湯濃湯米線 30 我要的是中辣，其實，可以再辣一些。湯特別鮮美入味，米線也爽口水煮麻辣湯米線 32 最愛麻辣湯的水煮，特別正宗地道的口感。外賣的包裝是米線和湯分開的，這樣，我回到家，也是很鮮的。不浪費我，不遠千里來吃米線。小吃我叫了麻辣豬耳和麻辣窩筍。或許是最近常常吃素和水果，身體裡面缺乏肉類的維生素。嘴角小小裂開。所以還是要平衡一下飲食的營養，才好。窩筍口感也是脆脆爽口的。豬耳的脆骨，咬下去，就是滿滿的膠原蛋白米線樂•麻辣豬骨濃湯長沙灣元州街231-247號潤發大廈地下B1舖

同媽咪食晏, 佢話想食米線, 去左附近呢間米線樂, lunch hour都幾多人食!叫左1個酸菜魚米線, 同埋涼皮!!好少地方有得坐低食涼皮, 天氣咁熱食就岩晒, 唔洗咁多熱湯XD涼皮揀左2個餸, 腐皮蝦卷同埋鴨血, 涼皮要左BB辣, 個汁除左辣仲有D酸酸地, 好開胃!腐皮蝦卷炸脆左, 入面好彈牙, 好好食!!酸菜魚米線個湯好濃郁!!超好飲!!愈食愈麻既感覺!魚片無骨, 幾滑, 因為夠薄所以索左D湯汁更加好味!另外叫左份小食, 皮蛋都幾好食, 值得推介!

同朋友經過，佢話想食碗米線，我哋見入邊乾淨企理，試一試先。🐟老壇酸辣魚米線$58魚肉肉質好嫩滑，配菜有芽菜、芫荽、老壇酸菜、芹菜等，酸辣湯底味道濃郁，對我來講係中級辣到，辣得好過癮😆。🍜五寶過橋米$56(轉麻辣湯+$2)朋友碗米線材料多多，有腩肉、黃金花枝丸、蘿蔔、滷水豬大腸、滷水蛋，仲配有芽菜、香蔥等，全部都幾好味；米線就有啲彈牙。🌶泡椒蓮藕尖$38非常爽脆，少少酸，食落好開胃😋。🌿麻辣秋葵$28麻辣味濃郁，配秋葵食幾特別奶茶 $9 x 2幾香幾滑

今日有啲事要嚟長沙灣，長沙灣真係好耐冇黎，估唔到咁大變化🏬🏤，做完嘢就喺附近搵下睇下有咩食😋。一上openrice搵到間唔係連鎖式嘅米線店舖，叫“米線樂”😋竟然畀我發覺仲有我最愛嘅涼皮💯。香港人的米線，講出我心聲🤓，因為米線真係好代表到香港。餐牌有好多選擇，有辣有唔辣，又有涼皮食，又有好多小食。下午茶超級抵，最平36蚊💵就有交易。不過由於趕住返屋企，所以都係決定買外賣返屋企食。孜然脆炸雞翼🐓 店家好細心，全部剪開一半，食得好方便，而且又好入味。鹵水拼盤 🐖🐖 豬大腸/豬耳/雞腎/雞翼/鹵蛋，好多材料，好多款，而且全部都醃得好入味 。豬骨濃湯米線：佢哋外賣會將米線同湯分開，咁樣唔會令到啲米線淋曬，仲有就係佢個湯底值得一讚，超濃嘅豬骨湯，一啲味精都冇，我最後連湯都飲埋。秘制涼拌涼皮 好有驚喜，涼皮係寬粉，好彈牙，啲麻辣汁好開胃，仲有我最愛嘅炸黃豆，真係一試難忘。咸青檸梳打🍸 鹹鹹甜甜好特別白桃梳打🍹 好香白桃味，一啲都唔會太甜總結：我唔到長沙灣都有咁出色嘅米線店舖，下次會特登再嚟食。⭐⭐⭐⭐⭐/5⭐

因為我食嘢都嘴刁，有時好怕試新野食到啲唔好食嘅就無胃口食，所以今次經過附近又食呢間以前食過記得好食嘅米線。今次點左 老壇酸菜魚米線、招牌涼拌涼皮、滷水拼盤、蝦膠腐皮卷、凍豆漿。兩個人食份量有多食唔晒，主要想讚佢哋新出咗個老壇酸菜魚米線，講開酸菜魚我都算係專家因為平時最鍾意食就係酸菜魚，呢期都有好多唔同嘅米線餐廳推出酸菜魚米線，我都食唔少，咁呢間個湯底又幾夠酸同埋魚肉又係好新鮮又夠多，真心有驚喜喎。而另外食佢哋嘅涼拌薯粉係我朋友點嘅，佢話夏天食凍凍地涼兩地幾開胃。

疫情曾經一段時間只可外賣的時候食過，味道也是十分不錯，今日同朋友深水埗區尋找美食，一於就嚟呢度堂食😊———————————🟥主食：招牌涼拌米線：（配豬大腸、魚腐）麻辣度可自由選擇：呢度涼皮好出名，原本想食涼皮，可惜招牌涼皮太好賣沽清，唯有改米線🍜，一樣咁好食😋天氣熱，食吓涼拌米線🍜，有芫茜、花生🥜⋯⋯等等多款涼拌配料，味道配搭，再加埋有口感又夠味的滷水豬大腸，實在一流，再配埋魚腐，有魚🐟有肉，金銀滿屋，食吓嘢，又無厘頭搞吓笑，人生就係咁😀————————————🟩主食：老壇酸辣魚米線：（配腩肉、魚皮餃）出多的酸菜魚、湯底甜，足料的魚🐟又滑溜溜，魚和腩肉又是我喜歡吃的，全碗足料又夠多，腩肉又爽口、再配埋魚🐟皮餃，又夠彈牙，成碗食完係超級大滿足😋————————————🟧小食：蒜泥白肉：鍾意食腩肉的我，再叫多個小食蒜泥白肉⋯⋯做得出色、辣得夠招蒜🧄泥夠香、白肉夠爽…….👍————————————🟪小食：炸雞翼：炸得夠香、炸得夠脆，炸得鬆化又鬆脆，雞肉滑、味道適中，有辣有唔辣，自己去選擇🥰———————————-🟨飲品：咸青檸梳打：食辣嘢………飲杯冰凍咸青檸心懭神怡又醒神辣得招時飲反杯食辣滋

這天晚上走到荔枝角上瑜伽課，先到米線樂麻辣豬骨濃湯吃晚飯。餐廳鄰近長沙灣地鐵站，交通方便。餐廳除了主打的米線，亦提供粉皮，可以熱食或涼拌，涼拌這一個選項在炎炎夏日實在非常需要。這晚我點了招牌涼拌粉皮，還配搭了韭菜豬肉餃和酥炸墨魚膠豆卜。粉皮可以自選辣度，也可以自選芫荽份量。粉皮非常軟林林，不用怎麼咀嚼。韭菜豬肉餃用料十足，韭菜味夠香，配合豬肉是個不錯的組合。酥炸墨魚膠豆卜很值得推介，香脆而不油膩，豆卜中間夾着非常彈牙的墨魚膠，和外面脆口的豆卜形成有趣的對比。此外還點了小食麻辣墨魚頭，但可以走辣我就毫不客氣了地走辣了。雖然說是墨魚頭，但也可以吃到墨魚鬚的滋味。雖然沒有麻辣的滋味，但醬油和其他配料的調味，也令墨魚非常可口，加上墨魚本身彈牙的口感，是欲罷不能。飲品是鹹青檸梳打，酸酸甜甜的感覺非常開胃，也很清新醒神。

因為家住美孚，所以，晌荔枝角、長沙灣一帶嘅足跡都比較多，加上好幾位親友、朋友都喺住晌順寧道一帶，故此，不時約晌呢頭短聚。今晚就簡單嚟到「米線樂」食餐米線，粉麵店中，米線鋪都幾深受港人鍾意，因為平靚正嘛。藍綠色嘅鋪面已裝修得比較新派，入到去裝修雖然簡約，水泥地、水泥襯白磚牆身，但牆上有唔少精心用語，都幾得意，好年青人嘅感覺。最緊要都喺地方乾淨企理，當然，啲膠板再大塊啲感覺就更好啦。米線受歡迎皆因抵食，基本嘅大碗米線底都喺賣$28-$32，當中已包咗唔少基本配料，而餸料亦非常多選擇，分4個價位：$7、$9、$12、$15，叫多叫少，豐儉由人。此外，仲有啲指定款式嘅米線、小食、炸物、涼拌……等等，仲有汽水、啡茶、特飲添。枱角有個二維碼，識嘅可以自行落單，唔識或唔熟嘅，搵店員代勞佢哋都好樂意。筷子已放晌枱上，而餐廳中間位有一個自助區，放咗啲紙杯、碗仔、匙羹、餐紙、牙簽、熱水……等等，自由取用。滷水豬耳 $22見佢有唔少特別小食，就揀少少嚟試吓，豬耳唔喺人人都鍾意，難得朋友都啱，就點一客滷水口味（可揀麻辣）。咪睇佢只喺一小兜，好似食極都有，滷得入味，口感爽脆得嚟又有啲嚼頭。酥炸墨魚膠豆卜 $36

鍾意食辣野嘅我今次外賣咗呢間試吓！食物價錢親民, 見到好多客人食涼拌涼皮, 所以我又試吓～《招牌涼拌涼皮》(配滷水雞翼、孜然炸雞翼)辣度選擇多, 有BB辣、微辣、小辣、中辣、大辣, 唔食得辣亦可以走辣。基本配料有芫荽、炸黃豆、青瓜絲, 再混入麻醬。我揀咗小辣, 爽口彈牙嘅涼皮, 配上香辣惹味嘅辣汁, 好滋味~ 孜然炸雞翼即叫即炸, 味道麻香, 孜然味夠濃, 雞皮炸得好香脆, 肉質嫩, 唔乾身。《招牌涼拌涼皮》(配肥牛、麻辣墨魚咀拼軟骨)第一次試麻辣墨魚咀, 口感爽彈, 充滿麻辣味及芫荽味。《滷水拼盤》有豬大腸、豬耳、雞腎、雞翼、蛋, 全部都好入味, 啖啖滷水香味, 香濃得嚟又唔會太鹹。