立哥麵家 (已結業)

呢間立哥,由初初得間舖仔,好小位,好迫,但都係keep住好多人去食既,食左好一段時間,到中間停左差不多一年無去食, 再去食時已開多左間舖係隔離,可以坐多好多客, 咁耐無去,我都係叫返我至愛, 肉燥半邊蛋豬軟骨飯, 要多杯紅豆冰, 以前都整得精美嫁啦 ,而家黎到時發覺一樣咁精美。份量一向都唔多既, 但今次食落去, 個豬軟骨真係流左好多,以前係每一舊都係有成條軟骨既, 而家肥油多,鬆散左, 同埋味道好好鹹, 係有點兒誇張嗰隻。呢到既紅豆冰係之前我既最愛,決為多豆,佢真係會多豆,同埋好粉既,粉都仲keep到,但無多豆啦,仲比一般既好一般至於朋友嗌左呢個吉列朱,佢話ok啦再有朋加叫左中華拉冷麵,呢個就真係麻麻地,無影相,好處係佢比支芝麻醬無自己落。今次再食失準左小小,希望只係咁岩啦

根據偉大嘅面書群組記載，元朗有間不太起眼嘅經濟好味小店，就係立哥麵家，估唔到竟然唔止有拉麵，仲有獨門飯餐！老公叫左一個咖哩吉列豬扒飯$45，佢話整體上都好食嘅，咖哩帶甜唔辣，好香；飯都好軟唔會係夾埋啲汁後就成pat..我自己就叫左個蒲燒鰻魚飯$78，初初送嚟覺得細細碗，都應該夠我食；體貼嘅係跟支鰻魚汁送埋嚟同一塊紫菜包住食，可以扮成鰻魚手卷魚肉有小小絲骨，都可以接受，飯粒軟硬適中..我本身唔太鐘意太甜嘅汁，所以都無落太多！跟餐加錢（$4）飲左熱蜂蜜柚子同紅棗茶...

經過好多次都冇機會食，因為佢實在太爆場喇，兩個舖位，再加埋門口位都經常坐滿，好在今日遲左食野，過左lunch time就少啲人舖位細，坐位較窄，係絕對需要搭枱嘅聽聞立哥嘅咖哩滑蛋飯好出色，當時在場都有幾位客人點左，但偏偏！坐我地隔離果位先生食左半碟就走人，令我有啲猶豫卻步再睇餐牌仲有拉麵選項，我諗叫得「麵家」啲麵都信得過啩，即管試試啦！先黎日式牛肉拉麵，啲牛肉好好味，充滿醬油香味，唔太鹹、又淋，牛肉唔係超市幾十蚊一pack打邊爐用果隻肥牛，呢款少肥多肉，只係肉身有啲散，相信就係日式燒汁牛肉飯嘅牛肉，有少量金菇同煮湯底係豬骨湯底，好濃嘅豬骨味同肉味，唔太鹹，但好油，而麵就淋左少少，都掛到湯汁同食再黎菜肉餃子拉麵，餃子令人失望，原來係湯餃，而且皮厚肉少，食落淡而無味，附上醋汁都已經冇意思另外跟餐叫左杯紅豆冰，係我飲過最難飲嘅紅豆冰，紅豆煮得過熟導致皮肉分離，接近起沙狀態，紅豆嘅香、甜都一一欠奉，都係飲返普通野穩陣

在元朗區工作了差不多兩個月，同事開始熟絡而且仲帶我周圍食好野傾談中知道我鍾情鰻魚飯，就不遠千里的行廿分鐘（午飯時間是很寶貴的）到立哥這小店，到達時已有大堆學生在等位，我們也一起等大約5分鐘左右，小店主持好快手就安排小桌並下單，我二話不說就鰻魚飯，其他同事叫咖哩肉躁吉列豬扒飯同肉躁吉列豬扒飯因為我沒有試另外兩碟味道，目測應該幾好食，但可以分享下鰻魚飯的感覺，鰻魚汁同飯可添，有一大片紫菜自己開袋加落飯度，鰻魚咬下好香肉好厚綿，好肥美的，不過正如同事講過有些少骨同腥，加埋滑蛋汁，好正的味道，如有山椒粉就perfect 啦⋯⋯下次帶男友來品評下先

本來想去食鰻魚飯, 但見佢無講配滑蛋, 就叫左其他。 叫左個滑蛋咖哩肉燥飯。有D 失望, 滑蛋只`是薄薄一塊蛋皮, 唔係滑, 蛋亦唔夠多。咖哩係日式果隻, 甜甜地, 但比起出面D 日式咖哩更無咖哩味, 另外有唔少GE 肉燥, 又係甜甜地, 所以都唔知自己食GE係肉燥飯定日底咖哩飯了。另叫左豬手做小食, 其實唔係豬手, 係豬腳黎, 有6小舊, 係豬啼GE部分, 但好多毛呀....點食.... 我揀左無咁多毛GE食.咋.... 都夠林GE, 但真是得D豬皮, 無肉的, 唔似豬手咁多肉, 個汁甜甜地都OK GE。另外叫左香蕉奶茶, 好大朕香蕉精油味,係香GE, 亦好甜下, 飲落有淡淡GE奶茶味, OK LA食完明白點解佢地GE菜式咁平了....

昨晚(10/12)我收工便吃晚飯,原本我去鳳攸北街吃飯,但我和同事行了另ㄧ邊路,所以我去了教育路<立哥麵家>吃晚飯,當時約晚上八時二十分左右,仍然有很多人吃飯。這間店有很多種類:有肉燥飯、鰻魚飯、櫻花蝦沾麵、鐵板餐還有冷麵ˊ等。我叫了肉燥滷蛋拼豬手飯(50元)十熱抽子蜜(+4元),我等十分鐘肉燥豬手飯送上,我首先將肉燥飯汁混在ㄧ起,我覺得汁少些,滷蛋、豬手(切粒粒豬手骨淋得好淋)和配椰菜ㄧ起吃很好味,最後飲了杯熱抽子蜜,飲完身好暖,這個晩餐很滿意。我下次會再來試鰻還魚飯和蝦沾麵。若果這裏飯後有甜品吃就好。我在附近甜品店吃了紫米露便回家。

聽講話鰻魚飯好抵好食，就去左食。但最後冇叫到鰻魚飯，叫左個櫻花蝦沾麵同埋芝士牛肉鐵板飯。再叫左個菜肉餃子、珍珠奶茶，紅豆冰。芝士牛肉鐵板好好味，仲可以自己加汁！櫻花蝦沾麵就一般，有點偏咸。菜肉餃子吾錯，都好食！

👫聽朋友講立哥擴充左鋪面，坐嘅位置多左，所以女朋友👱🏻‍♀️同朋友又去左食，不過今次唔係食鰻魚飯，係食呢到同樣出名嘅沾麵☺️#營養櫻花蝦沾麵 <$78>▫️配瘦肩肉叉燒沾麵有得揀熱或者凍，因為天氣凍嘅關係，所以叫左熱🤔 湯底都有得自選辣度，揀左小辣～原來呢個沾麵有好多益處：磷、高鈣同粗蛋白（Menu咁寫）👀係以一碗麵一碗湯嘅形式上檯，嚟到香噴噴，夠曬熱！麵上面鋪滿左粒粒嘅櫻花蝦，仲有兩塊好瘦嘅叉燒肉，蝦食落比較乾身，食落有少少脆，幾香口～而啲肉真係完全唔肥，食一啖麵，再配埋小小辣，唔油膩又濃郁嘅湯底食真係一流👅💦#珍珠奶茶 <$14>唔似出面買嘅台式飲品咁甜，而且啲冰打碎左，唔會沖淡奶茶嘅味🤔 而珍珠就比較細粒，幾煙韌，一樣都唔會太甜㗎😳🗣：可以揀坐室外或者室內🤗 而且全日免加一喔～

鰻魚飯好味低吃🐟日韓台式全包辦🏝星期五夜晚六點左右我地兩個黎吃晚餐，因為無吃午餐所以之後叫左三個餐。黎到既時候有三四檯坐左人，我地都唔使等就有四人位坐。個餐牌仲係下午茶，因為六點半先到晚市，但鰻魚飯晚市都只係貴三蚊，好低吃！本身諗住吃特大鰻魚飯，點知店員話因為低吃到蝕錢所以最近取消左果個餐。✏️我們的食單✅蒲燒鰻魚飯（包飲料）$69✅台灣肉燥豬軟骨滷蛋飯（包飲料）$51👌🏻黑蒜油拉麵 $76✅蒲燒鰻魚飯 $69：滿足感超載！鰻魚好大條，比較多肥，吃落好冧。鰻魚下面鋪左滑蛋，都好有口感！鰻魚汁可以按個人喜好落多少。飯質都唔錯，仲有一大塊紫菜。我吃過既鰻魚飯裡面呢間性價比最高！✅台灣肉燥豬軟骨滷蛋飯 $51：豬軟骨超乎預期地冧，真點正。肉燥飯都好入味。👌🏻黑蒜油拉麵 五花腩 $76：水準幾高！黑蒜好香，麵入面有好多配菜，一啲都唔孤寒。麵質唔錯，五花腩薄切。唯獨溏心蛋欠佳，浸得唔夠耐所以無味。🏠啲檯比較迫，最近擴展到隔離鋪位有多啲空間。裝修一般。👳🏻‍♀️店員都幾親切。

立哥麵家由中學幫襯到依家，以前中學係度食晏多，回憶最深刻既一定係態度親切既立哥呀姨，有次無散硬，佢直情唔駛我比，真係超好人！今日經過教育路，眼見立哥已經有一個鋪位變左做兩個鋪位，座位比以前多一倍，夜晚都唔駛等位～環境舒適 服務殷勤 餐廳裝修唔算特別，亦都唔係特別大，但就係有一種屋企既感覺，細得黎都叫坐得舒服。我地一坐低，立哥呀姨就比左個餐牌我地，原來宜家夜晚7點前入座仲有得便，一個飯只需要＄4X，包野飲，真係抵到爛！ 鰻魚份量多 價錢相宜 滑蛋鰻魚飯連熱咖啡 ＄72新推出既鰻魚飯有兩大塊鰻魚，一睇就知道份量十足，味道亦都恰到好處，加埋滑蛋飯一流！飯既份量唔算多，但可以叫呀姨添飯，唯一美中不足既係紫菜太 lum, 可能漏左風。照燒雞排嫩滑 份量十足照燒雞排飯連熱檸茶 ＄48照燒雞排飯簡直就係立哥既招牌菜式，成日都會賣曬，唔係次次都有得食！同鰻魚飯既份量一樣，雞排飯有一大塊已經切好既雞排，淋埋燒汁，撈飯一流！飯係珍珠飯，食落係另一番風味，唯一挑剔既係椰菜無咩味道～除左飯之外，見到餐牌仲有沾麵，價錢都係大約＄70-80，下次會再試下！

每次係屋企附近要搵食都係一件好難既事，雖然元朗真係好多好多選擇，可是岩口味或者會回頭再食又有幾多間呢？立哥係元朗都幾出名，每晚定必有人等位，鋪頭而家擴充左，唔使要等好耐今次點了咖哩吉列豬扒飯吉列豬扒有點薄，不過凍左都KEEP住脆口感咖哩味唔似咖哩，咖哩味十分淡反而係醬油味好重，略甜飯既份量有點少，女仔都食得哂其實覺得立哥味道挺普通的。不算係特別好食，之但係對於麻煩既我來講都可以再去起碼整體質素穩定，台式飲品不錯

琴日係面書睇倒某個由幾個後生仔女寫嘅谷介紹呢間舖，睇倒啲相幾靚幾吸引，決定去一試，點知超超超中伏，未入去姐姐先問我地坐出面定入面，我選擇入面，原因隔離舖正常裝修，介緊木，坐出面咪即係食木糠，好在選擇入面，食食下突然落大雨，入正題，一行兩人叫左一個叉燒沾麵，一個鰻魚飯，一杯招牌紅豆冰，一杯熱薑茶。飯同麵都係得半碗，因為個碗係中間劏半。我食過好多鰻魚飯都係用珍珠米或日本米，但呢家舖係用普通到唔普通嘅屋企米，仲好似食緊隔夜飯咁硬，另外沾麵個湯底油同咸，招牌紅豆冰小豆加好似水敢，大*樂已經唔好飲但都比佢好飲好多，成餐飯唯獨熱薑茶係好飲啲，兩款主菜分別70幾蚊一款，夜晚黎講價錢算合理，可惜味道就…………無回頭嘅機會。

試了很出名的鰻魚飯$69好似好正好大條👍🏻如果飯可以多點就更好😍另外點了一個沾麵$7x都不錯👍🏻環境有點小😂但平靚正無計啦😂有下次...！下次試埋其他好野先!

立哥一向都係我其中一間好鍾意嘅小店，雖然佢坐係坐得有d迫，不過大件夾抵食仲要係好食，所以間唔中都會再食。今日早過7點鐘番到元朗，諗住去食個早飯先，俾我見到原來早過7點入座係有特價餐，比平時仲要平多幾蚊！本身都已經係平，依家仲要再平d，既然咁抵食，點都要叫個特價餐試下。今次試左個溏心蛋牛肉飯，賣相都幾靚，無話因為平左而個飯少左或者餸少，上到枱一樣係咁澎湃！溏心蛋放喺飯中間，下面有好多牛肉，飯唔算好多，仲可以啖啖肉，味道唔錯，真係大件夾抵食，糧尾之選啊！

今次去左期待已久既立哥麵家👍🏻為既係鰻魚飯 以前都唔食鰻魚但最近食多左覺得好食既鰻魚真係好好味(我講緊咩😂😂😂)即係燒到好香口 食落唔會油淋淋好膩既感覺立哥既鰻魚飯做到 而且鰻魚醬汁由自己落岩哂我依d重口味人 飯唔夠仲可以添食 正👍🏻另外仲食左招牌豬軟骨拉麵轉左我至愛既麻辣湯底開頭仲有點擔心麻辣湯同拉麵唔夾但原來係麻辣既豬骨湯底真係超級美味呀個湯 我揀左中辣好惹味 下次可以試大辣💪🏻💪🏻💪🏻(譚仔我食開中辣)🌶❤️豬軟骨同拉麵做到一般元朗既質素但為左個湯咩都抵呀立哥仲有好多野食好吸引好似泡菜芝士熔岩撈飯 台式肉燥飯黑蒜油拉麵 櫻花蝦沾麵😍😍😍下次一定會再去試下 再同大家分享啦😊