第一郡 (已搬遷) 新店位置

平日夜晚七點已經到，不過有部份湯濛已經賣晒，叫咗碗扎肉同蟹膏湯濛。第一啖湯感覺偏酸，不過整體唔錯。碗扎肉湯河都可能，個蟹膏湯濛好味啲。法包真係好足料，食落去熱辣辣，可惜食唔到個蝦卷。

「蟹膏番茄湯檬」好大碗，而且料十足！食咗幾次啦～滿滿覆蓋係湯粉上面既蟹膏（有點似炒蛋？），食落好有鮮味。湯頭清甜，番茄熬煮恰當，軟糯又juice.豆腐泡同豬紅亦煮至入味，湯頭既鮮甜完全融入其中。食既時候小心熱湯燙口～（如果唔中意九層塔等香料可預先講聲）「牛油果沙冰」第一口，驚艷！完全沒有一般沙冰，啖啖冰渣既感覺，反而好似杯奶昔咁，好濃郁。不過一個人飲有點滯～，下次可以試下芒果沙冰，應該會fresh 好多～👍🏻👍🏻👍🏻都係好味既，間野。食完仲可以買點「椰汁糕」帶番屋企當甜點～

這次慕名而來打算一嘗地道的越南菜，果然沒有令人失望。餐廳面積不大，座位的數目亦不多，去到的時候正值午餐的高峰時間，所以需要在店外稍等一回才有位坐。豬頸肉撈檬：燒過的豬頸肉肉質不會過乾，調味配搭得宜而且腌得很入味。吃檬粉的汁料份量足夠，撈起來令到檬粉濕身較易入口。旁邊的蘿蔔絲配菜已經調味，辟除了難入口的草青味。牛油果沙冰：這杯喝下去非常有驚喜，雖說是沙冰但口感幼滑而且很creamy，喝得出是用牛油果真材實料打出來的。味道適中不會過甜，中和了剛剛吃完濃味撈檬後的味覺。

今日放假終於可以試下，估唔到下午2點半都要排隊，但10分鐘就入到去，間餐廳冇乜裝修，餐牌都係手寫，感覺似街坊多，嗌咗蕃茄蟹膏撈檬（$42）牛油果沙冰（$25）個檬粉勁足料，有生菜、蕃茄、豆卜、豬紅、蟹膏，一黎先飲啖湯，有濃蕃茄味，豬紅多汁咇出來，蟹膏反而冇乜蟹味，有啲似魚肉，但呢個價錢真係扺食牛油果沙冰有驚喜，好滑似smoothie，最怕個啲入口有啲碎冰，但呢杯唔係，入口仲有少少淡green tea smoothie

以前最初來Q1的時候，是不用排隊的，但近幾次來Q1，等兩、三張枱是很正常的，不是要抱怨甚麼，畢竟店鋪面積不大，累積一定口碑後，這是正常的結果。這次和兩位首次光顧的朋友前來，最後也沒令他們失望。主打的蕃茄蟹膏湯粉，一如以往地好吃，湯底甜美，本來兩人share一碗，最後意猶未盡再order多一碗。越式法包亦值得一試，麵包脆卜卜的，內裡餡料又多，輕輕一陣香草味道令法包加倍好吃。當然少不了我極力推薦的牛油果沙冰。它最好的地方是，不會真的很多冰，因為我本身其實不太愛沙冰，而牛油果的味道則非常濃郁，絕對是真材實料，它應該還加了一點cream，為味道和口感帶來更大提升，令這杯看似不甚起眼的飲料，變成我每次光顧必定會order的一道菜。

飲完牛油果沙冰已經很滿足了。店雖小，但這特式飲品令店舖增色不少。吃了蟹膏蕃茄湯檬也沒有後悔。蟹膏大舊有口感，也可嘗試。很少到小店吃晚餐，因為怕迫怕陳舊，但這間沒有這感覺。與友人坐面單邊面牆位，也感覺舒服。

去深水埗買完野，係openrice見到呢到笑樣都幾多，一於過黎試下~黎到鋪頭門口已經有人等緊位，因為鋪頭真係好細間，座位唔多，所以都要等一段時間先入到去坐低，(而入面都真係幾細間，所以擺袋就要自己諗辦法啦~)我地2個人叫左個米紙春卷，入面餡料好多，有瘦肉、有大隻蝦，仲有好香嘅薄荷九層塔之類香草，入口非常清新，雖然米紙感覺比較淡味，但配合埋個花生醬就非常香口好食~~另外呢到最多人會叫嘅就係蕃茄蟹膏湯檬粉，分量非常大碗，有隻大大隻蕃茄係上面，蕃茄湯底好濃郁，雖然蟹膏味道唔算太濃，有d似肉碎肉餅咁好大份，有趣在於仲有豬紅係上面，加埋個檬粉真係好好食好飽肚~另外一定要試嘅就係牛油果沙冰，未試之前以為真係好似出面d沙冰咁係碎冰沙，但原來牛油果沙冰反而似係 smoothie 加左少少cream 咁好滑身，入口好重牛油果味，飲完好舒服，好想飲多幾杯，呢個值得一試！

深水埗最愛餐廳蕃茄蟹膏湯粉，越式法包，牛油果沙冰。呢幾樣係我必叫既野食。雖然舖頭好細，然後每次只可以坐10個人到係入面，仲要頭闆落單都好慢。但我仍然會去等位食，因為實在太好味了

每次明親呢間小店 ,幾時去都要排隊。 幾次都冇入去食 今日有足夠時間玩排隊， 終於一償 心願 店舖座位非常擠迫 但係裏面所有嘢 都好味， 我至愛的蟹膏番茄湯檬，班蘭糕， 越南 麵包 各樣都做得非常地道口味， 諗起宜家都想即刻衝去食。

岩岩電視就介紹左呢間越南餐廳，位於深水埗呢間小店，真係好抵食又好味。豬肉撈檬， 佢個豬肉有用香茅去整，令到豬肉好香。但個檬粉加左少少香葉（唔肯定係咪），唔係人人接到嘅味。推薦蟹膏湯檬，超足料。豆卜，吸曬蟹味，連豬紅都好有味。我最後係連湯都飲埋。好可惜今次黎個班蘭椰汁糕賣曬，如果唔係真係好想試試。下次黎會再試埋個法包。

對於越南旅行我no comment 但係佢既野食我係真心欣賞⋯尤其佢d法包三文治我食足幾日幾夜。真係好好好好食所以就想黎試下呢個包係點既一回事好好食😭😭😭😭38蚊就有一大條 幫我地分埋2份⋯好足料好抵⋯好好食呀❤️❤️❤️❤️❤️米紙卷👍🏿唔錯呀佢個醬係沙嗲味既朋友❤️佢d蘿蔔醃得好好食呀👏🏾👏🏾👏🏾牛油果沙冰 又唔係好冰⋯好奶好滑❤️好好飲呀

今日搵食嚟到深水埗，人氣小店越南第一郡星期日中牛，來都門口都有幾個人排隊等位，15至20分鐘有位！一坐低梗係整碗人氣招牌，蟹膏番茄湯可，裏面有蟹膏（份量都OK），豬紅，扎肉，有番茄關係味道酸酸美美，唔錯都幾好味！當然要唱番杯招牌嘅，牛油果沙冰，好柔滑同重味，ok好飲！越南滴漏咖啡，味道都好濃郁，正！再嚟一個法式麵包，裏面有扎肉芫荽，yip制過嘅蘿蔔,酸酸甜甜，個人覺得一般！反而最有驚喜係米子蝦卷，大大卷味道確係唔錯，街坊小店可以一試thx

第一次吃越南飽，以前都冇食過，可能因為見到個樣一點都吸引唔到自己，但見朋友特登介紹所以就去試一試，結果出符預期，本身叫左蕃茄湯蒙粉(個蒙粉同米粉原完一樣)，都唔錯，不過唔係特別好食個隻，跟住叫左個越南飽同牛油果沙冰，哇，個飽卜卜脆(我最愛就係脆卜卜既野)所以我勁鐘意，個味道又青新，又開胃，跟著杯沙冰完全做到我鐘意的效果，小甜，超滑雖然味道唔重，但勝在唔會好（溜），食完正餐叫左個三個糕點，佢最平的糕點都係6蚊，同街邊食一樣價錢，底！

今日同朋友去深水場買野，係附近search 下有咩好食，就揀左呢一間。兩個人叫左3樣野.1, 豬肉撈檬- 同平時其他越式餐廳差唔多，但份量比較少，而且檬粉好碎。2. 蕃茄蟹膏湯檬- 一上檯，個樣好靚，聞落去都好香，而且d 蟹膏仲多到咩咁。問題就黎la ，47蚊食到咁多蟹膏，quality自然好一般，蟹膏咬落去有d 實，口感似諗左ge魚蛋，而且有少許腥味。幸好蕃茄湯底尚算不俗。整體來說，只能為僅僅合格，不用期望太高。3. 牛油果沙冰- 出面好少地方可以食到，挺特別，味道都好。但認合2-3個人share 。因為本野真係好牛油果 texture ，所有飲太多會好滯。如果佢地可以牛油果mix 其他水果一齊打效果應該好d

個人還挺喜歡越南菜，今次一試網上頗多好評的越南小店。 先來兩杯沙冰，芒果沙冰和牛油果沙冰。兩杯沙冰喝起來口感像smoothie，沒有小冰粒，很香滑，本來就喜歡牛油果，所以個人覺得牛油果沙冰比較好喝，充滿牛油果的香味和creamy的口感。 蟹膏蕃茄湯檬，份量不少，配料也算豐富，有蟹膏炒蛋，半個蕃茄，豆卜，扎肉和豬紅。湯底和蟹膏不算很濃味，加上蕃茄的開胃酸味，吃完一碗也不會很膩，整體味道不錯，重點是價錢比一般越南餐廳相宜很多。 越南軟包，軟包內放了滿滿的配料，包括扎肉，腩肉，青瓜絲，酸瓜絲，紅蘿蔔絲，莞茜，肉鬆等，口感非常豐富，味道也不錯，只是吃完真的很飽。