稻田食堂

营业中

休息中

聖誕🎅又要出動，周圍搵聖誕裝飾影相，今年第一站-葵芳-新都會廣場，仲比我哋遇到飄雪，勁開心。我地要去買藥膏比仔仔，老公又想食日本🇯🇵野，就搵到附近有間“稻田食堂”，價錢吾算貴。北海角切雜錦魚生丼 附送三文魚味噌湯：賣相十分吸引，舖上滿滿既蟹籽，入面有三文魚，劍魚腩， 章紅魚， 螺片，蛋粒，青瓜粒，份量十足CP值高。味噌湯用上三文魚一啲都吾腥，湯底濃郁無味精。京都便當🍱轉鰹魚烏冬：每個便當都有特別既地方名，我地㨂左京都便當，入面有芝士漢堡扒，魚餅，同炸雞，中間仲有辣味螺肉，漢堡芝士味濃郁，炸雞肉脆口嫩滑，加$10轉既烏冬份量竟然係用大碗，真係好抵食。炙燒芝士軟殼蟹🦀反卷（8件）：落單時有得㨂多醬，反卷舖左勁多蟹籽，軟殼蟹炸到脆卜卜。北海道滋味牛肉薯餅（2件）：新鮮即整既薯餅，牛味濃好好味店舖小小，但睇得出用手經營，下次試下打邊爐先。📍稻田食堂📌葵芳仁芳街2-14號美豐大廈地下6號舖#葵芳必食 #葵芳餐廳 #葵芳好去處 #葵芳美食地圖 #餐廳推介#假日好去處 #便當 #稻田食堂 #葵芳美食#ilovefood #hkfood #香港美食 #美食推介 #美食日記 #飲飲食食 #日本餐 #凍檸

放工係葵芳想食日本野，隨便係街入咗呢間稻田食堂。估唔到呢間平平地嘅街坊食堂食物都唔錯👍🏻👍🏻餐廳裝修簡約日式，門口好似一間屋，牆上滿滿嘅《海賊王》相，如果係fans都會好開心。🏴‍☠️餐牌好多唔同便堂🍱食物選擇，有選擇困難症會花多眼亂左諗右諗。😝幾經辛苦我揀咗宮崎便當，另外估唔到佢有蟹味噌甲羅燒烏冬🦀🦀先講宮崎便當，主要有照燒雞扒同七味燒豬頸肉，配上🍆燒茄子，味付螺肉同燒汁飯。🍛照燒雞扒烤過之後外酥內嫩淋上照燒汁，味道恰到好處❤️比較驚喜係好耐無食過嘅味付螺肉，係小時候嘅味道，充滿住回憶。🍱便當份量十足，大大塊嘅塊照燒雞扒同大碟燒汁飯，再加上其他配菜，食完十分滿足。而🦀蟹味噌甲羅燒烏冬彈牙有咬口，三小碟甲羅燒、蟹棒同蟹籽撈埋一齊食令味道更加豐富。濃郁蟹味加入蟹籽後更有口感。🦀🍜另外天氣開始凍我哋就叫咗碗三文魚味噌湯，🐟湯入面有唔少三文魚碎，味噌味道香濃加上三文魚香。🍲🐟最後，加多杯熱柚子蜜，飲完暖暖地結束呢一餐🍹🍋#稻田食堂 #宮崎便當 #蟹味噌拉麵 #三文魚味噌湯 #柚子蜜 #驚喜美食 #海賊王風格

喺葵芳搵到間平民小店，晚餐有多款定食都豐富抵食！揀咗佢哋嘅大分便當同特選五色丼，真係覺得性價比高！首先講下大分便當啦，只係$92咋😱裡面有好多嘢，有豬頸肉、帆立貝、螺肉，仲有兩件三文魚刺身、兩件帶子同一隻有頭甜蝦！豬頸肉份量夠多，豬味濃郁。帆立貝有三隻，幾入味。前菜嘅螺肉大大粒，而且仲有好多。定食仲配咖喱飯，咖喱夠多汁。個份量真係好足，食完肚子都飽飽😎而特選五色丼$98仲附送三文魚味噌湯！入面有三文魚、北寄貝、帶子、赤蝦同海膽，五色繽紛嘅鮮美。一碗飯上擺滿咁多海鮮，食落口感好豐富。另外，三文魚味噌湯，好濃郁好滋味，飲落暖暖。最好嘅係價錢真係好實惠，唔駛好貴都可以食到咁豐富嘅晚餐。

葵芳除左係新都會或者葵廣以外, 原來都有好多美食小店, 今晚黎左一間主打食日式便當餐廳試下, 距離地鐵站10-15分鐘左右, 附近都有好多巴士站除左單點亦有好多套餐/便當, 一場黎到當然要試下便當啦😛🍱人氣沖繩便當厚切吉列千層芝心豬扒肉質嫩滑好juicy, 仲有汁燒金菇牛肉卷, 螺肉, 咖哩飯刺身好新鮮, 有三文魚, 帶子, 甜蝦三款🍗滋味雞翼套餐先黎熱騰騰三文魚味噌湯, 湯料有三文魚, 瓜粒, 海苔, 清淡得黎好滋味,紫心香芋好似氣炸湯圓咁好chewy, 蜜糖烤雞翼, 炸雞翼外脆內軟惹味非常,豬骨湯拉麵煙靭有口感, 仲有我最喜愛嘅溏心蛋😆呢兩個set份量都唔少, 種類亦好多, 堅抵食!!

約左朋友去葵涌廣場行街，跟住我地去左內街去搵下有咩好野食，見到呢間日系小店好吸引，入去試下先😋🍱春田便當(和風燒汁飯)內有（三文魚2件,帶子2件,有頭甜蝦1隻）$108日式經典便當外型美觀，好豐富咩都有，剌激你眼睛加味蕾🤤鰻魚即叫即燒，燒到脆脆地，配上燒汁飯絶配🔔🔔便當仲有照燒脆骨雞肉丸子🍡有多重口感，用上獨特的醬汁將入面的雞肉炆得好淋，好好食✨所有刺身都好新鮮💯特別係三文魚👅好有誠意係腩位，真係好肥美😚帶子同甜蝦都好鮮甜🤤螺肉粉量都唔少架，呢個餐真係高質又有特色，大推！！吉列千層芝心豬扒飯 $62🍛+$13 轉豬骨湯鳥冬🍜吉列千層芝心豬扒名字已經好吸引到我，即叫即炸，份量十足🤩炸豬扒整塊上枱，外層非常脆，入面又有厚厚的芝士😚有少少流心，另外配有沙律醬，真係好好食✨豬骨湯鳥冬豬骨湯底湯郁，鳥冬彈牙，份量唔少架，食完好滿足🔥🔥醬燒芝士熟蝦壽司 $24芝士份量唔少✨面頭鋪上蟹子，芝士腔必食🥰推介大家下次去葵芳可以去下呢間小店，唔洗成日只係去葵涌廣場掃街甘悶😋😋

#chuchu食在葵芳📍 稻田食堂應該睇得耐嘅都知🐷基本上係葵芳大，冇乜邊間未食過，但嗰日見到有間離葵廣遠少少有間日本野🐷家竟然冇食過，就即刻拉埋🐷媽落嚟！門面已經好日式小店嘅感覺，入面掛左好多one piece相（老闆應該係fans🤣）—————————————————————❣️ 高島村便當 $82便當好多野食，有鹽燒鯖花魚、汁燒金菇牛肉卷、三文魚壽司、咖哩飯、味付螺肉！今日想食鯖魚就嗌左呢個便當！魚燒得外面好香，入面仲keep到啲魚汁！咖哩飯是傳統日式咖哩，唔算話好辣的，小朋友都可以食！金菇牛肉卷仲會切半，好細心，容易咬好多🫶🏻汁燒完好香，牛都好有牛味！挪威三文魚壽司，啲紋好靚又好食！.❣️ 唐揚芝麻香雞翼拼日式炸嫩雞拉麵 $76 +$8芝麻雞翼同炸雞件，炸得好香脆，雞肉入面仍有肉汁！點埋個千島醬，咸香好正！+$8轉左豬骨湯稻庭烏冬，烏冬好滑，豬骨湯都好濃！值得！.❣️ 鹽燒雞軟骨串（2串）$36🐷媽一見到話要食！燒得好乾身！佢係嗰種有啲肉嘅雞軟骨！.💬 有好多種便當，新發掘左間抵食街坊日本野講，🐷媽已經話下星期再帶埋🐷爸黎！—————————————————————不專業評分👅好味指

雖然間餐廳喺屋企樓下，但今晚先至第一次幫襯一坐低送來3杯有茶包嘅茶，好神奇地一啲煙都冇，一飲幾乎接近室溫水！嚇！咁啲茶包点會出味？之後已經唔敢叫太多食物阿女食魚生飯，凍仍可說是正常（我冇試）阿仔食安格斯牛肩胛溫泉玉子飯，玉子係冰凍嘅，飯同牛都唔熱，牛比乾羶味重，飯質感就幾好我叫左燒鯖魚（顏色似未燒好又帶腥味）原隻魷魚，2者同樣只有微溫明明係堂食，但好似由深水埗買完外賣拎返來葵芳食嘅溫度，感覺好不悅埋單時俾完$同個收銀講，點解你地啲嘢全部唔熱嘅？佢居然唔回應，連一句唔好意思都冇

去開葵芳一定是到葵涌廣場逛街，除了掃街外，還有很多不同的小店等待被發掘，今晚試了間日式便當🍱，晚餐時段人均也不過$100，認真親民抵食！我們點了：沖繩便當🍱 $98有齊吉列千層芝士豬扒、汁燒金菇牛肉卷、螺肉、咖喱飯、同刺身三種！ 非常豐富(⁎⁍̴̛ᴗ⁍̴̛⁎)份量足料，食物熱辣辣(*ˉ︶ˉ*)千層豬扒非常邪惡，層層豬肉片包著芝士，肉質鬆軟，外皮香脆好食！ ！ 汁燒金菇牛肉很入味，份量剛好，可以過下口癮～咖喱飯非常香濃！ 刺身有三文魚、帶子、甜蝦，三款都很新鮮，性價比一流！ 滋味雞翼套餐 🍗 $98份量同樣不得了～有齊三文魚味噌湯、三文魚壽司（2件）、紫心香芋丸2件 ＋蜜糖烤雞翼2件＋名古屋炸雞翼2件、豬骨湯拉麵豬骨湯底不會死咸，吃完也不用狂喝水！拉面面質是我喜歡偏硬身、爽身的質地～炸物發揮出身，雞翼香口但保留了肉汁，外脆內香，正！ 三文魚壽司亦是不錯，下次可以再來單點壽司(⁎⁍̴̛ᴗ⁍̴̛⁎)！

今次過嚟葵芳食飯晚飯叫左三樣嘢吹波波漲$88手鞠壽司拼盤6件櫻花魚鬆三文魚黑松露吞拿魚 海膽三文魚籽 蟹膏蟹棒 蟹籽鮮帶子六款食材新鮮。沖繩便當$96吉列千層芝心豬扒 1件先食到外面香脆，然後再感受到芝士溶化在一片片的豬肉內。汁燒金菇牛肉卷 2件牛肉卷有家的味道。刺身三種三文魚2件、帶子 2件、有頭甜蝦 1隻。配滿滿的日式咖哩飯和味付螺肉。(似日式甜咖哩)小朋友會好鐘意。滋味雞翼套餐$98紫心香芋丸 2件三文魚味噲湯三文魚湯味濃三文魚壽司 2件日式蜜糖烤雞翼 2件名古屋炸雞翼 2件有芝麻嘅炸雞翼比較香口。拉麵一碗配流心蛋半隻，麵質爽口彈牙，豬骨湯底。

突然想食烏冬，刺身🇯🇵搵埋呀妹即刻落樓下睇下🛎 $121 至尊惹味套餐叫得至尊，真係有超多野🤣蟹籽栗米沙律幾開胃，啲青瓜好爽口🥗刺身2款：有三文魚，北寄貝各2件～幾新鮮食左凍野想暖下胃😏有三文魚味噌湯，一啲都唔會腥，又有魚油既香味！福岡流心芝士漢堡扒非常邪惡😻咬落去又肉汁又芝士🧀️食鹽燒鯖魚我中意落檸檬汁，越食越開胃～日式炸嫩雞有兩件，食即炸所以好香脆👍🏻🛎 +$13 轉豬骨湯烏冬本身係跟咖哩飯，但今日真係好想食烏冬！烏冬都幾彈牙，豬骨湯好濃郁，加13蚊其實性價比好高🛎 $109 沖繩便當見到呢到好多款便當，款款都好正咁咁岩想食金菇牛肉卷就叫左沖繩便當❤️牛肉卷仲會幫手切半，好細心～汁燒完好香仲有大大塊吉列千層芝心豬扒🐷🐷🐷趁熱食勁正🫰🏻外脆內流心架～刺身就有三文魚、帶子、同甜蝦～🛎 +$13 轉辛辣豬骨湯烏冬辣度適中👍🏻天氣涼左，食辣野最正🤣🌐 環境/服務我諗老闆係海賊王粉絲👍🏻牆上面好多掛畫亦播好多日本流行歌曲🎵小店乾淨企理～卡位好舒服

呢間開係屋企附近既餐廳，之前未幫襯過。今日天氣麻麻就係附近食個晚餐，於是就選擇左呢間餐廳。餐廳環境舒適，座位間距唔會逼夾。用QR CODE落單，由於選擇好多，我地都選擇困難症發作，選擇左好耐。最後選擇左名古屋便當同秋田便當。名古屋便當內有：蒲燒鰻魚＋日式炸嫩雞2件+日式圓蔥魚餅1件＋味付螺肉＋咖哩飯。秋田便當內有：脆香吉列雞扒1件＋汁煮豬軟骨2件＋味付螺肉＋和風燒汁飯+刺身三種（三文魚2件，帶子2件，有頭甜蝦1隻）。兩個便當都好豐富，份量睇落好似唔多，但好夠食，而且刺身好新鮮，熱食味道好好，值得再食。

位於葵芳既一間日式小店🇯🇵多款精美便當任君選擇😻🍱仲有拉麵🍜壽司🍣手卷🍙刺身等等，價錢相宜🤑而且日式木系環境感覺舒適🫶🏻💛🍱本州便當便當賣相精美，配菜豐富，蒜香牛油帆立貝好香牛油味，照燒鱈場蟹棒咸甜好味，照燒茄子軟腍香口、味付螺肉開胃有咬口，配上甜甜地既日式咖哩飯，好有日式風味🍜炸豚肉餃子拉麵配左豬骨湯拉麵，湯底濃郁入味，拉麵軟硬適中，炸豚肉餃子熱辣辣炸起外皮香脆，內餡香口多汁都唔錯，仲有溏心蛋都整得幾好味🐮汁燒金菇牛肉卷食落香口惹味又多汁，燒汁令味道更加分，簡單而美味既一道小食🍊熱柑桔蜜陣陣清香既柑橋味，飲落鹹鹹地又帶甘甜，生津解渴

稻田食堂今晚屋企無煮飯，就去咗葵芳街市果條街食日本便當！呢間日本餐廳係開1730，由於鋪頭好細嘅關係，得約32個位，未開門我已經排第一，諗住食個快飯就走。餐廳門口又係有一級，輪椅人士要自備斜板入餐廳，入到去店員好快幫我搵方便嘅位置坐，仲遞上兩杯熱綠茶比我哋，便當未上枱已經有其他食客嚟到，差唔多半個鐘就坐滿無哂位，證明呢間餐廳真係好多人都覺得好好味！👏👏👏1.特選五色丼（三文魚、北寄貝、帶子、赤蝦、海膽）+三文魚味噌湯$98+柚子蜜$12（9.5/10）呢碗五色丼飯都幾多款刺身，每片刺身都好新鮮好大舊，有北寄貝2片、帶子2舊、三文魚2片、赤蝦1隻同海膽！😋😋😋味噌湯就成日飲，加咗三文魚嘅味噌湯都係第一次飲，三文魚味濃，仲有冬瓜同海帶，真係好好飲！👍👍👍柚子蜜跟餐叫平6蚊！2.上町村便當（咖哩飯，挪威三文魚壽司2件）$85+青柑桔可樂$12（9.5/10）呢個便當個咖哩飯個咖哩汁甜甜地，炸雞好脆唔乾有肉汁，魚餅好鮮甜，三文魚壽司塊三文魚好厚身，味付螺肉都有5舊！👍👍👍青柑桔可樂跟餐叫平6蚊！2人總共價錢$207個人口味總評分：9.5/10@inada_shokudo地址：葵芳仁芳街2-14

朋友帶我到這小店吃日式料理，有傳統風味～能享用傳統的日式便當，亦可體驗小店之風韻。盡享美食，菜式包括京都便當～沖繩便當～日式炸餃子拉面。是日式便當專門店喔！限定必吃日式便當～食物多，脆香雞扒保證外脆內嫩! 加上入口就溶的刺身，不錯！九洲便當便當為主，亦有特色的小吃，很抵吃～一個便當滿滿快樂感，金香脆脆的雞扒，肉汁高，亦有美味又大盛的珍珠米，口感很好。亦有兩款小吃，是芝心香芋圓和炸雞件。雞～芝心香芋炸皮較薄，件件金黃香，口感軟糯但不失煙韌，有咬口！ 炸雞件炸得很香脆，配上沙拉，美味滿分～雞肉仍有肉汁。 咸香十足，跟餐的份量比想像中多～佐賀便當這便當以三文魚作主打盛，先吃一客三文魚，厚身切片上碟三文魚肥美，建議先吃！ 壽司兩件是三文魚腩壽司。刺身新鮮，顏色鮮明肥美，有入口即溶感覺，便當跟前菜～日式雞肉串和咖哩飯，雞肉滿滿肉汁。更重要是蒲燒鯛魚腩呢，好好吃的燒汁，傳統美饌及燒鯛魚腩配漬物及壽司。 飯後來個甜點，是芝士旦糕，真是夠飽肚～用料豐富店子多創意美吃，滿是日式美食～日本料理中之精心炮製了一系列招牌便當，讓人能感受季節滋味在舌尖綻放

#稻田食堂 🇯🇵今日出開葵芳工作，晚飯就到了這間溫暖的日式小店試試！餐廳在葵芳廣場約行五分鐘到，在街市附近，主打便當、拉麵、刺身丼等。當晚平日都坐到八成滿，我估大多都是街坊幫襯！我一個人好肚餓，點了：✨春田便當 $ 108當中包括了咖哩飯、刺身三款（三文魚2件，帶子2件，甜蝦1隻）、燒鰻魚、汁燒墨魚丸子及味付墨魚仔。✨追加三文魚味噌湯 $ 8✨追加日本直送軟綿綿抹茶蕨餅(6件）$ 28便當份量豐富，男士都會飽肚。 當中欣賞刺身新鮮，鰻魚及墨魚丸子燒得好香，難怪差不多每一枱都點便當！抹茶蕨餅甜度適中，軟綿綿亦不錯👍🏻最後飲埋碗三文魚味噌湯，暖粒粒好滿足！人均約$140📍 稻田食堂葵芳仁芳街2-14號美豐大廈地下6號