稻香.茶居 (荷李活商業中心) (已結業)

7點到 7點19分下單（電腦飛顯示）5人點餐以下 4碗$18湯2隻1蚊雞（後期先知落一隻，8點加多隻）孖寶（聖子加菜，聖子無貨，改單，店員又解釋得求其）咕嚕肉可能隻雞係即叫即炸熱令到要等耐左，但問題係傳菜員傳左菜，搞到我地要等 ，之後又催，催都催左成起碼5次，喺第3次時，將雞再傳錯俾前兩張枱，第4次催先知落單漏一隻雞，最後等到一車雞，忍唔住去望下有冇我地枱嘢，發現無，即刻又催，個主管算係咁，幫我喺車上搶來2隻雞，即刻俾我足足簽左1個鐘，期間餸菜都係催到第3，4次之後先到😒明白依家人手緊張 但傳錯單，又唔跟次序出單，好大問題原本打算今晚食完，再同屋企人又食，今次有呢個感受，梗加減少唔返學😒

星期五屋企人生日,咁啱稻香嗰個一蚊雞又幾吸引,訂咗七點7:30落單,斷斷續續先上得嗰幾個餸, 份量碟碟都好少.咁多人真係無可避免咁所以我哋就冇催佢,結果九點先有雞食問阿姐點解咁遲佢仲話我哋冇落單但係我哋明明同佢落單🤷🏻‍♀️真係好無語😶

香港人的集體回憶一呅雞，每逢經濟不景氣，蕭條過後，稻香集團都會在旗下食肆推出一呅雞優惠振興門市經濟，今年5月11號又開始啦，我都一定去湊熱鬧，可能揀錯星期五，原先去雅蘭中心稻香酒樓，一早樓下已大排長龍，上到三樓更加恐怖，取票要等幾佰張枱，點等🤔🤔突然想起附近荷李活中心有間稻香茶居，即時轉身去，在手机Gulu App先取票A23，好彩科技發達，不過都要等9張枱，等到大約七点終於可入座😘😘不過，現在酒樓都行自助形式，煲茶飮水都要自己搞掂，好不容易致學識用套煲水机😅😅可以開始落單啦，第一道菜：$138桑拿環球海鮮匯 ：有扇貝丶蝦丶鮑魚丶花甲、吊桶仔伴上甜粟米，海鮮汁精華加上香口炸蒜蓉粒及嘢味蝦醬撈起來很鮮甜美味👍👍👍主角到埸⋯⋯一蚊雞$1 炸子雞熱辣辣香噴噴，自己手撕來吃，都幾有風味😄😄其實，我哋兩人食咗兩個菜已經好飽，但見到歺牌寫炆鵝煲，好吸引就叫多個餸，但真失望😡😡$88豉汁涼瓜炆鵝煲（只是頭頭尾尾燒鵝碎炒豉汁涼瓜，好彩涼瓜都過得去）

稻香又推出「一蚊一隻雞」，2人叫一隻，4人就可叫2隻，當然要試一下啦！原隻上枱熱辣辣，雞肉非常香滑鮮嫩，每枱食客必食之選。花膠粉絲什菜煲，味道尚算唔錯，湯底清甜。惹味椒鹽海蝦，爽口彈牙。素鵝及雞絲粉皮都一般，略嫌雞絲粉皮淡茂茂無味。七味豆腐香脆帶少許微辣，外脆內軟。

久仰大名，終於可以一試。於是6點幾收工就即刻walk-in 去等位 ，由6:45pm啦 等到7:30pm終於入到坐。可能有肥仔係到，所以唔覺得等左好耐💗我好少係稻香食飯，入到去好求其地被安排係走廊是但間左個角位自成一個角落頭，茶水好cyber 全電動自助式、都好既慳返D人手係樓面、專注返做落單同出菜。咁落單就分2 part ，如果order $1雞就要搵人落單，其他野食就用手機落單。我地叫左$1雞 & 海中寶燉湯，因為都唔係好肚餓。先上雞隻雞好香，雖然隻雞好瘦🤭肥仔先剪開隻雞。好細心咁分左屍先💗 第一啖食落口，好好食，個皮脆卜卜，裡面肉質好嫩好香好滑！好食！$1真係不得之了！勝價比係相當之高👍 之後到海中寶燉湯可以用半價$20都唔洗就飲到啦。嗯...... 唔好有要求😂叫做有鮑魚有花膠過下口癮就算啦

今日午餐去左飲茶，我地叫左招牌鵝三弄，有涼拌鵝爽，鵝肉炒飯，燒鵝皇。鵪鶉蛋燒賣，小籠包等。呢間係新式茶樓，每台隔離都都有個架，嗌左茶之後，服務員會比個茶包你，放落去沖水，就局住。有熱水水機，唔使驚凍左。間茶樓裝修都好靚，坐得好舒服。鵝三弄其實幾抵食，3樣野先100蚊。我覺得好燒鵝脾好正，不過個炒飯就太鹹啦，可能因為個鵝汁落得太多。d點心唔錯，好精美，尤其個小籠包，皮薄陷靚，又多汁。我都係第一次黎新式茶樓，環境衛生，我好中意。

裝潢後的稻香叫了稻香茶坊，叫得茶坊，茶茗都幾特別，桌邊有個滾水器，方便自已倒滾水，不過這裡的待應真的太少，最後自己拿點心紙出去給他們，今次我們二人叫了五個點心，慢慢飲口茶都不錯。粉果皮都幾薄身而材料都不少幾好味，炸饅頭仲有熱而不太油身。蝦燒賣的蝦都幾大隻不過沒有味，燒賣不太肥，豬肉啖啖肉。奶皇包來到好似壓過，連待應拿過來都笑一笑，最後換了，奶皇都幾滑但有點甜。紅油炒手都少辣幾惹味，雲吞味不錯多料，見到一個套餐有一個叫鵝三弄再加三個點心，都岩我們二人食就叫了一個，入面有菜苗，三弄，有燒鵝，炒飯，素有點辣，再配三個點心一百九十八元，其實食完都夠食，坐得都不錯。菜苗都不少同幾新鮮，清清地都幾好，燒鵝有驚喜，皮帶脆有點溫度，不過咸了點，炒飯有點濕但二人分量都夠食，有一碟素有點辣。另外三款點心义燒包都幾軟熟，义燒不太多醬可以，蛋燒賣綠色幾特別，味道普通，排骨比較肥，芋頭好味道。

今日幾個朋友臨時起意食半圍餐。選擇稻香988去用餐，有個茶居之後，其實在每個餐桌附近都有一個好似酒桌之類的去斟茶，沏茶。|金銀蒜龍躉球蒸飯^呢個都好味，|臘味糯米飯^夠軟，上菜速度都可以，因為始終叫起餸之後開始即叫即整。阿姐之間都可以，可能人多，但都有幫手執拾。相對於其他酒樓，今次都算簡單的一些餐廳裝修，簡約。

點心非常差，同啊姐服務差不多。睇openrice所有報告都話OK，絕大部分報告都系寫佢自動充水幾特別，寫點心的吾多，所以去試下。星期五9點3去到要一陣就有位，座位間好寬同埋光線舒服。大部分服務員都系啊姐，服務態度比較差，就算在星期一到五11點前有5折，收客人咁高價錢絕對吾值得嘍。所有點心都用電話掃二位碼點，無電話就麻煩啦！但埋單又吾可以喔，學大陸只學到半桶水。系部自動沖水機幾特別，另外茶壺就有D舊茶居感覺，但舊吾曬嘍。所有點心都油膩都嚇死人，睇相就知道，仲有野吾熟，食物分數絕對超低。應該吾系即叫即蒸，因為好快來曬。蝦餃（$32）3分-細細只，皮不算薄，蝦不爽。腐皮卷（$26）1分-好油，食完蝶底都有好多油，腐皮吾脆仲覺得勒，懷舊滑雞春卷（$24）1分-非常油，吾脆，魚哥醬炒米粉（$24）1分-得個鹹字，米粉應該未煮夠，好硬。粥餐（$16）3分-皮蛋瘦肉粥 -算系比較好的，粥比較棉，料也夠- 油條 - 食完一口油，吾翠吾香-有3分主要係價錢便宜懷舊豬肚雞扎（$26）1分-主要分別可能系豬肚代替火腿，豬肚比較勒,魚肚啊媽話咬吾開，最最最大獲係芋頭肯定吾熟，仲系白色（見照片）

稻香宵夜火鍋單點半價呀🥘冇諗過可以一邊飲茶一邊打邊爐😎呢到裝修十分年輕化，而且座位好闊落！仲有全自動化煲水同加水，好方便呀！只要放入茶葉，禁個制，就會自動煲水至100度，之後就飲得！🌱我揀左花雕醉雞煲，堅係成隻花雕雞自己放入去鍋到😍好補呀！肥牛脂肪好均勻，唔錯！而且，呢到仲有出面唔常見GE廣島蠔tim🙈叫左以下食物：（未半價的）花雕醉雞鍋 $88美國肥牛 $58廣島蠔 $48手打蝦滑 $38水餃+魚皮餃雙拼 $38金菇 $28爽滑竹笙 $58炸魚皮 $28健康紫菜 $28生根 $28炸支竹 $28而且平日夜晚8點半，五至日公眾假期9點就有宵夜火鍋半價，好抵呀🥰兩個人食平均都係百幾蚊一個人就食到啦！

雖然我人仔細細但其實都幾鍾意飲茶🙈🙈今次去咗#稻香茶居佢個茶壺係自助式！自動嘅！真係好特別！完全顛覆左我對傳統茶樓嘅印象🙈🙈🙈 成個裝修佈置都好靚🙈🙈嘢食就梗係唔使講！二個字！好味！😍😍佢成個套餐份量都好足夠，又好味！尤其係個燒鵝好嫩☺️☺️ 我最鍾意個灌湯小籠包😭😭😭😭無唸過咁細杯，d湯都咁鮮味咁好飲！一定會encore 🥰#荷里活商業中心#招牌鵝三弄#黑鑽心太軟#商務套餐#大大份好抵食#同同事一齊食最啱#支裝懷舊汽水

難得同老公撐枱腳， 見到宵夜火鍋全部半價喎，梗要試一試啦， 真係幾唔錯， 麻辣雞煲都好惹味，仲配埋魚腐，吸晒d麻辣味，好正😋😋一個海鮮全盒包羅萬有（象拔蚌，龍躉魚片，龍躉腩，大蜆，大粒帶子，手打蝦滑墨魚滑），全部都好新鮮。仲有個安格斯牛柳粒，好香牛味，肥瘦適中，大大粒，滿足的一餐，好飽吖🤗環境幾好，一d都唔會逼，今次我地仲有窗邊卡位，望住外面人來人往，車水馬龍，夜景一流✌🏻最欣賞佢個自動煲水系統，冇水就自動幫手加水煲水，唔洗下下要叫「人黎吖」，宜家哩d人手不足的世代，真係幾好👍🏻

宜家夜晚都可以🙈飲到茶～稻香新開既茶居～環境闊落又乾淨！而且加上有植物🌳綠色環境的感覺非常好海寶全家福裏面真係包羅萬有～有海鮮又有唔同選擇，花膠、冬菇、鮑螺片、蝦球等～全部都好鮮甜，而且搭配得好，全部野都好match！覺得味道真係幾好！如果份量可以再多啲就好啦，不過兩個人都夠食脆皮吊燒雞🐔皮好脆而且熱辣辣送上黎，肌肉嫩滑，香噴噴好味道～食少少唔怕熱氣既！椰皇燉燕窩椰香味十足，最鍾意食🥥椰子，阿媽都好鍾意呢個～燉得香滑搭配燕窩！養顏生磨芝麻糊芝麻糊比較濃厚，味道濃郁，食完又可以養生健康

有晚喺旺角試食，上到去好似發現新大陸咁～原來呢間稻香茶居係新開，難怪裝修咁新淨～間野都幾大，唔會坐得迫，每枱都有自助煲水茶壺，想飲幾多茶都無問題～仲有套功夫茶嘅茶具，細細杯幾過癮😂講返食物先，燒鵝皇皮脆肉嫩，一個人可以食半隻🤣咖喱卜卜脆皮牛腩d咖喱好香，撈飯一流😋椰皇燉燕窩唔洗講都知正😋下次嚟開旺角可以試吓～

兩個人食一隻阿拉斯加帝王蟹每一條蟹腳都又長又粗 滿滿嘅蟹肉同蟹膏非常滿足!!!!另外叫左個古早味牛腩煲都十分出色 色香味俱全環境方面 #稻香茶居 裝修比較現代 適合拍拖或者一大班人聚會