竹虎京堂

营业中

休息中

同朋友一齊Happy Friday Lunch, 就試下megabox十樓既竹虎京堂 竹筒飯, 呢間系日式竹筒飯專門店, 竹筒飯既米系用北海道白米慢煮, 仲有不同配料, 除了竹筒飯, 雖然仲有提供多款海鮮丼、蕎麥麵等日式食品,  我地就叫左 竹筒飯柚子牡蠣 $88, 及豚角煮$69. 先講 竹筒飯既飯, 青香有竹味, 而套餐內有茶漬蜆湯、茶碗蒸、枝豆、帶子裙邊拌鮮蝦, 不過之前有既甜品今次就唔見, 豚角煮既豬肉入味肥瘦適中, 入口即溶不韌. 另一款柚子牡蠣的蠔味道新鮮加柚子味道配合得岩岩好, 不過蠔大番小小就更好. 希望店舖保持水準, 下次再黎試其他食品

今日同男朋友黎九龍灣食lunch 上網睇呢間系竹筒飯 為左想影靚相就黎左呢間食🤪 果然有靚相影亦都有美食落肚😚男朋友叫左鰻魚竹筒飯 佢系一個set 有湯有沙律亦都有小菜個沙律有一塊北寄貝 帆立貝裙邊同一隻熟蝦配搭芝麻醬更加野味 由於我唔食蝦 所以俾唔到意見大家喇 haha 有個菜可以昆布咁 唔淋 有咬口 我都鐘意食😚 個湯非常美味系海帶湯 湯有個茶壺裝住 飲果陣先倒可以保存溫度 湯非常清甜 好飲主角當然系鰻魚喇 都系果種鰻魚味喇😂不過份量都大 85銀非常抵食😚我就食明太子鮟鱇魚肝 好味道一d都唔醒 因為第一次食 本身都驚驚地點知咁好食 同飯食非常夾 😋呢個set就79銀 可以值得再幫襯😘

Fun fact: did you know that walking to Megabox is probably faster than taking the shuttle bus? The entire journey on foot takes around 10 minutes, which may well be the same time spent waiting for the bus, passengers getting on/off and stopping at red lights.Try walking there next time and you can check out Taketora Bamboo, a Japanese restaurant serving Hokkaido rice slowly cooked in bamboo tubes that can be paired with sashimi, tempura and many other optionsThe sashimi donburi we got had thick

二月十四日情人節👩‍❤️‍👨唔食西餐食日本菜🇯🇵去左Megabox見依間食日式竹筒飯都幾特別咁就諗住試下，不過八點半左右都要排左一陣先入得🙈侍應服務態度好好😆，落完單問我地需唔需要酒精搓手液，食野之前要消毒下先👾仲有埋單個陣可以揀要一個口罩或者一支消毒藥水，等大家食完飯即刻戴返個口罩齊齊抗炎💛**********<山葵昆布扇柱貝> $79竹筒飯舖滿左細細粒嘅扇柱貝，上面有啲山葵昆布，加埋啲飯食會無咁單調，依個配搭幾新鮮😋個set有跟幾款配菜，好豐富😚個湯係用個茶壺裝住，自己倒出黎飲♨️**********<蟹皇丼> $128個蟹皇丼有蟹肉蟹籽同蟹膏，三樣加埋一齊食最正，蟹肉同蟹膏就唔算好新鮮，不過都可以接受！個set仲有凍/ 熱烏冬跟，食完都夠飽👅

好滿足既lunch想試好耐但又每次經過都睇唔到佢 之後就冇食過了。今日要揀午餐 就提議黎食竹筒飯啦！其實等位果陣已經揀緊要汁煮牛舌竹筒飯定食或者蟹肉蟹膏蟹籽烏冬定食又或者海膽天婦羅蕎麥麵👉🏻👈🏻心大心細又想食海膽天婦羅又想食蟹，但係配竹筒飯喎！🥺點知坐低有另一張季節限定menu 😍係月見雲丹竹筒飯定食😍$128 唔洗諗即刻叫！同同事二話不說一齊棄暗投明🤣🤣🤣成個set真係好吸引呀！有茶漬蜆湯、茶碗蒸、枝豆、帶子裙邊拌鮮蝦、柚子汁浸海苔同一粒和菓子做甜品，我食果款係抹茶味😋仲配一杯荔枝綠茶，好清香😋下次我仲要再試呀！有大部分熟食可以揀，岩哂我👍🏻👍🏻呢個價錢食到海膽仲要咁多小食，真心抵，我覺得一分錢一分貨啦！

餐廳位於九龍灣Megabox 10/F店內座位唔算多但亦有提供店外用餐服務即係喺food court位置用膳.今次試咗其中一款竹筒飯🍱蒲燒原條鰻魚竹筒飯($85)🍱鰻魚都幾大條 燒得啱啱好竹筒飯採用珍珠米淡淡竹筒味 再加上鰻魚燒汁性價比一流👍🏻.所有竹筒飯都有跟配菜包括五味前菜、茶碗蒸同埋福餅當中以茶碗蒸做得比較出色配料多 蛋亦整得好滑👍🏻.跟餐嘅熱茶亦相當特別並非一般嘅綠茶或玄米茶而係有淡淡果香嘅荔枝抹茶新鮮熱泡 實在有啲驚喜👏🏻.整體來講性價比高 其他竹筒飯未試過但鰻魚飯實在值得一試👍🏻📍 竹虎京堂 (九龍灣)九龍灣宏照道38號Megabox 10樓4號舖

之前見Facebook話Megabox開左一間新既日式餐廳，仲要係賣竹筒飯🤔！琴日就一於去試試！大家唔好見我個鮮筒飯比較貴就嚇一嚇😂，我要讚讚呢間餐廳既菜式真好多元化，由60幾平價lunch到300 幾食時令海鮮都有，岩哂唔同人需要👍🏻！ 先講講佢個綠茶🍵！茶杯就係竹咁😂，茶葉就用左京都荔枝綠茶，入面混合左茉莉花同玫瑰花🌹，飲落花香甜味多過茶味，所以茶味唔太出同偏甜！竹筒飯係呢間舖係賣點之一。米來自北海道，較大粒、飽滿同偏甜，食落都唔錯👍🏻！而我呢個蟹肉蟹味噌竹筒飯，入面飯好似一般炊飯，但味道唔太濃，而因為用左竹嚟蒸煮，所以帶有淡淡香氣，食完係有一陣溫暖既感覺！而蟹方面，表頭鋪滿蟹肉，係比較豪華咁😋。不過，蟹肉食落唔係好鮮甜，幸好中間有蟹味噌，味道同蟹膏差唔多，加埋蟹肉一齊食能提昇蟹味！呢度所有定食都係有各款前菜、茶碗蒸、福餅、汁物等，呢個價有咁多野食其實算抵。雖然我呢個蟹肉蟹味噌係期間限定，不過我覺得味道一般，因為本身蟹肉味道唔太出，要靠蟹味噌至帶到鮮味出嚟！同樣地，竹筒飯本身味道又係唔太突出，好似令到個飯差左D野咁🤐！行過路過可以一試，因為竹筒飯平時都算少見！

午餐前發現有一間新開的日本野，立即召喚同樣愛試新野的同事一齊試食。餐廳位於megabox 十樓，剛好是溜冰場隔離，如果餐廳入面位置已滿，可以坐出面望住溜冰場。餐牌上有著不同的竹筒飯，有熟食或魚生飯選擇，令人花多眼亂。最後今次選擇了汁煮牛舌($79)及蒲燒原條鰻魚($85)，因為沒有午餐menu, 但可以用優惠價錢加@5 有熱朱古力。　一上菜感覺上每樣食物都好精緻，眼睛已大飽口福，牛舌是薄切的，比較硬身，飯是有牛肉汁的味道，但飯物量一般，如男仔可能就不太夠，另外漬物是有帶子群邊等，最欣賞的是茶碗蒸，份量夠大，但不夠熱。而湯是用茶壺載的，飲了幾啖後就自制茶漬飯，立即為平凡的飯加分。感覺上竹筒是有點先作裝飾，但上菜速度都幾快。

好耐無食，因之前新開張，越來越多人食，唔想排隊。今日突然掛住它，見到唔洗等，梗係即食啦。一就座，個餐牌多左幾個新野，點左鯖魚餐，一樣都係咁豐富的前菜，有足料的燉蛋，鯖魚飯好好味（無得輸）及甜品轉左呢個褔餅好好吃😋

呢間係Megabox新開嘅竹虎經堂，每日都大排長龍架!!!主打食竹筒飯嘅佢除咗個主菜仲有前菜、漬物、燉蛋同甜品都係$78咋😱😱我地叫左鰻魚竹筒飯🎋🍚同埋櫻花蝦蜆竹筒飯🎋🍚，當日前菜有鰻魚、枝豆、蜆、同埋兩小碟漬物，仲有芝麻球做甜品。望落好多細細碟真係好豐富呀!!😍😍😍食落個燉蛋真係好滑😆😆，漬物都開胃既，可惜個竹筒飯有少少乾🥵特別係櫻花蝦蜆嗰個係無汁既🙈鰻魚就幾好味，份量都相當足夠整體來講成個set都幾特別又唔貴可以試吓👍🏻P.S 如果喺店入邊食就要收+1，但係如果喺出面food court枱食就可以免+1🤗

🎋山葵昆布扇柱貝 ($78 +10%)超多帶子粒、山葵味昆布、竹筒飯1️⃣帶子好軟熟唔韌，夠多，不過冇想像中咁鮮甜，可能有d淡添。2️⃣山葵昆布好出色，送飯好好食，但可惜太少。3️⃣竹筒飯有淡淡香味，軟糯，但本身以為會吸收到帶子味道，但其實都係飯還飯餸還餸。👍🏻7/10-🎋汁煮牛舌 ($78 +10%)牛舌、洋蔥、竹筒飯1️⃣牛舌唔韌，偏瘦，調味唔太濃，幾健康既。2️⃣醬汁不過不失，正常和式風味，有d似牛肉飯既味道。👍🏻7/10-不過配菜都幾好味！蜆肉好鮮甜，茶碗蒸好滑好味，而且擺到成枱滿哂好幸福，加分！

今次試左個蠔既竹筒飯set啲蠔唔太靚亦唔肥美,雖然呢個價位唔可以要求太多,但都有啲失望味道普通,配菜有新鮮感,但味道唔好期望太多,以呢個價位我會覺得唔太抵,唔推介

又到星期六出街食晏嘅日子，因為聽日要返嚟Mega box睇戲所以趁食晏預早去買定戲飛😆趁我買戲飛嘅時間，同事們嚟到十樓搵定位，餐廳外面位置好似美食廣場咁食唔同餐廳都可以一齊坐✌🏻本身行過好多次竹虎京堂都好想食，但覺得價錢有少少貴😅但今日突然間好想食鰻魚就決定試下佢嘅蒲燒原條鰻魚🤤睇相好似好吸引仲寫住係銷量王諗住一定好好食，點知一出餐見到實物已經覺得點解同張相咁唔同條鰻魚細咗勁多😱配菜同蒸蛋都幾好食😊但主食實在太差，鰻魚勁薄身同埋燒到好乾好硬仲有少少魚腥味，飯又勁淡👎🏻👎🏻 我哋坐外面可以免加一如果餐廳入面座位仲要另外加一，呢個質素完全唔值呢個價😥

好耐冇去Mega Box，諗唔到食咩，所以上food court行過圈，點知見到呢間日本食肆，揭開個餐牌覺得好吸引...我地揀左呢個蒲燒原條鰻魚餐，另加燒北海道北寄半貝、芥末八爪魚同埋雞骨腸，樣樣都好味，但分量就似乎少左d...

今日係Mega box睇戲，見到呢間竹筒飯好似幾吸引，就入去試下。一開頭杯茶好香，好舒服，但茶溫偏凍～最後叫左比目魚竹筒飯，賣相唔錯，但都係偏凍同埋多骨～茶碗蒸好一般，爭鮮好食過佢～如果呢間食店既食物可以熱反d就好～偏暖感覺好似一早整定晒～唔新鮮