章記香港仔魚蛋王

营业中

休息中

剛才去完郵局無咩時間剩，順路公司樓下用五分鐘食個麵啦！無期望就唔會有失望。因為舊區重建，章記香港仔已經執左笠，合隆又執埋。如果趕時間唯有返黎依間强差人意食，係正公司樓下，唯一可取係夠快。魚蛋牛肚伊麵走蔥，今日伊麵煮過火，太腍而且失去蛋香偏淡呢。 件件金錢肚非常之靚，爽彈多汁又炆得十分入味，滷水濃而清香，一向香港仔牛雜比魚蛋更好味。魚蛋保持一向質數，白雪雪又好有回彈力，魚味既鮮既濃，滿意。牛腩牛什麵走蔥走肺，湯底非常香濃呢！充滿牛味帶滷水香甜，連飲幾口！雖然經驗所得必定渴得要命，但忍唔住麻。我最愛既牛膀 BB，內外兼備，外彈內棉，海棉質索盡精華跟肉汁，超美味！毛肚好棉好腍好軟塾，毛毛將湯汁抓得緊緊，食落非常香甜 juicy。牛腸外皮勁彈牙又有咬口，裡面藏著滑溜絨毛體，同時享受兩種快感，大滿足！今次牛腩都不甘示弱，比平時食開既鬆化、無渣，炆到滷水味道已經完全滲透每條纖維，好味！lucky！麵，依舊麻麻地，硬係覺得有啲麵粉漿黐住啲麵咁。蠔油芥蘭，莖部好爽脆，但鮮甜不足，葉好厚又粗糙帶澀，一般。腐乳通菜，又硬又粗糙既旱通，過左夏天無左清甜翠綠大大條既水通食喇！撈上腐乳醬再浸埋腩汁，還可以啦！喉

上堂前極速係公司樓下搵食，就去咗好耐冇食過既香港仔魚蛋。點咗紫菜四寶丸河粉走青，紫菜份量十足是正宗的潮州紫菜，完全冇砂很鮮味。潮式白魚蛋墨魚丸貢丸魚片都好彈牙爽口，不過墨丸入面墨魚既份量比幾年前明顯少咗，紮肉同魚皮餃都不錯，河粉份量很多，湯底也幾好不會冇嚟味道，加入半匙秘製潮州辣椒醬，辣椒醬辣味依然十足，比李錦記辣，超正!32蚊嚟講份量同用料都幾足，1種餸加紫菜都29蚊，所以想食紫菜都係叫紫菜四寶抵d。

I came here out of desperation and I got food that reflected that mood.I normally go to another restaurant in this area when I am here, but it was closed, so I ended up sitting at a table in here and ordering a bowl of beef noodle soup.The price was very low - $25, but it tasted like it.  When the blisteringly hot noodles came out to me, I sipped the broth and, lo and behold, it was full of MSG.  The inside of my mouth almost gave in and collapsed from the stuff.  I do not like it - it disguises

今日魚旦粉癮起.就走去香港仔吃魚旦粉當下午茶兩點無乜人坐低吾夠三分鐘有得食芥蘭爽口夠青綠佢D魚旦幾彈牙幾好食而且湯底味道濃又夠鮮味.個河粉口感好滑二十幾蚊就有理菜食我覺得好抵啦!!整體是滿意

唉 ﹗太趕時間去唔到章記，唯有公司樓下啦。牛腩伊麵走蔥，賣相整齊又靚，試下先。牛腩雖炆得入味，但係質感又乾又鞋呢。湯底淡而無味，不香不甜。伊麵煮到腍劈劈，所有味道已流失，越做越差。紅磡兩間香港仔，依間一向都麻麻地架喇，依家仲越黎越差，地方又污糟、間中又有嗅味，睇黎要徹底放棄佢喇 ﹗再見吧 ﹗本來見仲有幾日飛美國成個月，專登諗住食多次潮州粉麵，點知難食到不得了，浪費左個 quota 添 ﹗

不幸地坐係廁所門口，發出強烈異味，難道無人察覺到？以後唔敢喇，再黎都要考慮吓 ﹗環境衛生真係好恐怖呀 ﹗地下又油又濕又多垃圾。其實一行入舖頭已聞到陣陣酸宿味，跟住仲要坐正係廁所門口，廁所傳出惡嗅及異味。食到反胃又嘔心，無晒食慾 ﹗咩味都食唔到呀 ﹗order 左都要硬住頭皮食埋比錢先走人，成個下午都好唔舒服，好嗅呀 ﹗牛什麵走蔥，好多金錢肚啊 ﹗仲有牛膀牛肺牛腸，今次個賣相好靚喎 ﹗可能差不多兩點，lunch 差不多完無咩食客，所以多左時間整靚去。依間香港仔魚蛋既牛什質數有保證，食佢最穩陣 ﹗炆得入味，牛腩金錢肚夠爽口、毛肚夠乾棉、牛腸外面爽彈而裡面滑溜，好食 ﹗只係怕成日食內臟太肥又唔多健康啫。湯底淡而無味，麵又過腍，加埋嗅味，真係無咩胃口。

牛什粗走蔥，今日啲粗麵煮得幾好噃，爽嫩嚥靭。牛肚、牛膀、牛腸都好好味。講左五次，阿姐都仲問係咪牛什粗可樂，搞到我人都癲 呀 ﹗有無用心聽清楚我要咩架，見佢心不在焉囉。最初都無打算黎依度食，兜左個大圈都唔知食咩好，最後求鬼其黎香港仔囉，唉。魚蛋麵走蔥，其實唔多肚餓，簡單食個魚蛋麵唔食辣椒油清清地啦。個魚湯底好淡啊，無腩汁就完全無味道，試吓落醋撈黎食啦，味道怪怪的，救命 ﹗魚蛋微微彈牙又微微魚味啦，免強合格。牛肚牛膀伊麵走蔥，全部都係金錢肚喎，牛肚爽、牛膀軟棉，全部浸得入味，伊麵免免強強啦。今日都唔錯，合格。得返十分鐘 Lunch，唔行咁遠喇，公司樓下算。

牛腩麵走蔥，一上枱見到啲牛腩好靚喎 ﹗湯就多左啲，不過唔會影響味道既，只係賣相扣點分數。湯麵當然係試左個湯先啦，依舊滷水牛味濃郁，忍唔住連飲幾口，希望食完唔會太渴就好喇。夾舊牛腩試試先，先發現原來都幾肥吓，肥膏跟瘦肉相間，雖則話牛腩唔肥就唔滑唔好食，但我接受唔到咁肥喎。食落都好入味，口感軟棉嫩滑，但對我黎講真係肥左啲。麵失手了，唔怪得今日等耐左啦，麵質過腍，唔夠爽口彈牙喇。嘩 ﹗又加左價喇 ﹗之前 HKD18、跟住 HKD19，轉個頭 HKD21 ﹗人工都無一年加兩次啦 ﹗魚蛋麵走蔥，魚蛋真係好味左喎，爽口有魚味 ﹗魚片、紐紋魚片同樣出色，麵都烚得烚到好處，夠爽口，但係個湯就真係太淺口，又係辣椒油出黎救命既時候喇 ﹗牛腩河走蔥，湯底加埋個河粉突別淡口，試下加啲醋會唔會好啲啦，有醋味好好多。牛腩勁多肥膏，但瘦肉位又勁鞋，香港仔最好食都係牛什啦。雲吞伊走蔥，試試新口味，食個雲吞先。伊麵好似特別少咁，咬兩啖無晒既。伊麵質地嚥靭，無烚過火，都幾好食。雲吞大路，唔過咸、蝦爽口、豬肉味濃，合格。

蠔油菜芯，好耐無食過新鮮菜喇 ﹗美味呀 ﹗係油左啲囉，以後都要走油先得。四寶麵走蔥，香港仔魚蛋既四寶麵特別抵食，因為唔止四寶呀，八寶都有呀 ﹗多料又多款。魚蛋、魚片、炸魚片、魚皮餃、墨魚丸、牛丸、豬肉丸、紮肉，味道滿意 ﹗不過始終食完有點渴呢。 牛腩撈粗走蔥，一向食開撈粗，下次轉轉口味，試試幼麵。大路穩陣不過不失啦，但係撈蠔油硬覺得偏咸囉。牛腩炆得入味又夠腍，難得今次肥瘦適中，連魚湯都特別香濃，幾好。牛腩伊麵走蔥，牛腩跟伊麵永遠都係絕配 ﹗伊麵爽口嚥靭索盡牛腩既精華，大啖大啖連湯一齊送入口中，美味非常 ﹗牛腩雖見到有點肥膏，但食落香滑無比，牛腩炆得入味軟棉，好味道 ﹗正 ﹗牛腩麵走蔥，牛腩一係太肥、一係太瘦，到底有無半肥瘦架？時好時壞呢 ﹗雖則話牛腩唔肥唔好食，夠肥食落仲嫩滑非常、牛油味濃，但肥到我要咬走部份先頂得住。個食客又無要求要食肥腩，點可能比咁肥架。我試過叫瘦腩，又瘦到鞋烚烚，唉。麵嚥靭爽口、湯底濃郁，依碗食完不太頸渴，滿意啦。魚蛋伊麵走蔥，想食得清一點，又唔想再食咁多內臟，唯有食魚蛋啦。好多大大粒魚蛋喎，份量十足，味道同口感仲好似進步左添 ﹗鮮味彈牙又軟棉棉，幾好噃。仲有炸魚

牛什麵走蔥，牛什才是招牌菜，比魚蛋更好 ﹗應該改名做香港仔牛什 ﹗滷水牛什全部都炆得勁入味，牛膀最好味，軟棉棉、嚥嚥靭靭。毛肚同金錢肚都好正，一軟棉一爽口 ﹗牛什麵走肺走蔥， 牛什質數穏定，今次終於記得叫走肺喇，一向麻麻地鍾意食。牛膀、金錢肚、牛腸全無投訴，好味道 ﹗今朝食完即食麵早餐，到 lunch 都唔多肚餓，但有點口痕呢，是但花十鐘行去食碗麵算喇。牛什麵走蔥，依碗好多金錢肚呀 ﹗正 ﹗好好味 ﹗不過個麵腍左啲喎。魚蛋麵走蔥，真係碗碗唔同，依碗麵非常爽口，好滿意 ﹗魚蛋麵既湯底真係好淡口，下次要記住加腩汁先得。魚蛋大路無咩特別，唔難食，還可以啦。

牛肚牛腩河走蔥，全部都係金錢肚，正喎 ﹗炆得入味又爽口 ﹗牛腩就比較肥左啲囉，我要咬晒旁邊既肥膏先食到呀 ﹗肉位都好腍好鬆化又無渣，幾好味。河粉就較為硬身喇，烚耐一點會好食好多呢 ﹗湯底都幾香濃，但之後有點渴。牛丸牛什河走蔥，湯底好好味，好濃郁但之後好頸渴。牛腸外皮嚥靭裡面滑溜，牛膀嚥靭帶棉，牛肺還可以啦，爽口金錢肚四件，滷水炆得好入味 ﹗依度最好食係牛什加喇。牛丸四粒較為大路無咩特別。紫菜四寶河走蔥，好淡既魚湯底啊 ﹗狂落醋再配豉油混辣椒油先有味道。有墨魚丸、扭紋魚片、巨形札肉、豬肉丸、魚皮餃，每款都好滿意，食左咁多間麵店，依間都算好豐富咯 ﹗牛腩牛什河走蔥，今日又幾好味喎 ﹗牛腩又腍又入味又唔肥喎。牛肚爽口、牛膀軟棉，河粉滑溜，湯底甜美 ﹗好好食 ﹗牛什伊麵走蔥，牛什同樣美味，香濃滷水香，應爽則爽、應滑則滑，好滿意。伊麵滑溜嚥靭，比平時煮理得更好呢。魚蛋牛腩麵走蔥，三粒大大粒雪白魚蛋，不過不失，爽爽地又有魚味。牛腩都幾多肥膏吓，總之叫瘦腩啦，咬落肥膏硬淨爽口，都幾特別。牛腩炆得腍亦好入味。食完、飲埋啲湯，成個晏晝極奇頸渴啊 ﹗

幫襯左幾年，其實牛什幾好食，不過次次食完既副作用就係勁口渴囉 ~ 老闆同師父們都不計成本慷慨地落多少味精為大家加油 ﹗都幾重口味架喎 ~牛什粗走蔥，原本想去試新開間清湯腩既，點知一落街就落大雨，咁唯有係樓下是但食啦 ﹗想試食先黎落雨，連個天都唔比我試呀 ﹗穩陣滷水牛什，好味道，牛肚牛膀牛腸牛肺樣樣都好，係食完口渴啲。粗麵爽滑，淥麵技巧不俗。。牛什雲吞麵走蔥，今次比咁多金錢肚我既，有五舊喎，呵呵 ﹗口感爽又入味，好味。一口雲吞，size 標準。雲吞較普通，原粒蝦仁爽，跟豬肉混埋味道略咸。紫菜四寶麵走蔥，唔小心影得唔好爆晒光添。真係除左牛腩牛什個湯底較味外，其他全部都淡得緊要，一係加醋一係加豉酒，無味啊。潮州紫菜唔錯，淡淡海水味又爽口。札肉、豬肉丸、魚皮餃、魚蛋同魚片大路無問題，但無驚喜。

牛腩魚蛋麵走蔥，啲腩幾肥 ﹗每次我都要咬晒出黎先頂得住，雖則話牛腩越肥越好食、唔肥就唔香唔滑唔棉，我都知。牛腩味濃質嫰，滿意，只係肥膏部份佔多囉。魚蛋大路，不過不失，唔難食囉，牛什比魚蛋出色。湯底香濃美味，但飲左既副作用就係頸渴囉，可否唔落味精，真材實料囉？我真係唔介意比多啲錢，最緊要好味 ﹗牛什麵走蔥，滷水夠晒入味，金錢肚爽、牛膀香又棉、牛腸皮脆肉嫰滑溜溜，好味。麵質保持爽口，不過腍，接受。牛什伊麵走蔥，我最喜歡食伊麵。牛腸、牛肺、牛膀、毛肚、金錢肚都無得彈，係食完有飲多兩杯水囉。伊麵不錯，都夠水準，如果能夠更嚥靭彈牙就更好啦。

牛什河走蔥，有滷水牛肚、牛肺、牛膀、牛腸，醃得非常入味，又唔會過咸，滿意。今日心血來潮想撈醋食，希望可以開胃啲，一般情況下我係唔會加醋的，因為食唔到原味。醋配落河粉既味道都唔錯，酸酸甜甜好醒胃。河粉質地煮得非常恰到好處，又棉又滑，唔會過硬身，good ﹗潮州四寶河走蔥，唔知食咩好，最好叫四寶。一放上枱當然先試試個湯底先啦，淡得佢呀，唔知點形容，無味精就無味道？咩叫真材實料呀。幫襯依間麵檔多次，發覺味道全來至滷水腩汁架，如果淨魚湯唔加腩汁會淡得可憐，要自己勁落調味先得。魚蛋同紐紋魚片最好食，其他豬肉丸、札肉、魚皮餃就平平。

見做到悶悶地，落公司樓下食碗熱辣辣既麵先 ~ 想渴到人地阿媽都唔認得咩 ~牛腩牛雜麵走蔥，陰功囉，牛腩得兩舊瘦肉仔，起初直頭搵唔到，以為無落到添呀。牛什保持水準喇，好好味，應爽得爽、應滑得滑，但食完唔夠兩個鐘就渴到叫救命呢，唉 ﹗Help ﹗啲味精輕手啲好無？