米気

营业中

休息中

這間餐廳應該有唔少人試過，也有不少“打手”寫過推薦過咩好食。由於返工地方近，我就試過幾次咁啦～ 老實講，味道中規中矩，不過份量的確比較少，唔太適合大食之人。如果要好好食，或者要好有特色就唔好去這間餐廳啦。以日式家庭餐廳黎講，都算中中至中上 掛~ 環境都算清潔，午巿和晚巿都見到職員都做到忙不停，算係咁。如果拍拖去試下都可以，不過性價比就我覺得差少少。比著我想食特色野，就會覺得去掃下街(附近)多d。總結: 試下無防。

係網上見到foodie分享紅磡米氣🍱 見到食物賣相精緻 被吸引左去幫襯店舖位置唔難搵 店內坐位唔算好多 坐得都舒適坐低見到餐牌都幾多選擇一個set可以揀大概3-4樣食物 會跟湯同前菜醬油蛋+日本米見圖已經俾佢吸引左 蛋汁配飯係冇得輸月見博多地雞團子雞肉味肉餅 肉質幾juicy 上面都有個生蛋黃係度鰹魚汁菠菜菜份量都幾好下 味道略為清淡明太子厚蛋燒蛋上面有一大pat明太子沙律醬 夾埋蛋好滋味呀食物係唔錯既 不過性價比就唔太高

📝自選配搭嘅Set，前菜、主菜、小食、甜品到飲品都有好多選擇，好似車仔麵咁想食啲咩自己揀，心大心細真係有排揀！咁啱嗰日仲係好飽，所以每個set淨係叫咗三樣嘢！🦀蟹膏蟹肉撈飯真係超正！而且份量都幾多！🐓人氣月見博多地雞團子醬汁甜甜地，配搭生蛋黃撈飯一流！🐮牛肉壽喜燒都住得幾好味，個壽喜燒汁亦都好送飯！🦪蠔粥係期間限定，味道幾鮮甜，值得一試！整體來講味道OK，係蟹膏蟹肉撈飯最正🫢坐位闊落坐得舒服，不過無乜服務🙈唯一缺點係有啲食物唔夠熱，本身人唔算多，流水式上菜都唔夠熱⋯⋯加上食物係逐樣點，份量唔算多所以價錢都稍貴，性價比方面爭啲～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10服務： 5/10環境： 8/10打卡： 7/10CP值： 4/10推介值：5/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯日常🤍食評🤍好去處🤍Staycation⋯⋯⋯⋯⋯⋯⋯⋯⋯⋯⋯⋯⋯⋯⋯⋯

呢間喺紅磡區內相當有人氣的餐廳，今日終於都食到喇！之前來過幾次都大排長龍，要轉食第二間的，今日有朋友早早拎位先食到咋！餐廳食物走日式料理路線，每樣分量睇落雖然少少的，但食落都幾飽肚。我選擇了R3明太子飯、L4月見博多地雞團子、S1羊栖葉伴枝豆、Y1米氣黑糖米水。微辣的明太子，配埋軟糯珍珠米，唔使其他餸都可以清半碗飯。而最熱門的月見博多地雞團子的確驚喜非常，看似漢堡扒但整塊都是雞肉配埋軟骨而煮成的，食落無漢堡扒咁重油膩感。如果食完仲有quota的話，不妨叫多個帶點邪惡感的W3忌廉蟹肉餅，整個午餐就完滿啦！值得再試再encore的好味餐廳～

这个餐厅卫生干净，食物味道不错，会回顾的程度，上餐時間快，人均100-150，我點了111，兩菜一飯，沒有飲品（包百分之十的服務費）一個人點三四份就夠，服务中规中矩。good 下次再来，如果價錢可以便宜點就好了。

如題今日去紅磡諗住食火夫，點知無哂位所以排米気(其實之前食過幾次都ok)今次都有一如以往咁樣嗌左地團雞肉同蔥燒牛肩，係我覺得最好食嘅一道餸，但係今次一食，啲雞撈左芫荽同埋蓮藕，完全唔係之前嗰回事👎🏼 個蔥燒牛肩同之前嗰份糧爭勁遠，依家係一塊開三塊好離譜😀仲有碟牛舌，差唔多食晒成餐飯先送上，完全冇燒過咁樣👎🏼只能夠說唔知係轉左廚師定點，以後唔會幫襯😞差評！P.S 聽講火夫同米気都係同一個老細

〰️必試米氣雪糕,高質日式家庭料理～環境: 4/5服務: 3/5地點: 3/5〰️#fat_factor_香港 #fat_factor_黃埔#fat_factor_日式 〰️ 🌟豚軟骨煮 $45評分: 4/5豬軟骨煮得入味，滿口骨膠原💕肉質鮮嫩，一咬就撕得開👍🏻〰️蔥燒牛舌 $32評分: 3/5😋聞上去好香煙熏味，食落多一層淡淡木香，好特別呀～〰️壽喜燒 $45評分: 3/5肥牛濃郁入味，唯部分肉質較鞋口。旁邊日式大菇、甜蘿蔔和溫泉蛋，多種配菜抵食！〰️🌟紅酒燉牛肋條 $45評分: 4/5牛肋條份量十足，食極都仲有🤣牛肋條同紅蘿蔔都燉到好腍，醬汁偏濃郁，餸飯一流👍🏻〰️🌟米氣雪糕 $28評分: 4.5/5必食👍🏻雪糕有淡淡米香，唔會死甜🥰連埋微鹹嘅米通，一甜一鹹，口感多變有趣。一定要黎試下！

我最近去了一家餐廳點了他們的招牌菜，食豬軟骨飯，但是卻感到非常失望。首先，飯菜的味道非常差，豬軟骨沒有經過足夠的處理，口感非常硬且有著難聞的氣味。除此之外，飯菜的價格也非常昂貴，對於這樣的品質和口感，價格實在是不值得。最糟糕的是，這家餐廳的服務也非常差，員工態度冷淡，完全沒有關心客人的需求和感受。總的來說，食豬軟骨飯是一道令人失望的菜品。我建議餐廳在食材的選擇和處理上下更多的功夫，以改善食物的味道和質量。同時，餐廳也應該重新考慮價格，讓消費者覺得他們的食物物有所值。最後，餐廳的服務態度也需要改進，以提高客戶的滿意度。如果這些問題得不到解決，我相信這家餐廳的生意會越來越差。

日本家庭料理，超多選擇，我地叫咗：米 - 醬油金菇飯 🍚主 - 西京燒銀鱈魚 🐠冷 - 海苔醋秋葵🥒溫 - 關東煮嘅芝士麻薯福袋🧀甜 - 米気雪糕🍨食物質素方面：食物質素方面，雖然未算好大驚喜，但整體嚟講都係滿意。醬油金菇飯用日本國產米，米粒飽滿豐富！🍚西京燒銀鱈魚肉質嫩滑。海苔醋秋葵略嫌偏鹹。關東煮嘅芝士麻薯福袋，麻薯煙靭，芝士味濃郁，推薦！🧀👍🏻米気雪糕，雪糕好煙韌，好香米味，另一推薦 !🍨👍🏻

第二次食米気，鍾意佢好多選擇，可以每樣試啲，今次叫咗關東煮、西京燒銀鱈魚、月見博多地雞團子、明太子厚蛋燒、金平牛蒡、招牌醬油蛋飯及新年期間限定蠔粥，個蠔粥好味，好綿，味道剛剛好，又多材料，厚蛋燒啲蛋如果滑啲就好啲，兩個人三百蚊度，價錢都ok，不過今次都係試唔到佢個米気雪糕，下次可能要lunch hour食先有.#紅磡#米#日式#多款#蛋#egg#たまご#🥚#dinner#晚飯#人氣#米気#排隊店#魚

今日同同事lunch 來食，分別食左3個餐，一個雞肉團子,一個豬軟骨, 一個月見豚肉。野食係okay, 不過有個all back 頭男待應態度差到爆：1）等位過左1張飛,補位又唔講清楚係要叫多張先再補, 咁見到人地入左就問點解人地先。佢個語氣勁差，我地有咩得罪你呀，一早你唔解釋清楚？2）入坐食左野食，坐卡位，坐出面兩個餐來先，最後由男待應攞坐入面同事個餐來，見你唔多夠力，放底係檯邊都大大力，咪讓個位比你推入來，點知個男待應就一句勁差語氣咁彈來話“我會捧入來，你唔洗讓比我！”大佬，就係見你唔夠力見讓比你，你夠力我唔會理你啦。咁嘅態度唔會再去啦，野食又唔係特別好食。

米氣專賣日式食物，響紅磡區可算係一間人氣飯堂。好彩我食晏嘅時間早，所以每次黎都無需排隊，但食完後都會見到有人等位或等外賣。羊栖葉伴枝豆羊栖葉係海帶嘅一種，係日本小菜常見嘅材料。羊栖葉加枝豆，再加上日式調味，味道相當不錯～月見博多地雞團子大推呢個餸～ 雞團子即係雞肉加雞軟骨，炸後再加埋甜甜嘅醬油味撈雞蛋，真係好好送飯。八爪魚沙律呢個沙律嘅八爪魚份量好多，食起來好有咬口，再加埋爽脆青瓜同甜甜地嘅芝麻醬，味道好清新。紅酒汁煮牛肋條呢個餸有好多舊牛肋條，炆得亦好淋同好入味，所以都大推～

真係一間食過會掛住嘅餐廳，每次都會叫佢個牛肋條，因為真係炆得好淋好入味，同埋份量真係好多，食完覺得好飽都仲會有幾舊。自從加咗蛋之後，已經返唔到轉頭，個飯即刻昇華咗幾倍，另外佢啲小菜都好精緻，暫時試過菠菜同埋八爪魚，兩樣我都覺得好好味。

因為外間一致認為食飯澱粉質會肥，所以如果可以揀嘅話我都唔會揀食飯，情願食多啲餸。今次嚟到米氣，又發覺自己蠢咗，其實應該可以唔使tick 要個飯淨係叫餸都OK 㗎嘛最終飽到食唔晒，剩返一半嘥哂啲嘢。先係月見蛋飯，紅酒炆牛肋條配蔥燒牛脷再加甜品-蜜柑白玉。其實之前都有食過，生蛋加埋白飯一齊食，如果唔係我怕肥真係容乜易食到成碗飯，可惜個飯嘅質地就偏林，我唔喜歡吃軟飯的。紅酒炆牛肋條我食到有啲麵豉味，牛肋條就不過不失啦可以再林啲。蔥燒牛脷佢話厚切，不過其實叫薄切比較適合啲，而且又燒得唔夠透切。 上面擺嘅蔥甜甜地又幾好味嘅。甜品我又覺得OK嘅，如果配埋紅豆雪糕就Perfect 我嗰set就包括有蟹嘅膏白飯，另外加咗蕃茄豆腐扒同埋明太子雞翼。甜品有清酒雪糕。蟹膏配白飯，又係嗰句撈飯一流。蕃茄豆腐扒我又覺得幾好味，有啲似臭豆腐健康版。明太子雞翼就唔使我多講啦，不過可以再熱返少少。 反而個甜品有啲滑潺潺嘅感覺，清酒味道一般。選擇呢間其實係因為可以揀多幾款餸，每樣細細碟最啱我呢啲貪心嘅人。雖然唔係等咗好耐位，不過佢流水作業式咁樣做，令到成個氛圍夠舒適，好似食緊快餐，咁我都未見過一間餐廳有咁多侍應😂😅

食物相比起1-2 年前食，已變得普通及較淡。以前會特登入去食， 依家真係慳番。 先講講個牛肉壽喜燒，味道偏淡，唔入味， 似是但擺埋一碟。 杯黑糖水，現在淡而無味，同以前比真係爭好遠。