竹虎京堂

营业中

休息中

黎到megabox唔知食咩好，見到呢間平價懷石料理一於試下🥰大部分餐都$100內💰如果唔係堂食～拎去food court 食仲唔洗加一添🙈⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔺汁燒靖魚($69)🔺明太子赤雞($69).要提一提😆佢地既熱茶係荔枝綠茶🍵有驚喜🤪一上菜見到好吸引😍 竹筒飯份量睇落細，但我係食唔哂的😆米飯軟硬度適中🍚加埋醬汁送飯一流😝我覺得雞排係比靖魚吸引的😋 雞排夠嫩滑，但靖魚有少少乾😗除左有主食之外，配菜有茶碗蒸、帶子裙帶、漬物、枝豆同湯。仲有我最中意既福餅❤️食左花生味🥜超好食🥰.🔸評分: 8/10💰人均消費: $100

同朋友睇完戲搵間餐廳食飯，之前睇到介紹呢間餐廳食竹筒飯就去試吓。舖面唔大，都幾多人食緊。入到去被安排兩個人打橫咁坐，其實我都鍾意，同朋友傾密計都唔使咁大聲講。餐廳主打食各式竹筒飯及冷麵冷烏冬上菜時成個套餐上，套餐有湯、前菜、小食、漬物、茶碗蒸、主菜加甜品。擺盤幾靚，好啱打卡。湯用茶壺盛載，飲嘅時候自己倒到旁邊嘅碗，唔使凍哂。碗內有昆布、菇、蜆肉等，但當日嘅湯唔夠熱同唔夠鹹，冇咩味...我叫嘅柚子牡蠣，叫之前朋友都提醒過我，好彩唔鯹，但柚子偏苦澀，兩者夾埋食就啱啱好。 個飯都唔錯，幾煙韌，食食吓都食哂。朋友叫嘅豚角煮就話好肥，同埋得兩舊，但朋友都仲接受到。套餐性價比高，堂食加一服務費。如果唔介意，可以係餐廳出面嘅枱食，咁就唔使加一啦！順帶一提餐廳個杯茶，一開始飲落就覺得好特別嘅味，係果味，幾好飲，但係諗極都諗唔到咩味，到埋單嘅時候先見到原來佢地嘅茶係荔枝綠茶，啱飲仲可以買番屋企沖嚟飲。

Megabox睇完戲友人就提議食「竹虎京堂」主要sell竹筒飯 香港係少見嘅🤓入座上左杯茶 個杯竹筒造型風格又幾貫徹🤪杯茶飲落好特別 有淡淡水果香氣😙後來得知係「荔枝綠茶」相當唔錯以大型商場食肆嚟講「竹虎京堂」食品價位偏低性價比係幾高嘅🙂順帶一提 走先見到原來係外面food court食就免加一喎😀豚角煮 竹筒飯 ($69)••••••係定食set嚟上枱時都幾豐富㗎☺️••••••竹筒飯••••••👉🏻gimmick野 唔通啲米有竹筒味咩🤣兩大舊豚角煮睇落好肥 食落都真係好肥😂感覺有啲似無醬汁嘅東坡肉又忟得幾淋喎🤤將啲肥豬肉撈埋「北海道星丸」米飯好香豬油味呀😋米飯煮乾身啲會更好 略略濕口左啲但食食下忽然靈感到個竹筒不斷重用係咪好污糟😂😂😂竹筒是咪會吸味的？🤣不過是但啦 純粹笑下者🤣🤣🤣••••••土瓶蒸 - 一隻蜆 湯近乎無味 又唔夠熱no good茶碗蒸 - 上面有芡汁 普普通通啦 五味前菜 - 都係啲漬物 正常發揮福餅 - 唔夠新鮮 放耐左 好實唔煙韌唔Q彈

此食店以日式竹筒飯為主打。咁當然要試啦叫咗汁煑鯖魚竹筒飯和蒲燒原條鰻魚竹筒飯。落單不到5分鐘便上菜，十分快。兩個飯都是定食，都有以下配菜：醃菜：酸酸的。甜品是福餅，依韌甜甜的。北寄貝刺身配帶子裙邊：惹味枝豆，清清爽爽土瓶蒸し，有一壺清湯，真係清到無乜味，而且唔熱。將微溫的湯注入盛有豆卜切條、菇、海苔、蜆的碗內，就更加連微溫都無埋。茶碗蒸蛋，有蝦、魚片、冬菇片，都是微溫，蒸蛋尙算嫰滑。汁煑鯖魚竹筒飯，大大塊的鯖魚放在竹筒飯上，鯖魚汁煮得軟淋入味，完全無腥味，下面的飯熱辣辣，據說是採用北海道星丸米，米粒較大，有黏度咬口且帶有米香，是好吃的飯。蒲燒原條鰻魚竹筒飯，鰻魚大條但不算太厚肉，魚肉鬆軟的，如果可以多些鰻魚汁會更好。

大家吾好expect好食到竹筒味，但食物其實ok，但又未去到好特別要番尋味個隻，始終megabox個頭無咩選擇，一個套餐黎講都夠飽。果次我order左牛舌飯，牛舌普通，有點薄，但勝在套餐咩都有d，可以嘗試下。

以為懷石料理好貴，點知原來價錢都非常相宜，呢度嘅日式竹筒飯，一set$100都唔使，而且食得又影相又靚😋😋我哋叫咗原條鰻魚竹筒飯，鰻魚好香，仲有少少鰻魚汁，食落軟林林，撈飯食一流。另外成個set仲有茶碗蒸，裏面配料好多，雞蛋香又滑，拎到埋嚟仲熱辣辣。😚冬天食應該一流🤩

朋友成日係九龍灣出沒，佢話經過megabox見到呢間餐廳都無試過，所以就特登去試下啦🤣排隊既時候聽到後面排隊既人話之前食過覺得好好食就對佢更加期待🤩Grilled Eel蒲燒原條鰻魚見到餐牌其實好多都好想食，但最終都係揀左有銷量王之稱既鰻魚竹筒飯，因為見到menu個鰻魚好吸引🤩Scallop With Sakura Shrimp櫻花海老帆立貝紫菜佃煮用竹筒飯令個賣相好特別，味道都算不錯，不過可能因為對佢個期望好高，所以令到會有少少失望🙈帆立貝竹筒飯對比鰻魚竹筒飯味道比較淡，一個set入面有好多野，食完覺得好飽🤣

蒲燒原條鰻魚定食 $85今次嗌左呢個鰻魚飯💯無得頂啊🤤唔洗諗 鰻魚飯點整都咁好食配菜都有成4-5樣😍講番個飯先 $85 就食到鰻魚飯平價親民又抵食😎佢地採用既米”北海道星丸“來自北海道岩見澤，有獲得日本政府出口証明架👀而且米粒都比較大 帶著淡淡甜味軟硬度和黏度均為適中令d飯更有口感😍真係色、香、味俱全啊🤘🏻👅 鰻魚都算肥美肉厚 無太多碎骨 淋上杰稠醬汁 鮮甜入味 甜度剛好拌飯一流🤤🤤🤤

到九龍灣 接家人放工，順便吃個飯。 近近哋在megabox搵食， 找到了這間。 看餐牌好像頗精緻的樣子， 點了兩個餐。上菜後很吸引我去影相 ，賣相都幾靚 。分量真的很小哦， 女孩子也吃不飽， 何況是男生。▶️刺身飯 ，如圖只有半份。 以價錢來說真的很貴， 不抵食。▶️另一個餐是汁煮牛舌。 牛舌很乾， 調味一般，而且不太熱。另外有茶碗蒸 和蜆湯 ，稍為加分。配菜內的蝦內是霉的。總得來 說， 擺盤是頗精緻的 ，味道就很一般啦 。雖然總價不貴 ，性價比 就很低了。

係九龍灣返左2年工，見證住越黎越多新餐廳開業，今次試試頗有口碑的日式竹筒飯專門店「竹虎京堂」，食過3-4次，賣相同味道同樣出色，可以再Encore！提提大家如果唔係堂食可以免收加一，餐廳出面亦有唔少share table提供比食客使用。山葵昆布扇柱貝定食，前菜種類多元化，包括醋漬昆布、裙邊、茶碗蒸、枝豆、湯物及福餅。醋漬小食開胃又滋味，茶碗蒸稍微老左少少，竹筒飯吸收左昆布條同扇柱貝的精華，肉質細嫩不過味道有d淡，米粒飽滿有咬口。汁煮牛舌爽口彈牙，份量偏少，如果有多幾塊就好。

今日去到九龍灣megabox度搵食兼行街 就上咗10樓睇下有咩食 見到有日式竹筒飯就入去試下 我哋兩個人叫咗兩個set加咗兩款小食 蒲燒原條鰻魚竹筒飯$85鰻魚唔算大條加上好薄身 同menu幅圖完全唔同 竹筒飯 淡而無味 竹筒西京比目魚 $88唔講以為自己食緊鹹魚 開頭以為係個醬汁鹹 但其實係條魚好鹹 至於小食就加咗松葉蟹薯餅$20同埋雞骨腸$8 蕃薯餅真係熱辣辣 不過廿蚊又有咩松葉蟹呀 感覺係啲忌廉加埋薯蓉嘅feel 條腸就正正常常囉 講番啲配菜 每個set都有相同配菜 包括茶碗蒸 枝豆 漬物及前菜帶子裙邊及一片北寄貝 仲有一壺湯 除咗胡湯之外其他全部嘢都係暖㗎 完全唔夠熱其實竹筒飯嘅份量偏少 我諗大約得半碗飯左有 不過配埋其他配菜 都可以話夠飽 但一啲都唔抵食 唔會有下次

呢間竹筒飯喺megabox邊都幾多人食， 入面經常都坐滿。 佢一個套餐大約六、七十蚊， 有前菜到甜品都有，都算幾抵食。 佢有一個蜆湯、 一碟前菜、一碟支豆、 竹筒飯同一粒糯米糍。 講返主角竹筒飯， 分量唔算好大，但係入面啲米好煙韌， 都仲係熱辣辣， 感覺食落好健康。 同埋佢個賣相都擺得好精緻， 好有日本feel。 其實竹筒飯有好多唔同嘅餸揀， 有蠔、牛舌、 魚生， 好多唔同種類嘅竹筒飯。 佢可以喺入面食，亦都可以拎出出面foodcourt度食， 所有人唔使驚等唔到位。

山長水遠入MegaBox買嘢，梗係順便食埋晚餐。Food court 10/F有好多間餐廳，見到呢間日本野幾特別，而且價錢又好合理喎！主打竹筒飯，今次就試咗個鰻魚竹筒飯定食。老老實實個飯都幾失望，好淋，但又唔係話因為太多鰻魚汁，只係師傅煲飯放得太多水。鰻魚就普通貨色，就咁蒸熟，都係偏淋。而且呢個定食上菜速度勁快，order完5分鐘之後就有，感覺一早整定。定食$89 入邊仲有茶碗蒸、冇味嘅湯、兩條枝荳，全部都好普通，抵就係抵食嘅。最好味就係紅豆糯米糍🤣🤣另外仲order咗甜蝦、北寄貝、元貝同甲羅燒，元貝都新鮮，$68甲羅燒就剩係得啲即食蟹羔咁，係咁易燒左兩下。Overall真係覺得好普通，係幾抵但係一次就夠。

係MegaBox行街，搵到衣間食懷石料理既餐廳，以為好貴啦，點知一見到餐牌發現好多個set都唔洗100蚊，一於試下衣個平價懷石料理！餐廳有得店內/店外用膳，店外就係坐出面food court既枱，仲有9折優惠。衣度既set係類似日式便當，有前菜配菜同主食。我地揀左汁煮牛舌竹筒飯同饅魚竹筒飯，落完order好快上菜。竹筒飯味道特別，有竹筒味，唔係普通白飯。饅魚就比較乾身，唔太夠汁，反而汁煮牛舌就好juicy,d汁滲入d飯到好香。配菜有茶碗蒸，帶子群邊，漬物同湯。好鐘意衣個日式熱湯，好清甜。

荔枝綠茶 唔錯月見黑豚 $88餐點送上來時吸睛效果十足，同行人拍照都拍了幾分鐘。前菜酸酸的幾開胃，茶碗蒸很滑，吃完想再吃多碗！土瓶蒸淡淡的不錯。 重點竹筒飯，首先外表不錯，但飯有點軟，而豬肉有點鹹，偏乾，飯本身淡味，加上豬肉就差不多，整體還可以。 甜點細細粒不太膩幾in銀。竹筒飯蒲燒原條鰻魚 $85鰻魚汁比平常吃的有點淡，與外面有點不一樣，雖然也好吃，但好像缺了些東西。竹筒飯櫻花海老帆立貝紫菜佃煮 $88不夠入味，飯有點濕加偏冷追加小食：牡蠣刺身 $20牡蠣刺身入口幾鮮甜，但咬到最後就好重腥味，不值追加。炸日本池魚仔 $48有點軟，不太脆。帆立貝及北寄貝 $78三文魚及油甘魚 $108