稻香 (德福廣場2期)

营业中

休息中

前排稻香做緊一蚊一隻皇子乳鴿,唔住同朋友去試下,乳鴿比想像中大隻,乳鴿送來陣陣的香味,皮炸得很香脆,咬起來啖啖肉,而且肉汁四濺,味道腌得不錯,但稍嫌少少咸,這是美中不足的地方🤣

可能呢間分店大間，五點四十五分取票，六點可以安排入坐了.加上閒日可能好小小我以為$1一隻雞好細隻，原來都幾大隻，仲好入味，每人有兩隻手套，方便可以用分手黎食，好過癮$28一盅燉湯，足料，不過不失條魚唔錯，蒸得啱啱好整體稻香集團出$1一隻雞，絕不馬虎，仲帶比酒樓晚市好多生意，平日都坐滿晒人

沖著一蚊雞去的，還不錯吧，嫩滑脆皮，多汁。還叫了條魚，很好吃，蒸得剛剛好，又嫩又滑！不過真的很多人，6點15分開始等位，足足等了一個鐘...額外說一說，環境真的挺不錯，裝修挺令人舒服。

五一假期朋友約左嚟呢間酒樓飲茶，再諗返原來成兩年幾沒食過，雖然住係九龍灣，就係感覺D點心太普通，唔會食過返尋味😅今日都係例牌叫左幾樣點心，櫻花蝦脆網腸咬落去口感層次豐富，淮山菜心清清地，都算唔錯蘿蔔糕就吸晒啲油，下次唔敢再食，總括來講不過不失

今日看了廣告5月初開始會轉1蚊雞，所以今晚即刻同黃兔去食1蚊乳鴿先。我六點半前拎飛，好彩人不多，好快有位茶位每人$13，以推廣價錢收加一服務費。我太耐沒有來了，發現每位侍應態度好好又發現原來每張枱有一個沖茶櫃仔，櫃仔上有一個玻璃壺用來自動加水，加水到一定水位便會自動煲水，好先進呀省卻侍應加水工作然後侍應會比一包客人已揀好的獨立茶包，客人可用另外一個玻璃茶壺自行沖泡茶葉。這個設計又方便又衛生又先進恕我真係大鄉里出城今晚每枱大部分都是叫推廣價這三款菜式，我也不例外：1蚊乳鴿 - 賣相吸引size比想像中大隻。雖然皮不是很脆，但勝在夠熱，肉多好味鮑魚無花果貢梨湯$28 - 湯料十足味道鮮甜，又有鮑魚好抵飲!龍蝦伊面$168 - 賣相不錯龍蝦肉質雖然不算太彈牙，但勝在肉厚啖啖肉，伊面份量少了點，味道略淡。不過這個價錢來說算抵食本人覺得真心抵食，以這個價錢來說要求不要太高

中高檔路線酒樓，出品對得住價錢，尤其喜愛臘味芋粒炒飯，客人駱驛不絕.稻香蝦餃皇皮係晶瑩剔透咁薄，但係一夾就爛，入面調味尚可.原蝦燒賣皇最推介燒賣，因為一黎到已經好吸引，大大隻蝦貼實係燒賣上面，蝦肉仲係好實淨，肉餡調味啱啱好，食得滿足櫻花蝦脆網腸櫻花蝦乾如點點星光融在腸皮，散發淡淡蝦香，內裏包裹既脆米網好香口，係呢款點心食到好多層次口感。 山竹牛肉球牛肉球幾彈牙，山竹都算大粒，加咗爽脆既口感，下面腐皮都索哂汁超好味。 魚香茄子炒烏冬偏鹹偏油，烏冬好爛，唔太好食，味道唔夠夾。

差差差叫左個沙薑雞腳，雞腳還雞腳，沙薑”汁”還汁，雞腳完全冇味，清水煮熟一樣，問阿姐有冇沙薑醬另上，佢話而家冇喇，沙薑喺晒個”汁”度，咁算啦，雞腳一啲都唔淋最後有少少腥味，放棄咗。冇影相，唔好意思哩個頭抽鴛鴦椒，細到...其他野還可以香煎蝦米腸奶黃馬拉卷咸魚雞粒炒飯 （算最好）其他野既真係叫唔落，有次食下午茶兩個人5個點心食左$2xx以哩個質素去食唐包點啲點心記好過講真，轉左電話落單冇乜特價紙變相貴左，都知稻香唔好唸住食好嘢，不過真係好唔掂，好少寫食評都要寫下

之前稻香食過1蚊一隻雞，今次推出1蚊1隻乳鴿！好想食，今晚相約朋友一齊去試下。。要食一係提早book枱，一係就提早walk-in排隊拎票等。。。。。我地今晚即興約，所以5點就去排隊等，5點半職員會開始派飛，6點準時叫號入座。好彩早啲去排隊，岩岩食到第一輪，入唔到第一輪就起碼等到7點半後㗎啦。。。場面真係好墟冚！勁勁勁多人。。。。入到去啲職員忙到不得了，根本無時間理到客人，同一時間幾十枱客人舉手落單，大家只可以係耐心等候。。。。我地等左半個鐘，終於乳鴿出場啦！原隻乳鴿有手套，成隻拎啲食就最爽。乳鴿就唔熱㗎啦，不過都好多肉汁，醃得較咸，但都好香口好味！海中寶湯呢個湯好清甜，建議一定要試下，用料十足！有花膠冬菇鮑魚瘦用雞去煲！仲要上枱時夠熱，好好飲！龍蝦伊面反而龍蝦伊面差小小，龍蝦肉係霉嘅，伊面好碎唔夠味，不太好食黃金軟殻蝦其實係炸大蝦再拌勻咸蛋黃醬，蝦殻炸到脆卜卜，連殻一齊食好正！加上啲蝦都好大隻，肉質都爽，唔會霉，好食過龍蝦🦞基本上只要大家耐心等待，食物就會慢慢上齊。雖然好忙，但啲職員都唔會發脾氣，西面，都可以接受。優惠食都幾好，高要求趕時間就唔好去食，因為真係要等！

聽聞稻香有震撼三重享的優惠， 一蚊一隻乳鴿，168伩隻澳洲龍蝦同埋28伩鮑魚海中寶， 急不及待一家人出去試下。去了九龍灣德福稻香，這裏好大， 覆蓋全層。由於限制令的問題，分兩張枱坐。叫了兩份龍蝦及每人一隻乳鴿。 鮑魚海中寶售罄， 下次想食要趁早。澳洲龍蝦拼上湯伊麵澳洲龍蝦超大隻，肉好厚，啖啖肉，醬汁唔會太濃唔會蓋過龍蝦鮮味， 雖然做特價，龍蝦肉新鮮。王子乳鴿只係一蚊隻咋一蚊隻咋， 賣相都幾得意，好似畀個雀籠罩住咁。 乳鴿嚟講唔算細隻，啱啱新鮮即炸， 熱辣辣， 肉質鮮嫩有肉汁。總括嚟講雖然係特價，但係質素好性價比高，怪不得咁多人聞風而至，要食就要 趁早去了。

疫情持續左成年，放假都冇乜特別嘅節目，而我屋企人最鍾意就係飲茶，可以慢慢嘆茶，有時都習慣自帶靚茶葉去沖茶，飲茶已經成為星期日一個消遣嘅節目。適逢限聚令只能四個人一台，但係我屋企五人家庭，只能夠四個人食，然後其中一個人食完就走先跟住另外一個人替上，限聚令完全沒有考慮五人家庭嘅需要。每個星期日嘅飲茶節目，由細飲到大，亦都由攞住一份報紙慢慢嘆茶，發展到而家個個低頭玩手機 一坐就可以坐左二個鐘。講到飲茶必點嘅食物就一定係紅油炒手、蝦餃、馬拉糕、豉椒鳳爪、蒜蓉蒸土魷以及蒸牛肚。雞腳鴨腳一向係我唔鍾意食嘅食物，但係豉椒蒸鳳爪除外，因為佢整到好滑好淋配合埋豉椒汁嘅味道真係好滋味。呢間酒樓點心亦都出名新鮮即叫即蒸，所以出點心嘅速度需要一點時間但係值得嘅.

約咗半年嘅 #舊同學聚會，呢晚終於成事🤪 原來要搵間餐廳兩個人食飯都唔係容易，咁啱喺 #公司pantry 聽到 #同事 講呢排喺「稻香」食飯有幾抵... 有咗目標自然易話為🤪 $78 #龍蝦伊麵 都幾有睇頭，#龍蝦 開邊 #清蒸，雖然肉唔係太多，但係以呢個價錢來講真係好抵，不過如果可以改為 #芝士焗 就更好喇🤪另外我哋加咗四隻 #蒜蓉蒸扇貝　半隻 #油雞，套餐價都係$148😉 不過 #扇貝 煮得有啲過火，食落去有啲老😅 #油雞 嘅份量比想像中還要細，好在啲 #雞肉 都幾嫩幾入味，本來諗住半隻雞食唔哂要打包嘅我哋，最終都清哂碟🤪 特價食物實屬 #疫情限定，應該好快就無㗎喇😝

今晚到了德福的稻香吃晚飯，不錯。首先說說座位安排，因為我們一家三口，「限聚令」的緣故令我們需要分兩枱坐。食物方面，我們叫了一個套餐，有一條魚，再配兩個小菜（選了冬菇鵝掌煲和花膠雜菜煲），只是$268，蠻划算。鵝掌很入味，好吃。但雜菜煲的花膠莫名奇妙地苦，已向餐廳反映。花膠的苦澀影響到蔬菜的味道，小白菜和小棠菜也有些苦，但整體而言是沒問題的。另外叫了個龍蝦伊麵，優惠價$78，價錢便宜。由於是波士頓龍蝦，比較「小隻」，但也算肥美，很鮮。所以總括來說，我會推介龍蝦伊麵和冬菇鵝掌煲。

今天和媽媽來到這兒飲茶，原來已轉用QR code落單，伙計話全線都已轉咗係咁。但本人係抗拒用呢啲系統嘅。所以要求佢地人手落單，期間叫咗兩個伙計，叫佢地幫手落單，但佢地話係用電話落，然後唔理你走咗去。最後係揾到人落單，但佢係十分不情願的。我以後唔會再嚟呢到食

今日晏晝咁啱幾個朋友喺附近做嘢約咗九龍灣呢間稻香飲茶環境唔算擠迫都都超過1.5米社交距離，我哋嗌左燒賣牛肉蝦餃春卷同一個炒飯，最後食咗個半鐘先埋單買單就出去櫃檯自己買唔需要等佢過嚟。啱晒啲趕住返工嘅打工仔

一向都好鐘意稻香打邊爐，而家取消左任食，8：30後半價代替，當日無預料食8：30，打算食正價啦，遇正有一蚊雞優惠，我地四人就叫左兩隻，因實在太抵了，見檯檯都有人叫，包裝又好得意，但火鍋就有點失望，預左正價，但估唔到份量極少，所以應該唔會再食正價，湯底150-200不等，但就極少料，唔抵