第五街冰室 (京瑞廣場) (已結業)

放工約咗個住石門既朋友DINNER，黎到第五街冰室 (京瑞廣場)，晚市套餐都幾抵食，仲好多選擇！鐵板大放送 – 香煎美國牛仔骨 配煎雙蛋一上枱即刻香氣四溢，用鐵板上可以保持熱度～牛仔骨口感柔軟，鮮嫩多汁，油花分布細緻，肉質結實帶油筋，沾以香濃洋蔥汁特別惹味！流心煎雙蛋外脆內軟，正。套餐仲可以免費升級香甜紅豆冰～SET DINNER有齊頭盤、主菜、餐包、餐湯同餐飲。煙三文魚沙律兩大片煙三文魚肥美又豐滿，沙律菜都幾爽脆。熱辣辣餐包搽上牛油特別滋味。餐湯揀咗羅宋湯，香氣濃郁，酸酸甜甜好開胃！紐西蘭羊架蒜汁跟薯菜肉質柔嫩無羶腥味，入口鮮嫩美味，薯角炸得香脆可口，實在食唔停口~西蘭花炒斑片斑片嫩滑，份量都唔少，西蘭花爽脆，軟硬度岩岩好。炸雞脾皮脆肉滑又多肉汁，勁JUICY!!