竹園重慶雞煲

营业中

休息中

第二次去呢度食雞煲~第一次去時7點幾爆晒場，無得食~但去到十一點左右又想搵野食，於是就再去啦~第一次食叫左小辣，味道唔錯,小小麻香，個湯仲可以飲埋，同來來雞煲好唔同，無咁杰身。2位老闆好後生，仲不時走過黎問D野食ok嗎....又好nice，仲請我地試下佢地D招牌冷盤前幾日第二次去，人唔係太多(可能係星期日既關係...九點幾人唔係太多)今次叫左個中小辣雞煲(係上次老細叫我地試下辣D，佢話會香好多)中辣味道真係出好多，辣度適中，麻味夠。但今次個D雞就無上次咁滑.....另外叫左個皮旦尖椒，尖椒一D都唔辣，仲好爽甜，而且仲比熟油爆過，正!配料叫左紅薯粉，鯇魚腩。鯇魚腩好新鮮，又大碟，抵食!另外仲叫左上次老細推仲既解辣小食炸蕃薯，炸粉小，薄薄的一浸，好脆!有D似食薯餅最後加多三支啤酒，埋單都只係$308，真係好抵!!同來來雞煲非常唔同，無咁重口味，無咁杰身，食完唔口乾~不過D雞始終唔及來來咁滑~下次再去試下佢地另一個招牌煲 胡椒雞煲^_^

耐唔耐就會同屋企人去搵新野食，今次朋友介紹，話呢間d 野食唔錯，所以就同埋媽咪、老公嚟試下。未食野，先要讚下d 樓面, 有笑容、好詳細介紹有乜招牌野食。Good ! 我地order 左胡椒豬肚雞煲，嘩！未一開煲蓋，好香、賣相唔錯，用胡椒湯嚟＂六＂手切牛肉、正！炸響鈴即叫即炸，加埋d 湯，好食到連食幾舊：）麻辣海帶、炸蕃薯都有驚喜其他火鍋配料都好新鮮

嗰日與著有朋友生日, 我地去試新野, 聽人講北角揸華街市開左間火鍋大排檔,所以咪去試下lor....點人有d驚喜woo....: 我本人唔係好食得辣, 但都常試下食胡椒豬肚雞煲, 個火鍋一黎到, 我地已經聞倒一陣陣胡椒徇味, 嘩! 我地已經急不及待放d食物火鍋中, 一等到d野熟, 滑, 我地個個都爭著食,d食物 烚出黎的食物, 入曬胡椒嘅氣味加上飲賣佢d湯, d味道更濃, 老闆介我地食響令, 手打墨魚滑, 手打鯪魚滑, 九菜餃都好正.....因為全部都係師父即日整的, 全部新鮮出品...., 再加上佢小食夫妻胃片, 炸薯仔, 青芥辣米奇鼠耳 - 香芥辣味, 麻辣蓮耦, 即燒串燒, 紫鹽豬仔骨.......正, 令我地食到一樣禁回味......如果下次我再有時間, 都會再去食多次

今次去既目的就係試呢個麻辣雞煲,有.大.中.小辣3種,老闆話小辣打打都已經夠辣,另外有3個朋友仔唔食得辣所就2佐個佢介紹既胡椒豬肚雞煲,豬肚雞煲先到,老闆叫我地先飲佐湯先,嘩~好濃喎,如果冬天飲一定重正!主角出場喇...一見到買相都幾好,食落都好香,d雞又好滑,岩岩開始都接受到,點不知真係越打越辣,不過又真係越辣越好味!鍾意食辣既我一定多多幫襯見到佢既menu有冷盤同小食.叫佐2個試下,麻辣蓮耦+芥末米奇耳麻辣蓮耦:麻辣既冷盤,好爽好麻小辣....正!芥末米奇耳:一入口就知係用wasabi整,味道好特別哦!打邊爐配料只係叫佐3樣,本地手切牛肉+炸噹噹(響昤)+手打墨魚滑本地手切牛肉: 放落麻辣既湯炸噹噹(響昤): 原來係即叫即炸,唔怪得之咁脆.手打墨魚滑: 呢個又係師傅親手打,口感一流,食到一粒粒既墨魚因為2個煲加埋已經一隻雞所以都唔敢叫咁多,下次一定再試其他.已約實朋友下個禮拜再食呀!最後叫佐幾串串燒即燒熱辣辣~好味道!

友人發現北角渣華道街市頂新開了我至愛的麻辣雞煲，湊巧當晚3人一起有興致一試，於是便膽粗粗去試了~店舖內桌數不多，但由於剛好是最尾的位置，加上用木欄圍起了，反而有一種自成一角的感覺，不會與其他店舖的客人混在一起，不錯不錯~ 服務員很友善的為我們介紹，後來才發現這位友善的「服務員」是老闆之一 很少見會親力親為、跑出跑入的老闆了，一般也只會留在收銀處而已~由於其中一位友人不吃辣，於是點了麻辣雞煲及白胡椒豬肚雞~青芥辣米奇鼠耳 - 賣相平平無奇，入口卻有驚喜，濃香芥辣味，卻不攻鼻，亦有尖椒辣味，整個辣的味道很有層次啊！加上木耳夠爽，推介！白胡椒豬肚雞 - 煲送上時是有煲蓋蓋的，但已聞到陣陣胡椒及雞的香味~ 好心急 滾起後忍不住立刻夾內附的支枝吃，香濃的胡椒雞湯味，完全沒有雪雞的腥味，意想不到！ 雞件沒有炸過，但很滑，豬肚是新鮮豬肚 第一印象已不錯了麻辣雞煲 (中辣) - 對於我來說不太夠辣，但由於要就另一位友人，故只能叫中辣了~ 幸好的是中辣也有香濃的重慶麻味味，不知為何，這個煲的雞比白胡椒豬肚雞煲內的雞還要好吃~ 停不了手呵呵響鈴 - 老闆親自送過來，並叫我們立刻吃，原來是新鮮炸起的！