稻香 (德福廣場2期)

营业中

休息中

今日同同事打完波，見都已經8:30pm又唔想行太遠就去咗稻香打邊爐。我哋叫咗個$1 紅燒魚頭煲，另外再加湯打邊爐。去到先知8:30pm後火煱料6折😯嗌咗勁多嘢，最後都係係人均$90埋單🤓個魚頭煲味道好濃，好大塊但略嫌多骨。之後再加湯打邊爐，叫咗一碟肥牛，加啲菜同丸。我覺得稻香最好食嘅牛肉就係$98肥牛，再食貴啲都係嘥錢 🫢 另外再加咗一碟雞肉，一碟豬肉同一點羊肉，但都係肥牛最好食 😂 整體而言，市面上有好多更加好嘅打邊爐餐廳，但呢個價錢真係冇得再講，高質頹邊爐你去邊度搵😏

### 食評：茶樓體驗盂蘭節快到了，今日與媽媽一起去雲泉仙館拜祭父親，之後又到稻香午膳，因這間茶樓與母親居處相距不遠的，其價格實在，卻較無驚喜。首先，三色燒賣中的帶子薄到要用放大鏡先睇到，鮑魚及虾oK，餡食出有冬菇，釀茄子則過於油膩，而且凍哂，陳村粉的粉條有些過軟，虾不新鮮，有腥味。干炒牛河的牛肉質地韌而不嫩，河粉稍微肥膩，總體來說，這家茶樓對於價格的堅持可嘉，但在食材挑選和烹飪技巧上還有待提高。

同事last day便同佢飲餐茶，見德福得美心同稻香兩間茶樓，就揀稻香吧（後來見到仲有利苑…）。地點係二期頂層，行德福咁多次都無上過黎。見有吉枱啲客都唔入坐，原來有下午茶時段，大中小特點都係一個價，好抵喎，而家好少有劃一價茶樓😆🥢鮮灼鯪魚球魚皮餃本身諗住灼菜，見有埋鯪魚球同魚皮餃都係咁錢，咁貪心啲要晒佢，正常灼野，要點下辣椒同豉油先有味。🥢香酥蔥油餅比frozen嘅蔥油餅厚身，幾香脆👍🥢黑椒金錢肚個汁好入味，個底墊左少許豆卜，金錢肚份量不算少。🥢功夫小龍包未夾已經漏左湯汁出黎，皮偏厚，一夾就穿，茶樓檔都唔suppose有正宗小籠包，呢個價收貨。🥢金菇牛肉腸腸粉皮勁厚又唔滑，淨係食到牛肉同芫茜，說好的金菇呢？😂🥢荷香珍珠雞呢個幾好食，飯蒸得透心唔過淋，包住鹹蛋黃、豬肉碎、冬菇粒等，仲有少許荷葉香。🥢像真杞子荔枝好得意嘅造形，真系好似荔枝，外層脆中層煙韌，裏邊包住荔枝味餡，質感係史萊姆狀，都幾好食😆抵讚係每個位都有部水機，唔使叫伙計沖茶，但部水機會唔會清洗就不於置評了。茶錢好似十蚊位？飲咁多都唔使兩百蚊，係平嘅。

去開德福，聽朋友講稻香做緊一蚊雞乳鴿！🕊️即刻約埋屋企人食乳鴿！果然乳鴿都算幾好，熱辣辣～卜卜脆～肉亦有底味，好juicy～唔算好乾！🥰👍🏻另外幾樣餸表現穩定，一般晚飯酒樓嘅菜式。個人好欣賞酸菜魚，👍🏻用沙巴躉果然又滑又好肉！佢湯底好濃，仲加咗花椒，所以多咗一陣麻香味，第一啖感覺都幾辣。另外個魚香通菜煲啱曬我口味！！純粹個人意見～😅反而平時好鍾意食節瓜粉絲煲😮‍💨佢居然用南乳……所以個顏色已經唔吸引我🥱😢另外可能水落得太多，或者炆得淋……啲粉絲發脹曬，一pat pat咁，十分影響口感～🙄

稻香又推出一蚊晚飯優惠，今次主角係乳鴿，每位限一隻。平日$1，星期六日公眾假期$10。仲有其他優惠小菜的選擇，非常抵食我們兩個人，order咗兩隻乳鴿，即炸熱辣辣原隻上。會附帶手套畀你用手撕開嚟食😂， 一放上枱、即刻食，几大隻，有肉，炸得唔錯，以$1嚟講係超值😍，但因為星期六去食，所以收$10隻。 另外叫清蒸虎杉斑，食完肉，要食番啲魚平衡下😆，魚蒸得嫩滑，時間掌握得好，唔會過老，$108 優惠價以喺街外食魚來講，算唔錯。再加兩個白飯$30，整餐飯已經好飽喇😁。茶芥每人15元，加完一都係一共二$20x，每人都係一百蚊，食物質素又唔錯，是非常抵嘅晚餐，應該平日去食仲抵啲。😜

燒乳鴿$1隻真係好低，所以皮完全唔脆同埋太瘦冇肉都冇得怪佢😂 不過其他小菜都唔平，就算我今次叫曬特價菜都唔太吸引再回頭。$28鮑魚氣鍋湯味道係只有咸味嘅味精水，唔建議叫🫠$98鮑粒金醬釀豆腐煲都充滿油，雖然味道唔差，但係啲油多到好似嗽口咁油膩，感覺唔值。$88鮮茄大蝦同$98鵝腸就算一般正常味道。有一樣唔太好嘅就係稻香啲自助加水煲水機成日都壞，按十次都未必加到一次水🫠 通常問職員嘅時候 佢哋態度都唔係好好。唯一可以讚嘅就係上菜速度快

稻香酒家長腳蟹真係太好食啦！佢哋用新鮮嘅長腳蟹煮出嚟嘅蟹肉鮮甜彈牙，而且肉質好豐盈，每一口都好滿足。另外，佢哋嘅蒜蓉粉絲蒸蟹更是讓我驚艷！粉絲入味，蒜香四溢，蟹肉的鮮味和粉絲的咀嚼感完美結合，真係令人回味無窮。最後，試咗佢哋嘅蟹黃燒賣，外皮酥脆，內餡鮮美，蟹黃味濃郁，好好味啊！總之，稻香酒家嘅長腳蟹，真係值得一試啊！

在德福商場食晚餐，屋企人鍾意食中菜，就去咗二期商場嘅稻香。基本上門口就大大個見到佢呢個燒鵝推廣，半隻燒鵝$158 半隻燒鵝，四個人食都夠食有多，最後我哋呢個仲打咗包。養生鮑魚汽鍋湯（無花果雪梨）& 養生鮑魚汽鍋湯（瑪卡）一開始真係分唔到邊個係瑪卡，邊個係無花果雪梨湯嫩雞燴白肉環呢個上碟好靚，冬瓜好林，相對其他餸，呢個白肉環或比較清淡。海皇鮑魚煲呢個煲中規中矩，下次再食未必再揀佢，因為相對黎講比較咸，而料都唔多，size 細。最後$584 埋單😅今餐食得好飽，仲食唔晒半隻燒鵝，拎咗一個打包盒打包走，跟住我哋攞住呢張單據去咗下面嗰層嘅boost，剛剛去到佢地晚上點收工。德福商場最近還有推廣食滿$500，可以儲MTR Mobile積分之餘，仲可以有$50電子食肆消費券下次用😆😆

前日見社交平台彈出1蚊雞又回來了，正馬上約朋友們去食雞，4人有2只雖然都等得耐，但一路等，一路吹水，ok嘅同時都叫左每人一碗28蚊湯，邊吹水邊等。又叫左肥牛粉絲煲同荷豆象拔螃，大家吹得好開心，希望可以再去食，唔好咁快完啊～另外2星期前都食過酸菜魚煲+火鍋料（菜藍，蝦滑，肥牛），雖然都辣，但辣得好爽。上星期又去食鮑魚雞煲+火鍋料（菜藍，水餃），一樣正不過需要改善的，就係自助煲水機，好多枱都是壞壞地，水永遠都煲到一半未到滾就100度，感覺水未滾，最終要叫姐姐攞水壺希望餐廳要改善這些硬件，這會影響客人進餐的心情啊～

呢餐加分又減，加分就係的確係平🤪見到依一個推廣就覺得好吸引，寫到話去到下晝四點但係點知我哋1:00去到嘅時候個燒賣已經賣晒，真係好無語份量好足，但有少少辣雲吞雞煲好好食，雞嘅肉好容易就撕咗落嚟，再加埋個雲吞係鮮蝦雲吞，仲有成八粒咁多，呢個真係抵叫呢個面係脆面嚟，其實佢好大舊，所以就令到佢只可以外面嗰一層係貌嘅，裏面其實都係軟軟地。但係整體味道都唔錯。而且份量夠多，一家人分都夠個茶就係成餐食得最激心㗎啦。首先佢嗰啲電掣成日都好似唔鯪咁樣，禁極冇反應😑😑，一係就係反應過大，或者係有反應之後又突然之間中途又冇反應同埋啲水壺好似唔係好乾淨😮‍💨畢竟係連鎖茶樓，expect 質素高少少。。

今日放假見好耐冇同亞爸飲茶，就同佢去九龍灣德福廣場二期稻香飲茶。呢間稻香酒樓地方非常大，被安排坐2人位，唔使搭枱非常好其實好耐冇去過稻飲茶，原來已經變得自助化，沖茶自助，點餐都用QR code自己攪掂。11點幾去到，已經係午市啦，但佢都有啲優惠點心12.8起，小菜68起。叫左個68蚊蝦球湯伊麵，好大碗，啲蝦又多又大隻，仲好彈牙。冬菇都又大又厚，好低食。最鐘意係佢個生竹碗仔翅，但香芹胡椒泡豬手就略咸

成餐最正既係🧄黑蒜鮑魚花膠湯，原盅熱辣辣送上，味道濃郁，飲完已經飽飽地。另外叫既豉油皇海蝦🦐夠鑊氣，不過咸左啲。燒排骨🍖味道比一般出面食既多左陣香草味，都幾特別，不過凍左啲糖漿好痴牙😣

稻香 稻香最近晚市推出咗個promote，88蚊份北京填鴨，所以去咗試試。依個價錢真心抵食，比我想像中份量算多，味道亦都唔錯，8點半前埋單仲有85折架，值得推介😊😊😊羊腩煲 188蚊足料夠份量，羊腩肥瘦適中，唔會太少，可以再另叫啲火煱料，當打埋邊爐，湯底味濃，撈飯之選😍😍😍豆豉秋葵第一次食用豆豉炒既秋葵，原來個味道可以咁match，喜歡食秋葵既朋友，必點之選😍😍😍炸脆雞球真係做到外脆內軟，配上特制醬汁，開胃又好食😍😍

為左食個一蚊鮑魚雞煲早早就收工來到稻香門口等位，但其實只需要提前15分鐘左右就可以。位置好多，晚餐的人都好熱鬧。見到人流咁多，食材都應該好新鮮準時八點拎飛，八點半入席！一坐低就有店員放低一鍋鮑魚雞煲真係好正，聞到一陣香辣味道，份量都好多，真係一d都唔孤寒呀！稍微煮一煮熱，味道都好似色水咁正我本身唔太鍾意食鮑魚，但都試左下，咬得開都好入味，呢個一蚊煲真心有誠意！兩個人仲叫左d火鍋配料，邊食邊傾計，火鍋有算人頭費，8:30之後火鍋配料半價，最後埋單只需要$176！真係好正好平哈哈哈！

不知所謂既片皮鴨，雖然真係好平，$88係唔應該有要求，個居然差到一個點，我極度懷疑上碟既唔係鴨，係雞皮😡😡😡，仲要其中一籠既粉皮一半都係濕曬，有茶色😡😡😡，再黎片皮鴨醬，一碟正常色但味道係非一般既甜醬，有怪味，而另一碟醬似千島醬，但食落去居然有wasabi味🤢🤢🤢試諗下片皮（雞）點wasabi醬，係咩玩法？😤