稻香超級漁港 (已搬遷) 新店位置

尋晚9個人去呢度打邊爐~ 9點後入座碟碟$12~好快黎料~~$12 = 六隻鮮虾~其他火鍋配料, eg. 菜肉餃, 炸魚皮都好好食!!!! 食到11點幾~~勁飽~都係$653~! 我地4個男仔, 5 個女仔喎~~~

星期六9點幾去到都要等位~,真係好很多人~0的野食一般啦~但待應好明顯唔夠~叫人沖水都要等幾個字~不過有一樣野係好快既- 就係埋單啦~!兩個人埋單2百幾，都算平~ 因為碟碟都係$28,$33,$38咁不過間野就真係好鬼死迫~.打邊爐已經咁熱架啦! 仲要咁迫~一陣火燭都唔知點算!?

稻香D服務真係好差架, 上菜又久, 落完order又話冇/賣晒, 逼人叫餐, 我去過一次, 以後都冇去. 咁的酒樓, 遲早咪好似漢寶, 敦煌咁, 成為港人之恥lor

下晏游完水, 同爸爸媽媽黎稻香飲下午茶. 門口個知客木口木面, 明明有檯都等左15分鐘至可以入座. 坐低已經四點, last order係四點三, 所以一坐低就拿拿聲tick點心. 但係等極都無人黎收點心紙.叫左叉燒包, 蘿蔔絲酥餅, xo醬炒蘿蔔糕, 奶皇酥. 頭三樣都好好食, 不過食晒之後15分鐘都等唔到奶皇酥. 好辛苦先搵到個人問, 佢去check電腦, 話無入單, 我話明明叫左, 而家又過左cut單時間, 無得再叫野食, 問佢仲有無個酥俾我地. 佢過左一陣返黎話原來係個酥賣晒, 所以至無落單. 我問佢賣晒點解唔話俾我地知, 等我地叫第二樣野, 佢話:"我都唔知嫁! 廚房又唔講我知!", 啞晒!無得食, 唯有買單. 又係等左15分鐘, 先至有單.總括一句, 野食係幾好o既, 價錢亦相宜, 但係服務認真唔掂!

上次去飲茶以經多人,今次吃晚飯慶生日,好在訂左位,唔係唔使食,點解咁多人?原因有係平靚正-我們叫了特價套餐加小吃,全部都好食,如果有12人以上,星期一至四吃平價酒席仲低千幾元一圍,不過唔吃套餐就唔同,伙計話菜譜上有好多都無,個個都吃套餐.直得一讚是非吸煙區好好,無人食煙來吃飯要有心理準備,人多又嘈又迫,伙計暈暈地(好在個部長仲清醒),冷氣涷

星期一下午一點左右, 同留學日本回來放暑假的好友去左雅蘭個稻香飲茶, 因為成日食西餐or茶餐廳, 所以就試下2個人去飲茶啦~ 上到去勁多人等位, 我地拎左籌,等五張左右, 都幾快, 因為係搭~ 入去坐低即刻剔點心紙, 我地1:05落單(蠔油生菜, 蝦餃, 鳳爪, 小籠包, 雞紮), 等左20分鐘到1:25, 先來個生菜, 我地好肚餓, 好快食晒成碟菜! 食晒之後又繼續等...過左10分鐘到1:35 黎埋個小籠包同腸粉, 我又好快咁食晒, 但都未飽!! 再過多十分鐘, d 侍應部長不斷拎著點心走來走去, 但都不是拎俾我的... 到了1:50我叫左個侍應阿姐問:我仲有點心未黎呀~等左好耐了! 佢問係咩, 我答左, 佢話跟跟...跟左一輪又無左影! 我又捉左個部長阿姐問: 我d點心等左好耐了...佢又問係咩點心, 我又答左, 佢話d點心要等20分鐘的, 我話我等左45分鐘喇wor!!佢又話跟跟叫我等等......終於2:00我叫左另一個部長話我地等左好耐, 而家唔食了, 幫我cancel d 點心啦, 個部長又問我係咩點心, 搞左咁耐佛都有火啦!我話:乜你地無record 既咩? 佢話:唔係

岩岩個星期日因為約左一大班同學，所以就唸住試下呢暗酒樓啦，因為聽講呢間野都幾好食，但偽點知去到，點左10-11個餸左右啦，結果d餸都係一般普通既茶樓咁，而且又細碟，食完之後又冇甜品或生果盤，味道又唔係話特別好食，服務態度就真係麻麻地，我唸我唔會再去食羅~~~~~~~~~~

舅父母帶埋朋友黎香港玩, 我同姐姐做東, 請佢地到稻香食晚飯洗塵. 星期日晚人山人海, 不過預早訂左檯, 等左15分鐘就有檯. 要左:1) 特價孖寶: 海皇冬瓜盅+燒鵝(例): 湯好入味, 不過湯料較少; 例牌燒鵝份量唔多, 不過燒得皮脆肉香, 好味!2) 原桶酥炸桶蠔: 份量好足, 炸皮好酥脆, 不過蠔無乜味, 較牡丹庭同利苑遜色, 不過就平d.3) 鮑片拼海參: "鮑片"同海參只得寥寥數片, 成碟生菜, 要$100, 最唔抵!4) 海味什菜煲: 不過不失5) 上湯娃娃菜: 份量好足, 上湯幾清6) 貴妃雞半隻: 阿姐推介$9半隻, 超抵, 見唔係好夠餸, 就加埋. 隻雞好細隻, 味道不過不失.連埋白飯埋單都係$611, 價錢相宜, 食物質素亦唔錯, 有下次!

稻香o既遛連布丁好好食呀..下次去一定要再食呀.

大前日(佛誕補假), 一行3人, 早上9:45到達, 見稻香未開, 就去迎囍(因為隨便搭台, 所以要自己搵位), 行左一個圈都冇位, 之後問知客先知道稻香10:00開.1. 炸鯪魚球- 夠彈牙! 不過咸左D.2. 帶子餃- 餡料有蝦及帶子, 層皮太厚.3. 什菇餃- OK!4. 瑤柱珍珠雞- 都幾多油.5. 流沙奶皇包- 同普通奶皇包冇分別, 一D都冇流沙效果.好失望.6. 奶皇千層糕- OK!

同親戚一行6人食晚飯，等位等左一個鐘，誰知帶位入去後還要再等一會~叫左8個食送：推介龍蝦e麵、乳鴿，但前者略嫌太少龍蝦肉!化皮乳豬的皮很脆!沙薑雞沒有雪藏味道!荷葉飯好香荷葉味!瑤柱海皇雜菜煲比較清淡!豆腐羹不過不失!菠蘿咕嚕肉沒啥特別!可是有美中不足之處，就是我們被安排在當風位，菜很快便涼了~ 食肆提供披肩，可能他們也知道開了很大的冷氣!

20050401 7pm8人同事邊爐farewell飯局.大海斑+海參螺頭湯底($168), 極正! 鮮甜!!~ 肥牛四碟, 四寶丸同牛丸好推, 超得! 其他料就o黎o黎去去果的但勝在新鮮.食到飽都上喉嚨錠.service 就唔掂.另有一問題, 邊爐太熱氣, 食完第二日好頭痛.total $1067, 非特價時段都咁平, 好抵食.

迎喜大酒樓大帝宴, 五六日收3千,一至四則half price收1488, 無加一無茶芥,放低1488即走。一行12人, part-time同事下舊,雖則做半價,餐牌一D都唔失禮。有蝦, 有翅，乳豬，帶子，鮑魚，東星斑等等貴價野全部落齊，份量一D都唔少。當然心理上梗係會覺得原價份量會多D啦。味道我相信大家都會對稻香都會有dd信心gua，小弟就覺得相當唔錯。十二個每人埋單位位125。抵!咁正都唔係無缺點,就係要儲夠12人先有得開餐,真係唔易架。^__^

今日family day一家人又飲早茶. 上個星期去左譚魚頭, 今次就選擇左同商場內o既稻香超級漁港. 佢地星期日早市11點前都有優惠, 各類點心都平左$2-3左右, 所以好多人一家大細都特登早起黎等位.爸媽鍾情傳統口味, 而我同家姐就好賣相吸引o既新派甜味點心, 去酒樓飲茶就可以各選所好, 所以成為我地屋企呢排最鍾意o既活動!稻香無論傳統抑或新派點心水準都不俗, 尤其係以下幾款點心, 係我同家姐o既心水推介!1) 蘿蔔絲酥餅-- 炸功了得, 無乜油, 內餡係清甜蘿蔔絲, 非常多汁, 正!2) 流沙奶皇包-- 流沙餡一流, 好滑好香甜, 無蛋黃粒粒, 正! 食過咁多間, 呢度最好味!3) 紅豆南瓜粿-- 外皮好煙韌, 餡係紅豆蓉加原粒紅豆, 甜度適中, 又係正!

今日中午同一班同事一起去飲茶,叫左好多點心,都好好食,特別係蘿蔔絲酥,叫完一碟又一碟~食到咁上下,我叫左一個楊枝金露,唔錯^^<br />我個人最覺得好味ge就係豆苗蛟~