稻田食堂

营业中

休息中

今日黎到葵芳食左一間好抵食既居酒屋呢到係用QR code落單, 有好多款式同唔同既便當我地叫左個春田便當, 有三文魚帶子甜蝦刺身, 三文魚好新鮮, 帶子鮮甜彈牙, 甜蝦就好爽口, 刺身好新鮮, 唔錯唔錯而鰻魚就好肥美, 食落個汁唔會太咸, 而且熱熱地好送飯便當仲有免治雞軟骨丸子串, 軟骨完全冇腥味, 反而有淡淡既雞肉香氣, 口感鮮美多汁加埋醬汁好好味便當係跟咖哩飯唔係白飯, 好有誠意, 咖哩係日式咖哩, 甜甜地唔辣既, 而且個份量超多, 滿到瀉咁濟, 好抵食我地另外仲叫左個雞扒蕃茄濃湯烏冬, 雞扒煎得幾好, 外酥內嫩 而個蕃茄湯食落好有驚喜, 因為真係好濃郁既蕃茄味, 係好稠唔係稀既湯, 加上烏冬好掛湯, 配搭著咁食好夾最後我地仲叫左北寄貝壽司和芥辣八爪魚壽司, 北寄貝鮮甜彈牙, 芥辣八爪魚爽脆可口, 呢到既壽司刺身認真唔錯, 幾出色總括黎講, 呢到係一個幾平民既選擇, 食材新鮮, 而且價錢唔貴, 份量又大, 值得黎食

呢晚懶得煮飯 喺葵芳行完街買埋外賣返去食喺openrice搵到呢間稻田食堂 喺葵廣附近決定買幾個便當返去食去到發現選擇都幾多外賣仲有激安精選丼 平均都係$50-$60幾蚊 價錢好親民好抵食京都便當$54日式炸嫩雞、福岡流心芝士漢堡扒、日式圓蔥魚餅、螺肉、咖喱飯炸雞超好食 外脆內嫩 入面鎖住咗雞肉汁 好香口漢堡扒夠實淨 肉質嫩滑 切開唔會散開晒 芝士喺中間湧出嚟 芝士味道唔會過濃 剛剛好魚餅好香口 加咗少少日式醬汁好開胃好好食和歌山便當$64鹽燒鯖花魚、汁煮豬軟骨、螺肉、燒汁飯附有蟹籽粟米沙律鯖花魚勁好食 好鮮甜 煎得剛剛好 唔會太燶 推薦大家必點！豬軟骨大大件 juicy滑溜 蟹籽粟米沙律冇諗過咁大份 名古屋便堂$98燒鰻魚、鯖花魚、挪威三文魚壽司、螺肉、咖喱飯鰻魚外表勁靚 見到都流晒口水油脂豐富 食落去好滑好鮮甜值得一讚日式咖喱好出色 送飯一流三文魚壽司大大件 賣相100分 食落去魚香湧出螺肉爽彈 份量都好多福岡直送綿綿芝士蛋糕冇諗過甜品都好出色！果然冇改錯名 勁綿勁滑 芝士味道濃郁 係日本嘅味道！😋

餐牌日式料理選擇豐富，午市都好多人叫外賣添呀汁燒金菇牛肉卷金菇爽口配埋甜甜地嘅燒肉牛肉易唔會特別肥🤤鹽燒鯖花魚丼（附安格斯牛肩胛3件）鯖花魚煎得幾香，牛肉都幾大塊👍🏻仲有三文魚味噌湯同涼拌螺肉味噌湯鮮甜而且仲有三文魚肉，蘿蔔同海帶好足料，螺肉爽口配燒汁飯珍珠米好好味😋鹿屋便當（配咖哩飯）有刺身三種（三文魚2件，帶子2件，有頭甜蝦1隻）全部都新鮮，爽口🥹而且鯖花魚超級大條呢個價錢可以食到咁多嘢真係好抵👍🏻👍🏻👍🏻青柑桔柚子梳打同青柑桔可樂酸酸甜甜好解渴消暑👍🏻除此之外，仲有甜品蛋糕，二人餐，下午茶時間仲可以平d食到魚生飯，烏冬👍🏻

知道葵芳有間好平的零食店，掃完貨之後見到附近有間食日本嘢，有便當、拉麵、刺身、壽司，價錢方面合理，於是就入去試一試。餐廳面積不大，約有10張枱，坐得舒服。秋田便當 $94便當選擇多，而且又吸引。小編點了人氣秋田便當，有一件脆香吉列雞扒，2件汁煮豬軟骨和、螺肉、咖哩飯和刺身三種（三文魚2件，帶子2件，有頭甜蝦1隻）。份量相當豐富，刺身新鮮，雞扒炸皮薄香脆不油膩，豬軟骨煮得又淋又入味，咖哩汁多配飯一流，好滿足。特選三色丼(三文魚，帶子，蟹籽）$78附送茶碗蒸及小食，先講茶碗蒸，滑嫩又鮮甜，除了有吸滿高湯的蒸蛋，還有滿滿配料增加口感。小食是螺肉，正正常常沒有特別。刺身新鮮，份量多。蒲燒鰻魚壽司（2件）$18福岡直送綿綿芝士蛋糕 $24芝士蛋糕口感綿滑，濃濃的芝士香味，好幸福！

尋日去葵芳做嘢經過呢度見到佢啲🍱🥢日式定食好吸引而且價錢相當親民, 我哋就叫咗個🐷豚肉定食, 個豚肉🐽金菇卷好正， 個炸豚肉卷配埋佢哋自家製沙律醬都好好味😋日式咖喱🍛甜甜地又有咖喱香配飯真係可以食晒成碗🍚零食裏面都有刺身🥢㗎有蝦/帶子同埋三文魚🍣樣樣都好新鮮， 佢哋嘅🥟炸餃子都好香口😍牛肉🐮配溏心蛋🍳🍜拉麵都好正我哋揀咗個黑蒜湯底，湯底好濃郁， 牛肉又滑啲油脂又好香， 溏心蛋嘅蛋黃又夠香濃🫶🏻一個定食先係幾十蚊真係好抵而且份量好多添😃

位於葵芳既一間日式西餐廳,內部裝修簡約,但充滿了濃濃既日本風情。踏入餐廳,映入眼簾既係木質桌椅,配合淡淡既燈光,令人舒適放鬆。作為主打既便當系列,實在令人垂涎三尺。我首先嗌左一份沖繩便當,其中包括三色刺身、金菇肥牛卷,以及煮得恰到好處既吉列流心芝士豬扒,配上一份暖暖既咖哩飯。刺身新鮮飽滿,肉質細緻,入口即化;金菇肥牛卷既肉質都非常嫩滑,口感豐富;而件入口即化吉列豬扒,則完美地襯托出咖哩飯既香醇。除此之外,我地仲叫左一份四色丼飯。盤中分別放著三文魚、油甘魚、北寄貝同蟹籽,搭配茶碗蒸及螺肉小食,實在應有盡有。每一種食材既新鮮度都非常出色,配搭之下層次豐富,口感層次分明。尤其係油甘魚,肥美既魚肉配上醇厚既油脂,令人回味無窮。茶碗蒸的蒸製恰到好處,滑嫩鮮美。另一道令我難忘既菜式,莫過於那道赤貝刺身。切開後,赤貝肉質緊實彈牙,配上醬料,更是增添了一種獨特既鮮甜滋味！總的來說,這間日式西餐廳的菜品無一不是精心製作,無論是便當、丼飯還是刺身,都能滿足挑剔的味蕾。儘管裝潢簡單,但絕對不失高級餐廳既氣質。我由衷地希望更多人能夠發掘這間隱藏在係葵芳餐廳！

❤️🧡💛葵芳隱世便當🍱去葵芳又唔一定主攻葵廣嘅😆有時喺附近都有有意外收穫！😍前排行岀葵廣見到有間食日本嘢，仲有便當🍱丼飯🤩即刻try try佢先！❤️秋田便當❤️ $94店內便當選擇都幾多，第一次嚟食緊係揀返個人氣便當啦！😍有脆香吉列雞扒1件+汁煮豬軟骨2件＋味付螺肉+咖哩飯🍛，仲有刺身三種（三文魚2件，帶子2件，有頭甜蝦1隻）🍣真係好豐富！刺身新鮮就唔使講啦！帶子鮮甜好味！🥰脆香吉列雞扒沾少少醬汁一齊食，解膩又過癮！🥩汁煮豬軟骨煮得入味軟腍，咖哩配埋粒粒飽滿嘅珍珠米🤤甜甜哋又有米香，份量都好足夠！🍛🧡炙•三味魚丼🧡 $96依個丼飯有三文魚，鰻魚，左口魚邊，溫泉玉子🤤篤開溫泉蛋🍳蛋黃液撈埋wasabi 豉油，同埋珍珠飯一齊食，真係好滿足！😛加埋炙燒三文魚，鰻魚，左口魚邊，魚油味十足，食完真係齒頰留香！🥰套餐仲附送茶碗蒸及小食🍥滑捋捋嘅茶碗蒸仲有味付螺肉，好有日式感覺！💛福岡直送綿綿芝士蛋糕💛 $24套餐可以加購甜品，依個芝士蛋糕綿滑又唔會太乾身，芝士奶香味十足🧀食完好幸福！😌依間日式餐廳除咗便當正，丼飯都好有驚喜🤣如果唔知食邊個便當好，可以揀人氣秋田便當呀！BTW記得save post，方便

今次來到位於葵芳仁芳街呢間稻田食堂，地點很方便，買了外賣就到朋友家了，而且食物選擇又多，價錢合理又好食，最重要是店員都超級nice啊。我揀了幾個餐，有京都便當，神戶便當配上三文魚壽司，脆香吉列雞扒咖哩飯，七味燒豬頸肉芝士咖哩撈烏冬，4個餐加埋都只是200元左右，好抵呀。先講京都便當，有燒汁飯或咖哩飯，我揀了後者，份量很多，都是滿滿的，有日式炸雞，日式魚餅，福岡流心芝士漢堡，味付螺肉，好大盒，魚餅好食，軟軟的又有魚味，芝士漢堡是堅流心啊，炸雞都香脆嫩滑。神戶便當比佢各有特色，佢配上三文魚壽司，新鮮好味，另外是炭燒雞肉串，蜜糖燒雞翼，很好食，小朋友食都很喜歡。脆香吉列雞扒咖哩飯一樣份量十足，喜歡佢吉列雞扒是分開放，咁吾會淋晒，真細心，仲配上沙律醬，很好，吉列雞扒外皮香脆，拎到屋企食都好好食。最後燒豬頸肉芝士咖哩撈烏冬，烏冬應該是讚岐烏冬來的，很有口感，豬頸肉份量多，切很厚度適中，配上吾少芝士，很爽口美味，整體全部都很不錯，食到大家都很開心。

今日落開芳，同另一半晏晝行經稻田食堂就坐入去食下個lunch，發現驚喜從來都係隱藏於小店內。我地嗌咗個1） 秋田便當 🍱🍱🍱🍱🍱/🍱🍱🍱🍱🍱2） 炙·三色丼 🎌🎌🎌🎌/🎌🎌🎌🎌🎌3） 日本甜番薯 🎌🎌🎌🎌🎌/🎌🎌🎌🎌🎌4） 糖心蛋 🎌🎌🎌🎌/🎌🎌🎌🎌🎌5） 柚子蜜 🎌🎌🎌🎌/🎌🎌🎌🎌🎌6） 咸檸七 🎌🎌🎌🎌🎌/🎌🎌🎌🎌🎌秋田便當絕對係性價比之選，有刺身、有炸雞、有螺肉、有豬軟骨，仲有個咖哩飯🍛食物質素仲要唔差，諗住個雞肉炸完會好鞋，點知出奇地嫩，刺身雖然唔係肥美個種，但絕對過到口癮。甜番薯真係甜到入心，真係炸到外脆腌內棉。三色丼反而我最欣賞係個飯，我喺唔記得落豉油嘅情況下食晒成碗飯，最後先醒起無落豉油🤣就證明有幾好味。大熱天配埋兩杯嘢飲簡直係一流。難怪呢間小店係我地用餐嘅短短時間入面，都已經有客人sit in同埋勁多外賣單，真係有麝自然香。👍🏻👍🏻

稻田食堂 （15/7/2024）我同朋友由葵芳地鐵站穿過葵涌廣場，行過條天橋，再經過盛芳街休憩公園，就到達 - 稻田食堂。 這間餐廳位於葵芳仁芳街2-14號美豐大廈地下6號舖，用膳當晚係平日，都有幾多街坊來光顧， 加上外賣單接過不停， 相信係一間好口碑嘅餐廳。入到餐廳，裝修得好有日式食堂嘅感覺，牆上擺放好多食物靚相，睇到都令人吸引。 店員帶到我哋去個卡位，畀咗張 QR code 紙俾自助落餐，再放低咗兩杯玄米茶。電子餐牌將所有食品分門別類， 加上食物照片容易明白每項食品，清楚簡單一目了然。餐廳餐牌有好多食物選擇，有一品料理、刺身丼定食、稻庭烏冬系列、精選壽司、山形壽司、灸燒壽司、特選刺身、厚之刺身、特色卷物、田園系列、海鮮系列、滋味系列、冷盤、精選特飲，真係好豐富。我哋叫咗三樣主食加一款甜品，第一款叫咗薩摩便當配咖哩飯，第二款選咗豬軟骨蕃茄濃湯烏冬，第三款揀咗忌廉芝士燒鰻魚卷，最後食甜品嘅濃厚抹茶蛋糕。薩摩便當配咖哩飯咖哩濃郁醇厚，配料豐富,飯粒也恰到好處，飯既份量非常足夠。 豬肉和牛肉鮮嫩多汁 ，加上三件壽司配搭，一次滿足曬不同類型日式風味嘅美食。豬軟骨蕃茄濃湯烏冬湯底濃郁香醇，口感

行經葵芳，發現左呢間隱世日式食堂，叫左幾款都好唔錯，於是寫返篇食評紀念一下春田便當 $109呢款饅魚便當極之豐富，除左配咖喱飯，仲有螺肉、刺身包括甜蝦1隻、兩塊三文魚同兩塊帶子，以及雞軟骨肉丸！個人覺得每一款都好好味，最驚喜係雞軟骨肉丸，好多軟骨粒粒，所以好有口感！福崗流心芝士漢堡扒番茄濃湯烏冬 $84碗烏冬非常鮮艷，事關番茄魚湯真係好濃郁，入邊有唔少番茄肉，酸甜得黎又搭配魚湯的鮮美，加上烏冬都非常Q彈，整體不錯！漢堡扒都好正，外脆內流心，啲芝士非常濃厚，滋味無窮！另外，我地都嗌左兩款壽司，包括係灸燒帶子壽司$32，同埋醬燒三文魚壽司$22，兩款都不錯，做到入口即融，可以一試！

係葵芳成日都只係去葵廣食d小食，今次住附近既朋友推薦我黎呢間試下🙋🏻‍♀️ 店鋪唔係好大，但都幾多卡位，坐得都舒服估唔到小店都有甘多既選擇。平時叫完一份主食，點都想叫多個小食。但呢度就單單一個便當🍱都有好多種類係入面，好似出奇蛋甘，滿足你幾個願望，啱曬有選擇困難症既我。🍽️ 呢度只係一個定食，有原隻軟殼蟹，煎比目魚，蟹子沙律，麵豉湯，咖喱飯，刺身，蛋糕……每款刺身都新鮮蟹子沙律-分量十足軟殼蟹-肉質比較實煎比目魚 - 少刺，兩面有煎香三文魚蜆肉麵豉湯- 個湯係最令我驚喜，非常之足料，鮮甜好味！平時d麵豉湯都係差唔多味，有兩條海帶豆腐已經算係甘，但呢碗細細既湯竟然有三文魚肉，同好多舊蜆肉👍🏻👍🏻 推!🍽️沖繩便當同樣係好豐富，餐牌標示係人氣之選，果然好唔錯，不過建議細食既朋友可以少飯，因為所有野既分量都好足！ 亮點係流心既芝士豬扒！自助下單總括而言，性價比高，外賣自取仲高，住附近既朋友一定要試試👍🏻

葵廣行完街, 去左附近間日本嘢買外賣返屋企食👀『大崎便當咖哩飯』HK$75便當有吉列豬扒、魚餅、牛肉薯餅, 日式咖哩飯🍤吉列豬扒肉幾厚, 肥瘦比例唔錯, 一啲都唔乾🥢『高島村便當和風燒汁飯』HK$87便當有鯖魚、金菇肥牛卷、挪威三文魚壽司2件🍣鯖魚大大條，燒得幾香🔥肥牛卷個汁惹味⚡️『灸燒蒲燒鰻魚加州卷(3件)』HK$43鰻魚幾厚肉, 咬落有口感, 蒲燒汁夠, 外賣返到去都唔乾💦『靜岡辣油燒三文魚加州卷(3件)』HK$42見佢辣油壽司幾有創意, 就想試下, 三文魚灸燒過, 配上辣油果然幾特別👍🏻°°°°°°°°°°°°°°°°°°°°°°°°°°°°°°稻田食堂📍 葵芳仁芳街2-14號美豐大廈地下6號舖#MrsLong #hk #Longs #香港美食 #餐廳推介 #hkfoodie #假日好去處 #香港探店 #foodieshk #hkigfood #tasteofhk #hkfoodlovers

呢間位於葵芳站步行數分鐘的日式餐廳，設有卡位，坐得舒適，牆上貼有動漫畫，很有日本風情。午市套餐及下午茶有優惠，小吃同飲品都有套餐加配價。見到餐廳也接到很多外賣訂單餐廳職員友善有禮，點餐用qr code點很方便。秋田便當$94（咖哩飯+脆香吉列雞扒+汁煮豬軟骨2件+味付螺肉+刺身3種：三文魚，帶子，有頭甜蝦)份量十足！吉列雞扒外脆內軟，汁煮豬軟骨很入味，刺身新鮮鮮甜，三文魚大大件咖喱汁甜甜咸咸，很適合送飯厚切安格斯封門柳濃蕃茄湯烏冬$88濃濃的蕃茄味作湯底，配合彈牙的烏冬。安格斯煎得剛剛好，不會太熟，切好一件件，方便進食。蟹棒蟹籽沙律$24 炎熱夏天食個沙律降溫最適合不過，青瓜絲清涼解熱，蟹棒蟹籽份量十足咸檸7 $12咸柑桔清熱潤喉

葵芳除左新都會同葵涌廣場之外仲有唔少隱世小店地理位置係葵芳mtr行大約10分鐘路程對路痴友黎講有d難度所以搵左葵芳朋友帶路黎左呢間日式餐廳餐廳冷氣強大 非常適合炎炎夏日(但食物會更快變凍)小店有2排卡位 坐得幾舒服餐牌選擇多 出餐速度快QR code落單 清晰方便快捷照燒雞扒蕃茄濃湯烏冬 $74可以揀稻庭烏冬或者拉麵見餐牌話係全新爆茄濃湯系列稻庭烏冬 又滑又彈牙配上蕃茄濃湯 酸酸甜甜 好開胃配菜有半隻溏心蛋 粟米 日式魚片照燒雞扒 雞皮脆口 雞肉嫰滑灸燒左口魚裙邊壽司 (2件) $29燒過既左口魚邊 入口即溶黑松露帶子加州卷 (4件) $55加州卷係一口迷你版一啖放入口 都幾滿足和歌山便當 $80蟹籽粟米沙律前菜螺肉 有嚼勁鹽燒鯖魚豬軟骨 比較韌日式咖哩飯 味道甜 容易入口