稻香 (青衣城1) (已結業)

疫情關係，稻香轉型做外賣，今日試試佢。龍蝦伊麵望落去賣相普通，不過龍蝦都唔算細，肉有彈性，唔霉，七十幾蚊幾滿意。蓮藕炆肥豬肉，汁有d稀不過味道幾濃，豬肉雖然多脂肪但食落唔油膩，蓮藕夠稔唔會過硬，幾好食。白蘿蔔炆牛腩，牛腩數量唔算多，有一舊超級韌，因為有塊類似筋膜嘅嘢，廚房應該要切走佢但無做，呢方面處理得唔係幾好。其他牛腩唔會韌，無渣。蘿蔔尚算入味，亦都冇渣，質素ok，不過可以切大舊d，口感會好d。

今年提早慶祝父親節。剛巧數月前與朋友在大埔稻香食晚飯，當晚重點是阿拉斯加帝王蟹，鮮甜多汁又多膏，其他菜式水準也不俗，心裡也想帶家人去嚐嚐鮮，決定再去。但因地點問題，最後揀左青衣店。近日疫情放緩，普遍食肆明顯人流暴增。所以不敢怠慢，提前幾日電話預訂座位。（當天廂房低消是HKD3500 ，怕食唔到太多，最後訂了普通座，最後被編排去坐角落頭，背後就是中門大開茶水間，席間眾人一直感到有蚊滋咬，另一行8人坐的是10-12人枱，夾餸不方便，經要求下店家才提供玻璃轉盤）因該店不收開瓶費，當晚我地自備了兩枝日本清酒，而於預訂時間前十分鐘，其職員以電話聯絡我們再度確認預訂的座位。到達後，請店員提供冰桶，結果得到回覆是當晚全店沒有冰粒，還好也給了我們一個冰桶，加上自備的小冰塊保冷包，才不致於要飲室溫酒。肺話少講，大家一齊睇下相 .....

平時少去這兒飲茶，但商場有一間酒樓停業。半價早茶價錢很吸引，點心紙上有多款新推點心；貪新鮮的我忍不住試了兩款，但有點中伏的感覺。蠔鼓細到差一點也見不到，一塊大小連四分一粒也沒有。廚師刀工非常了得，長度只有綠豆一般，比豆鼓還小。生菜失去了踪影，難道走葱等於走生菜？還是它是用生菜水煲粥？實物反映了味道，沒有蠔鼓味，早知食柴魚花生粥網上搜尋米卷，未曾見過糯米卷出現。這客點心應該叫恰蛋糯米卷叉燒包。如果一早知是糯米卷，一定不會點。一隻蛋，一件叉燒包和一件糯米卷一齊蒸，只會令蛋變得太老了。期望與現實的差距真是太大了在疫情下，飲茶搭枱太高風險了，與幾組不相識的人同枱用膳，中間沒有屏風或隔位而坐。如果有人確診又如何追蹤？雖然知客已提醒要久等一輪，鼓勵茶客搭枱；但我情願久等半小時，也選擇不搭枱。

今日黎到青衣無野食！有人提議打邊爐一班自稱要減肥既女人居然一致同意因為夜去啲野食都半價真係好抵 成張紙既野食都叫過一次咁濟叫左60碟都有首先要讚一讚個湯底叫左豬骨湯底同醉雞湯底個豬骨湯好濃 好香胡椒味醉雞真係有隻雞啲野食黎得好快推薦既有魚皮餃大大隻又好味牛小排 肥牛都好得黑松露魚滑幾特別不過黑松露味唔夠啲野食份量都好足 好大碟好抵食幾滿意 唯一唔開心係啲響鈴係淋架！一啲都唔脆不過除左呢個其他都滿意下星期打波 可以再黎🤩

晨早入青衣搵姨媽嘆下早茶，見稻香早茶有半價優惠，咪嚟嘆下囉！我哋大約10：30am入座，10：40am已經開晒茶遞晒紙叫點心，點知d點心遲遲唔嚟，姨媽話d點心嚟晒好即埋單，11：00am前埋單先有半價優惠，11：00am前已經有追d點心，但追極都唔到，一到齊姨媽即埋單，都已經計全價了☹️這時，d侍應姐姐先教話埋左單先等點心..😣下次，我會早d食囉！好在，點心ok好味，最正係個酥皮叉燒餐包，皮脆內軟😋

青衣城只有3間酒樓，如要飲茶的話，基本上稻香已經是我的首選，因為食物比較好食之餘，價錢亦比較化算。今次幾個人去飲茶，星期六等位亦等得唔算耐。叫左10幾款點心，基本上每樣野都幾好食！尤其鐘意佢的點心配搭，同一款點心可以有唔同的口味，好似呢個腸粉咁，有齊哂叉腸、蝦腸同牛腸，簡直一流呀呢個雞絲粉皮簡直一流呀，平時唔多食的我今次都一定要試下！燒鵝米線的份量大到呢⋯不過燒脾仔就有多少失色了整體來說，稻香是青衣城飲茶的不二之選。

今日喺青衣行街行到夜左大概8:15先決定食啲咩咁啱見到稻香就打算入去打邊爐等左五分鐘都唔洗就有得入座入左去坐低見張枱已經執好左但係一拎起個熱水壺竟然有一餅壓偏左嘅飯好噁心之後叫左姐姐黎清啦順便俾埋張點菜紙佢果陣大概8:30然後就開始左漫長嘅等待...等到8:50仲係咩都未有真係諗唔通打邊爐嘅湯底同材料點解要準備咁耐所以就問左姐姐點知佢話我叫果個湯係要廚房煮所以耐左Ok我等到左9:05終於都有野食！材料方面都係叫左啲好普通嘅菜呀丸呀菇類等等味道不過不失啦咁打邊爐就當然要飲下汽水架啦所以我食食下就叫左兩罐野飲但係第一個姐姐聽完好似冇左件事咁繼續做自己野然後等左10分鐘頂唔順就叫第二個人幫手好彩第二位姐姐好人即刻拎俾我唔係相信我渴死左都未有得飲過程中仲有無限次叫過侍應幫手加水呀/加單呀之類但一係就個個望住地下做野一係就同收銀傾計一係就聽完冇左件事咁最後咩都要自己做！自己去茶水櫃拎熱水同自己去揾點菜紙埋單兩個人食左$500喺度食左餐冇服務可言嘅晚飯但俾左成$50加一服務費！要食到一肚氣咁就算野食唔錯都唔會再黎永別喇稻香

假日黎左飲茶，想坐下嘆下茶食下點心咁啦，兩個人搭枱，所以都好快有位比我地。order野食order 茶嗰d 都搞疘好耐，明顯人手不足，見到d 阿姐好忙好多野做，又唔係幾得閒show 你咁，不過去得稻香飲茶都預左。order 左腸粉，燒賣，家郷煎薄x,同埋燒味飯。個燒味飯黎到既時候，d 份量少到呢，d 雞又斬得細舊，d 叉燒又乾又細舊，最重要係d 醬都冇比到我地，問d 阿姐拎，佢又話係冇嫁啦，講左一陣先比碟豉油比我地😅跟住燒賣係等左差唔多一個鐘都未出，所以cancel 左既。總結用餐體驗係超差，食物質素唔夠，又出得慢，服務態度又差，價錢又唔係平（假日）

本人在附近工作, 由於青衣碼頭附的餐廳廖廖可數, 所以不時都會來到進餐.早茶和下午茶的價錢比較便宜, 一般大約四十多元埋單. 但點心的質素, 低得不能再低, 多款都十分難吃.而且座位安排非常差, 店員務必減低開新台的可能, 把多台人整合做一台, 十分濟迫和混亂, 一場4人台可以有4組人. 

8點20分入門口，一家幾口都好肚餓，10分鐘內就落單。落單等佐25分鐘催完上一碟菜，再過15分鐘居然講本來點嘅菜無佐，即刻火都來，隔離左右檯全部點嘅都上曬，落單40分鐘先話無。我哋問點解咁遲先話無佐，服務員服務態度勁差，語氣超唔耐煩講「廚房話無就係無」！真係嬲到食唔落飯，本來仲有一個菜等佐幾分鐘都係覺得浪費時間，最後都係決定埋單走人，行出門已經9點20幾分，前後入餐廳整個鐘先來佐一個菜，認真過份，以後都會避免去稻香！

未試過一間咁難食又服務差既酒樓，中午時間同朋友諗住傾下計食下飯，點知無啦啦有人走過來叫我拎起個袋，服務員先話全場要搭檯，要搭檯唔緊要可以入座時講明硬性規定一定要搭檯唔係我地坐低左先講😑我地2個人點了5樣食物，點了最愛既雷沙湯圓，來到時眼都突，綠豆粉是濕的，成粒野又濕又淋，極差！放左入口即想吐出！其他食物鳳爪，又乾又硬！腸粉皮厚過腳皮，唔叫都唔比豉油，豬手味道可以的但非常細小，只有腐皮卷尚算合格！另外服務員態度亦差，檯面上既野食完無人執，叫極都無人應😠唔怪得咁大間酒樓在中午12點幾時間入座都可以仲有好多吉檯，唉！整體來說，唔會再幫襯！

今年第二次嚟食一蚊雞，兩次的質素都好高，雞又大又熱又脆，又有手套較剪可以，都容易拆開。仲有好幾塊脆卜卜蝦片，一蚊雞真係抵食。另外叫了$88的柚子蜜排骨，來到有驚喜，咁大盤,又有咁多蜜桃，唔止柚子蜜喎，價值算抵。另外叫了$16自助吧，天氣炎熱要飲多些冷飲，林羅滿目任君選擇，實有啱飲。脆卜卜爆谷。水稀稀的杏仁茶及芝麻糊，(可能加少了粉),猶幸味道還可以, 加埋自助醬料，雖選擇不多，但燒雞醮醬，完全可以滿足醬料狂。區區食玩遊-青衣

-早茶時段竟然大把位都知伏，下次都係乖乖地排返樓上東海算喇-侍應兜口兜面無視你揮手，飲早茶要壺水仙我講左5次同3個侍應講😱先至有-另一檯一入黎就問飲咩茶，熟客待遇？只能夠話佢地可能人手唔夠啦。

雞冇上年咁大隻 亦因爲咁炸嘅時間耐左少少 冇咁嫩滑🧐味道鹹鹹地🧂係隻普通嘅炸子雞🐓🤙🏻一蚊一隻 唔可以要求咁多 但都希望佢都可以提升下隻雞嘅質素🙏🏻注意⚠️：2人限叫一隻雞/收茶錢/晚市較多人 建議book位Promotion period：until 17/4 from 18:00 to 21:00 on weekdays-The 🐓 size is smaller than that I ate last year. It is slightly salty. It tastes normal. Although it is cheap, I still hope that its quality can be improved.Reminder⚠️：2 people can order 1 chicken only/ charges for tea/ suggest booking as its queuing time is long-性價比：🤤x n飽肚：🤤🤤🤤🤤🤤味道：🤤🤤🤤⚪️⚪️環境：🤤🤤⚪️⚪️⚪️（冷氣凍死我🥶🐰）服務：🤤🤤⚪️⚪️⚪️（上菜有d慢）

大年初一晚飯，本來已預先兩日訂了位，到達時才發現根本沒有預留位置給我，一樣要排隊，令我和家人一共14人在門外白等一小時才能入席，氣憤指數達十級！！！😡😡😡還有其他一大堆苦主一同在門外「抗議示威」，投訴之聲和憤怒的情緒不斷升級，接待員只管漠視我們的指責，簡直是荒天下之大謬！此等不良食店竟然可以開滿全城，而大家亦繼續光顧，助長歪風，這個究竟是怎麼樣的世界？！不知所謂至極！！！！！！！！這絕對是毫無信譽和管理的酒家，完全不值得光顧，已列入我的黑名單！！！