稻香 (青衣城1) (已結業)

父親節前後酒樓都好多人，幸好有預先book位先唔洗等好耐。適逢爸爸生日又臨近父親節，從小爸爸都好簡單，一次過慶祝曬兩個節日，我地簡左食稻香。叫左半席頌親金豬鮑魚宴燒豬外皮脆卜卜，加埋肉好香口好滿足不論西蘭花🥦定蚌都整得好入味龍蝦伊面，龍蝦大大隻，肉質唔錯👍🏻6個人每人分到半舊都ok，龍蝦汁非常足夠伴住伊麵食杏香百花釀蟹鉗，唔洗講，香口野一定好味 蟹🦀️鉗都大大個，擺盤俾我有種盆滿砵滿既感覺，好意頭！海皇生翅，正正常常既翅，但係唔差既蠔皇鮑魚伴金錢，見到個名都覺開心，鮑魚唔會太「um」，冬菇夠淋夠入味，又有d菜食下幾好清蒸大富貴班，大大條班，肉質有水準，唔會太鬆散，愛食魚的爸爸都好滿意燒雞略為普通，無咩特別，但又係唔差既，正正常常咁本身仲有個荷葉飯，但真係食唔落，唯有打包走，食埋個壽包，真係滿足既一餐！其實依家真係少去酒樓食飯，稻香介乎老派與新派之間，傳統長輩會比較接受，反而太新穎既酒樓未必岩口味，一句到尾，最緊要爸爸開心我地就開心🥳都推薦大家同家中長輩食依個餐，真係幾唔錯👍🏻

稻香又推出$1隻乳鴿優惠，所以即刻要同男友出動去試下啦!!我地一共叫左三個餸，蒸虎彬斑，乳鴿及通菜煲。我一向都喜歡吃蒸魚，虎彬斑只係$108，咁抵所以一定要試下，條魚味道非常鮮美，蒸的時間控制得剛好，簡簡單單的蒸魚係最美味，所以我同男友都搶住食完。通菜煲就有搭配少少魷魚一齊，不過味道真係偏咸左些少，而且比較油，所以我地最尾都無食晒。最後要講$1隻燒乳鴿，確係令我有少少失望的，因為整體味道都係偏咸，肉質都麻麻地。所以下次再去食應該唔會再叫了。不過，青衣城稻香地方幾好坐，又無限時任坐，而且侍應姐姐態度都好親切。呢一點都稍後加番少少分，埋單兩個人約$270，晚餐來說，也是幾抵食的。

稻香做緊宵夜時段活動，但其實唔係好夜 8:30開始，再加上火鍋配料會有6折優惠，咁我同🤴🏻就揀咗鮑魚雞煲再加打邊爐啦！😁😁～～～$1鮮鮑魚雞煲～～～雞煲上枱內有四隻鮑魚，每隻都見得吓人👍🏻👍🏻，唔會用BB鮑魚耍你😝😝，質地彈牙有口感，濃汁比鮑魚切開嘅坑紋扣起☺️☺️，濃郁惹味😚😚雞件數量都唔少，唔會好細件，肥瘦平均亦唔會好 ‘柴 ’ 😋😋食完個雞煲只會加水來做打邊爐所以味道偏淡，好在😋好叻，自己在配料拎左沙茶醬同小米辣，加落湯底，立即變成好味嘅沙嗲湯😋😋至於火鍋配料就一般般，6折優惠冇期望冇失望啦🤪🤪最後同🤴🏻食到好飽飽離開啦！😙😙

今日約咗屋企人一齊中午飲茶，一行五人，11:30去攞位，唔使等位好快就有得入座啦～ · 稻香蝦餃皇蝦餃皮煙韌，蝦肉爽口，加埋啲筍粒好有口感，香味十足· 原蝦燒賣皇燒賣好香，有香菇同豬肉，仲有好大粒蝦肉喺上面，足料好味· 鬆軟叉燒包同個名一樣，叉燒包好鬆軟，內裏嘅醬汁好濃郁，叉燒肥瘦均勻，正· 香滑奶黃包包肉好鬆軟，奶黃餡幾香有淡淡既鹹蛋黃味，唔會太甜，唔錯· 奶黃馬拉卷有少少太甜，唔算太鬆軟，同埋有少少倒汗水滴濕咗，可以再好食啲。· 蠔皇鮮竹卷腐竹皮吸收晒蠔油汁好香，食到有少少冬菇同芫荽嘅香味，仲有少少蝦肉，幾好味👍· 潮州蒸粉果潮州粉果幾香，有啲花生粒喺入邊，唔同材料有唔同口感，好香，好味👍· 蠔皇金錢肚牛肚爽口彈牙，有少少難咬斷，但整體煮得幾粒淋同好入味，醬汁好香黑椒味，好開胃。· 韭黃鮮蝦腸蝦腸好香韭黃味，蝦好爽口大隻，可惜蝦肉有微微酸味，腸粉皮軟滑，唔錯👍· 金沙兔仔包係兔仔裝飾嘅奶皇包，表面有椰絲，小朋友見到好開心👍· 香煎風味蛋餃蛋皮微微有咸味，煎得好香，好香蛋味，入邊有少少芹菜粒，幾香口👍整體上菜速度都幾快，坐得舒服，最得意係佢有個自動加水同埋煲水嘅

今日去左青衣城稻香，因為睇到無咩人所以去幫襯吓。食物質數正常，因為(沒有要求及其望）。但員工服務態度十分差，可以講，同無無咩分別。叫人幫無人幫,扮見唔到。希望稻香管理層，好好注意依個問題，否則做幾多Marketing，一蚊雞都無用。

很久沒有去酒樓飲茶了，今次去了青衣城稻香酒樓叫點心飲茶，坐低第一件事，當然是沖茶，先給了我們一包茶葉，我們打開後放進水壺，我們發現了那裏有一個很有趣的裝置，就是自動煲水設備，當水完全沒有時，只要按一個加水，水面會煲水的水壺底入水，水位一直上升是大約水壺的三份二高度，然後自動煲水，非常方便新奇！我們叫了很多點心，有我必要的蝦餃、燒賣、鳳爪和排骨，還有小籠包、叉燒包、豬肚雞扎和羊肉腸粉，我們吃得很飽，一人一個大肚腩離開！😂😂

萬眾期待的「一蚊雞」又開始了，兩個人可以叫一隻(星期一至五 5:30pm－8:30pm)，星期六日就38元一隻哦青衣城這間稻香放工時間非常多人，所以不想等要提早取飛現在的一蚊雞是烤的，別以為這麼平的雞肉不好食，其實不然，雞是剛烤好的，全隻熱辣辣的，有孜然粉的味道，皮烤得好薄好脆，撕開雞肉的時候，還有好多肉汁流出，非常好食這是半隻燒鵝，好大盤，鵝肉扎實，皮燒得好薄，還有少少脆添🥰豉汁炒蜆，比較細碟，不過炒得很有鍋氣，蜆隻隻開口，隻隻都入味，沒有沙菜遠炒牛肉，其實就是平時街市買的菜心，牛肉可能醬料醃得太勁，沒有了牛肉味洋蔥牛仔骨煲，中規中矩，由於是用胡椒調味的，好辣好惹味條魚最後先蒸好上來，菜牌沒有寫游水，可能不是最新鮮的了，都不過不失

去了一轉東涌看櫻花，回程到青衣城食晚飯。我們胃口細，兩個人在酒樓叫了兩個餸，飲個湯已飽飽。稻香的晚市可選的菜式不多，看來看去三張紙，不會令你選擇困難。西澳龍蝦伊麵，賣188元，有成斤重，抵食，於是要了一份；再加脆皮燒雞半隻和每人一個滋補鮑魚汽鍋湯。湯先來，打開鍋蓋，湯氣上升，夠熱度。湯料充足，有連殼鮑魚、雞腳、瘦肉、花膠、龍眼肉、五指毛桃，不過湯味較淡口。脆皮燒雞半隻，是比較細小的雞，份量一般。雞皮燒得香脆，燒汁也入味，不過肉質薄，吃不到啖啖肉的口感。西澳龍蝦伊麵，這個就像樣多了，龍蝦肉多，爽口鮮甜，伊麵掛上湯汁，入口彈牙濕潤易吃。一碟的份量多，所以十份飽肚。

一月五日（星期四）晚同屋企人食晚飯，4大2小。 第一次去呢間，得d紙點菜，冇一本本既菜牌。 好難揀之下點了 乳鴿，粉絲蒸元貝，咕嚕肉，黑蒜鮑魚燉湯，上湯浸菜，豆腐。 先飲左個湯，冇咩特別，因為個人唔鍾意食黑蒜，所以只飲左個湯同食鮑魚。跟著食乳鴿…味道奇怪..同其他酒樓唔同..唔敢話係變 不過就食剩半隻。再來粉絲蒸扇貝，粉絲有啲部分乾同硬，扇貝蒸過左火又係乾同硬。豆腐…..因為隻乳鴿同扇貝 感覺啲食材不太新鮮…到食豆腐已心知不妙，試左一舊就停手….咕嚕肉….食到呢味 都估到實伏… 舊肉唔脆淋啤啤…菠蘿又難食…白飯….煮到一pat pat, bb都食到..全晚最正常係碟小菜仔….其他餸都食剩晒…我地平時好少食剩餸…...所以食完呢餐飯我仲係肚餓最估唔到既係埋單果時佢收咗5位茶錢…我同佢講我哋得4位大人…有個同事彈出嚟話：我哋呢度3歲樓上就要收茶錢。Ok fine, 我一個bb 9個月大，另一個仲差2個月先3歲，都費事同佢嘈。 $14 我哋豪比佢 反正冇下次。都知道小孩會佔座位，不過so far 飲過咁多次茶同去食飯，唔同時段同地點 都未曾有收過我2個bb茶錢。 我仲要好多時都要出動到2架b

食大閘蟹既季節，都可以食阿拉斯加長腳蟹既...見好似幾抵就入左去試，每斤平左$504斤，照計，可以自己入去揀蟹，生生猛猛，大細自己揀。蟹肉好鮮甜，有海水味叫咗條龍躉，魚肉好滑好新鮮鮑魚雞煲，鮑魚都好多粒，雞肉好入味糯米飯，軟硬度岩岩好，粒粒飯都好有油香味翅，冇咩特別，OK另外仲叫左點心，兔仔包整列好精緻，裏面都係蓮蓉餡，同壽桃一樣燒鵝例牌，皮好脆，夠油膩、正！夜晚食都幾開心，抵食。叫到成枱都係野食

準備去迪士尼玩，一家大細先去e下個肚，食晏時候，等咗一下，都算快就有位。環境同服務中規中矩，落單到上點心嘅時間，經過一個漫長等待⌛️，等待時間耐咗少少都算了，仲要出品都幾唔滿意lor ⋯⋯籠燒賣係3粒嘅，睇落去以為有4粒，皆因粒蝦仁🍤從燒賣度跌咗落嚟lor 隔離有少少黑色物體係黑松露，又從元貝度跣落嚟，慘不忍睹⋯⋯雙拼飯個賣相就差咗啲，味道都仲可以嘅⋯⋯籠奶皇包就普通奶皇包，無特別⋯⋯小籠包感覺多油咗啲，口味一般呢籠雞雜，個腐竹認真唔好味仲有啲點心都無心機影佢啲相了，因為我覺得係我食得最差嘅一次稻香！唔會再嚟食，無下次！

首先所有侍應會逃避你嘅眼神，問姐姐落單生力清啤or嘉士伯，佢皺哂眉問我咩黎😅最後唔耐煩話唔好問佢，問第二個😂然後問左個叔叔，叔叔又唔耐煩話咩都無，得燕京（其實咩都無就不如唔好擺張落啤酒嘅紙出黎😂）And then，隔離枱同我地一樣點左羊腩煲+安格斯肥牛，但隔離嗰碟牛d肉同紋理左睇右睇每個角度都證明佢係一碟平價肥牛（尤其係同我地呢碟比較之下😅），隔離枱當然話要換啦話安格斯唔係咁樣樣，然後侍應哥哥竟然神回一句：你地係食呢d架啦🙄omg我呢d脾氣好嘅聽到應該都嬲豬🤣雖然有換碟似樣嘅俾佢地但應該唔使食淨係受氣都飽左😅特別嘅一次體驗👀第一次食青衣呢間亦都一定係最後一次😛

88蚊片皮鴨一食，份量都足兩個人食飽，鴨皮和葱絲味道不錯，但餅皮吾夠熱，好彩都軟熟。如果兩食加68蚊可揀涼瓜炆，太大碟食吾晒。吾少食客揀加9.9拎走鴨榖，我兩公婆當然有樣學樣，打包回府，明晚下廚自己炆。蒸魚有驚喜，98蚊，新鮮抵食！街市買條沙巴仔都要60蚊啦！黑蒜鮑魚湯，吾期望是燉湯，但都算有香濃蒜味，28蚊，兩個人叫一碗試下無妨。眼見閒日都8成客滿，生意都算吾錯啦！不過，相比上一回的一蚊燒乳鴿或者一蚊雞年代，都係之前抵食dd。

今日去完迪士尼,艷去青衣城飲茶,海港排曬隊,為有落稻香,剛剛下午茶入座。我個女喜歡食乳鴿,叫左一隻-$48唔係平,叫左一碗特價叉燒飯$19.8,跟住叫左10款點心到。蝦餃$19.8一般鮑魚燒賣唔記得幾錢另外叫左口水雞,鮮蝦腐皮券,蝦腸,牛肉球,菜肉雲吞,奶皇包等等食品一般,成張單$311算係甘,不求會有好另外發生一件好笑的事,我地都參唔,有個什工都過黎倒水,我同去講轉頭我地5分鐘就走,什工可能有問題,係咁鬧人我哋走之後,同個經理講返件事,我話什工可能精神有問題,我都知而家食肆唔夠人,但係可以有禮貌啲。

昨晚一肚氣，8：15分等位，8點45入座,坐低無人理，冇人招呼都算，茶都冇人開，叫個四眼男侍應落雞煲，答我哋自動落左，預左我哋食雞煲，好又信你一次，等左10分鐘都未嚟，後面遲過我哋都有，好再等多10分鐘都未見，有個女侍應路過都有追，9點30見有6，7個煲推出嚟，身邊所有檯都有，火都嚟埋，即走😡😡😡😡😡😡服務態度差到不得了，只係叫人買月餅劵，以後都唔會去