立哥麵家 (已結業)

呢間店舖位於教育路，隔離店舖係相連的，兩間的座位都不算太多，外面亦有少量座位可以坐！我見餐牌介紹招牌菜係滑蛋鰻魚飯，我就點了這款菜式來吃！其實都好足料，鰻魚好大塊，配上鰻魚汁來吃非常好食，不過另外有一塊紫菜，我估應該係自己放喺碗上吃，又或者撕開一塊塊小小的放喺碗上🤣但我比較懶，我就咁整塊吃😂現在送送埋例湯飲！

早排咁岩係元朗行開，見到呢間立哥麵家，而佢食物又係開正我個範，係日式飯類麵食個D，所以係門口個餐牌睇左陣已經決定行入去試下。因為佢個鰻魚飯實在太吸引的關係，最後就叫左一份。黎到個時都幾驚訝，因為佢個份量唔算小，差唔多有大半條的鰻魚份量，而且仲跟左一份炒蛋(雖然炒蛋同鰻魚個食落唔係好Zmatch，但佢比的份量真係夠曬大方)。而鰻魚送到上黎個時仲係熱辣辣，而且食落油脂感幾重，集肥美、重口味於一身，唯一美中不足的地方係飯的份量唔係好夠(可能太多鰻魚^^)，咁本身諗住加錢叫多碗飯，因為鰻魚真係好岩送飯，點知發現原來加飯係唔洗另外加錢的，所以真係岩曬大食的我。

呢間餐廳係位於元朗教育路，嗰日諗食嘢真係諗到我同男朋友頭都爆呀，最後行行吓見到呢一間好似幾大分同抵食咁，就睇一睇放咗喺門口嘅個Menu，見到佢個石頭鍋鰻魚飯好吸引，二話不說我哋就入咗去試試佢啦咁我就梗係嗌左呢一個鰻魚飯啊，佢係用石鍋上嘅所以咪嘅時候呢熱辣辣加上去配製嘅鰻魚汁非常之夾同埋野味，將佢攪拌埋一齊蛋同埋鰻魚非常之融洽，食到一半真係好飽可想言之佢嘅份量真係好大份，價錢亦都唔係太貴所以真係幾抵食， 另外我男朋友就嗌左個豬軟骨咖喱飯咁我都有試一試嘅，味道普通啦同平時食開嘅㗎唔好分別，咁我覺得呢間都可以接受嘅，大家到元朗可以試試佢😋

元朗小店特別多 粥粉麵飯樣樣有 另外日式餐廳也有好多 呢間一半屬於日式style另一半比較港式style.來到當然要點最出名嘅鰻魚飯!見到人地食評都係讚多過彈☺️$69 一個鰻魚飯仲送杯熱飲 咁嘅價錢邊度搵？鰻魚飯賣相非常之不錯 碗細細但成碗是滿滿的 不孤寒！👍🏻👍🏻飯當然係珍珠米 配上一大塊煎半熟蛋 主角鰻魚有兩大塊 鰻魚肉質雖然唔算太滑 但都算肥美 配上鰻魚汁 真係好不錯！！抵食之餘 味道賣相都好好！👍🏻👍🏻服務員都好有禮貌 感受到街坊的親切感 經常都”妹”前”妺”後 或”細佬”前”細佬”後🤣🤣有機會一定會再來光顧的 加油💪🏻

作為一個土生土長嘅元朗人呢間小店真係我至愛其實每一次嚟到我都要排15至20分鐘不過真係好鍾意食佢嘅鰻魚飯所以我覺得等20分鐘都值得嘅今次都唔例外啦我嗌左我最愛嘅鰻魚飯不過嗌左石鍋蒲燒鰻魚飯，多咗石鍋係唔同D架因為個飯會熱啲同埋覺得香d個萬裕返條鰻魚我諗都有30 cm咁長再加上去秘製嘅鰻魚汁撈埋啲飯真係好正同埋佢上面有少少蟹籽同埋蔥撈埋一齊食都幾夾另外石鍋底嘅好處係食到最尾會有飯焦食，如果係飯焦既愛好姐，一定要食石鍋啦另外呢一個會送埋多日嘅特色嘢飲唔使俾錢嘅但係如果想加其他嘢飲就加$5至$10

晚餐想食喜友此里但冇開門，所以去咗附近嘅立哥麵家同朋友一行三人嗌咗鐵板咖哩豬軟骨飯鐵板黑椒牛飯鐵窩鰻魚飯我嗌嘅鐵板咖哩豬軟骨要咗中辛，嚟到係一啲都唔辣嘅，得個麻字，而我最唔鍾意就係麻味，冇諗過咖喱中辛係唔辣但麻，味道好唔夾。豬軟骨好稔但冇咖喱味，因為個汁係另外淋上去嘅。我亦夾咗小小鐵板黑椒牛飯食，都幾咸下，就普通嘅汁煮肥牛。整體味道非常一般另外值得一提嘅係，佢係逼你一定要用qr code落單，問幾次都唔肯落單，我朋友show比佢睇入幾次都入唔到，佢先肯黑住面過嚟落單，感覺真係好差。唔係話唔肯試新嘢，但諗住食個快飯都要搞一大輪，你估真係個個都咁多數據咩，加上味道咁一般，真係冇下次。

今期推薦～跟餐附送的冰涼花茶最近的天氣真的10分反常超級熱，我們好像在一個大蒸籠裏面。所以今次不得不選擇涼麵，今次選擇了汁燒牛肉涼麵。這間餐廳還可以免費選擇，冰涼的花茶不用加錢，另外這間餐廳比較特別的是用QR code下單。今次選擇了將執燒牛肉涼麵職員會送上芝麻醬給我們攪拌，天氣熱最好就食一啲冰涼嘅東西。最值得欣賞的是那杯冰涼的花茶，有一點百香果味道，但又似菠蘿汁，味道不是太甜，絕對值得加錢加大杯。

立哥都開咗唔短時間成日經過真係唔係好起眼雖然佢個名話係立哥麺家 但其實入邊大部份都係走日式菜路線🤪叫咗個鰻魚滑蛋飯 個鰻魚真係超級大條🤣味道可以啦 贏在條鰻魚夠大條💫🤪佢另外可以有一支鰻魚汁俾你自己唧想落幾多就幾多👻食鰻魚點樣可以缺少鰻魚汁呢🤭至於飯份量就吾多男仔應該唔係太夠食啦可以選擇買多一款小食👍🏼

蒲燒鰻魚飯 $69 （午市）鰻魚飯嘅飯都算偏少，後來食完先知可以叫多飯，食完表示唔太夠飽😭佢跟埋俾你包手卷嘅紫菜韌韌地，有啲難咬，食到我幾狼狽，我都係正正經經食餐飯算啦😂鰻魚就正正常常啦，係唔係原條我就唔知。不過配埋蛋同飯一齊食都幾滿足，啖啖都係肉嘅感覺🙂整體$69算係咁上下啦，鰻魚飯嚟講價錢都合理，食物味道正常，只係未到好驚喜。店舖細細間同埋座位比較少，坐得會比較逼。入嚟之前要攞飛等位，想食可能要預番啲時間！

元朗多野食就真係出哂名，今日去朋友位於元朗嘅屋企BBQ 。因為大家都未食野，於是就搵下有咩食，先買BBQ 材料。行下行下就去到永年士多，但因為朋友想食日本野，於是就黎左立哥。立哥就係永年士多對面，門面可以話係完全唔花巧，可見佢地都係行親民貼地路線。望望一個餐牌，我即刻腦入面浮左d4字詞「價廉物美」、「物超所值」、「實而不華」等等......我有冇睇錯🤔一碗鰻魚飯個價錢竟然係$69😱😱😱😱本身因為佢個價錢，所以就對佢個飯無咩期望。見好多人都點左碗，就跟風試下啦。鰻魚飯黎左之後，我即刻心心眼😍，有原條鰻魚鋪面，下面又有金黃色嘅蛋，加埋綠色嘅蔥花，賣相討好。一啖食入口，鰻魚香係口腔四周散發，幾高質，難怪差唔到係每枱食客必點！

今日難得放假,,當然要帶女友去食好西啦!!平時出街番工都係九龍區今日轉戰新界區食好野,,下晝就來到立哥麵家食佢依到好出名既饅魚飯雖然店內環境比較細同逼,,但係總帶俾人親近既感覺所以都唔會話好唔舒服先來一碗饅魚飯饅魚既大細同一般成年人手掌相若  賣相相當吸引!饅魚汁同蛋攪拌一齊  伴飯口感非常之夾!就連一向唔係太好饅魚既女朋友都大讚好食!而且飯用上珍珠米煮 一口飯  一口饅魚  一口蛋  感覺非常滿足!饅魚飯仲有第種食法店內會提供一塊手卷紫紙俾你包成手卷咁食令到成種感覺再次提升!不過大家要注意啦  唔食蔥既大家要記得記得記得走蔥啦!後來一碟咖哩吉列豬扒飯由於女朋友好中意吉列豬扒來到依到都想試下依到有冇特別驚喜賣相其實同大眾既吉列豬扒飯冇咩分別咖喱味係較甜既果一隻  豬扒炸得都唔錯  但味道還是差不多所以在此就唔太推介俾大家啦!

今日睇open rice 見到呢間野，見食評都唔差，點知原來食評都係伏唔好講咁多，直接入正題今日 絞盡腦汁諗食咩，突然醒起呢間，之前見其他網站都賣過，就不妨一試。一黎店舖陰暗狹窄，我當隱世食店唔係賣裝修，一黎叫左碗招牌 （鰻魚蛋飯）$69，加一杯（如意孖寶）＋$9 姐係紅豆冰加珍珠 。 先講碗飯衰咩：1）飯跟左塊未開封既紫菜，唔知點食，店員冇說明，咁我就當壽司包住d飯同鰻魚，一放入口塊紫菜韌到咬唔開2）本人可能祈望過高，蛋是全熟透薄嗰張紙，乾真真3） 鰻魚都唔會有咩特別，同一般超市買急凍reheat 番一樣，冇評價到杯所謂特飲：1）紅豆冰其實都好難整得難飲，但呢杯真係極品，唔夠凍，紅豆冇紅豆味，一杯紅豆冰可以飲唔晒真係第一次仲有叫左小食，但都唔想評論，浪費我口水，總之都係劣。今次食呢餐，相都冇影，因為黎到見到都唔多開胃，人生第一次未食晒d野就想賣單走人去對面永年食車仔麵算不過當然冇咁瀟灑。總結：今次係我第一次打食評，我希望唔想有人同我一樣中伏，對於冇熱誠既餐廳真係多一間都嫌多

想食好食嘅饅魚飯好多時都要過一百蚊，但如果你想搵平價饅魚飯，就可以去周街都係美食嘅元朗啦，立哥嘅饅魚飯真係抵食又大件，$69就有兩大舊，饅魚汁撈埋個蛋都好好食呀😍小資女同學生快啲去食啦！

剛好經過見好多人就等位試下等左約10分鐘就坐底鐵鍋饅魚飯💓鰻魚幾好食 夠厚同幾入味個飯因為鐵鍋關係有少少硬🤔個蛋就普普通通牛肉丼飯都係普普通通既牛肉飯咁不過杯野飲《波羅特飲》就好伏 糖水囉整體都有7分既

剛搬到入元朗，早幾日放假無聊周圍行下搵野食，點知就比我發現到呢間隱世小店，就位於元朗好出名既永年士多對面！呢間小店外表唔出眾，但原來內有乾坤！唔好睇小呢碗鰻魚飯，只可以用4隻字黎形容，就係「價廉物美」，所有配搭都恰到好處，以呢個價錢食到呢種鰻魚簡直係抵！鰻魚飯上面既汁恰到好處，鰻魚又肥美，入口即溶，再配搭鰻魚下既滑蛋，每一啖都有驚喜比到你！值得推介！！價錢超值 售價：$69比起一般出面食到既鰻魚飯真係超值，大家經開元朗/入開黎都不妨可以去試試，但記住要拎籌等位先！