第三站 (已結業)

你知唔知道我地前幾日上去夜晚攪party,真係差到冇朋友lo~~~第一,位的問題~~逼到死,叫佢加位又唔肯,唯有成晚都係膊頭掂膊頭!!根本唔夠大lo~真係好差lo!第二,野食問題,,,有個螺絲粉勁難食,不過其他都算係咁!!第三,野飲問題,本來都有三樣野飲,但係點知食食下,得返一種,仲要係最難飲個隻,it is really,disgusting,第四,設施問題,明明個web site話有wii,ps2個d,仲有卡啦ok,點知上到去一樣都冇,電視又冇,冷氣機開左=冇開!第五,亦都係最重要個樣,就係價錢問題!!我地2x人上去,得10盒野食,又冇得包場,嘈到死,我見到人地打上黎個篇食評,話包場都係$13x幾我地以家埋單每人都要差唔多$150先落到街呀,,感覺上比人呃左lo!!!!!你真係幾難想我地再黎呢個場!!!希望你地見到呢個post之後,會勁慎重考慮黎唔黎呢到攪party!!

今晚同個同學上呢間野食飯，呢間野應該開左無耐，都算幾新淨。我地兩個叫左兩個餐再加甜品同個小食。鮮果沙律都算新鮮既，因為有生果係小小酸既。好肯定係新鮮切，絕唔係罐頭既貨色。我睇得出佢地係預先整好，但都好過用罐頭貨咁求其。菠菜煙肉鴨胸長通粉個汁都幾好味，忌廉味都幾夠。而長通粉整得好彈牙，唔錯。而煙肉卷鴨胸就普通，鴨胸就有小小韌。但又唔會太鹹，整得好有心機。小食拼盤都幾多野食，有雞翼、薯條、魚蛋、芝士腸、春卷、咖喱角。都唔錯既，做得好有心機，雖然係上完甜品先黎。但我地正想吹水時享用小食，呢算係錯有錯著。朱古力芝士蛋糕好重朱古力味，又有好香既芝士味。但又唔會太甜，都幾好食。紐約芝士蛋糕呢個好正，芝士味好重，食完唔會漏。香蕉奶昔雖然係好大路既飲品，但唔會太甜。而且夠香滑，正。值得一提既係，呢度有個女侍應好細心。我用唔到芝士粉，佢即刻俾過另一瓶既我。而我成日好唔小心整污糟張，佢都不厭其煩咁幫我清潔。真係值得一讚。

搞咗成個月,,終於都揀咗呢度^^地方夠曬大..俾我地點玩都得..正!!!呢度新開噶..所以D裝修都唔錯..新浄..當晚..我地6:30pm就到咗啦..未夠7:00pm就入去玩..因為我地book咗成個場..所以可以有麻雀打^^我地呢班雀精當然立即開枱啦..但要盘腿坐..有D累@@另一批..就圍埋喺度玩層層疊..大富翁..UNO..哈哈..好癲呀..好開心..另一批就玩wii..又系嗌不停..好彩book咗場啫..唔系就失禮死人啦..哈哈講到野食方面..比想像中好味呀..5個主菜都好得..小食都唔錯..只系個麥樂雞怪怪地樣..又怪怪地味@@有3個staff在場..距地時不時都幫我地解答下uno同wii既問題..好nice噶..最後仲主動幫我地影相添^^PS: 其中一個幾靚仔..哈PS: 唔知點解..打打下牌會聞到一大陣lung味..但又好快就消失 因為我地後面就系開放式櫥房..可能炸lung野?@@我地今次要咗5主菜+6小食..野飲任飲..120蚊+10%唔錯..成晚都玩得好開心..一定有下次^^