篤篤船麵 (V Walk)

营业中

休息中

●篤篤船麵四碗($48)●再次探訪南昌呢個新嘅商場今次就去試間泰式船面嘅專門店每人最低消費48蚊所以就同friend嗌咗四碗細船麵同埋一啲小食之後再去深水埗😆😆麵類嘅選擇有好多可以有金邊粉、河粉、全蛋麵、米粉；而湯底就分別有豬/牛/牛辣湯同埋冬陰功湯，甚有彈性~分別試咗豬湯、牛湯、冬陰功。冬陰功有啲令人失望😭😭飲唔到任何香料味，南薑、辣椒、青檸、泰國洋葱、檸檬葉、香茅好似全缺咁~辣味只係嚟至面層嘅辣油，辣味冇乜深度喔😢😢牛湯或者豬湯穩陣好多~ 鮮甜啲🐷🐷🐷●玻璃魷魚/木瓜沙律/蝦餅($16-19)●十零蚊過吓口癮都ok嘅蝦餅煎得有啲油~

今天和朋友來食深水埗食下午茶，見到有船麵 ，就決定來試試， 感覺出乎意料的良好 ，很有水準 ，很地道的泰國風味。這間船面舖頭很先進，落單都係用手機apps落單 。真是拍得住潮流嘅尖端。舖頭還有比賽 ，就是食得最快的客人就能贏取旅遊禮券，我覺得很有卓頭。還有打卡就獲贈汽水一樽，非常之抵食。這裏嘅餐牌非常特別，有四小碗船麵， 我哋叫了這款肥牛米線，味道非常香濃，肥牛入口即溶。這碗是鴨血船麵， 味道一流， 鴨血非常之香濃可口。牛柏葉河粉，湯底非常香濃， 是牛骨湯底。這款是豬潤薯粉，湯底也非常之香濃這是牛骨湯底。這是豬腩片，我最愛。這是炸魚蛋薯粉， 魚蛋非常正，好味。這是冬陰功牛肉丸薯粉，用料非常十足，味道非常地道。這是紮肉薯粉，亦是冬陰功湯底，我最喜愛冬陰功湯底嘅薯粉。

南昌站上面有新商場開咗，聽聞個商場有成條街咁長，咁咪去逛吓啦，去到見到呢間泰式車仔麵，裝修五顏六色好colourful 好吸睛，即刻入去食番個泰式船麵。坐低自己填紙仔落單，叫左泰式酸辣無骨鳳爪($19)、香茅雞翼($25)、細碗船麵($48)有四細碗船麵。船麵每碗細細碗，可以分別揀四款配菜，又可以揀不同嘅湯底(牛湯底、豬湯底，有辣同唔辣可以選擇)，我就要左四款不同口味嘅湯底，配菜就揀咗牛拍葉、牛丸、豆卜、鴨血，哈哈，連麵條都可以自己揀(金邊粉、米粉、乾河粉、薯粉、全蛋麵)雖然每碗都細細碗，其實曬四碗之後都幾飽。泰式無骨鳳爪，配上餐廳自製辣醬，正！嚟到泰式餐廳梗要食啲香茅雞翼，新鮮炸起，熱辣辣上枱，夠香口。

V Walk有多間食肆，其中這間泰國餐廳比較多人，再看看價錢，原來價錢比較親民。朋友也想食麵所以就入咗呢間食。一看餐牌，原來是泰式版車仔麵，可自由配搭。但朋友費事諗，選擇了牛魔王set$48，裏面有肥牛,牛丸,和牛柏葉。麵選了金邊粉，湯底選了牛湯。我自己就比較貪心，想一次過試曬所有湯底，所以選了四碗細麵set $48。每一碗都可以選擇不同配料，麵和湯底。配料方面選擇了肥牛，豬肉片，紮肉，和魚蛋。麵就選了可粉，金邊紛，米粉和米線。湯就選擇了牛湯，辣牛湯，冬陰功湯和豬湯。一次過試曬自己想食嘅! 好豐富! 味道方面都幾好味, 冬陰功湯辣得來好野味, 牛湯都幾濃和鮮甜。小食方面我哋仲叫咗個脆皮燒肉$48和玻璃魷魚$19。燒腩肉勁好味，個豬皮勁脆，配埋獨有醬汁非常好味。魷魚都非常爽口彈牙!

南昌地鐵站上面開左個新商場，所以特登去行吓，行行吓覺得有少少肚餓，見到呢間泰國餐廳，是旦入咗去食。坐低見到呢度裝修好新，乾淨企理又夠光猛，啲木櫈紅、藍、黃、綠色，好槍眼，五顏六色咁好開心，攪到心情都開心左，胃口好似不自覺好左，所以喺餐牌上面有自選大碗三味($52)，諗都唔諗就叫一客，但原來呢度係用QR code 響自己電話度落order，好簡單掃瞄左之後可以自己直接落單，唔駛驚佢幫我落錯單😄。大碗三味本身已經有幾種配菜，我自己再揀三樣配菜就攪掂，湯底揀左牛湯，粉底都係要我鐘意食嘅金邊粉啦！成碗金邊粉有好多餸食，豬膶、牛丸、豆腐卜、白蘿白、炸豬皮、牙菜仔、感覺都幾抵食喎。飲品方面我要左青檸梳打($16)，梳打水喺泰國玻璃樽嘅梳打水，正喎。

再次來到V Walk ，事關呢度真係好多嘢吃，吃極都吃唔晒。而真正理由係早幾個禮拜喺某間泰國餐廳吃船麵，真係好難吃，我話自己煮都好吃D。因此我嗰個叫Jenny嘅朋友就介紹我來呢間，話又好吃又平又有新意，正如宜家好多餐廳所謂嘅一口麵一樣(其實我試過唔止一口，有成十口咁多)就係细細碗，咁就算一個人都可以試唔同麵，唔同配料，唔同湯底，好爽吖。我今日嗌嘅四小碗就係1. 豬潤+全蛋麵+豬湯，豬潤新鮮，同豬湯配搭正好。2. 肥牛+乾河粉+牛湯，試咗好味的湯河外第3碗係3. 牛丸+米粉+牛辣湯，牛丸超彈，連埋辣牛湯，滋味满分。4. 牛柏葉+薯粉+冬蔭湯，材料同樣新鮮，但冬蔭湯略為遜色。2份小食係蔗蝦和鴨血小食配芽菜，分别係16蚊同19蚊，好吃到呢，性價比超高。

尼到嘅船麵都幾多選擇，除左可以自己揀配料，仲有分大碗同細碗。我就梗係揀細碗船麵套餐啦，可以一次過試到吾同湯底同麵底。1.肥牛+河粉+牛湯吾知係因為湯底濃郁定真係用料好嘅關係，肥牛嘅肉味真係好重。2.扎肉+金邊粉+豬湯扎肉好嫩，豬湯底冇牛湯底甘濃，但都好鮮。金邊粉吸滿湯汁，好正。3.牛丸+米粉+牛辣湯牛丸彈牙，牛湯加左辣之後更加惹味同開胃。但尼種麵應該係米線？😂4.炸魚片+全蛋麵+冬陰公冬陰公湯底係最辣嘅，炸魚片同蛋麵都正常水準。另外仲叫左d小食，春卷非常鬆脆，裡面好足料，蝦餅亦食到蝦嘅鮮味。尼枝椰子水好清甜，好好飲。👍

之前係九龍城都有食過船麵，但朋友話俾我聽船麵應該係細細碗架，咁啱經過開南昌新商場，openrice到呢間船麵正正就係細細碗果隻就入咗去試下。個舖位唔難搵，不過就有落場時間(呢張相就係食完野落場之後影，會棟咗個牌係門口)船麵佢地有分細碗版同大碗版。$48蚊細碗有4碗，每樣1款餸同可以唔同湯&麵，而$52大碗就1碗過揀3樣餸好似車仔麵咁。作為精明消費者嘅我，既然細碗平啲之餘多一款餸仲可以揀唔同嘅湯底同麵，梗係叫細碗試下啦。仲另外點咗份魷魚同椰子水，椰子水係泰國出品，淡淡椰味清涼解渴。同埋佢地都齊食泰式粉麵會有嘅調味料。跟住就係4細碗啦，其實佢地都係比飯碗大少少，男人嘅兩三啖就食得晒。首先係1號佳麗右邊嘅扎肉+全蛋麵+牛湯，牛湯飲第一啖味道都幾香同有牛味，食得辣嘅加埋醋椒落去吊起個味仲正。2號佳麗係左邊嘅鴨血+河粉+辣牛湯，鴨血好似第一次食，同豬紅嘅口感好唔同，比較煙韌，唔錯，而個湯係加咗少少辣醬係上面，呢種辣味又同普通牛湯加辣嘅味又有啲唔同。3號佳麗就係炸魚片+薯粉+豬湯，個豬湯顏色係比牛湯濃嘅，因為有濃濃嘅豬血，但就無腥味，呢碗乾辣椒，配出黎味道都唔錯，而魚片都幾香同彈牙。4號佳麗就係肥

第一次來依個商場，勁近港鐵站 最好都係南昌站落。見到餐廳有人排隊，緊係跟住排啦。叫左個豬麵。個湯底幾濃郁。但d小食太小了吧，得兩件。如果兩個男人食一定唔夠飽。打卡仲有飲品送。總體來講送菜係幾好味既

最近知道南昌嗰邊開咗個新商場，放咗學又會經過南昌，就諗住去行吓睇吓有咩食，點知見到呢間裝修風格幾得意嘅泰國嘢鋪頭😛就諗住入去試吓佢啦😉呢度係佢嘅門口同埋店入邊嘅裝修，門口有懷舊嘅紅白藍帆布同埋對到好滿嘅小碗仔😙店入邊嘅座位亦都好寬鬆，而且採用左好似泰國嘅鐵皮枱面，去泰國嘅回憶即刻返晒黎😆呢個係佢嘅餐牌，一睇餐牌我就俾佢嘅細碗船面吸引左，可以揀四碗唔同湯底唔同面同埋唔同配菜嘅船面，但都只係$48🤯另外佢嘅小食同埋飲品亦都非常之平，大家都可以一試！呢度就係四碗船面啦！我叫咗牛骨湯豬骨湯同埋冬陰公湯，另外配菜分別有豬潤，牛柏葉，豬腩片同埋肥牛。個人認為牛骨湯係最好食最有泰國風味嘅，冬陰公湯就麻麻啦，可以唔使叫╭(╯3╰)╮我哋叫咗個木瓜沙律先至$16，真係抵到爛，因為佢好大兜，兩個人share都得，不過個醬汁就偏辣，真係食得辣嘅人先好落晒佢啊！青檸梳打係用返泰國嘅梳打水，而且唔夠甜唔夠酸都可以再叫職員幫你加返，服務非常好👍🏻我哋仲叫咗炸蝦餅同埋雞翼，兩樣嘢都係新鮮即刻炸嘅，所以熱辣辣！然後我哋再加埋泰式辣醬，即刻錦上添花！留意番蝦餅嘅價錢都係$16咋喎，咁抵食一定要叫！最後我哋兩個人食到好滿

同事告訴我南昌站開了新商場有很多新餐廳, lunch time 便來一看. 我和同事逛了一個圈後見這間餐廳價錢較便宜, 便選了這餐廳一試. 這裏的lunch menu很有趣, 麵都是小小的一碗, 每碗$13, 職員說正常一個大人份量是4碗, 叫4碗就$52 . 你可以自己選擇每碗要不同的湯底, 不同的麵和餸. 如果細食的只點一, 兩碗也可以. 當然我選擇了每碗都不一樣的款式. 牛湯和豬湯底不錯, 辣湯和冬陰功對我來說太辣了, 怕辣的千萬不要試. 麵底方面我較喜歡金邊粉, 薯粉也頗有趣. 餸就普普通通, 没什麼特別. 我叫了一杯椰子水, 本以為叫沖出來那種, 原來只是樽裝椰子水, 味道有點假, 不太好喝. 

#篤篤船麵 很懷念泰國的船麵，馬上行動😋牛辣湯肥牛薯粉: 很辣，比冬陰公更辣，惹味，薯粉係幼身嘅冬陰公炸魚片金邊粉: 椰味重，如果酸辣味再強些少會更喜歡鴨血配芽菜: 鴨血是滷水的，爽口，好味，要encore 炸春捲: 皮薄酥脆，唔點醬都好食===========📍 深水埗深旺道28號V Walk 2樓147號

岩岩喺泰國旅行完番黎，但個心就一直掛住泰國嘅粉麵同小食🤤。喺OpenRice search到呢間位於南昌V Walk嘅”篤篤船麵”，仲見到有我最愛嘅船麵呀，畢竟香港賣船麵嘅地方唔多，所以點都要黎試下！一坐底就見到船麵menu，跟order車仔麵嘅方法一樣，自由選擇個人喜歡嘅湯底、麵底和餸。老闆好貼心呀，可揀一set3碗/ 一set4碗/ 一set一大碗，大家可按當日嘅肚餓程度作出選擇。而今次為左試多幾款唔同湯底，揀左1set4碗。牛骨辣湯同冬蔭公湯最為香濃，而麵底方面，我就最鍾意彈牙嘅全蛋麵。除左船麵之外，餐牌上仲有多種泰式小食。 炸蝦餅魚食，彈牙可口，配泰式辣醬一流！而青木瓜沙津就偏辣，店員上菜時都有提醒個沙津汁有點辣，建議逐少加落沙津上面。如果真係太辣配埋泰國椰青水，好解辣ga!

第一次行呢個新開嘅南昌商場， 睇過D 餐廳最想食就係呢間篤篤船麵、因為之前未試過同類型嘅餐廳對我呢啲貪心又有選擇困難症嘅人，最啱就係揀四款迷你船面！試咗嘅餸有鴨血、豬腩肉、肥牛同扎肉； 麵款試左全蛋麵薯粉同金邊粉；湯底就試咗牛湯、豬湯、豬辣湯同冬陰公湯店員建議食咗全蛋麵先！ 感覺真係好得意！總括而言，本人較喜歡牛湯（較濃味）鴨血、扎肉、全蛋麵及薯粉媽媽叫左一碗三餸薯粉（唔記得影相）比一般我哋食開嘅車仔麵嘅餸較少！咁似乎四碗船麵較抵吃另外叫咗個邪惡小吃炸豬皮，$8 好抵吃同埋一個樽裝椰子水，無特別

近月，南昌站開了新商場，當然要去逛逛，順便睇吓有冇好嘢食。商場位於地鐵站上蓋，有專屬出口，就算雨天前來都不需雨傘。場內有廿多間餐廳、食店、飲品店，各有特色，選擇蠻多。雖然曾到泰國旅行，但未曾嚐過船麵😅，商場正好有一間專賣泰國船麵的餐廳「篤篤船麵」，當然要試吓，順便一嚐心願。餐廳面積不大，枱子雖然比較密，但不算焗促，牆上掛有泰國的相片及靚靚圓碟，配上七彩的木板凳，蠻有特色。船麵分大碗及細碗，均可自選配料、麵底及湯底，如果有選擇困難症，那大碗特式船麵 - 「泰式牛魔王」及「泰式豬八戒」就幫到你，前者是全牛配料，後者則是全豬配料。除了船麵，還有泰式小食及飲品。🔶 青檸梳打來自泰國的蘇打水，超多氣泡，水杯內冰塊夠多且凍，但青檸只得薄薄一片（約0.2cm厚），有點吝嗇。🔶 魚餅泰式魚餅，味道不錯，有少少辣味。🔶 細碗船麵豬肉丸全蛋麵（上）、札肉金邊粉（左下）及炸魚片米線（右下），三碗都是配豬湯底，朋友覺得札肉比較好味，只是無論麵及粉，都比較硬身。🔶 泰式牛魔王話明是牛魔王，當然係🐮🐮🐮，配料除了有肥牛、牛丸及牛栢葉，還有豆卜、蘿蔔、炸豬皮、通菜及炸蒜（其實還有莞茜，只是剔走了），材料豐富，配上金