稻香超級漁港 (已搬遷) 新店位置

初三赤口, 約同幾位朋友飲茶拜年, 幸好朋友預先訂位, 等了不久便可入坐; 一個多小時點了十數個點心, 其中咸水角和春卷炸得剛剛好, 腸粉類質感偏硬, 蝦餃皮鬆散, 珍珠糯米雞偏向多油, 而且內藏了兩大片肥肉, 有點過於油膩; 整體上食品還不過不失, 新年其間服務水準仍然不錯.

食過兩次晚飯,感覺都好好,d 材料好似好名貴咁,海參花膠鮑魚呢d味味都有咁滯,我唔識分d料靚唔靚呀,不過食落味道唔差,夠熱,又抵食我都會覺得呢度食得過~!不過我強烈推介呢度既椰皇燉雪蛤,一個椰皇開蓋咁上,雪蛤鋪面,燉奶底,熱辣辣,好香奶味,$18,去到一定要試,真係好過特登落石磨坊食燉奶喎~!真係諗起都想食呀~~~~~~~

星期二放工去初初都驚好多人但去到又唔係wow~坐低待應未開茶就問你要咩既飲~.唔知以為係送既tim~.!>o<另一個待應見你未叫湯底就hard sell 佢地0的海鮮湯底不過成168蚊.我黎打邊爐，未叫既食就百幾蚊好似唔抵最後都係叫番普通既湯底0的野食都幾新鮮特別係「四寶丸」... 幾好不過0的野冇得mix 叫好似菜咁...佢有4款mix 既xx菜+ yy菜= $28但除0左呢4款就唔可以自己mix~ 唔明點解~.鳥冬都幾貴, 28蚊2個不過鳥冬係打邊爐必備冇計~.走時見到好多人9點後有碟碟28蚊不過可能要等成30分鐘

某周六放假, 前輩請食飯. 晚上8時在旺角稻香打邊爐, 坐下就見一大盤冰鎮魚片, 一灼之下, 又幾好味wor! 原來是東星班火窩, 據聞只係$168, 太過平啦!其他火窩料麻麻, 齋食牛肉我寧願去返方榮記. 美國肥牛只宜做Sukiyaki.

去過稻香飯茶和火煱, 都唔知點解咁多人. 除夕去book位當然book唔到. 於是收工walk-in去(六時開始入席), 時為五時卅五分, 我都排到第六.到五時五十分, 人多到以為有錢分. 到九時離開時, 龍尾排至樓下.食物都ok. 象拔蚌+湯底$198不值因象拔蚌太少. 有D趕客的情況.

在旺角稻香試過了茶市和晚飯小菜，昨晚一家人來這兒吃火鍋。稻香火鍋一向以料靚見稱，而且價錢合理，有時前火鍋料一律$28。湯底要了新推出的芝麻雞鍋，滾起時勁香濃的芝麻味，令人為之一震。不過雞肉不要期望過高，因為滾得太耐，肉質超o鞋。配料計有羊肉、肥牛(打孖)、墨魚咀、蝦丸、頁丸、墨魚丸、雲吞、水餃、鱔片、脆肉鯇等廿多碟，還要了一道小菜--海皇賽螃蟹。最欣賞稻香的丸類，因為是新鮮o即成，所以特別彈牙，現在稻香的配料有雙拼供應，即一個價錢可試兩樣，很划算，是晚埋單每人只不過是90元，真的物有所值。

星期一至四九點半後火窩碟碟$12蚊, 五六日碟碟$18蚊, 真係好多人在門口等位

可能我少見多怪，但星期二晚，十點幾，仲有超過三十人在門口等位的，間舖就真係「有D野」！講緊就係今晚在旺角稻香的所見。今晚朋友請食飯，地點佢話事，選了來這裡，仲以為打邊爐，原來是叫套餐。七點鐘來到，門口已是幾墟埳，好在朋友早來拿位，所以直入就坐低。坐了在四人疏化位，都幾舒適。叫了個四人的「龍皇餐」，六味菜加壽包，488蚊加一，有翅有龍蝦又有魚一條，望落幾抵。可能是叫套餐的關係，又人客多來追檯，菜是上得幾好，好快就齊晒。上湯焗龍蝦因斤半，腳多鉗多肉少，走過油味道一般，吃過一舊肉後亦懶得去對付成碟硬殼；紅燒竹笙海皇翅都唔細煲，一圈圈的竹笙及一片片的翅邊都不少，但翅底杰杰的，正中我的死穴，所以雖然餓，但不合口味，只禮貌式的撩幾下就算；看見那條清蒸老虎斑，才再學曉什麼是老虎斑，怪不得成日有舖頭話有神戶牛賣。那條魚算蒸得不差，當然有養魚的味道，但前幾味都少食，所以相對地就吃多了魚；小炒皇是芽菜炒肥牛，雖然是油了一點，亦鹹了一點，都食左唔少；看似是平凡的浸莧菜，但名字卻是「魚米鮮竹浸洋菜」，真係唔望個餐牌都估唔到。菜少許老，亦很大「揪」，汁底幾鹹，但都叫有菜到肚；貴妃穗香雞即白切雞，沒雪味亦當然沒有

之前食過一次，都覺得ok，琴日去勁多人，不過都唔係等咗好耐，坐梳化位飲茶，幾特別。推介有︰鳳爪---好味過平時食0既好多流沙奶黃包---我冇食，但個朋友話好正奶黃馬拉卷---好好味焗芋茸西米布甸---雖然唔夠熱，但都好好味可能太多人，成日冇人理，點心又好耐先有，連埋單都好耐

哩度真係好旺bo, 唔通真係好好食,結果都冇令我失望呀!一行五人食下午茶, 每樣點心都唔錯~楊枝金露- 好稀, 柚好苦, 哩個最差蝦餃, 燒賣- 中上啦苧蓉牡丹酥- 外型好靚, 裡面既芋蓉好多又唔漏醬油炒手- 好食過詠黎園, 料多, 皮就厚多dd, 可能驚人怕辣, 佢冇用紅油, 不過我相信紅油好食好多蘿蔔絲酥餅- 飲茶必叫左點心, 哩度做得都好好呀, 酥餅好鬆化菠蘿酥- 哩個必食, x燒酥既酥餅做成一個mini菠蘿, 裡面係奶黃, yummy!擂沙湯圓- 凍左都好煙"un", 又唔太甜黃金千層糕- ok啦, 凍左唔好食春卷同鯪魚球都唔錯,avg一定有下次

20040825 9pm邊爐飯局, 4個大人1個細路又係叫到一檯都係lor, 竹笙啦, 帶子啦, 菜肉雲吞好推, 鮮牛好得, 超滑, 羊肉都勁新鮮. 另叫燕京大啤x 7, 可樂N支.呢度人流多, o的o野食去得快好新鮮lor. 我地坐到11.30pm 都仲係劇多人上o黎, 逼滿人.最後埋單都係$400!!! 超極抵, 又真係唔怪得點解佢咁多人!

每次來稻香，例必人頭湧湧，所以一定要提早來位。星期日跟男友和他媽媽一行三人來飲茶。三人點了炸蝦餅、蝦餃、xo醬娃娃菜、翡翠帶子餃和一碗什錦酸辣粉絲。除了炸蝦餅不夠香口外，其餘點心都很滿意，尤其是帶子餃，清淡得來並不寡，大大粒帶子混了少許爽口西芹，味道討好；什錦酸辣粉絲原來是冬陰功湯底，但當然不及泰國菜館做得那樣出色，不過配料如青口、豬頸肉、芽菜等份量頗多，鋪滿了碗面，很抵！

去食9:00pm火鍋，點了10多點火鍋料，其中油墨菜、小唐菜要退單，兩籃菜都好似未洗一樣，黏滿泥仲有菜蟲，好得人驚，叫侍應啦！佢地好似好忙，行來行去，叫佢當聽唔到，睇唔見，激氣！

話說有次約左幾個朋友係稻香食飯,慶祝朋友生日,去到未人齊,諗住人齊先order食物,點知個女部長係咁hard sell 個套餐,我地諗住人齊先叫,但個部長係咁話叫左先,可以人齊先上菜,我地咪話都唔知其他朋友想食乜,堅持人齊先叫,個女部長冇癮咁走開左! 好喇,等左15分鐘人齊,想叫野食,一睇餐牌,應該係餐紙先啱,因為全間酒樓只有一張A4 size 既餐牌既選擇,再冇其他菜式,咁我地都勉強叫左五餸一湯, 食物都唔錯,個冬瓜盅仲好抵食添,我地五個人,每人都可以分到三碗架,可惜我地未食完,已經有侍應走埋黎係咁問我地仲要唔要枱面既食物,我地總共講左兩次未食完呢~~ 好喇,到第三次女部長走埋黎問我地仲要唔要,我個朋友話仲要,跟住我叫佢擺個蛋糕出黎(我地帶左個蛋糕去,侍應幫我地雪住先),點知個女部長黑口黑面應左我,跟住就當然冇左件事啦~~ 後來我地叫另一個男侍應先至攞到個蛋糕,蛋糕都未食完咋,個侍應已經急不及待叫我地埋單先,佢話人多,怕埋單要等好耐,我地見佢禮貌都ok,所以咪埋左單先,一句到尾佢地都好似趕客咁,我地都冇理佢地,慢慢食埋先走囉! 講實,我地成班後生仔女,唔係貪酒樓可以座耐點,可以傾下計

想去漁港個邊比個女人塞左去迎喜>.<都算，我同bf兩位的lunch time，比人騙左要搭檯(冇問我)。。都算啦仲要係12seats的大檯一張檯，六顆人strangers坐埋一齊過份，這叫飲茶嘛？比中午點心價耶！food 都係好一般丁點privacy都冇，仲差過快餐我完完全全accept唔到！badlisted!