等等HEA

营业中

休息中

同朋友俾廣告加好吸引左，點知中左大伏！依間嘢一定俾左好多錢落廣告！大家千祈咪去試伏！同fd都鐘意食台灣嘢，就去叫任食啦！我地等左45分鐘第一round啲嘢飯都未到，就同一個呀姨講聲，個呀姨聽完都有走去廚房大聲講xx號枱話無嘢食呀。 之後就有一兩個上左，咁我地再等啦，等左一個鐘，見到遲過我地嘅枱都上曬嘢食，我地再同另一個呀姨講我地等左好耐，好多嘢未到，佢就叫我地再等，上緊啦。如是者，我地等左一個半鐘後只係食左個大腸包小腸，魚蛋，三杯雞，仲有三杯嘢飲。覺得唔對路就再畫紙仔，之後佢就慢慢岀返我地第一round叫嘅嘢食，但其實都漏單。係最後個半個鐘先岀到呀！我地等左咁耐，催又催過，態度又差！仲要係佢啲嘢食都唔值咁多好評！叫左杯奶蓋茶，上面奶蓋好重奶粉味！之後到蚵仔煎，佢變左港式蚵仔煎蛋。再到芫荽餅（無影到）佢只係一塊皮包住生嘅芫荽，食唔落口！仲有個芫荽鹽酥雞，炸到乾曬又無味！真心唔想大家中伏！咪再信新假期！

沒得飛去台灣的日子，實在很懷念古早台式美食。台灣牛肉麵及魯肉飯很多地方都可以食到，但魷魚焿及麵線就比較少見。據聞九龍城台式餐廳等等Hea有老字號台灣魷魚焿及麵線供應，想不到原來九龍城除了泰國菜及潮州菜外，尚有古早台灣菜。餐廳名字等等Hea玩味十足，裝修很可愛，小男孩托著腮而小女孩側著臉看。等等Hea餐牌一點也不Hea，除了老阿伯魷魚焿及阿等麵線外，尚有一整頁的芫茜菜式，可以組成一人或二人套餐，還有台式小食放題，無限品嘗多款台灣食品及飲品。老阿伯拌魷魚福州綜合焿加麵線魚漿羹彈牙軟腍，一咬入面有鮮味肉汁湧出，配上幼如髮絲的麵線及阿宗辣椒醬，可以完全品嚐到台灣古早味。阿等麵線加蚵仔配大腸包小腸 麵線與蚵仔是絕配，蚵仔爆汁鮮甜，麵線幼滑軟腍，湯頭清香鮮味。大腸包小腸以烤好的香腸包進糯米腸，再夾上生蒜片，糯米腸煙煙韌韌，台式烤腸肉香四溢，一啖入口滋味無窮，是台灣夜市必食之一。香菜香菜台式蛋餅 香菜蛋餅口感軟嫩，餅皮包著芫荽醬，帶有濃濃的果仁香氣。古早冬瓜茶冬瓜茶很多時口感都太甜，等等Hea的冬瓜茶可以叫上少甜，味道十分合意。冷泡茉香綠茶 支裝冷泡茶冷凍十足，外形討好。椰奶芋圓仙草 芋圓仙草豆腐花

一行5人星期日幫襯8點時段. 買咗Togetda 劵. 價錢吸引. 除返$222.8一位, 當日全院full house. 夠鐘都等咗5-10分鐘先入座.先講環境, 被安排坐近門口卡位, 由於職員要經常開門甚至長期打開門招呼等位客人, 所以用餐全程都好熱好熱.落order 係用幾張唔同顏色紙仔的, 紙仔食物同Togetda 食物跟Togetda宣傳有點不同, 先講講沒有的食物:流心芝士鹹蛋蛋餅柯仔滷肉蛋餅黑松露雲餅香菜香菜香菜吐司流心香菜香菜香菜法式吐司鵝肝香菜香菜香菜吐司而多了的食物..應該是沒有吧全團人都好期待呢個放題, 不過當中要改善地方真的很多:食物第一轉都等了15分鐘左右, 張相已經係第一轉的食物, 但有D食物無黎…之後10-15分鐘先上一碟腸丸, 就心知不妙喇. 再入紙, 依然第一轉有遺留食物, 再入紙, 再等, 我都唔知自己食咗咩喇.如是者, 跟職員姐姐講, 都只係追到三杯雞同甜品. 時間都已經完了.總括而言眼見廚房人手好少, full house 下應付不來咁多客人..值得讚係食物係有水準的. 飲品選擇多. 職員係有禮的. 而且好樂意幫我哋雪蛋糕, 不收切餅費.真心希望

6月27號同女朋友試坐新嘅屯馬線去九龍城, 搵野食其間竟然見到有台式小吃, 即刻衝去裡面試下先..有放題就梗係食放題啦,種類都幾多, 各類型嘅台灣小食都有, 最特別係有芫茜同台式小食crossover咁首先就當然嗌魯肉飯試下啦本身諗住放題會細細碗,所以嗌晒魯肉飯同蠔仔魯肉飯結果上黎個刻嚇親, 係正常lunch size, 比台灣魯肉飯大幾倍, 魯肉飯味道唔錯但個人覺醒唔係咁夾蠔仔, 食完兩碗飯都飽飽地, 再嗌個三杯雞..哈哈...一樣勁多舊, 味道唔錯但放題黎講份量有D太多, 最後嗌多兩杯野飲同D小食就基本飽晒.基本台式飲品. 小食黎講台灣腸最好味有兩隻味(紅色同黑色)

首先上菜嘅係香菜台式蛋餅，香菜即係香港人叫嘅芫荽，鍾意芫荽嘅朋友不妨試吓呢個有台灣特色嘅菜！老闆娘鵝肝蚵仔滷肉溏心蛋飯套餐，包括免費指定凍或熱飲一杯，我另外升級要咗杯熱嘅黑糖珍珠奶茶，珍珠煙韌有咬口，奶茶口感細滑，台式風味十足！今次仲試咗鹽酥大大雞扒麵，可以選擇陽春面或者刀削麵，今次就試咗後者，麵條粗幼厚薄適中，。雞扒炸至金黃香脆，配上調製蛋黃醬味道好夾，台式餐廳來講水準都發揮得唔錯~另外點咗一杯冷泡四季春茶，上枱先知原來係一個長圓柱樽連茶包咁樣上，口感清新，飲唔晒都可以拎返屋企，非常方便。最後食返個椰奶芋圓仙草當飯後甜品，椰汁香濃入味，芋圓比起平時糖水店見到嘅都大粒，你都都不妨試一試！

前一陣子去了九龍城覓食，原來等等HEA最近推出了台式美食放題，雖然放題選擇不算非常豐富，但已涵蓋了多款小吃、主食、到台式飲品和甜品。當中紅燒肉刀削麵、黑松露花枝丸、蚵仔煎、台式烤香腸、及芋圓仙草豆腐花都是必點的品項，記得不要錯過了。放題可享用2小時，逢星期一至四，每位$201；逢星期五至日及公眾假期，每位$222，價錢已包加一服務費，好化算啊！

我好中意食台灣菜，早前見到唔少人介紹呢間台式放題，我同朋友就好想黎試下，不過就好失望🥲 我地6點準時去到入坐，食2個鐘，餐廳有兩層，選擇左放題嘅就上左去樓上坐！坐低後我地就開始叫野食喇！首先講講，原本係網上見到餐牌選擇有好多，但去到發現紙仔上嘅選擇少左好多，隔離枱都有咁嘅發現，職員就話，如果網上見到嘅食物而餐牌冇，可以用紙仔寫低俾廚房整😂 但我地寫完最後一樣都冇黎到😂坐低點左野食後45分鐘，一樣食物都冇黎到，只有野飲到左😂 速度非常慢🥲 好彩嘅係，我地揀左食烤魚，坐低後1個鐘都叫有條魚食😂 雖然冇咩野試到，但都想讚下條魚嘅，魚好大條，而且煎得幾香，我地揀左嘅蕃茄湯底都幾清甜，係幾好味！另外有黎到嘅幾樣食物都唔錯，例如甜不辣，雞泡魚乾，三杯雞，鹽酥雞，同埋甜品其實都唔錯嘅😬不過成餐飯大部份時間都係度等一直都冇黎到嘅食物🥲 我同朋友點左好多野食，但真係送到枱嘅只有好少，就係我影嘅所有相👆🏻😂🥲 總括而言，好唔開心，蛋餅叫左幾次都食唔到😭 8.30pm就叫我地離場🥲 其實好想再去食過😂 但好驚又會係咁😭 人均$241🥲

今日一行6人去試台式放題，點了食物飲品等了起碼半小時才來兩杯xx奶茶（張order紙明明點了6杯），一直等都未有嘢食，終於忍唔住問樓面（應該都話得下事嘅阿姐）嘢食未到都算但嘢飲邊可能只嚟咗兩杯，點知佢話因為我哋點嘅其中一杯嘢飲係熱飲但係而家無熱飲嘅叫我哋再點過（但重點係6杯嘢飲得一杯係熱飲得兩杯凍飲嚟咗咁其餘兩點凍飲呢……？？）嘢食又係三吹四請大聲投訴先嚟兩碟小食，阿姐話食物到先開始計時，由一點幾等到兩點半，午餐都變下午茶，飯麵一直無嚟過，追多幾追阿姐先講點嘢送錯咗去隔離枱叫我哋再落單……當刻真係想大叫「等咗成個鐘問你先講！送錯隔離枱咁你叫我過去隔離枱食麻！」臨尾阿姐送嘢食過嚟仲夠膽死笑笑口同d細路講「飲嘢都飲飽啦～」，真係想爆一句「嘢食點極都唔到，唯有飲嘢飲飽啦～」食咗差唔多1300蚊，真係貼錢買難受，想洗錢又想減肥嘅「等等hea」幫到你！

我俾佢嘅外表吸引咗同埋有好多假日套餐都好抵食有唔同嘅台式小食可以就入嚟試試！叫咗一個等一個人可頌鰻魚黑松露蛋套餐、為咩呢德國鹹豬手半隻加滷肉飯套餐、三杯雞加滷肉飯套餐！等一個人可頌好好食㗎，鰻魚都幾彈牙喎！估佢唔到！三杯雞就可以，但滷肉飯比較鹹左一啲！鹹豬手就都係一般啲啦！D皮係唔脆，而且係比較韌😝但係假日套餐$69嘅價錢就真係好抵追加台式鴨舌小食…….從來未食過咁難食嘅鴨舌，完全係冇味重，好大雪味，好難食！👎🏻最奇怪嘅經歷係，分別三個唔同嘅人落三個餐，跟住之後重複再問我哋好多次究竟係食乜嘢套餐，到加兩碟，係總共催左五次都未嚟，食曬所有嘢之後再催佢先有！等咗好耐，所以真係如其名，等等Hea！

搭新開通嘅地鐵來到九龍城，睇YouTube有人話呢間唔錯，就打算試下佢嘅台式放題。點知大失所望！首先要咗個烤魚，等咗十五分鐘，魚唔多骨，但非常乾！冇咩味！餐飲先叫咗一杯白桃烏龍芝士奶蓋。係我飲過最難飲嘅同最少奶蓋嘅！因為奶蓋下面全部係碎冰！呢個係蚵仔煎！我覺得似雞蛋煎蠔多D！冇咩特色，味道麻麻地！呢個係小食：烤雞泡魚乾和甜不辣。居然甜不辣冇甜辣醬配！味道不過不失。呢個係鹽酥雞排，我哋從一入座就落單，隔離單點和套餐嘅雞排陸續出爐，都未到我哋食放題嘅上！差唔多食飽了先上來！還有服務很差！我哋叫咗個三杯雞！從12:30一直催到1:00都未來！一直話炒緊炒緊一分鐘到！等咗半粒鐘先到！總結：中伏嘅經歷！冇下次！如果食放題上菜非常慢！又不停接外賣嘅order！

屯馬開通真的很興奮。去九龍城食嘢呢都方便左，只係需要喺宋王臺站落車，去九龍城方向嘅出口，行幾分鐘就到啦。呢間台式食店做緊一個台灣經典美食放題，有成超過40款㗎。價錢親民，舖面唔大但係都可以坐到滿晒㗎，而且牆壁仲有霓虹燈嘅打卡點。 今次朋友真係冇介紹錯，由入座率睇嚟質素有保證。只係需要每位加$18就有呢個烤魚任食，我哋就前後叫咗蕃茄味同埋麻辣味。非常推介。感覺上係麻辣味嘅烤魚比較相襯，魚大肉厚而嫩。嘢飲方面，梳打系列同埋芝士奶蓋系列都唔錯。估唔到少少嘅店廚房可以做到咁多嘅菜式。推介小食：燒雞泡魚乾，甜不辣，鹽酥雞，三杯雞。滷水方面可能醃製時間唔夠耐啦，不太入味，適合喜歡淡味的朋友。另外佢做緊呢個魔王級芫荽放題系列，沒有香菜東西怎麼會好吃系列，適合芫荽控嘅朋友呀。我就叫咗一個台式鴨血拌香菜面（台灣會叫芫荽做香菜），佢係將香菜攪成汁然後用來做拌麵嘅汁，非常之邪惡啊！同埋份量非常之足夠，如果有得揀半份就好了，減低浪費食物嘅機會係app book有特別優惠，再打去confirm就唔怕無位啦！

🤩超過40款台灣道地的小食🇹🇼等等Hea推出左全新既台式經典美食放題 $168/位 💛掛住係台灣夜市大吃大喝既話可以黎體驗一下佢地仲有一系既魔王級芫茜美食 個名叫《沒有香菜 東西怎麼會好吃系列》😝店舖比較新 當日去到亦都full booking 雖然有小小甩漏 但係店員非常親切有禮 💁🏻‍♀️————————————大部份係台灣夜市既野食都會係menu上見到 鹽酥雞 蚵仔煎 牛肉麵 蛋餅 台灣腸 甜不辣 燒雞泡魚乾 台式飲品超多品種 ✨本來想試佢地既烤魚 入到黎見到機乎每一枱都有order 原條大魚用一個大盤上碟 下面有野加熱 可以熱住食 非常吸引————————————✨台式鹵水溏心蛋✨人氣芝麻雞翼連雞翼尖✨等等三杯雞✨蒜香麻辣豬耳✨黑松露黃金花枝丸————————————🌱香菜蛋餅蛋餅入面夾住芫茜蓉 芫茜味非常濃烈 薄薄既蛋餅帶點煙韌————————————🌭台式烤香腸 台灣香腸有兩款，經典原味短香腸和潤腸 係我既至愛，香腸切開一片片上碟 食完又再加單————————————🍜紅燒牛肉麵牛展軟腍入味 湯底有牛香味之餘仲好濃厚 麵可選陽春麵和刀削麵 我地就揀左陽春麵 掛湯幾好—————

服務先唔講，不斷上錯菜！到我食完都未有碗？！忙、唔夠人手、唔係藉口！食物質素絕對有問題，叫咗幾樣野食，全部對唔住呢個價錢！（一）雞扒$56，上菜係又凍仲要有白色粉，係未炸熟！反映完等咗45分鐘仲未有新一份上！（二）蚵仔煎$60，可以仲熟過煎蛋餅..有圖有真相！我食過咁多間台灣野呢間真係最求其最無誠意！（三）滷水小拼盤$48，叫正正常常。（四）奶蓋四季春，連碎冰上，鐘意就鐘意。九龍城咁多選擇，講真，絕對唔會再黎！

我第一次寫食評 原因係因為真係好差 嘢食唔差但係上菜速度非常之慢我等咗一個半鐘先得四樣嘢 完全你唔齊仲要限時兩個鐘食 真係好得意我頭先叫佢幫手吹下 完全冇理我跟住上錯菜 我同佢講 仲要話叫我試吓囉雖然係放題姐但係唔係咁呀 完全唔值$200希望大家唔會因為網上廣告 而跌入陷阱 唔好再俾錢佢哋賺 除非佢哋真係有改善 但係我都唔會再去第二次 老實講入到去得個坐字 就算唔使錢 我都一肚火仲要因為買咗優惠券唔使埋單 於是問侍應係咪直接走跟住佢同我哋講話咩食飽咗就走搞笑呀我個半鐘淨係識得四樣嘢實係飽啦

放題大家食得多，台式放題大家又試過未，今次嚟到九龍城一間台式餐廳，就試咗佢哋嘅任食放題，40款台式掃街小食，食到回本😆特別推介⭐️等等蚵仔煎蠔仔新鮮美味，蛋餅酥脆，讚👍🏼⭐️ 鐵盤烤魚啖啖魚肉，肉質鮮嫩，加上配料有大葱、辣椒、芫荽等等，香氣撲鼻😋⭐️ 台式滷肉飯上枱已聞到滷肉香，滷肉肥瘦適中，香口肉汁。⭐️台式烤香腸肉汁飽滿，外酥內軟，醬汁帶有少甜。整體感覺不錯，性價比高，店內以木系裝潢為主，格調明亮。