章記香港仔魚蛋王

营业中

休息中

牛什河走蔥，有滷水牛肚、牛肺、牛膀、牛腸，醃得非常入味，又唔會過咸，滿意。今日心血來潮想撈醋食，希望可以開胃啲，一般情況下我係唔會加醋的，因為食唔到原味。醋配落河粉既味道都唔錯，酸酸甜甜好醒胃。河粉質地煮得非常恰到好處，又棉又滑，唔會過硬身，good ﹗潮州四寶河走蔥，唔知食咩好，最好叫四寶。一放上枱當然先試試個湯底先啦，淡得佢呀，唔知點形容，無味精就無味道？咩叫真材實料呀。幫襯依間麵檔多次，發覺味道全來至滷水腩汁架，如果淨魚湯唔加腩汁會淡得可憐，要自己勁落調味先得。魚蛋同紐紋魚片最好食，其他豬肉丸、札肉、魚皮餃就平平。