稻香訓練酒樓 (已結業)

將普通既菜色轉化為特別既絕對真係好考廚師功夫依個「蔥油撈枝竹」$73廚師將枝竹切成絲再撈埋蔥油有啲似蔥油撈麵的味道但麵會易飽肚，而依個卻唔會所以幾好雖然價錢唔算平不過份量都唔少所以都合理既

話說小妹琴日同屋企人去慶祝父親節於是黎左依間店食飯最初安排個座位係係偏廳入面一入到去，個環境同一廳好唔同大廳就好似普通酒樓咁裝修都算比較華麗點知一入到去，好似齋堂咁燈光陰沉，又用偏暗既白燈於是我地叫安排我地坐返大廳嗰度即刻正常好多到點菜，我地點左依個招牌菜「冰鎮咕嚕肉」$90最初諗究竟係點樣冰鎮啲肉會唔會唔稔晒因為咕嚕肉多數係炸過點知真係出乎意料之外圓碌碌無骨既咕嚕肉係外脆肉軟，外冷內熱真係好特別而且因為都幾大碟碟咕嚕肉都食左幾耐先食晒雖然放得耐，但佢外面都唔會變稔而且佢除左青椒之外仲有火龍果做配菜份外清新

屋企人join咗做member，呢日就去咗稻香訓練酒樓食晚餐。我哋仲有食其他嘢，不過只係影咗幾種咋。杏汁燉潤肺。 侍應仲特登舀咗碟湯渣出嚟，就咁睇個湯除咗用杏汁同豬肺之外，仲有雞腳、瘦肉，飲落清甜。冰鎮咕嚕肉，都係第一次咁樣凍食咕嚕肉，個原理有少少似拔絲香蕉，冰塊令外皮幾脆，入面嘅肉質嫩滑，就連伴碟嘅切粒生果表層都有糖衣包住，都幾得意。冰燒三層肉，個賣相麻麻哋，不過豬皮都算燒得脆卜卜。唔知係唔係因為呢間係佢哋嘅訓練酒樓，程序上會比平時執得嚴謹啲，我覺得好似比出面啲稻香分店好少少。

一班舊同事約了個多月才能共聚一堂吃一個舒適的晚餐, 我們選擇了沙田的稻香訓練學校坐在光線充足率帶點優雅的大廳內, 大家掛著吹水, 忘記了叫餐 而這家稻香訓練學校是比較早關門的營業至晚上十時! 我們其中一人自行馬上點菜如下:想不到稻香也能燒出如此有水準的燒鵝來, 皮脆到呢, 一向不吃皮的我,也忍不住吃了兩塊較薄的皮! 一吃便知是剛剛燒出來, 熱辣辣香噴噴加上超美味的調味, 皮薄肉質甜滑細膩, 色香味俱全! 而白切雞這味菜便比下去了! 其實雞肉也很滑餾的, 味道也清甜的, 但由於上一味菜在太精彩了珊瑚蚌翠肉瓜大蝦 - 大蝦晶瑩剔透, 入口爽脆, 珊瑚蚌時間亦調教得相當好, 翠玉瓜把蝦, 蚌的鮮甜汁鎖著, 食過翻尋味海班絕對有水準! 不吃魚的同事也忍不著吃兩口, 而我們這些彷彿是貓一樣的連魚頭也秒殺掉這是一個不錯的選擇!

有親戚住附近，約係呢度飲茶先知有間訓練酒樓，位置係工廠區內，感覺幾偏。食物質素都唔錯，最特別係蒸籠唔係用竹做，而係用膠做，應該可以用耐啲吧。但我地坐個位比較入，除左送點心來的侍應，基本上冇乜侍應會特別走過來睇我地有咩需要，所以針茶加水都係自己來。親戚推介燒賣，每籠只有一只，我覺得唔係太大驚喜，正常水平，係隻蝦大粒啲。佢有個班蘭糕，點椰汁食，同場的人都有讚，我就覺得班蘭味不是太突出

首先，一開始就係唔記得幫我地落單。等左20幾分鐘再問，佢一句解釋都冇就放低張單，顯示剛剛先入單。不過佢態度都算有禮，咁就算啦。因為難得喺依度食野，梗係揀啲平時少食既，點知一係唔試，一試就中伏！真假冬菇飽 - 其實依個真係幾得意，影相出黎真係成隻冬菇咁，只可惜我唔食芫茜，所以食左一啖就唔想再食。另外佢啲黑色粉有啲苦，所以真人係冇上鏡咁靚架。奶皇馬拉卷 - 中伏。我係熱愛馬拉糕同奶皇既人，但依碟3件都濕笠笠既馬拉卷確實食到我唔想點算好。蝦餃皇 - 係最正常既一碟，不過啲皮一夾就散...味道係OK既...海皇石榴丸 - 我係從英文名中得知佢係蝦丸，但個麵包外層真係唔得，又冇醬點，成件事好乾。我本身好鍾意食蝦丸，但佢啲蝦肉/膠好散好碎，唔好食！鴛鴦口感腸 - 腸粉皮包住炸春卷，依碟幾好食，係豉油太多所以鹹左啲。又要做會員，啲野又唔好食，又漏我張單，結論係︰下次唔會再去囉...!!

呢間稻香訓練酒家，點心原來幾多款色，服務又幾好，侍應們態度算親切，整體水準都滿意。最喜歡呢個客家炒腸粉，其他酒樓通常都會食xo醬炒腸粉，呢間就有呢款「客家炒腸粉」，腸粉夠滑，老抽味濃，本人喜愛老抽，所以十分啱口味，還有椰菜一齊炒，椰菜清甜有菜味。「蝦餃」，「燒賣」都好味，一籠一粒。蝦餃隻蝦大大粒夠爽口，調味適中，蝦餃皮很軟滑。燒賣蝦肉都爽口，豬肉也夠口感，不會太肥，無咩肥豬肉。「炸豆腐粒」夠乾身，处層脆口，內裏豆腐夠滑，鹽味足夠，而且好夠熱。「排骨陳村粉」排骨好入味，尤其豆豉味好夠，所以滲入去啲陳村粉當中，啲粉都好夠豆豉汁。「例牌义燒」嗰樣其實唔係幾吸引，睇落好似好硬，但食落口原來幾諗，蜜味又足夠，算係幾唔錯嘅义燒。「燒鵝」有火熱住，所以一路食都夠熱。皮都好夠脆，肉質夠鮮，算得有水準。

訂左枱過黎食飯，呢到門口有得免費泊車幾好，入到黎環境都吾錯，招呼都可以，唯獨係一個過黎埋單既阿姐，真係令人想破口大罵 拍青瓜。。。好麻麻一人一碗 濃湯花膠燉響螺$48位呢個價錢都算抵飲，濃郁，不過吾夠膠脆皮素鵝 $38例牌，吾油膩，點咪喼汁一流冰鎮咕嚕肉$90 本人都係中意食熱既咕嚕肉多啲，冰鎮開頭食都覺得好特別脆口，但食多幾舊就覺得甜，冇熱食會追住食既感覺。不過都算特別同吾錯!!!蜜糖芥末蝦多士 $108 (上面原隻蝦，中間蝦滑，底層多士)其實多士可以厚番一倍，中間果層既蝦滑好似多左，同咪個芥末汁都應該要濃郁啲，食吾出芥末味。。。蛋包海蝦球 $95，個蛋煎得岩岩好，入面吾會過熟同過生，恰當好處! 菜。。好老。。。。好彩有蝦米補救番個餸 芝士焗海蝦球 $138，芝士吾夠結身同吾夠香濃。。。

火炭好少酒樓，去到成日唔知食咩好。今日和親戚去試呢間，要入會，100元會費有50元現金劵，2點零去到話230pm截單，沒下午茶的。裝修幾靚，還有個好大的開放式廚房。午市有好多種甜品，睇到都開心。還有幾款點心聽都未聽過，什麼是春風得意腸粉呢？下次有機會再去試下。雖然是訓練酒樓，但出品質素幾高，well，以後去火炭唔使再坐車出去食飯啦。

公司跟稻香訓練酒樓很近，不過除了散水飯，其實很少有機會過來，對上一次應該是前年日本同事調職回國的事了。想訂位，一定要是這兒的會員才成，以前只需交$20，現時已提升至$100，升幅令人卻步。由於12:30pm是繁忙時間，很多附近的食客都會先剔好點心紙，再fax去酒樓確認，到午飯時間便可以一入座就有點心吃，非常方便。今日某供應商從熊本來訪，頭髮斑白的社長不笑的時候有點嚴肅，但身上穿著那件口袋邊繡了Kumamon模樣的白裇衫，又頓時減低了那份威嚴感。很羨慕日本人對自己的出身都會有份濃厚的歸屬感，每次洽商，第一次見面總習慣問 : 您是哪裡出身(鄉下)的呢? 然後就會對自己家鄉如數家珍。我作為香港人，好像有時連自己是中國人還是香港人也有點搞不清楚。三個人吃飯，份量很難拿揑，已經做了有可能會浪費食物的心理準備。先點薑汁炸鮮奶，客人和老闆都感到很好奇，鮮奶不是飲的嗎? 雖然他們猛說好吃，不過我覺得表皮的炸粉太厚，鮮奶味有點太甜，薑汁又稍嫌不夠辣，不其然想起君綽軒的出品。蝦餃是自私餃，一人一籠不用爭。那個袖珍的蒸籠逗得客人大樂，紛紛舉機說要拍給太太看。蝦餃的賣相其實沒有很討好，內餡的蝦仁非飽滿，雖然有

拜託朋友幫忙訂了座位，經過一條很臭的街道， 一早來到本想參觀稻香博物館但可惜原來星期六是不開的， 維有提早入坐，裝修與其他稻香是有所不同，較高級及舒服好點菜 冇蟹 冇湯好多野都冇，但見到別人的推介好在仲有，先來素鵝即炸的好熱好味沒有油益味，冰鎮咕嚕肉 咕嚕肉細細粒冰仲細可能是冰溶了把咕嚕肉的味道也帶走了，皮也變得不脆了如果能在起菜後三分鐘內食晒會好些，但能做到嗎？密桃蝦球一般貨式，梅菜扣肉失望雖然夠味但做不到老飯店什至阿媽煮的效果，一咬即開而要用力把他咬開，但都做到 肥而不膩的效果，最後是重頭戲亦是點了最貴的杞子湯浸東星班， 可惜浸東星班的肉質與味道是這樣的嗎？ 冇魚味肉也太淋大力點都散食落覺得脆肉鯇魚的感覺更好，而且真係食唔到魚的鮮味囉，煮這尾魚的廚師真係don't 升班喇，還有一個好特別的燉湯好甘好好味。朋友介紹講到很美味或許是閒日較少人，假日多人所至但當日的水準，如果同其他稻香比好好多，真係要揾日閒日試清楚先。

多謝老闆團年飯~~~~!!年尾團年飯~老闆話搵到個好地方~所以一早預訂好~一定跟佢搵飯LA!喺火炭呢間話新唔新又唔係好出名的酒樓話說呢到係訓練中心,係訓練稻香D師夫咁話~除左有飯食之外,呢到二樓定三樓仲有個好似展覽館既地方可以比客人回味一下昔日唔同酒樓的故事~我覺得相當有趣~~!開飯啦~!!!餸菜真係好精緻~最難忘仍係佢的翅每人一小窩~而且仲係勁熱,上枱時仲係滾住,入面仲係真材實料~一D都唔欺場!!湯好入味~而且好鮮~飲完唔會覺得好口喝!!唔似加左好多''師夫''~仲有好多新穎的款式~芥末元貝 - 元貝煮熟放涼,再撈埋芥末汁同新鮮蔬菜,感覺刺激開胃,炸蝦皇 - 大大隻的蝦中間釀左D墨魚滑再拈上咸蛋黃包住再拎去炸,一條條再排得靚靚地~入口仲好脆好熱,有心機之餘仲好有水準!!黑松露遼參 =黑松露清香味道適中唔會太搶~配合味道啖啖的遼參,味覺臭覺的享受~!鮑魚拼包包 - 鮑魚煮得好淋而且好爽口~ 再加埋件小包卷,索住D鮑魚汁,真係連汁都清埋~!脆燒鷄 - 皮脆肉滑,而且好有鷄味~我呢D鷄精真係食到唔忍得口~!水準之作~蛋白炒飯 - 炒得好乾身~ 即使係遲左少少食,都可以食得出佢一粒粒~好推介

因為親人有附近工作，所以時會在火炭區食飯，其實已多次光顧稻香訓練酒樓，真心覺得水準不俗，甚比外面稻香酒樓做得更好，所以要介紹一下！這裡行會員制，只招待會員，但其實入會方法非常簡單，只需交$100會費及填寫表格即可，大約一個月後會寄會員咭給你。早茶、午膳、晚飯及圍菜我都吃過，覺得還是圍菜菜色最好，不過平常晚飯也不俗啦！這裡位置其實不遠，就在火炭站走2條街就到了，不過我們多會駕車，因為有免費泊車嘛！不過現在晚上常常滿座，晚點到就沒有車位了，還好旁邊還有另外一個收費的露天停車場。事不宜遲，上菜！清宮花膠嚮螺煲雞湯 $168(好似係)材料足，味道濃厚，只是比之前圍菜時喝過的淡薄一點點，湯水仍是水準之作！雞是熬到沒味道的可以不吃，花膠應是後加的沒有很淋，不過這湯才是精華所以我不在意啦。要提醒一下，試過一次晚上9時來吃點這湯，說賣光但最後又有，結果來到的是溝淡了的版本(生氣！)，所以想試正常好喝版的就要早來啊！晚來就別點了！大澳海山骨一上枱立即嗅到超香的南乳味道，令人食指大動！外皮炸得香脆，但肉質仍嫩滑，連骨的肉嘛，當然嫩一點！咬下去南乳味濃，單吃略鹹，但送飯一流啊！穗香蛋包海蝦球類似蝦仁炒蛋，做

是日在火炭工作，碰巧無位泊車，經過見到廚藝學校咁得意又有免費泊車，就入去試試。環境寛，服務亦佳，食物選擇亦多。雖然價錢不是大眾化，但味道也算合格。首先點了咖哩魷魚騷，咖哩味重。然後點了帶子蒸腸粉，味道很淡。 鮮竹卷so far so good la, 其中較為特別的是燒賣是逐粒點逐粒計，感覺新鮮。試過一次後，大概2星期後老公獨自跟家人前來午餐，怎料這次侍應卻說只招待會員而不讓他們進去!！(我們上次去也不是會員，也沒有人問我們是否會員）觀乎2次都是平日午餐時份，真的不知道分別在那裡。而那經理也沒有跟老公說入會資格等資料就叫他們離開，這點好像有點兒那個吧。

晚餐時間三人行去稻香，真係唔講唔知佢係間酒樓，我成日以為呢個咁綠化既外牆係搞環保，或者係綠化左既垃圾場 一入到去個場都幾靚，講唔上大，但係夠坐得舒服乾淨企理。馬上叫左冰振咕嚕肉，三層冰燒肉同海味雜菜煲。月： 冰振咕嚕肉：必食！皮薄又脆，酸酸甜甜好滋味，肉嫩有咬口 三層冰燒肉：上菜一見到我地三個都異口同聲--咁細碟既...碟肉個底預先上左醬，分開俾我地自己點會好d。脆卜卜，但d肉硬左少少 海味雜菜煲：好有海味味，足料，湯都飲哂。正三位埋單270，唔錯既一餐！一行出門口全部都係車圍住，我以番左大陸飲茶哈哈