立哥麵家 (已結業)

今日去開元朗，男朋友帶我食佢嘅愛店之一，立哥麵家😋我哋嚟到係平日嘅12點幾，簡直係中學生飯堂，即刻覺得自己都後生咗🤣價錢非常親民，吸引到好多學生～男朋友大推豬軟骨，所以我叫咗豬軟骨湯烏冬 ($58)，因為豬軟骨嘅汁都融入咗豬骨湯底，所以食唔太出湯底原味😣但整體嚟講都唔會過鹹，豬軟骨好腍滑，非常入味😆烏冬口感亦唔錯，彈牙嘅😌男朋友就叫咗肉燥滷蛋配豬軟骨飯 ($48)～豬軟骨相對大舊啲，份量都唔少，肉燥飯惹味😋幾豐富～Lunch set當然會配嘢飲，我仲加咗$4飲荔枝紅茶～呢餐真係好有學生感覺🤣

聽說元朗有好嘢食, 行完元朗公園便去搵食. 這間小店內裏好逼, 但配合今天的陽光和微風, 坐在外面好舒服, 見到有人帶來寵物坐在外面. 小店價錢十分親民, 食物好味, 相信店主是個很好的人.

又係中學回憶，三十幾蚊就有個午餐，有日本嘢又有台灣嘢（e.g肉燥飯），係幾抵嘅🥹蒲燒鰻魚飯 💰69 ❤️‍🔥8.5/10分鰻魚汁可以自己加〰️鰻魚燒到燶燶地，更香口🤤蛋用半生熟嘅煎法，有蛋味，有啲脆又有啲滑咁💕邪惡咖哩飯 💰68 ❤️‍🔥7.5/10分芝士流心漢堡扒，豬肉唔係好香，芝士亦唔係好濃郁🥲但我鐘意佢嘅咖哩，似係日式嗰種甜咖哩，佢話係微辣但其實完全唔辣，甜味居多🤪蛋係滑蛋，同樣好香蛋味，亦好滑😝薯仔就唔多講，就，薯仔咁🤣如意孖寶（無影） 套餐價+💰9紅豆+珍珠+奶茶，個feel似八方雲集飲到嗰種奶茶，冇特別🫡胚芽奶茶（無影）套餐價+💰6就奶茶，唔係好飲到胚芽味🤥⚜️兩人食 免加一 共$152⚜️整體性價比 7/10分

鹵水豬軟骨飯 $47豬軟骨OK，用日本珍珠米！自家製吉列豬扒拉麵 $58爸爸話嚿豬扒冇味🧐做到外脆內軟✓靠醬汁調味，拉麵口感ok 吉祥孖寶 +$9走冰 本身唔要紅豆應該好地地😂啲紅豆唔好食💨

去元朗行街亂入，七點幾都唔使等位⋯⋯自助下單，有唔明可以銜牆上鐘仔。我哋兩個坐四人卡位，唔迫，ok乾淨。我點左牛舌豚骨湯拉麵、凍奶茶。老公要燒牛肉冷麵、凍檸茶，另外要多個滷水汁生菜。牛舌超多有五塊！可惜少少淡，浸係點生菜嘅滷水汁度，又幾好食⋯⋯拉麵同豚骨湯都幾好，仲有一隻溏心蛋，幾片生菜。燒牛肉其實係洋蔥炒肥牛，汁幾惹味，撈埋係冷麵度，老公話味道都唔錯。生菜、凍檸茶、奶茶正常發揮。service都唔錯。埋單$147，食到好飽，無投訴。

鋪頭位於教育路，兩間鋪位相連都係立哥的，門面唔起眼，裝修比較舊式，第一次食都係俾佢門口張邪惡咖喱飯Menu吸引左。鋪頭座位唔多得4、5張枱，有時人多就要坐下門口，用QR Code 自行落單，兩間Menu都係一樣，飯種類比較多。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 邪惡咖喱飯🍛依個飯真心真心真心邪惡😈，成個飯每一啖都會食到芝士🧀，完全滿足到芝士控對芝士慾望，咖喱汁微甜中帶點微微辣，類似日式咖喱果種，質地較稀身，炒蛋炒得偏熟，未夠滑身，漢堡扒先係成個飯精粹，切開會見到入面係流心芝士🤤，有小小拉絲，配埋咖喱飯食一流，食哂成個飯都唔會覺得膩同濟。- - - - - - - - - - - - - - - - - - - - - - - - - - - - - - - - - - - -——————————————♥———————————————

➖ 邪惡咖喱飯點解佢會用上邪惡二字，因為碟飯你食每一啖都會食到啖啖芝士係到。咖喱汁偏甜帶點微微既辣撈飯正而且仲可以叫多汁，個汁上枱時佢已經落左芝士粉。炒蛋都算滑但我覺得可以炒得再滑啲，個蛋佢落左芝士一齊炒所以下面個飯都沾滿哂溶落去既芝士。漢堡扒應該溝左好多其他野落去食落口感好唔似肉但係味道無問題的，芝士佢當然唔係淨係得面頭啲芝士粉啦，佢其實係一塊芝心漢堡扒。成碟飯用左咁多芝士不過都係用啲偏淡味既，所以食完都唔會膩🪧 雖然佢叫麵家但個menu啲飯類好似仲多過啲麵

呢間鋪我食過好多次，之前食過咖喱雞扒飯同埋咖喱豬扒，都幾好，今次就試吓個鰻魚飯（$72）見到個meun鰻魚飯張相已經好吸引，見到個實物更加吸引，鰻魚好肥美啖啖，下面有滑蛋，鰻魚汁係自己加，飯係用珍珠米，飯量唔多，可以加底，所以一定好飽😎另一個係照燒雞飯，飯同餸係分開上，d雞肉幾嫩口，仲叫佐一個滷水雞翼，d滷水好入味，除佐日式料理可以食，仲有米線，台式料理，睇落去間鋪細細間，不過原來有好多選擇，來開元朗諗唔到食咩可以試吓😏

立哥麵家同料理兩間店連住，但都係同一間野黎，望落一直都以為係普通麵店，但原來有好多選擇，同啲菜式都幾創新同緊貼潮流，賣相亦十分吸引，仲係用QR code落單，真係估佢唔倒。⭐溫泉蛋牛脷飯哩個牛脷飯CP值超高！仲有得揀加飯，一個晚餐連餐飲咁先50蚊！🍛邪惡咖喱飯哩個咖喱汁係採用左多種咖喱，再加料調味烹煮，質地較稀但味道好濃，微辣中帶甜，適合大眾口味，漢堡入面嘅流心芝士同面頭灑左大量嘅芝士粉係正係邪惡所在，有比佢驚艷倒🥹🍜自家制吉列豬扒拉麵食完仲話好味精，但塊餐牌寫住用左大量豬筒骨、豬腳同新鮮蔬菜熬製，冇味精😂

中午放飯時間又係周圍試周圍食，元朗咁多好野食真係1日食1間有都排先試得晒，今日就試下呢間立哥料理，佢個招牌立哥字眼大大隻，平時都攞黎做地標，但食就真係好似無乜點食過，佢分左2間鋪位，1間就叫麵家1間就叫料理，但食既野都1樣。入坐小店鋪面好細，得4-5張枱，人多時會坐迫少少，睇下餐牌款式都算幾多，有飯有拉麵，偏向台式同日式。睇完餐牌試下個穩陣d既吉列豬排肉燥飯，同事就揀左個豬軟骨拉麵，跟個是日果茶唔洗加錢，係細杯少少，另外落單方式係用qr code自己落單的，我本身都幾鍾意咁樣既落單方式，係有時要了解個操作版面要dd時間，如果唔識用叫侍應黎落單都得。好啦食物到啦，先講個吉列豬排肉燥飯，我仲另外加多$10加多份炒滑蛋，吉列豬排新鮮炸起，調味都ok，另外仲有d好似千島沙律醬既唔知本身係跟蛋還是豬排的，有d醬點黎食就無咁dry，飯用珍珠米，軟硬度適中幾好，肉燥都配合得岩岩好，唔會好咸，但隻炒蛋就差少少，熟左d唔夠滑，似普通炒蛋，呢方面要留意下，另外份豬軟骨拉麵同事就話普通喎，咁都正常呢度買5十幾蚊仲有野飲，出面d拉麵店賣成舊水1碗邊有得比。

古早肉操拼吉列豬扒飯$45 今日大約6:50幾分入到去發現有一個7點前落單嘅特價餐。本身個餐係$50 然後係7點前落單就可以平多5蚊。個肉燥飯都算大碗，上面啲肉燥都冇話偷工減料，還可以。然後隻滷蛋醃得好入味，係個飯入面係最好食嘅！至於豬扒，佢就普普通通啦。個炸粉皮都唔會話太厚，都係正常嘅。不過就冇乜味，可能係因為醃得唔夠耐。不過如果想濃味啲可以點旁邊嘅沙律醬。溫泉蛋汁燒牛肉飯$43 比起古早肉操拼吉列豬扒飯我會鐘意食依個多啲。溫泉蛋汁同燒牛肉好甲！個燒牛肉啲汁好送飯，啲咸度適中，又唔會太油。仲有啲量唔會太小，輕微大食啲嘅人都會食得夠飽。

平時見呢間餐廳都好多同學仔幫襯，今日午餐試左佢個「滋味常餐B」，痴線真係超級豐富！等我講下有D咩食，首先係主食日式肥牛 / 煎豬扒 / 雞中翼(2隻)配麵食，我叫左煎豬扒＋米線，塊豬扒好大塊仲要好JUICY。另外係脆豬仔 / 牛油多士、牛乳炒滑蛋+火腿，仲跟餐飲熱檸茶都係大大杯！咁多野加埋都係$42，唔使加一，已經唔係學生餐，真係抵食到嚇一跳。有理由懷疑老闆真係好想D同學仔發育得好D，哈哈！係發育餐！普通女仔食真係有機會食唔晒。如果你好肚餓，值得一試！

星期3同2位同事一齊再黎呢間餐廳食飯，今次係我第3次黎了，因為真係覺得平價又味道唔錯先一再黎食我地大約12點半左右去到，要拎籌排隊，不過都只係等左5分鐘就有位。佢地可以員工落單/ scan QR Code 自己落單，都好方便食物叫了午餐套餐 - 燒汁豬扒蛋飯 - $38 包熱飲/是日特飲（我叫過是細杯size）味道方面：正常既，豬扒足夠大塊，女生食就剛剛好，比較大食既男仔就可以免費加多個飯整體上，呢間餐廳係不同款式都有，日式，台式都可以選擇，有選擇困難症既人可能就覺得好難揀啦

無論係店舖名定係裝潢都看似行港式風格，但一睇菜單原來都好多日式美食選擇，朋友大推滑蛋鰻魚飯，另外再叫左櫻花蝦沾麵試試佢～《滑蛋鰻魚飯》💰$69份量唔算大，不過賣相都依然吸引。鰻魚都幾大塊，而且肥美，金黃色嘅滑蛋珍珠米配上鰻魚汁，呢個價錢好值啦👍🏻《櫻花蝦沾麵》💰$78沾麵可以選熱/凍， 湯底有好多粒粒櫻花蝦，仲有頗瘦嘅叉燒肉，配住麵咁食都幾惹味。拉麵上仲有隻蛋，係蛋黃流心個隻，撈埋麵更正啦😎環境：⭐⭐⭐味道：⭐⭐⭐打卡：⭐⭐⭐服務：⭐⭐⭐回頭率：⭐⭐⭐

本身諗住睇吓鋪頭嘅餐牌，企喺門口個靚妹黑口黑面，唔識招呼，好似我欠佢錢，咁都算啦，靚妹唔識落單，仲好大聲講國語，買單嗰時又找錯錢，唔知點解會請呢啲人返嚟，以後都唔會幫襯！！！