立鮨 (富達大廈)

营业中

休息中

高質壽司喺立鮨一定搵得到！但係你要我數令我回頭嘅食物一定係三文魚飛籽手卷😍😍喺呢度嘅重點推介師傅將手卷遞俾我 一咬落去二話不說三文魚籽涼涼地喺個口中爆發感覺好正啲飛魚籽仲跌到成枱都係 實在非常豐富 每一啖仲有紫菜同埋飛魚子 夾埋一齊食好滿足仲有仲有不得不提呢度嘅海膽佢哋嘅供應商來貨非常新鮮可以話係全港數一數二啦特上海膽一早已經賣晒啦🥺咁我就食下佢嘅日本馬糞海膽味道都唔錯好有海水味再加濃郁嘅海膽最後一定要讚下椰子🥥雪葩佢係用椰子殼承載着椰子味嘅雪糕每一啖彷彿食緊凍冰冰嘅椰子 椰蓉好濃郁仲有枝柚子梳打 喺出邊極少見喺呢度飲到味道唔錯梳打同柚子係絕配每一啖有柚子同氣泡仲可以成枝外帶拎走🤩

企喺度食壽司係咩玩法？去到立鮨當然就要去感受下！呢度不設座位 客人可以好隨意咁站立享受唔同嘅日本料理同埋壽司叫左個立鮨特上壽司拼盤盛盒好豐富 另外仲叫咗立鮨加州卷、火炙北海道帶子壽司、火炙三文魚腩、火炙海膽蟹棒壽司、火炙中吞拿魚腩壽司、油甘魚腩壽司、北海道活象拔蚌壽司、火焰特上地金目標壽司etc!!!各式各樣全部都好正好好食！我冇諗過企喺度嘅平民壽司原來質素可以咁好拼盤會跟埋個蟹子青瓜沙律同麵豉湯立鮨加州卷裏面有青瓜出邊嘅蟹籽脆卜卜好新鮮 咬落去青瓜嘅口感同蟹子好夾原隻活赤貝𠝹成花 可以多角度拍攝超靚跟埋北海道帶子刺身 Oishi都爆 新鮮程度高一班三文魚鮫有好多膠質😻係女士們最愛成個心形咁好多骨膠原 $28有呢個質素實在太平 我決定下次如果經過淨係點呢個🤣一定要來再吃！勁正

好好彩地book到半價既立鮨😍即刻狗衝去試下 佢大部分既食物都有半價 冇記錯連刺身都有😆壽司整體黎講係好食架😍不過唯一不足之處係 有個師傅仔個態度麻麻地 🙁可能個日太多客 比較忙 但比我簡我都會再去食架😍鰻魚真係好好食😍好厚 燒得好香 同埋佢個帶子好大粒好厚肉又鮮甜 encore x1000呀唔該😋呢個火炙大吞拿魚腩海苔壽司 入口即溶😍原價48 而加24蚊件 抵到爛海膽壽司就冇乜驚喜🙁油甘魚劍魚腩都唔錯😍😍Overall黎講 我覺得如果訂到半價 係值得去食既😍😍但大家要留意返佢係企係到食架🤣所以會有小小攰🤭

之前經常經過立鮨呢間壽司都大排長龍，今日我地兩點去食唔使等位，第一次試企系度食壽司，又可以見到師傳即時整壽司。點左兩個午市套餐：立鮨特上壽司拼盆，海之幸盛盒，$25有迷你三交魚籽飯和，半價有波子汽水和有前菜和麵豉湯，另外又再散叫其他壽司。麵鼓湯好濃郁，沙律菜好fresh。立鮨壽司特上拼盆：牡丹蝦壽司，深海池魚壽司，北海道帶子壽司，中吞拿魚腩壽司和海膽壽司。海膽壽司舖上好多海膽，壽司飯用上赤醋飯，壽司飯好香海膽又新鮮又鮮甜唔會腥。牡丹蝦壽司蝦肉大大優又爽彈又肥咗又鮮甜。北海道帶子壽司又肥美。原隻活赤貝壽司赤貝肉肥美又爽口又鮮甜，中吞拿魚腩壽司好新鮮，鰻魚壽司肉質肥美。三文魚籽飯三文魚籽粒粒都好飽滿，一咬落口就爆超正，三文魚籽又鮮甜配上赤醋飯一起食好好味。

記得之前帶過屋企人黎食立鮨, 佢大讚個特盛海膽杯好食成日都掛住係口邊, 今次就再帶佢黎食大滿足海膽特盛係用加拿大海膽, 堆到滿滿既入口好鮮甜唔會有腥苦味,絕對係高質$98有咁既份量同質素相信都好難搵到之後就到我每次黎到都必食既火炙大吞拿魚腩海苔壽司輕輕燒過個面之後魚油出泥黎, 海苔沾埋魚油既油香更好味大吞拿魚腩唔使講當然係入口即溶啦我地再幾左幾款壽司同刺身今次試左店長推介既北海道活象拔蚌, 口感爽脆, 好鮮甜原隻活赤貝都非常鮮味立鮨用既係赤醋飯喔, 唔係好多地方有架蟹籽沙律, $28都好大份, 蟹籽勁多個醬汁都好好味最後就緊係甜品啦, 係南瓜雪糕呀!雪糕奶味好香, 入口好滑, 非常正呀之前去過其他分店都冇得食, 想試既話就可能要黎旺角分店啦而家外賣自取仲有8折優惠，更加抵食堂食惠顧滿$500仲送$100優惠卷呀

如果要我推介高質素司店而價錢又親民既, 我首推立鮨立鮨已經幫襯過好多次, 但水準依然keep到高水平, 而且比起之前同多左新款既食品有咁多新產品就緊係要試試啦首先就係原隻活北極貝刺身, 一入口已經feel到佢同平時食開既急凍北極貝既區別口感超滑, 果種鮮甜味係急凍果遠遠比唔上另外必試新品就係燒鮮帶子海苔, 用既係新鮮帶子好大粒好厚肉, 勁火炙過之後加入少少甜甜既醬汁, 再包住一齊食鮮味無比, 仲有海苔既香味另一款新品就係黑松露玉子壽司, 新品裡面加入左幾款黑松露食品黑松露醬好多, 配埋甜甜玉子一齊食, 呢個配搭非常完美三文魚腩係媽媽既至愛. 夠哂厚切又肥美之後就到每次黎都必定要點既火炙大吞拿魚腩海苔壽司大吞拿魚腩經過火炙, 魚油出哂黎, 果種油香真係令人回味, 大吞拿魚腩入口即溶重點係只係$48就食到咁高質既大吞拿魚腩, 勁抵食大滿足海膽特盛, 鍾意海膽既朋友必定要食, 成座山咁高既海膽入口勁甜, 用既係加拿大海膽, 下面配埋赤醋飯一齊食冇咁膩立鮨既海膽軍艦用既就會係馬糞海膽, 海膽味更濃郁一次過食哂2款正海膽!!最後就係蜜瓜雪芭, 好似係旺角店先有架入口食到蜜瓜清香既甜味, 唔會係好

今晚黎到旺角食立食壽司，雖然立食壽司熱潮已經流行左一段時間，但個人覺得高質又抵既壽司，立食壽司真係一個唔錯既選擇，既可以逐件揀自己想食既壽司，又可以望住師傅即席整既手握壽司，即點即整，別有一番風味。自助點餐模式，揀選完自己鍾意既壽司之後就可以交比師傅等食啦！除了餐牌，牆身更會寫上限定menu架！等壽司的時間可以沖定煎茶等，方便快捷。我們先點了刺身：限定油甘魚腩、特上地金目鯛及大吞拿魚腩！建議食法可以先從淡味開始到濃味，（油甘魚-〉金目鯛-〉大拖羅）。三款刺身都甘甜新鮮，但講到我自己最愛食既就係金目鯛，特別有質感，我喜歡第一口食下去那種爽口的感覺。燒蝦頭（配味噌湯）接下來，可以先嚐嚐看這個超濃味燒蝦頭味噌湯，加上燒過既蝦頭，特別香口。大滿足海膽特盛話明大滿足，呢個話就話mini海膽丼，但面層的海膽多到你超滿足！每一啖食落去都好綿滑鮮甜。鰻魚玉子燒限定menu上見到呢道鰻魚玉子燒，二話不說即刻點了。將蒲燒鰻魚配合鬆厚玉子燒，面層的蒲燒汁畫龍點睛，十分推薦。立鮨特上壽司拼盤壽司方面點了這個盛合，每款壽司都來一點！特別喜歡帶子壽司，清甜味出曬黎，而且大大粒帶子。蝦壽司也很新鮮爽口，如果你有選擇

好多人都話呢間嘅質素唔錯，都想食咗好耐，今日唔使點排隊，就入嚟試吓。呢間係立食嘅，所以如果唔想企又或者怕攰嘅話就未必啱你啦。不過我覺得唔知係咪因為佢質素真係好，食得好滋味，所以今次企喺度食都唔覺得好攰。應該係因為疫情嘅關係，餐具同器皿都轉咗用即棄嘅。我哋都試咗幾多款壽司，佢嘅壽司飯好好食係用咗赤醋去調味。好推介火炙左口魚邊壽司，火炙左之後啲油脂出晒嚟，入口即溶，非常好食。其他壽司例如火炙中吞拿魚腩壽司，海膽壽司，鰻魚壽司等等都好肥美。呢間壽司嘅質素唔錯，質素同出面貴價omakase 嘅壽司差唔多。不過始終係立食，要企喺度食，價錢就覺得稍為有少少貴啦。我哋之前喺OpenRice度買咗餐飲券，就有得平，感覺抵食啲。想食嘅話都可以留意下有冇折扣，以呢個質素有折扣食嘅話會更加抵食。

立鮨係一間我好鍾意嘅壽司店，可以體驗日本傳統立食文化，方便快捷，又可以食到高質素壽司，價錢都唔算太貴，相當經濟實惠，所以每次想食壽司，我都不作他選。北海道帶子壽司（$15 / 件）火炙北海道帶子壽司（$15 /件）火炙左口魚邊壽司（$20 /件）原隻活赤貝壽司（$30 /件）活赤背壽司必點！！！非常新鮮好味，口感爽脆，不得了！特上海膽軍艦（$48 /件）海膽軍艦相當重量級，唔會「呃秤」，成件放入口非常滿足。油甘魚腩刺身(3片)（$88）辣三文魚手卷（$15）10幾蚊食件手卷，微辣，都唔錯。大滿足海膽特盛(迷你)（$98）鍾意食海膽嘅朋友一定唔可以錯過，雖然係迷你碗，但海膽疊到成座山咁高，勁吸引！特選三文魚盛合（$58）店內環境乾淨企理，鮮明光猛，店員服務態度親切，整體都十分滿意，難怪經常有人企喺門外等位。

有定心理準備，好吃又抵食的東東，當然要少少時間排隊，我就排左四張飛，十幾分鐘左右，還好~原隻活赤貝壽司$30@唔單止花師傅時間同心機去處理，赤貝肉厚鮮甜，而且一d都唔腥。大吞拿魚腩壽司$48@肥美，淺粉紅色接近雪白。肥美！高質！火炙大吞拿魚胸海苔壽司$48@同上面係同一舊肉，但火炙完會爆油，加埋海苔，口感豐富，滿足都爆，同一個價錢，我更推薦依款實！三文魚籽手卷$25碎蔥吞拿魚腩手卷$28手卷係長卷形，每一口都食到紫菜加少少飯同滿滿材料，而且手卷只比起壽司貴少少，性質比高。值得一讚係d三文魚籽，又大粒又濃味，濃得黎又完全唔腥，少有。碎蔥吞拿魚腩又滑又鮮甜，掂！大滿足海膽特盛滿滿海膽放到勁高，影出黎勁誇張，放落口仲誇張，唔講得少！唔怪得傍邊個位食客都有叫。一舊水食到依個只能講太抵，外面食果d幾十蚊海膽手卷又細又苦又腥無得比，依度贏幾班。必食！

今次係我第二次食呢間壽司店，上次食完覺得意猶未盡，再食多次，今次真係大滿足，超級抵食又好味，同埋佢個賣點係企喺度食，啱晒趕時間嘅朋友。油甘魚腩刺身(3片)（$88）刺身魚腩唔錯，魚腩有啲筋，非常有咬口，入口回甘。辣三文魚手卷（$15）辣三文魚唔算辣，微辣等級，都算幾刺激。大滿足海膽特盛(迷你)（$98）海膽冇得輸，超級多海膽，成座山咁，海膽好新鮮，唔會有腥味。特選三文魚盛合（$58）立鮨特上壽司拼盤（$138）兩個拼盤加埋超級多壽司，食到好飽，魚生好新鮮，超級推介！ ！埋單都係九百幾，非常抵食！

今次是第二次食立食壽司。第一次是在中環，那次質素非常高，當然價格也更貴。至於今次的體驗，個人覺得以這個中等價位來說，質素算不錯，我也叫了很多刺身食。不過三文魚刺身的質素不高，但以價位來說，已經比大量壽司店優秀。而它的三文魚腩刺身卻是十分出色呢，這個我最欣賞。不過旺角店的地方有點細，比較迫，吃用的時間不夠舒適。不過整體來說，以這個價錢的質素去說，這家店算是性價比高的。不過下次再食，應該會到其他分店。整體感覺值得推介

禮拜五happy friday同朋友去咗旺角食立食壽司呢間立鮨好受歡迎 嚟遠已經見到唔少人排隊呢度嘅食物選擇好多 有壽司 刺身 軍艦 卷物 手卷懶唔想揀仲有盛盒我哋就揀咗兩款拼盤同埋一啲壽司刺身立鮨特選盛盒 呢個壽司盛盒有五款壽司分別係火炙鰻魚壽司 珍寶熟蝦壽司 自家製玉子壽司 蟹棒壽司同埋青瓜小卷非常抵食玉子壽司好鮮甜蟹棒好厚肉嚴選火灸盛盒 有三文魚壽司 火炙北海道帶子壽司 火炙左口魚邊壽司 火炙中吞拿魚腩 壽司火炙松葉蟹腳壽司 帶子又厚肉又鮮甜 火炙後魚油香更突出 入口即溶鰻魚手卷 呢度嘅手捲最好嘅地方係配料唔係放喺面頭 咁就每啖都可以食到鰻魚 而且飯嘅份量唔會太多啱啱好北海道帶子刺身珍寶赤蝦刺身珍寶牡丹蝦刺身北海道活象拔蚌刺身赤蝦同埋牡丹蝦都好大隻鮮甜象拔蚌味道好濃郁三文魚子軍艦三文魚子軍艦啲魚仔爆曬出嚟都只係20蚊好抵食火炙大吞拿魚腩海苔壽司 大吞拿魚腩 大拖羅好肥美完全食到油脂嘅甘香

呢間壽司店係我每次想食日本嘢時嘅首選，不過佢係一間立食餐廳，如果已經行街行到好攰嘅朋友就要三思喇首先介紹既係我每次必定會嗌嘅［三文魚子軍艦］多到滿瀉嘅魚子令人未食先興奮，粒粒既有光澤又飽滿，豐腴嘅膏香喺口慢慢爆破，你食過就會知我真係冇誇張。重點係一貫只係$20，平民價錢帝王享受😍第二樣推介嘅係［火炙左口魚邊壽司］左口魚嘅特色係又肥美又爽口，火炙過後嘅鮮甜濃郁魚油香慢慢咁滲出，又係不可錯過😋［珍寶甜蝦壽司］［吞拿魚壽司］👆呢兩款都屬中上，絕對比任何連鎖店都更新鮮油甘魚味道淡鮮，口感柔軟，柚子醬更加將魚鮮味提升，畫龍點睛🐲呢度嘅壽司飯加咗赤醋，質感粘而不濕，應該都係用咗日本米😋至於海膽手卷就不過不失，可能因為我哋冇叫到日本海膽，下次再試😊用埋某app嘅50%折扣，兩人食咁高質嘅壽司總數都係$170有找，幾抵都唔洗我多講

對我來講呢，你間壽司店呢雖然係立食。但係呢佢無論係茶啦，壽司飯啦，同埋材料呢，我都覺得非常之好。不過呢唔知係咪近排越嚟越孤寒啦，可能都做到出晒名，所以啲配料呢就冇以前咁豐富啦。我就好鍾意叫佢嘅三文魚子壽司，因為佢會做到一種爆多嘅感覺，三文魚子都會瀉晒出嚟。可惜呢排去嘅時候呢都冇咁多三文魚子啦。而家去叫佢嘅海膽壽司呢，佢冇普通嗰隻海膽呢，佢會要求你加錢呀佢買貴啲嗰隻海膽。同埋食過佢嘅外賣呢，壽司就真係冇咁好食啦。都好鍾意食佢嘅帶子同埋牡丹蝦。同埋必食佢嘅鰻魚手卷。