影片
更多
2013-01-24
50 浏览
蠔油菜芯，好耐無食過新鮮菜喇 ﹗美味呀 ﹗係油左啲囉，以後都要走油先得。四寶麵走蔥，香港仔魚蛋既四寶麵特別抵食，因為唔止四寶呀，八寶都有呀 ﹗多料又多款。魚蛋、魚片、炸魚片、魚皮餃、墨魚丸、牛丸、豬肉丸、紮肉，味道滿意 ﹗不過始終食完有點渴呢。 牛腩撈粗走蔥，一向食開撈粗，下次轉轉口味，試試幼麵。大路穩陣不過不失啦，但係撈蠔油硬覺得偏咸囉。牛腩炆得入味又夠腍，難得今次肥瘦適中，連魚湯都特別香濃，幾好。牛腩伊麵走蔥，牛腩跟伊麵永遠都係絕配 ﹗伊麵爽口嚥靭索盡牛腩既精華，大啖大啖連湯一齊送入口中，美味非常 ﹗牛腩雖見到有點肥膏，但食落香滑無比，牛腩炆得入味軟棉，好味道 ﹗正 ﹗牛腩麵走蔥，牛腩一係太肥、一係太瘦，到底有無半肥瘦架？時好時壞呢 ﹗雖則話牛腩唔肥唔好食，夠肥食落仲嫩滑非常、牛油味濃，但肥到我要咬走部份先頂得住。個食客又無要求要食肥腩，點可能比咁肥架。我試過叫瘦腩，又瘦到鞋烚烚，唉。麵嚥靭爽口、湯底濃郁，依碗食完不太頸渴，滿意啦。魚蛋伊麵走蔥，想食得清一點，又唔想再食咁多內臟，唯有食魚蛋啦。好多大大粒魚蛋喎，份量十足，味道同口感仲好似進步左添 ﹗鮮味彈牙又軟棉棉，幾好噃。仲有炸魚
四寶麵走蔥，香港仔魚蛋既四寶麵特別抵食，因為唔止四寶呀，八寶都有呀 ﹗多料又多款。魚蛋、魚片、炸魚片、魚皮餃、墨魚丸、牛丸、豬肉丸、紮肉，味道滿意 ﹗不過始終食完有點渴呢。
牛腩撈粗走蔥，一向食開撈粗，下次轉轉口味，試試幼麵。大路穩陣不過不失啦，但係撈蠔油硬覺得偏咸囉。牛腩炆得入味又夠腍，難得今次肥瘦適中，連魚湯都特別香濃，幾好。
牛腩伊麵走蔥，牛腩跟伊麵永遠都係絕配 ﹗伊麵爽口嚥靭索盡牛腩既精華，大啖大啖連湯一齊送入口中，美味非常 ﹗牛腩雖見到有點肥膏，但食落香滑無比，牛腩炆得入味軟棉，好味道 ﹗正 ﹗
牛腩麵走蔥，牛腩一係太肥、一係太瘦，到底有無半肥瘦架？時好時壞呢 ﹗雖則話牛腩唔肥唔好食，夠肥食落仲嫩滑非常、牛油味濃，但肥到我要咬走部份先頂得住。個食客又無要求要食肥腩，點可能比咁肥架。我試過叫瘦腩，又瘦到鞋烚烚，唉。麵嚥靭爽口、湯底濃郁，依碗食完不太頸渴，滿意啦。
魚蛋伊麵走蔥，想食得清一點，又唔想再食咁多內臟，唯有食魚蛋啦。好多大大粒魚蛋喎，份量十足，味道同口感仲好似進步左添 ﹗鮮味彈牙又軟棉棉，幾好噃。仲有炸魚片同扭紋魚片，真好食。魚湯底比以前濃郁，食完只有少少口渴，滿意啦。
张贴
