稻庭養助

营业中

休息中

想講普通到傻 叫左蕃茄湯沾烏冬 個湯淡到冇味 又話有叉燒 一睇只係一舊腩肉都不如既肉 入面得d雜菜落單又漏單 漏左個鰻魚天婦羅同燒全牛扒 問佢第一次又唔直接講漏左單 就話追一追第二次就話師傅整緊 好la 食哂烏冬先終於黎個天婦羅 但個牛都仲未到 最後仲要整錯第二款 搵店員問 一句唔好意思都冇 我話我地而家唔要 佢就就咁收走左碟野食左6百幾蚊 完全唔值！！！！！！！！野又唔好食 又漏單完全唔係好明點解有youtuber 會推介呢間野 個日本廚師咁得閒出黎吹水 不如入去幫下手整快少少d野。。。

記得八、九年前在 Elements有一間日本餐廳主打稻庭烏冬，賣點在選用稻庭烏冬發源地秋田縣名店佐藤養助的產品。差不多同時期在紅磡區又有另一間同樣以佐藤養助稻庭烏冬為賣點的小餐廳。兩間餐廳是否有關係？同日本秋田縣佐藤養助總本店的商業關係到底如何，當年不得而知，但一直冇機會去一試究竟，未能與小編當年在秋田市佐藤養助(七代目)餐廳門市品嚐的出品比較一下。今個週末又要陪小女兒出去尖沙咀上興趣班，出發前先上網找間餐廳訂枱食午飯，才發現早在四年多前，紅磡「稻庭養助」已在尖沙咀開了分店，今日就來一探究竟。𨋢門一打開，已經看見大大個招牌標榜採用日本佐藤養助的產品。旁邊有一個小櫥窗，內裏擺放了佐藤養助的乾烏冬及稻庭つゆ(醬油湯汁)。 櫥窗左面牆上掛了一幅日文卷軸，介紹稻庭烏冬的歷史；不懂日文的人可以細閱櫥窗右邊的中文譯本。稻庭烏冬源自日本秋田縣湯沢市，奉稻庭(佐藤)吉左衞門家為正宗，流傳至今已有超過三百五十年歷史。直到 1860年（日本年號万延元年），佐藤老先生養子（日文：養助）的第二代正式創店，料理店也直接取名「佐藤養助」。發展到今天，已經是八代目。其實也很欣賞日本人，竟然可以一代傳一代、秉承祖業，

近排剝咗牙，面腫腫想搵啲麵食(´･_･`)見到呢到有稻庭烏冬，又有個set可以揀迷你烏冬+迷你丼飯，各試少少都幾好。熱烏冬+天婦羅蝦飯🍤清湯稻庭烏冬好好食，天婦羅蝦就被熱飯整淋咗少少，不過條蝦都係好食嘅！冷烏冬+牛排網燒飯🥩冷食烏冬湯底有唔同，少少姜味，啱啱剝完牙嘅我就鍾意冷烏冬多啲，食落涼涼地仲好過食雪糕，夏天食都好消暑開胃ʕ •ᴥ•ʔ牛排熟得啱啱好，係細舊咗少少姐。平日12點幾嚟到，唔算多人不過都要排一陣先有位，入座之後好快就消化咗條隊，大家都係啦啦聲食完飯返去返工ʕ •ᴥ•ʔ有落地玻璃窗見到少少維港景，檯大張闊落，所以環境都幾舒適嘅ʕ •ᴥ•ʔ

呢間日本野之前已經食過幾次，一向水準都唔錯隔左幾個月冇黎，menu有update左多左好多選擇如果係尖沙咀想食日本定食，稻庭養助絕對係唔錯既選擇日式炒麵·大阪燒定食 ($98)晏晝lunch黎食，但午市定食選擇唔多，所以揀左款新出既定食炒麵麵質彈牙，但偏油左啲加左紅薑可以中和一下油膩感炒麵亦都有豚肉同椰菜，不錯而大阪燒咬落去有驚喜兩邊煎到好香脆，而且入面好似撈左薯仔食落非常香口，加埋沙律醬同大阪燒醬真係一流定食有埋味噌湯同飯，份量非常足夠如果食量唔係特別大其實唔洗要碗飯都已經夠晒飽不過改左menu之後冇左餐飲同前菜， 略嫌爭咁咗啲嘢咁...但總括黎講都係好食！吉列蠔 ($88)另外仲叫左個小食吉列蠔，但影唔切相...一客有4件，呢個亦有驚喜咬落去非常香脆我平時好怕食蠔有腥味，但呢個完全冇而且隻隻都好肥美不錯不錯

$120 lunch set💕 有凍烏冬同勁足料嘅魚生飯一次過滿足晒兩個願望🥰夏天食凍烏冬岩曬 好彈牙 中意佢個汁加埋薑蓉魚生好新鮮餐廳企理坐落好舒服#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #日本菜

近期吃了數次日本烏冬，當中烏冬水準最高的，要算這間在尖沙咀和紅磡都有分店的「稻庭養助」。顧名思義，這間日本餐廳以「稻庭烏冬」作為招牌菜式，雖然除了「稻庭烏冬」外這餐廳還有極多日本菜式選擇。不過一心來吃烏冬的我，還是選了「燒鯖魚蘿蔔蓉冷烏冬」（$128）做午餐。這「燒鯖魚蘿蔔蓉冷烏冬」的稻庭烏冬十分幼細順滑，質素比其他餐廳都好，鯖魚雖然並非貴價食材，但這烏冬的燒鯖魚有三大件之多，魚油豐潤，味道濃郁，配以清淡的稻庭烏冬，味道一濃一淡，正好相輔相成，再加上少許醃菜和一件腐皮壽司，已是一頓令人十分滿意的午餐。老婆仔吃的是「燒牛舌及燒牛扒網燒定食」，我完全沒有吃，就不予置評了。不過這天的烏冬，我對它的評價就甚高。這間以稻庭烏冬作為招牌菜的日本餐廳，稻庭烏冬的確甚有水準，值得一吃。

晚市六點營業，但六點過了還在放餐牌，未能入座。內裡大部份員工無帶口罩，枱與枱之間又窄；所謂屏風又細又矮，聊勝於無。原本想走，同行朋友話應該員工之後會戴上口罩，時間尚早食完人潮可能未到。六點多才可入座，員工已戴上口罩。服務就真是很一般，叫了加茶，跟住就忘記。等了又等，只好再叫。現行防疫條例下，B類餐廳入座率為五成，應該沒有擠迫的感覺。但偏偏，服務員將絕大份客人安排在同一區；慘過光顧快餐店！一行十多人放工後上來聚會，嘈吵程度連朋友也聽不到我說什麼。若早知它如居酒屋一般吵吵鬧鬧，一定不會光顧。一餐中高價日式晚餐，只食了三十分鐘左右便離座。😖即使食物質素如何高，也不會再光顧。幸好，食品的質素只係中規中柜，一點也不可惜。由於喜愛稻庭烏冬，見有推介它是高質日本餐廳，食評又偏向正面；但原來只是雷聲大雨點小。味道鮮，份量少，用來佐酒一定食到七上八落。😤算大件，外皮脆，肉質也滑；但肉汁就欠奉，雖然也不乾身。和炸雞大細差不遠。吉士漿脆，忌廉多，流質重即薯仔份量少。不過也不及蟹肉，只見到小量橙紅色。如果不提，一定以為它只是忌廉薯餅。以迷你飯來說，也接近有一碗，鰻魚不算厚所以也不肥美，醬汁又普普通通。配菜有小

🍽稻庭養助 (尖沙咀)📍尖沙咀北京道12A號太子集團中心17樓.日本過江龍餐廳，上到去其實有吧台，都幾多燒物，原來做都有幾多清酒。食咗三樣嘢，烏冬反而唔係最出色？.🧆免治雞肉丸芝士燒 (6粒)$88呢個item會喺一陣個湯度，以清煮形式出現翻嘅。😂成件事好香好芝士，有啲似日式燒咖喱飯。🥘雞肉野菜雜菌湯 $128正所謂雞又食，湯又飲。呢個我地見好多人都有嗌，原來都受歡迎。個湯好濃又唔會油，想de-carbs 可以試。其實個湯同啲料同下面個烏冬差唔多。🍜雞肉野菜湯沾烏冬 $118其實本身想嗌白湯沾烏冬，好彩侍應姐姐提我哋話同個鍋會一樣，不過我覺得都差唔多😂 本身以為沾麵係拉麵嗰啲，個湯會黏啲，點知原來係清啲的。麵身就似中式嗰款拉麵，比較幼身。.#利利仁飲食雜誌九龍區 #日式料理 #和式 #カレーライス #カレー #定食 #日本菜 #手打烏冬 #うどん #チキン #稻庭養助 ##沾麵 #尖東 #尖沙咀美食 #尖沙咀 #日本直送 #japanesefood #japan #japanesestyle #japanese #fusion #holiday #thanks #hongkong

前兩日約咗朋友食飯，最唔鍾意諗去食乜嘅我，將呢個責任放咗喺朋友身上，而呢個朋友亦好有心去搵有乜好食，搵咗呢間日本餐廳。上到去，等咗一陣就有位，一入到去坐低就見有好多日本人。心諗一定幾好味😂因為朋友唔食生嘢嘅關係所以我哋就叫咗全部都係熟嘅。 叫咗呢個牛肉飯，我好鍾意佢係一個Mini版😂 個飯好好食，平時唔食飯腳我都忍唔住食咗一半，個牛肉好有牛肉味，唔係出邊嗰啲用梳打粉醃咗嘅牛肉，而我自己唔鍾意有太多調味料嘅肉，會搶咗啲肉味，佢呢個係冇落太多調味料！ 呢個係雞肉丸湯鍋，入面有椰菜幾粒雞肉丸同埋少少菇，啲湯底係雞湯，凍咗仲變咗有少少啫喱狀，唔知入邊係咪有好多骨膠原呢？🤪😂呢個湯底如果加啲烏冬入去應該都幾好味！蛋捲，仲要係勁多蔥嘅蛋卷，呢個係非常之好味，因為我自己好鍾意食蛋，仲要係多蔥其實可以更加多！😂😂當然為嗌咗三個覺得夠嘅時候，其實又可以再食多少少，見到有好多人嗌唐揚雞，我哋就嗌咗一碟，點知嚟到係多成咁，食完真係太飽！ 然後隔多幾日諗住再嚟呢間野度食，在遠處已經見到人多，我個日真係好好彩唔使點等！ 我一定會再去😆😆

かつお刺身 $160 到底有多少塊呢？問了兩次都沒人能回答在下難道每次都不一樣？算吧 得到答案也只是得個知字在下也是沒有金め吃才點かつお刺身上枱 謎底解開有6片的 在下比較喜歡被炙り更多的かつお也回味起正在燒牠時所漂出的香氣依舊的食法 加上薑蔥蘿蔔溶把魚的鮮味引發ホタルいか $68何解在外面永遠不會吃到被處理過軟骨和眼睛的螢魷呢難道真的是在下以前做了太多別人認為無必事的步驟嗎但在下真的不喜歡吃到牠們的軟骨不管是新鮮還是漬物看來 又是在下要求過多？牛扒&牛舌 $158貪心的在下選上了雙拼有牛舌吃也有牛扒吃 重點是份量不會太大那在下就可以多吃幾款 🤭對在下而言牛扒有點太肥應該說 如果油份是雪花式均勻分佈在下會比較喜歡這碟牛裡面讓在下最喜歡的反而是右邊的咸菜清清的有著不一般的消膩作用蟹肉蛋捲 $120把它夾開後蟹肉會多到掉下來而且還有縠 大概是在無聲表示他們用新鮮蟹起肉？怎麼我又點蟹了 😅對..因為點了兩款蛋食也沒有.........這大概又是中午吃日本餐的弊端二色沙律 $78一色是薯仔 另一色是蛋對 兩款也是在下喜歡的特別是薯仔（需要以形補形）然後又是一個雙拼 👍串燒雞皮 $68 一客2串

平日夜晚8點幾去到，唔洗等就有位😍◾️個日咁岩後面坐住一枱日本人，膚淺既我只要見到有日本人幫襯既日本餐廳，就會覺得呢間一定係正野🤣🤣◽️第一次試真鯛白子，首先個口感似有層膜包住d啫喱咁，所以食落一開頭係煙煙韌韌，咬開左就會入口即溶咁。而且佢係完全無腥味，係有一陣濃濃既魚味，係真係似蒸熟左既魚香味！🐟▪️天婦羅烏冬用左鰹魚湯做湯底，d烏冬掛到d湯，好入味，唔會淡矛矛，可惜個天婦羅就一般，炸得未夠，有點軟身。▫️特製雞肉鍋係今日最愛！雞湯超濃郁，直情有點起膠，雞肉有另外醃過，帶點酒香😍超暖胃！

有一次同同事出去食晏，佢哋揀咗到稻庭養助，好味到我要同朋友再食多一次午市嘅滿足感相對高好多，有佢非常signature嘅各種烏冬。我就係一個比較忠實嘅魚生fans，所以嗌咗一個雙併套餐。佢嘅烏冬口感唔錯，湯都唔會話味精好重嘅感覺。佢嘅魚生就出奇地新鮮（以一間主力賣烏冬嘅餐廳來講），三扒兩撥就食晒啲魚生。餐點嘅比例唔錯，好餐嘅湯同埋沙律都幾好。百幾蚊食個晏，幾啱星期五同同事出嚟happy Friday lunch仲有，晚巿嚟食嗰陣時係有好多日本人㗎！（我評定呢間日本餐廳定地道嘅一個標準🤣）

🍜🍅 叉燒野菜蕃茄湯沾烏冬嚟自日本嘅烏冬，今次就試下‘沾’嘅食法。烏冬幼滑就唔使多介紹，個蕃茄湯，好清甜，冇味噌。料足，好味。🍜🍅 大蜆蕃茄湯烏冬同樣以蕃茄湯做湯底嘅大蜆烏冬。名符其實，大蜆嚟㗎。佢Menu上話‘含牛肉成份’，個湯底又真係有啲啲免治牛肉噃，所以連個湯都好好味。🧀味噌芝士豆腐唔知係豆腐定芝士，只知道好好味😆佢嘅質感似硬豆腐，但食落係芝士香。配埋味噌喺面，食落出加地夾。每人兩件啱啱好。

很多時行經北京道看見它的廣告牌，被它的圖片吸引，於是便訂座一試。我們預訂了窗口位置，當日天朗氣清，可透過玻璃窗清晰地看見尖沙咀的大廈。餐牌圖文並茂，印刷精美，食物種類有便當及烏冬等，算豐富。我點了牛扒網燒飯配熱烏冬。食物送來了，輕煙不段升起，感覺熱辣辣。我先吃牛扒飯，牛扒燒得剛剛熟透，內裡仍鮮嫰粉紅，質感軟諗，入口柔軟的感覺很舒服。牛肉味香濃，肉汁亦豐腴。米飯軟熟可口，溫度極高，吃至最後一口仍有煙冒出，即使光吃白飯亦感到很美味。附一碗清湯稻庭烏冬，幼身的烏冬，滑不溜口，麵條有麥味。湯底清澈，不油膩，味道亦不濃烈。整個午餐很有日式風味，服務不過不失。

這是一家日本食店，供應日本直送的稻庭烏冬，也供應定食等食物。大概兩年前首次光顧，當時留下很深刻的印象，烏冬爽口彈牙，蕃茄湯香濃鮮味，當時給這家食店很高的評價。這次重來，懷有很高的希望，點了以下兩款午餐：天婦羅蝦餅番茄湯烏冬（$130）烏冬上桌，已傳來蕃茄湯的香味，急不及待喝一口湯頭，有蕃茄香味，但少了一點點的酸，若多一點蕃茄本身的酸味，湯頭會更吸引。吃一口烏冬，口感也不及上次。至於天婦羅蝦餅，味道一般，當中有蝦，但更多的是洋蔥和天婦羅的粉漿，不是太美味。燒牛舌煮牛舌定食（ $128 ）這定食的牛舌用了兩個不同的煮法，分別是燒和煮。燒牛舌很香，味道很好，雖然不是厚切，但也很好吃。煮牛舌的醬汁味道也不錯，牛舌煮得很軟，也好吃。一口牛舌一口米飯，很快便把米飯吃完。這定食附麵豉湯，味道沒什麼特別。這次重臨，對蕃茄湯烏冬有點失望，不及上次好吃，但牛舌定食則給我驚喜，若下次重來，定會再點。