稻成小館 (已結業)

早前難得約埋一班朋友去食飯，撞啱行緊市廣場，就試下呢間川菜小館環境都唔錯，幾闊落，我哋叫咗幾道菜分量都好足夠，整體來講，好抵食。四川涼粉嘅涼粉都幾滑，浸透咗麻辣紅油嘅醬汁，好惹味小籠包皮薄肉多，內裡嘅肉汁豐富，太正啦鳳梨咕嚕肉d咕嚕肉炸得香脆又唔會太油，整個味道酸酸甜甜，好下飯上海粗炒麵味道適中，唔會過鹹，麵都好彈牙酸菜魚嘅分量都好足夠，湯有少少辣同麻，搭配酸菜好開胃，啲魚片肉都好嫩滑，同埋冇刺！蟲草花炒翡翠苗就好清新，食落爽口！

陪朋友去屯門市買鞋，買完都2點揾間下午茶食，見門口有下午茶牌又未試過咪入去。點知係一個大伏黎。下午茶有三種點餐方法Ａ＋Ｂ　Ａ／Ｂ＋ＣＡ＋Ｂ＋ＣＣ區係主食，我同朋友冇食妟想飽啲所以都Ａ＋Ｃ水晶肴肉＋稻成小炒四川涼粉＋雪菜肉絲炒年糕兩款都係各５８（加一前）水晶肴肉黎到用隻豉油碟裝住得３舊，上面一條薑絲，冇提供醋，賣相極差。食落口有陣臭味，唔知佢雪左幾耐。跟住主食個稻成小炒係炒飯，一個酒樓常見啲小菜既鐵鍋仔裝住一堆求其丟落去既豉油急凍蝦仔炒飯，又唔熱，又冇賣相，味道好一般。到另一個ＳＥＴ，四川涼粉，係最接受唔到既一樣。又係個隻豉油膠碟仔，裝住個兩三啖就食完既涼粉，頂部用不足十克既肉碎裝點，然後明顯係臨尾倒落去既辣油，因為仲有一大邊係白色。食落口即刻知，只係李錦記花椒辣油撈涼粉既味道，冇其他味得個辣字，啲肉碎少到撈完已經消失哂同唔存在一樣可以唔提。叫四川涼粉，冇辣椒醬，冇蒜，冇辣椒，冇麻油，冇蔥，得辣油？？辣椒醬都唔落，辣油溝粉就拎出黎賣，講真葵廣一袋撈冷麵自選餸仲有誠意過呢碟野。雪菜肉絲炒年糕就係最好既一樣。全靠呢碟渡過呢一餐。雪菜肉絲炒年糕呢啲簡單野，好食關鍵都係啲雪菜，我諗啲雪菜都唔係佢

一家人係呢一間book咗枱食飯，因為已經兩點幾，所以叫咗幾個下午茶套餐同埋最加咗幾個小食一齊share嚟食。我個人就最鍾意呢度嘅片皮鴨，塊皮好薄，隻鴨個皮都好脆，加埋青瓜香蔥同埋啲醬汁一齊食非常夾，味道同出名做片皮鴨嘅餐廳有得揮，值得推薦。豆沙鍋餅都好好食，個皮好香脆，入面嘅豆沙唔會話非常之甜，做飯後甜品嘅話一流。至於小籠包，我自己覺得入面嘅湯汁有啲太鹹，但係個皮係薄嘅，如果冇咁鹹應該會好食啲。個醉雞我就嫌佢嗰陣酒味唔係太夠，隻雞都比較鞋，醉雞就唔係太推薦。但係總體來講佢啲嘢食都係OK嘅，尤其係佢啲湯麵我覺得幾好食。

星期六出街食飯唔想等位，其中正途方法就係食早D😋,食早D......今次叫左個2👫🏻人餐，其實都好多野食。估唔到個涼菜鹽水鴨最好👍食，肥瘦適中松子魚，個汁太'結'😑小籠包肉汁唔多和肉太實😑奶油津白，同樣個汁太'結'😑鍋貼唔夠熱咕嚕肉都幾香口，唔錯😚京葱爆🐑肉，😋味道唔錯個2人餐$398，另加2款小菜和一份鍋貼都相當夠，埋單 $699 食得飽飽，但衛生和食物質素就要好💪努力去提升。

我訂了二人套餐，當晚我很早去只有我們，所以很舒服，菜式很豐富，頭盆有三款，小菜可選擇一款，小籠包 ，一款菜，還有粗炒或炒飯，甜品也不少得，花茶兩杯，兩個人都食唔哂，好抵食，味道也好，會再帶屋企人再去。

夜晚睇完戲8點鐘係屯門市中心唔知食d咩，見到附近幾間都排哂隊，見呢間稻成小館有位唔洗排隊所以就入去試下！佢有d2人餐3百幾蚊好似幾抵食，但係無我想食嘅酸菜魚，所以最後都係散嗌好似啱食d！滿心歡喜叫咗佢個招牌菜＂酸菜魚片＂，點知d魚片類似龍脷魚塊咁好軟身，仲有少少薯仔片，萵筍片，紅薯粉，不過成碟嘢都好鹹，都幾麻辣下，但係一d酸味都無！唔會再叫佢黎食！諗住四季豆會穩陣d⋯⋯點知都係太鹹！小籠包我就覺得唔錯，入面有好多湯汁，可以再來食！擔擔麵就不過不失，少少辣辣地，但我略嫌花生醬味唔夠濃！

老闆今日唔知抽起邊條筋好想食砂鍋雲吞雞，就醒起有一次行過市廣場間牛角附近係有一間食呢類野，稻成小館，果次重要行過望到佢廣告主力都係sell 呢樣野食，咁就去試下啦，我地差不多9點去食，見個場都係滿人，但係咁岩有檯走我地就唔洗等位，不過就好搞笑，屯門9點其實已經過晒繁忙時間，帶位侍應重要分開一張四人檯變做兩人檯，最後有一位類似經理的將張檯拍返埋。咁夜我地都唔想食太多野，叫左個砂鍋雲吞雞，辣子雞，高力豆沙三樣。第一道：砂鍋雞，一睇色水就知唔夠濃，飲落係味雞麵粉水。第二道：辣子雞，我嬲到唔記得左影喇已經，雞粒同宮保雞丁一樣第三道：高力豆沙，食落其實冇乜野，不過不失，但係都話左間野服務差，我地等左足足半個鐘有多都，原來最後比左隔離檯食埋就入左我地單。最後: 差到我地都認同唔會再伏呢間咁ga野！

好耐無行巿廣場，原來開咗間新酸菜魚嘅店鋪都唔知，所以一定要試下喇，晚餐唔係等好耐，大約15分鐘就可以入坐3個成人，叫咗個2人餐哥加d食物，夠曬飽口水雞，好辣啊，好過癮，雞肉唔會太冧，有咬口，d汁辣到出汗片皮鴨，d皮不太脆，有少少韌，不過不失蟲草花炒翡翠苗，出奇地好食又好夾，非常清新，而且有薑汁味津白鴨湯，d菜好冧，入口即溶，湯好濃，仲有豆腐，足料炸春卷。入面無肉，只有菜同冬菇，適合素食人士蟹料小龍包必叫啊！爆汁，好多湯！3個人連加一，600幾蚊啦

個酸菜魚同地道既當然係冇得比啦。咁我都同意既。但個酸菜魚既份量。個酸菜魚比例勁少勁少，裡面D涼皮仲多過酸菜加魚。用涼皮黎填充份量。而個底又唔酸又唔辣。好似水咁…飯好乾，可以大大咁改善。Pickled fish is not match with the original one. I agree with that. But the one pickled fish here, have too little fish inside.. The ratio of a pickled fish is less than sauerkraut. Fill the serving with Li pa. The bottom is not hot enough. Dryly rice. you can greatly improve it.

茶位 5/位小籠包 40*正常水準，入面好多汁醉雞 68*酒味濃，有陣甘苦的味道*雞不算十分嫩，但可以接受京蔥牛肉 83*重口味，十分適合餸飯酸菜大黃魚 198*魚味鮮，值得一讚*有泡淑的味道*下方有透明薯粉，菇類，酸菜，蟲草花，蕃茄*魚的份量比較少，某些配菜有點奇怪*要小心有刺*如果想食酸菜魚但不想返深圳等幾小時，可以來試下服務員勤替我們加水，不錯

📍食物&不專業食評：0️⃣雞絲拌粉皮 $54 正如圖中見到嘅一樣，有雞絲粉皮同青瓜絲。平時係酒樓食到嘅都係芝麻醬拌，而呢個係花生麻醬，花生醬味好濃所以食得多會膩。1️⃣瓦屋山龍抄手 $46 抄手係餐牌有寫住會辣，但我就食唔到有辣嘅感覺，只係有陣醋香同鹹味。一碟有六粒，個餡都算係飽滿，唔錯！2️⃣胡同蔥油餅 $36除咗外表同平時嘅蔥油餅唔同之外，食落口都有別於平時個隻。佢口感紮實啲，似食麻花捲；咸香嘅蔥油加埋紮實嘅餅皮真係幾正，又唔會話油淋淋咁。3️⃣稻成酸菜大黃魚 $198 一大碗嘅酸菜魚，湯入面仲有蕃茄、萵筍、薯仔、菇菌同寬薯粉，面頭落咗啲芫茜。個份量對得住個價錢，味道辣而偏酸帶小小小小麻，但又唔會辣到個湯入唔到口，反而幾開胃。魚嘅質感嫩滑，但有啲部份真係好多骨，食嘅時候要小心。（其實幾推薦呢一個，因為個價錢同你翻次內地食都差唔多，又唔洗走咁遠）4️⃣剁黃貢椒大黃魚 $198 同上一個酸菜魚比，呢個魚係成條咁上，剁椒放係面去蒸。魚都係嫩滑，面頭剁椒就好似豆瓣醬嘅味道，鹹而不辣。個人覺得呢隻冇酸菜魚咁抵食，比我會嗌酸菜魚。🌟整體嚟講，我會因為酸菜魚而再去食，真係唔錯！但記住兩種魚都要30分鐘嘅製作時間，要

好耐冇食上海野所以去左稻成小館試試一入到去就發現餐廳環境好大，坐位好寬闊，仲有好多卡位坐，係一個適合聚餐既地方👍🏻打開個menu一睇，發現除左有基本既上海野食外，竟然仲有扁皮鴨同依家好多香港人鍾意食既酸菜魚食，有好多食物種類可以揀🤩🤩🤩而我今次就點左五樣食物，包括松子魚，小籠包，鍋貼，雞絲粉皮同堆扁皮鴨，每樣食物都好好味，價錢唔算貴，不錯😋

今天入了屯門找朋友，夜晚費事朋友煮飯，所以便出市中心找東西吃。見到稻成有很多家常菜吃，便點了4個菜。稻成小籠包性價比非常之高，size比其他店大很多不在講，而且皮薄餡靚又多汁，比好多主打上海菜的餐廳更好吃。排骨擔擔麵排骨肉質鬆軟，略嫌炸粉有點厚。擔擔麵麵條幼，盡吸醬汁的精華。而濃濃的醬汁亦十分開胃，和其他餸菜一併吃也十分夾。乾煸四季豆鑊氣非常夠，四季豆配合其他配料炒得十分香，我那時在想如果有一碗白飯就非常夾，可惜已經有點飽了。京蔥爆牛肉京蔥爆得很香，牛肉也炒得剛剛好，唯獨敗筆是大塊的牛肉有點難咬，不過味道還是不錯的。總括而言，除了等位耐了一點（因為較少2人位），其餘整體都是不錯的。

星期五晚6:30pm到不用等位直接入座（7點幾開始門外有十幾人等位）座位唔係太逼，滿坐也不是很嘈，適合同友人聊天。我地三個人order左個二人餐二人餐價錢根據主菜選擇而有所不同當晚主菜我地叫左片皮鴨（$388）$388就是二人餐的價錢，包括頭盤：口水雞點心：招牌小籠包主菜：片皮鴨菜：奶油津白甜品：桂花糕兩碗白飯兩罐汽水小籠包好味夠juicy同口感唔錯，值得一試👍🏻片皮鴨份量夠味道都唔錯👍🏻我最欣賞奶油津白，同其他餐廳唔同，呢道既汁唔係超厚身但好滑，兩個字好味👍🏻略嫌口水雞唔夠滑而且有少少硬，可能準備好放係雪櫃既關係...我地另加左個排骨擔擔麵（$68）和高力豆沙（$48）豆沙鍋餅好多上海菜館都有，高力豆沙比較少，所以我急不及待一到就叫了食既時候加多點糖會更好食😋擔擔麵還可以，但排骨真的不行... 有點硬... 可能晚市唔多人叫一早整好...三個人其實二人餐都夠食如果食量唔係太大😛服務員態度親切經常走黎睇下需唔需要加茶同埋有無其他需要，值得一讚👍🏻下次我會想試下酸菜魚~

母親節前夕周圍都係人 排隊呢呢間還好蟹粉小籠包 來到都幾靚味道還好 蟹粉多d就好啦 再叫家人至愛 辣子雞 非常夠辣夠脆 不過呢 好似太多辣椒 雞呢？ 仲有個四季豆 唔係好夠味 唔夠飽 叫埋個稻城炒飯 彩蛋就係個糖醋魚 外脆內軟 可以encore