米気

营业中

休息中

專程試食三個套餐主食有豬軟骨，黑醋豚，牛肋骨。配搭另外各種不同小食。環境衛生合格，主食優質，小食有新鮮感。整體食物屬中上偏高。以配合價錢算是性價比較高的日式料理。比一般港式日式料理當然有日本風味。值得作為飯堂類別。但個別員工服務態度尚欠訓練。清潔劑注意安全不要噴霧至其他食區，需要加強服務態度管理。甜品好到位，飲品質素平均且高，每一份量足一成人飲飽食醉。值得一班朋友食飯消遣。整體來說非常滿意且有質素。

今次帶男朋友食呢間米気，因為我上次食過覺得味道唔錯，小碟小碟上又可以每樣試少少～座位雖然唔算話坐得好舒服，但我覺得都算係咁😌呢個menu真係好正，勁多選擇！揀咗好耐先揀到😂我就揀咗醬油蛋飯、豚軟骨煮、海苔醋秋葵、北海道芝心粟米球 ($122)😋首先我覺得個飯撈埋啲醬油同埋蛋非常好食，口感變得好creamy😋之後豚軟骨都好入味，我個人好鍾意咬啲軟骨～秋葵好清新，個汁嘅調味亦都啱啱好，酸酸甜甜超開胃～最後粟米球嘅味道同我想像中有啲分別，原來佢係一啲比較煙靭嘅波波，甜甜哋，裡面亦都有好多粟米粒😚而另一個揀咗普通嘅日本國產米、西京燒銀鱈魚、炙燒和豚腩、明太子雞翼 ($167)🥰我覺得銀鱈魚嘅份量相對比較少，但係佢嘅燒得非常之香，而且有好豐富嘅油脂，都算幾好食～另外豚腩表面上嘅調味有少少辣，塊肉亦都好厚，作為食肉獸嘅我哋，都覺得呢個豚腩好好味🤤明太子雞翼我哋覺得略鹹咗啲～整體嚟講，我覺得呢一間真係冇令我哋失望，就算我今次回訪，都覺得佢啲小碟小碟令我覺得好滿足，加上原來佢哋定時都會出一啲期間限定嘅小菜，希望下次嚟到都可以試到新嘢啦！

每一款都好難食,究竟佢點煮的?餐牌好多款比人揀,但款款都難食有咩用🤢🤢1️⃣講個飯先,蟹膏蟹肉飯,蟹味就唔係好鮮,同埋似係一pat蟹肉醬咁,又加左wasabi,完全唔夾.😓💰HKD$382️⃣紅酒汁煮牛肋條個汁完全唔得,勁淡味,牛都唔係好淋同唔入味💰HKD$483️⃣蒜蔥燒牛肩肉卷嘩,硬過狗官條命🥴點咬呀💰HKD$455️⃣鰹魚汁菠菜唔淋.....菠菜都可以整到咁怪,個汁就正常,超市倒出黎果D味💰HKD$186️⃣西京燒銀雪魚OVERCOOK左,睇樣都知,仲要咁貴咁細條,搵苯🥵💰HKD$687️⃣松葉蟹薯仔沙律沙律醬唔夠,口感麻麻,鞋身💰HKD$268️⃣蒜蔥厚切牛舌厚你🧑🏼‍🦰,薄到,又韌💰HKD$34安排入座已經有問題,咩都要自己點餐都收服務費. 人生中食過最難食日本菜.價錢定價過份,冇質素. 仲keep住咁多人排隊😓😓

好有儀式感嘅日本料理🤓🇯🇵，未有旅行去嘅各位可以去思下鄉（不過香港食一定貴過係日本食好多🤣🤣，好多人推介雞團子 可能期望太大所以唔覺得好特別出色，反而有少少略甜。。。不過整體唔錯～下次去可能會試下其他主食👅🌟蘭王醬油蛋飯 $22🌟蘭王醬油蛋魚籽飯 $38牛肉壽喜燒 $48月見博多地雞團子 $48🌟鰹魚汁菠菜 $18🌟金平牛蒡 $22柚子醬油煎鴨胸 $34忌廉蟹肉餅 $26杏仁豆腐 $28乳酸燒酎 $42

成餐飯分開咗 米/主/溫/冷/甜/飲，概念先行，有啲想法！不過，你可以揀唔同嘅飯，唔同嘅熱主食 / 溫菜式同埋涼拌菜，有選擇困難症嘅就慘慘了！ 哈哈哈我今次點咗個「蟹糕蟹肉飯」，本身諗住要醬油蛋飯，因為諗住主菜叫「地雞團子」都有蛋，所以就揀咗蟹糕蟹肉飯，個飯都幾多蟹肉，不過蟹味不夠重。另一個就揀咗「蔥燒牛舌」，佢有少少味醂嘅甜味，幾配搭，好味。仲有就係「涼拌帶子裙邊海藻」，爽口非常，值得一試。甜品就叫咗「蜜柑白玉」，甜甜滑滑，合格！一餐飯食到咁多樣野，都幾開心！😙😙

同朋友約食飯，就大家方便揀咗喺紅磡～ 睇OpenRice見到呢間專門食飯嘅日式餐廳☺️☺️ 食物好靚，好精緻好吸引。我哋嗰日大約七點到，等咗一陣入座。呢度飯 前菜 肉類主菜 甜品 每一part都係自己選擇自己配搭，而且每一part都有好多選擇😋😋😋我就揀咗明太子拌飯，前菜要左薯仔沙律，肉類主食 香蔥牛舌，南蠻炸雞。因為已經叫咗兩份肉 驚自己太飽就冇再叫甜品。另外，朋友叫咗紫菜拌飯 前菜要左2款 麻醬秋葵 & 忌廉蟹肉薯餅 主食要香蔥牛舌 壽喜燒牛肉 🤣🤣 好豐富❣️其實唔係誇張，真係每一款都好好食，拌飯上面比嘅醬一啲都唔少，好足夠撈晒成碗飯🍚🍚🍚 喂香蔥牛舌好香好香❤️🧡💛 南蠻炸雞嘅他他醬 入面仲有啲碎蛋撈埋一齊 好滋味😋佢每款食物有$2x-6x 一份，其實CP值都高 因為份量一啲都唔少 我哋食到🤰🏻🤰🏻都食唔晒🫣

上網見到呢間人氣餐廳，所以一於去附近試一試。去到嘅時候八點，但係都需要排隊，入到餐廳環境都幾舒服，佢個餐牌好多選擇，可以唔使配晒咁多種食物！但花多眼亂，樣樣都好想試。松葉蟹薯仔沙律：呢個配搭好特別，薯仔同其他蔬菜配料好清新，完全帶出到松葉蟹嘅鮮甜，亦都係好好嘅涼拌菜，令你開一開胃。蕃茄味噌豆腐漢堡：個賣相好特別，入面漢堡嘅肉係一啲好淋嘅肉餅，質感配埋酸酸地嘅蕃茄味汁幾好味。蕃茄味汁送飯一流。炸蓮藕片好脆、好味，多一種層次。醬油蛋飯：賣相就吸引，但係味道就比較單調，雖然蛋黃味夠濃味，夠creamy，加醬油，但係始終味道比較單一，我會加埋蕃茄汁去食，味道先會比較豐富。餐牌多選擇，所以下次都可以揀唔同嘅菜去配搭。食到日式住家料理嘅感覺，成個定食都可以好豐富。

呢間日式料理一直都好受歡迎因為有好多選擇可以自己揀餸菜試過幾次感覺都係覺得日式感覺唔係太正宗 新鮮度亦都唔係非常高 價錢相對來講比較貴 CP值不高 冷盤例如沙律基本上質素都好穩陣 但係熱食例如炸粟米球有啲淋好似放耐左嘅感覺 蕃茄汁豆腐球嘅感覺醬汁太過鹹 失去左想食清淡家常菜嘅原意 值得一讚嘅係米氣雪糕嘅牛奶味夠濃郁 但係Texture比一般雪糕較黏 唔知係咪雪糕粉嘅感覺 覺得口感麻麻地 總括嚟講呢間舖頭嘅日式風味包裝得不錯 但質素需改善

今日去開紅磡嗰頭，由紅磡站🚇步行10分鐘左右，剛剛好12:00🕛前去到，唔駛排隊等位✌🏻。🪑第一輪座位好快已經full咗。地點好近大學宿舍，因此環顧四周都好多貌似大學生嘅客人。我一個人被安排坐吧枱，地方乾淨有自然光透入☀️，空間足夠坐得舒服。🍱定食基本上係由4個項目因應個人喜好組合而成，選擇非常豐富，有日式有西式、有素有肉，有濃有淡，套餐附有味噌湯及漬物。💰價錢按所選主菜而定。我第一次去又有選擇困難症🤣，所以首先鎖定主菜，再依照味道作配搭，由於我睇過食評已經一早想試牛肋條🐂，仲打算用啲紅酒汁🍷撈飯，所以今次冇揀到有topping 嘅飯。1. 🍚米（飯）4選1：日本國產米白飯2. 🐂🍷主（菜）8選1：L2紅酒汁煮牛肋條（分量比想像中多，牛肋條好入味煮到好腍，最欣賞係加咗滑子菇，滿意！）$781. 🥗冷（盤）8選1：S5芝麻味噌苦瓜拌炸豆皮（切成幼條嘅苦瓜味道好清爽甘而不苦，芝麻味噌之外有明顯嘅薑味，唔錯！）2. 🥤飲（品）4選1：Y2 烏龍茶+$6另外可追加冷盤、溫菜、甜品，今次我冇追加都夠飽，埋單唔駛$100，整體感覺幾好。

今次來試係紅磡超高人氣既日式家庭料理～木系裝修環境已經俾人一種好舒服既感覺，加上多款菜式任君選擇。首先賣相已經好靚，食物質素亦一點都唔馬虎，連碗碟都係增強緊視覺效果，非常值得一試👍🏻👍🏻👍🏻 另外甜品收尾叫做清酒雪糕，非常難忘，好特別🍦😋

呢間餐廳嘅門面、環境、食物都走一個好精緻嘅路線雖然主打日式家庭料理，個人認為價錢稍貴但相信貴價嘅背後係因為用左好多高質食材❤️❤️醬油蛋飯蛋味超濃厚！一隻蛋黃足以撈到成碗飯完全唔夠食！❤️明太子飯明太子帶有微辣嘅味，係比較溫和嘅辣味同樣係超配飯❤️紅酒汁煮牛肋條有少少酸味，牛肋條非常軟嫩但汁嘅味道有少少唔夾❤️月見博多地雞團子撈埋蛋汁超級好食！係未試過係其他餐廳食到嘅味道不過食到最後有少少鹹❤️忌廉蟹肉餅超好味！好明顯係即炸出黎咬落會辣親個嘴忌廉好濃厚蟹肉味唔算突出但兩者配合起超夾❤️米気雪糕好特別嘅雪糕上面會有啲米味嘅脆粒粒，多左啲口感味道清甜，唔會死甜，都唔會奇怪

難得同姐妹特登走黎黃埔試呢間人氣日式家庭料理店，真係食到一肚氣走， 一啲都唔值，真係唔明點解佢係開飯熱店？全部食物都係整定，上菜當然好快，我知道佢嘅料理係溫熱， 但上到檯最多只有微溫，食物冇溫度真係唔好食… 好似食緊屋企留番啲飯餸咁，我同姐妹都覺得自己煮仲好食…. 飲品就稀到水咁，唔問又唔比匙羹我地攪勻沉左係度啲果汁精華，好似一路飲緊冰水咁 … 最離譜就係門口帶位個女侍應，最後5分鐘走埋黎叫我哋還檯，但入去嘅時候佢冇同我哋講張檯係有限時，雖然最後有個男職員比左9折我哋，但其實我哋唔係想R折頭呀，如果我哋知道有限時我哋會調整番食野速度還檯比店家，明白生意難做當然想翻檯唔會霸住張檯要出面啲人呆等（不過真係唔值得等）。 3個人9折左都要600幾蚊，一定唔會再黎食

⊹🍱 Mᴀɪ Hᴇɪ 米気 °ﾟ･ᴡʜᴀᴍᴘᴏᴀ //長期人龍任你點日式定食 👍🏼自己鍾意食咩自由配搭基本上要早過6:00pm嚟到先會有位全部都好好餸飯 (⊃｡•́‿•̀｡)⊃應該係近來食過定食排名頭一二嘅店 無伏 份量夠 性價比又高 //🧆漬物/味噌湯🍚 米：蟹膏蟹肉鈑 $38明太子 $22海苔 $22🍲主：紅酒汁煮牛肋條 $48牛肉壽喜燒 $48月見博多地雞團子 $48🥗冷：八爪魚沙律 $26帆立貝邊海藻沙律 $26金平牛蒡 $22🥙溫：炸蓮藕脆片 $18忌亷蟹肉餅$26蒜蔥燒牛肩肉餐 $45🍺飲：黑糖米氣水 $12乳酸燒酎 $42白桃燒酎 $42✅ 內用服務費10%📍 紅磡黃埔天地百寶坊(第3期)地下G32號舖ﾟ･*:.｡. .｡.:*･ﾟ･:,｡ﾟ･:,｡･:,｡ﾟ･:,｡･*:.｡. .｡.:*➪#kafehoppinginhk2022➪#kafehopping_whampoa➪#kafehopping_hunghom

米気🍚鐘意去一啲日系家庭式餐廳既朋友仔，米気係首選。首先配搭多有別於一般定食，由前菜、主食、冷盤、小食，甜品，都係自由選擇，而家款式種類都非常多，所以我都幫襯過幾次，諗唔到食咩既話食佢岩嫁啦🫢#長期口袋名單之一set 1🍚 櫻花蝦味增漬 $22🍛 月見博多地雞團子 $48🥗 帆立貝海帶裙邊海藻沙律 $26set2🍚 醬油蛋 $22🍛 南蠻炸雞 $45🥗 芝麻味噌苦瓜拌炸豆皮 $22🍮 焦糖布丁 $28好推介大家可以試米気雪糕，幾特別🍨而焦糖布丁麻麻，焦糖是一般糖漿較甜。米気🔎 #zzzangyummy紅磡📍紅磡黃埔天地百寶坊(第3期)地下G32號舖

假日全日都係peak hour,不停都有人拎飛排隊，真係好旺。見到卡位有吉枱佢都唔放人入，以為係留俾3人以上或員工食飯，後尾見到都係坐兩個人，如果唔係應該更早可以入。好多款式揀，餐廳建議飯+主菜+冷盤+熱盤，不過都唔係set,其實係任搭，所以揀自己喜歡的就好，兩個main都可以🤣最後我揀左金菇醬油飯（因為平同送飯正）+主菜月見雞團子+北海道芝心粟米（唔係好食到芝士味）+蔥燒牛（幾厚燒）。朋友嗌左海苔飯（又係送飯一流）+牛肋條+忌廉蟹餅（好creamy)+帶子裙邊凍盤真係好飽🤣overall都好食嘅，可以encore