簡單廚房 (已結業)

當天條街熱到死又餓餓地，就去咗朗豪坊食Lunch，見佢門面都OK就試試看吧！因為未有帶位招呼我哋，我同CK於是喺門口等咗一陣順便睇下個餐牌，但……剛開始睇就有個好無禮貌的男侍應，手指指命令我哋企喺佢哋放餐牌位置的後面，當時我哋冇理會，好快佢又再行出嚟先至問我哋幾位，而且再手指指示意我哋企後D排隊，不過今次連聲都唔出，態度『好好好惡劣』!!!其實係無人等緊位囉！Order咗一個set lunch龍蝦汁海鮮天使麵($66)、加一個跟set的凱撒沙律(+$25) & 香蕉曲奇芝士蛋糕(+$20)，餐飲凍檸茶(+$2)。龍蝦汁海鮮天使麵~ 龍蝦汁味濃郁，且天使麵有口感，不錯值得一試！凱撒沙律~ 雖然係跟餐，不過份量唔算太少，菜新鮮！香蕉曲奇芝士蛋糕~ OK喇，無cheese 味啲普通一件cake咁囉！檸檬茶~ 完全無茶味！服務方面~ 隨咗門口個後生仔好差勁之外，其他都表現得頗親切，D嘢食上得好快，但都好快就收嘢，好似好趕咁！我地只逗留咗30分鐘就已經俾錢走得，趕時間啱哂！嘻！！今餐照計係$113 + (10%$11.3) = $124.3，但帳單顯示$124.5 奇怪，雖然$0.2 我都唔會叫

那晚點了扇貝黑松露鮮茄意大利飯,好好味!!!朋友叫了海鮮及鵝肝ANGEL　HAIR。甜品叫了益力多CHEESECAKE,也很好味, 上面一層益力多,下面配著軟軟的CHEESECAKE。

看雜誌說這間餐廳是郭少芸開的所以那天我看到她在餐廳就算我還不餓也去吃吃看剛好是她在門口招呼客人帶位一點笑容也沒有我那天叫了韓式牛肉石鍋飯和凍檸茶飯是還不錯凍檸茶就也好缺點是只放了2片檸檬連檸檬味也不多如果有機會在朗豪坊逛街也許會再去幫襯但就不會特地去吃飯有其他更多的選擇吃飯期間還看到服務生把兩個大垃圾袋從裡面拿出來去後樓梯其實有點不衛生囉

我自己過來吃過很多次了。有時候覺得人手不夠，可能服務稍微差一點。不過他們都還算親切，而且上次客人打爛東西，第一時間替他們換了桌子，然後收拾乾淨地面，態度很好啊！食物的味道都算不錯。甜品我就真沒有試過。還會再去的。

尋晚一行三人，我第一次黎，另外兩個已經黎過幾次，同另一個fd慶生日，之後又話同埋我慶祝，正！瑞士雞翼：order左唔夠3分鐘已經到左，好明顯係叮熱啦，有3隻，每隻size都ok既，但我覺得咸左少少；海鮮龍蝦汁天使面：之前黎錯左個茄汁蝦天使面，我地要求換佢都肯，不過我偷食左少少，個味好好，但d面就淋左d，相反海鮮龍蝦汁天使面，d面就好食好多；豆士鯪魚炒油蜜菜，以石頭鍋裝住，味道ok；海鮮燴意大利飯、墨魚汁意大利飯；整體上佢既意大利飯都好好食既，不過d墨魚汁多左d，朋友話之前冇咁多架芝士焗西蘭花：冇乜芝士味，唔漏，伴左d薯容，不過冇乜薯味，呢個好普通；朱古力榛子芝士cake：好香榛子味，ok；豆腐芝士cake：食唔到有豆腐味，芝士似乎多左好多，好漏；藍莓芝士cake：我同生日之星既至愛，不過唔失啦，唔係話好好味。服務方面：我地由9點坐到11點，其間只係加過一次水，收野好快，當我地order甜品時會同我地換過晒d餐具，可惜聽朋友講好似換過晒d人，宜家既個個木口木面，冇笑容可言，見唔到老闆娘，可惜.......最後當然要多謝比錢果個啦

去左朗豪坊一間叫"簡單廚房"的地方食野,咪就係郭少云開個間,見到佢係度幫手,侍應同佢的服務態度真係離晒譜,唔講以為自己坐緊監,完全好似比人監侍住咁,勁趕客!留意人食完野即拎走,反而隻杯水都無都見唔到,真係好野,唔通時運高睇唔到?我杯野都未飲完就連張餐桌紙都拎走埋,郭小姐,你知唔知咩叫禮貌?係正我後面大大聲話個員工點樣做錯野,而家我唔係黎聽你話人,你可唔可以行開小小講,唔好啤住我地個位咁"行"?我知你出面有客等緊,但我都係客,你攪到我地幾個都周身唔自然,本身想再叫其他野,但已經無晒mood,嘩!真係條氣頂到上喉嚨!未試過食完餐飯都唔飽,谷鬼氣去左食許留山,唔怕比人趕,不知幾咁feel,下次唔使旨意我去你間野度食,你為左出面排隊入黎d客,但失左食緊野d客,真係好多餘!野食其實唔差,但係食得唔開心已經係差,放心,我會把你的"好客之道"話比人知,教你4隻字"得不常失"...野食係唔錯,但我唔會再去@終於知道咩叫貼錢買難受

補完習,為左迎接下一場補習,搵間鋪頭諗住食cake,行過呢間,見到個雪櫃放左好多個樣好精緻既cake同甜品,諗住應該唔錯就行左入去啦...２個人叫左３樣野,mango cheese cake...tofu cheese cake...手造麻薯...先泥既係mango cheese cake,好諷刺,cheese cake居然冇芝士味!有既反而係o云哩拿味!同行者話覺得ｄ芒果有魚生味!...據個人見解,應該係魚膠粉既腥味,anyway,就係唔掂!之後泥既係tofu cheese cake,好淡好淡既芝士味,好大陣既牛奶味,完全地冇豆腐味!口感極似食cream,唔掂!最後係手造麻薯,２粒芝麻蓉夾心都還可以,外層皮非常地咁有口感...仲有２粒,照估計就應該係酒浸車厘子,極度難食!第一口食落去似藥水,之後係越食越想嘔!餅師試圖把用泥整黑森林蛋糕既酒浸車厘子變成餡料,可惜,非常失敗!勸大家千萬別試!再講service,我只可以講serve我地果個姐姐仔真係勁無禮貌!好禮貌問佢野得到既回應係態度惡劣地叫你等陣!

今天在朗豪坊藝人郭少云開的matchtoo吃tea,Swiss chicken wings是苦的,要求更換,竟然換來「我試過唔係苦喎」的回應x3次還有不負責任+無禮偉倫一堆....客人要求更換,而且態度良好,理由合理,just say yes就是了...可是waitress諸多解釋,難道要說客人味雷有問題嗎?!?!不知所謂....連最基本的服務行業也不懂~最後要去商場的CS complain.......如果它是茶餐廳ok fine... 但它扮作高級,卻有如斯偉倫,條氣不順！

6 January 2007 (Sat) - 晚飯睇完戲順利成章喺呢個商場食埋至走！好彩唔太多人等位，等咗一個人就到我哋！望埋menu都唔係太貴，我哋叫咗兩個set，一個係黑松露菌意大利海鮮燴飯($78)同埋一個蒜蝦天使麵配新鮮蕃茄汁($68)，再將其中一個餐加$15要個芒果pancake甜品，我覺得食物方面真係好得，燴飯好好味好黏口，天使麵亦非常唔錯！反而個甜品就爭啲．．．服務係就係慢咗啲，不過都ok，我哋仲見到店主本人，即係郭少芸親力親為做擺setting，執枱同埋單，真係一個好榜樣，仲要佢同員工們既關係好似幾好咁！我唔明點解啲人覺得唔ok，我覺得又好食，又ok好坐！

初初見下面既食評都有少少驚...不過d同學話黎呢到試個軟飯王, 所以一行11人就去左呢間野到食9點幾黎到, 11個人預左要等, 等左一陣佢地話有張6人檯叫我地搵d人入去坐住先, 相量緊個時, 佢地已經拆返開張6 人檯變細檯比其他客....呢到要扣分... 少少時間都唔比下我地..之後我地企埋一邊傾去第2到食個時, 佢地咁岩有一批人走, 但係結果都唔可以一齊坐..要9+3前後檯, 所以唯有分開叫.... 我就叫左個angel hair, portion細, 真係大食d都唔掂, 味道普通啦...再叫左個banana cheese cake share, 淨係食到蕉味, 冇cheese 味, 見隔離檯d同學叫左tofu cheese cake同埋益力多cheese cake, 佢地話tofu cheese cake 淨係食到杏仁味, 而益力多cheese cake好正, 所以我地檯又叫左益力多cheese cake, 都幾好, at least食到益力多味同cheese 味..service 方面, 除左d waiter 冇咩笑容之外, 其實都ok, 不過唔知係咪老闆響到既關係... 冇趕客

去左好幾次呢間餐廳食飯都覺得ok既,但係個度d態度差到爆呀,人地岩岩先食完晒佢地就會即刻幫你收坎晒d野連紙都收埋,好似驚死你唔走咁.而且仲以為有個明星老闆係度個d 服務會好好多,估唔到佢係做趕客既角色.d態度差到明明係佢自己既員工跌左杯水,搞到我地張濕晒都冇人理連一句對唔住都冇.咁我地自己咁走去拎佢地放係邊既紙抹囉.佢竟然克晒面走過黎話"你下次有野,叫我d同事喇". 嘩!!!呢間餐廳真係好差,特別係擺晒明星架子!

成日行過都見到排灑隊，果日去到朗豪坊都已經九點幾，餐廳唔爆唔使排隊，所以就入去試試。主菜叫0左個海鮮龍蝦汁天使面。原本想要個三文魚蘑菇汁既意粉，但呢個系配扁義大利面。問服務員可唔可以轉天使面，姐姐話唔得。感覺有點inflexible。廚師都系煮完面之後淋0的汁上去0架0者。之後，加0左個頭盤要0左個三文魚salad，三文魚系煙三文既口感，但無陣smoke 味。雖然系0甘，個salad都唔錯。另外，仲加0左個豆士鯪魚炒菜，正！雖然0的材料系平價貨，但好好味。上臺時間剛剛好，食完頭盤唔使等好耐就來個主菜。0華！個主菜完全失望。0的海鮮唔得，全都系急凍材料，個面亦好乾。另外，服務亦唔掂。姐姐們語氣唔得外，警覺性亦好低。我地杯水一早飲灑，幾個服務員行過都唔會refill。差！

我有以下兩次不快經歷:第一次:我o地total4人, 2個要遲少少到, 排隊等位時waiter冇講過要一個鐘內要食完走人, 到我o地(我和朋友A)等左半粒鐘, 終於有位坐低時, waiter見我o地未齊人, 即刻話一個鐘內要食完走人, 我同我個friend唯有起身走啦. 早d講駛等咁耐啦, 好明顯怕我o地阻住佢張table啦第二次:朋友A唔記得上次遇到不合理待遇的叫簡單廚房, 所以我o地約o係mong kok食飯時, 佢上朗豪坊個website,就唸住訂呢間o既位, website明明寫住可以訂位, 點q知我個friend打去時, 個waitress態度勁差!(waitress下稱w; 朋友A下稱A)A:唔該, 我想訂位W: 邊個話你知我O地呢度冇得訂位? (語氣不友善)A:朗豪坊個websiteW:總之就冇啦(跟住cut我friend線)本來之前食過2次, 味道OK, 但之後2次都受到不禮貌對待, 所以我以後都唔會再去

見每次行過..都好多人幫襯..雖然唔係排晒大隊, 但入面都坐滿人.....本著一試無妨的心態入去食飯...兩個人坐抵就見到郭小姐, 佢幫我地落單...雖然有D姐手姐腳, 但親力親為..都算OK丫...我地叫左鵝干天使麵+ 韓式牛肉石頭飯....嘩...鵝干比想像中更好食, 份晒量夠, 夠晒香脆..只係油左少少, 韓式牛肉飯要夠熱..佢地做得到..而牛肉入晒味好夠香, D飯又軟硬適中...兩個都好好食.... 最估唔到佢地連韓式既牛肉飯都整得咁好食.....^^下次都會再去幫襯佢地!!! ^^

睇戲前同d朋友黎食飯，叫左個set dinner：南瓜焗海鮮飯：得好少海鮮，唔抵食，個飯落得太多芝士，好膩，個飯又唔係太細既，ok啦！泰式炒雜菜：我覺得唔辣，同有d油overall食物質素唔差既，一般般，不過價錢收得貴左d，同埋坐得唔耐，因為我地未食完野，侍應已經係到執野，好似有少少趕人走咁！