第一郡 (已搬遷) 新店位置

昨天初試呢間店舖買外賣, 買咗法包($32)同甜品。越南法包好鬆脆好食, 但啲餡料就真係少咗啲 。特別嗰個班蘭糕($10)好有水準, 有綠豆饀夾在中間唔會太甜好食 。不過想試個米紙卷就賣哂, 店員話可預先打電話去訂定先 。

教會附近開了一間越式小舖,雖然地方細細, 但都唔少人黎幫襯~朋友介紹我試舖頭既招牌, 即管試下!名堂 :蟹膏蕃茄湯檬*落單前, 職員會問你會否加香菜, 我估應該一些類似香葉的菜類, 唔係芫茜.湯望落好清, 卻很夠味!用料新鮮, 本人不好熟蕃茄, 故整溶落湯, 好味!所謂蟹膏, 肉眼看未必見到,原來蟹膏用蛋, 少許肉碎黎炒而成, 味道食落真係有香濃蟹膏味, 扎肉味道, 與外界的一樣沒太大不同.豬紅因本人不吃, 就給了朋友.店內不少客人都點這招牌, 的確值得推介.其實小店內仲有包類及飲品賣相亦很吸引, 稍後有機會, 一定會試埋.

本人在美國試過很多正宗越南野，返到黎香港2年幾都再食唔到正宗越南野，今晚落雨無帶傘錯有錯著入左去，結論超好食，介紹如下。2014年6月，以下2樣必點！1）越式軟包$26 或 越式長形法包 $322）蟹膏藩茄豆卜湯粉 $35另加$5 檸茶 檸水 可樂 椰汁馬豆糕 紅豆糕。。 新鮮配菜，莞茜，生洋蔥，酸蘿蔔，扎肉，生菜連少許魚露及蛋黃醬夾在個好鬆軟的包包里面，非常惹味！而蟹膏藩茄豆卜檬粉配有多種食材，濃濃的藩茄湯底配在一下青檸汁味道即刻出晒黎！越南華喬經營，服務好，夠正宗！！😄另設電視收睇無線全場約可供20人享用食物價錢由$5-$40，抵主賣越南粉，甜品及越南飽

小弟平時都無乜幾可會特登開個AC黎打食評!! 但係今次絕對值得我咁樣做...廢話唔多講 入正題!呢個鋪頭呢就開左無耐...本身深水埗就可以算得上為一個小食既天堂..但係其實雖然鋪頭多..但細想當中其實種類都彼為單一,大部份既鋪頭食物都差唔多。 但係呢間鋪頭既出現就令原有既風貌出現改變,小吃唔再淨係得魚蛋,雞蛋仔,臭豆腐等等。第一郡主要係將越南既小吃(其實都唔小吃)帶黎香港,當中最令我忘懷既就係佢地既沙丁魚軟包22$,係,你可能覺得22蚊我夠食幾個豬柳蛋,無錯,22蚊的確係可以食到更多,但係我絕對認為呢個包抵食過果3個豬柳蛋,無論係食材,味道,健康程度我都認為呢個包都遠超豬柳蛋。包入面有沙丁魚(廢話),有一D好似日本既"潰物"咁既味道既酸紅羅白,加埋一齊,口感清爽 味道亦唔會太酸。包入面亦無油份(可能係我食唔出),健康到爆燈,絕對推薦!!!其次,第一郡既糕點亦係令我一試難忘,佢地糕點既香味同甜味十分好,十分平衡。食完舊糕口入面仲有陣香味同小小既甜味,個人因為十分喜愛椰汁西米露,所以偏愛佢地既椰汁紫米糕!!除左包,糕點,第一郡亦有麵食,除左有1~5主打既雞絲河同蕃茄湯檬粉,星期6日既牛腩真

上次下午茶時間食咗個《紙米蝦卷》，今次特登過黎試吓依間正宗的越南小食店。其實一入去間舖，總喺會見到兩位姐姐喺到煮嘢，有時都聽到佢哋用越南話對答，好明顯出品真喺正宗的越南小食，而且製作過程中，全部出品都喺親自製作，可見非常用心。Lunch 時間，今次見有《雞絲湯檬》，咁緊喺即刻叫嚟試吓啦！依碗湯檬真係好特別，味道方面，小弟就真喺食唔出有味精，所以有種好天然清新的感覺，絕對喺純崇尚健康嘅好選擇！睇落雖然配料比較多，但雞絲同檬粉嘅份量都唔少，其實都好大碗吓！如果行開深水區，想食清新自然，依間小店真喺值得推薦！

下午茶時間經過荔枝角道，好肚餓，但只想食少少野頂住肚先！咁啱有間越式小店新開，地方"是是"正正又整潔，走入去睇下有咩午後之輕食啦！原來依間小店由正宗越南華僑所開辦，出品全部都喺佢地嘅家鄉餸。黎個午後之輕食，就少少哋揀特色嘅《紙米蝦卷》啦！依個《紙米蝦卷》由原隻新鮮中蝦所製，包住一疏疏好似檬粉嘅麵條，仲有越南特色香料，口感十足裏面，仲有一種好清新嘅感覺！完全適合崇尚自然嘅人士！慢慢享用三條嘅蝦卷後，其實都好"浪"胃，真喺唔講笑架！25 蚊，抵食！

提起深水埗，大家多數會想起食街那邊的出名食肆吧。除此外就是想起殘舊的茶餐廳了。最近一個月在家附近竟然新開了一間西式裝修的越南食肆，試了一次後覺得實在很棒，現在已經經常成為坐上客了! 相比新開張時，現在不時增添新菜式，所以時有驚喜呢！一入店內就看到一個大大的甜品櫃，所有糕點只是$5，且甜品種類不斷增加中。兩邊牆上都寫滿菜式及貼圖。這裏的招牌菜是越南包，吃過數次也很美味，是夜因為看到有新出的河粉，所以沒有點，下次拍照後再寫食評吧。登登，這就是新出的越式雞絲河($40）。一看到碗內的“雞絲”就被嚇著了，明明就是原隻雞上脾呢，用料真是十足。喜歡這裡的原因是這裡的湯底與一般港式越南食肆不同。這個湯底是清雞湯，不像其他食肆般用味精，感覺健康又美味。因個人口味，我們走了葱及九重塔等配料，另加了辣，正!甜品方面只是簡單點了2件芒果糕，感覺不大甜。但以$5一件的價錢來說都算物超所值了。每次來到此店就感到濃濃的親切感。店主一家是越南人，既親切又善談。這類家庭式經營的小店實在需要支持呢!