稻坊 (荃灣廣場) (裝修中)

又係一間無人做野既餐廳，但價錢又比出面偏貴黎食個火鍋放題，無豉油，無飲品，都無人增添，坐左45分鐘都無野食!你索性話無得食，等人唔好入黎好過啦！食物零質素，費用卻要付呎，咩道理!

8點上到去話打邊爐就叫人8點半上來就有位給果25分上到去就話汁緊位，一等就等左15分鐘，再問另一個就話未有位喎等下先啦，無位就唔好咁實牙實齒叫人830上來早d講我去第二間好過啦

之前外母生日一家食過返尋味，今次有朋友個女生日要出嚟食飯，於是決定再嚟，點知$9.8一両嘅優惠已經悄悄離開了！🤷🏻‍♂️一下子已經變成$14.8一両！不過質素仍然相當之好，比上次更大隻！成四斤幾嘅長腳蟹，隻隻腳都非常之飽滿，真係啖啖肉！正呀！其他餸價錢合理，份量都適中。

今日大表弟又相約咗我們去荃灣廣場嘅「稻坊」一齊飲下午茶！我們叫咗滷水豬仔腳嘅質感好爽滑彈牙，而且滷得好入味！XO醬炒蘿蔔糕係有輕輕炸過，所以外層都幾香脆，入面就係惹味軟滑嘅蘿蔔糕，感覺都幾特別！XO醬炒腸粉係用隻小鐵鑊盛載著上碟，而且炒得都夠香口，但就略嫌有啲燶黑！黃金炸茄子炸得都算金黃香脆，舖面除咗有沙律醬之外，仲有啲木魚乾絲，雖然味道都幾惹味，但食落就成口都係油，所以感覺好油膩！益腦合桃包嘅包質都幾軟熟，入面嘅餡料除咗有合桃之外，仲有啲椰絲，所以味道相當香甜！豉椒脆鯇片炒河嘅脆鯇片好爽脆彈牙，而且份量都幾多，河粉嘅質感亦好軟滑！豉蒜虎皮尖椒嘅質感相當腍身，一啲都唔爽脆，但味道都幾惹味！銀衣珍珠鷄係用張錫紙包著，可以一直保持著溫度，糯米嘅質感好煙煙韌韌，鷄肉嘅肉質就比較「粗嚡」！濃湯西施海皇泡飯嘅湯底都幾香濃，因有勝瓜嘅關係，所以味道好清甜！避風塘黃花魚「兩條」嘅肉質都幾嫩滑，但就略嫌味道偏淡！

外母生日要搵好野食，不過佢唔食得辣及油膩野，一心諗住食清d。咁啱在Facebook 見到朋友在稻坊食阿拉斯加蟹，張相勁吸引！於是book咗荃灣廣場稻坊！隻蟹三斤十二兩，平日優惠價9．8元一両，7大2小都好夠食，隻蟹不用六百元，真真超值！

難得星期五放假, 要帶老婆和小朋友去飲茶, 荃灣廣場五樓和六樓都有幾間酒樓可以選擇, 而價錢也差不多, 上次試了新斗記, 今次就揀了稻坊. 相信稻坊也是稻香集團的, 以前去稻香飲茶, 我覺得品質一般, 但價錢就大眾化. 今日十二點前去到, 不用排隊. 入座前經過長長的走廊, 看一看, 原來兩邊有很多座位, 左邊是一些小廳, 應該可以間格成小小的房間, 作私人派對. 而右邊有一個大堂, 有一個小小白色的舞台, 似是為擺酒宴會而設 . 一直行到最入, 有另外一個大廳 , 大約有八成至九成茶客, 環境尚算寬敞. 設計也頗有心思 在一邊牆上有一些 古畫, 而另外一邊牆有很多櫃桶, 拉出櫃桶便有燈光照射下, 感覺充滿書卷氣.很快便揀選了六樣點心 而上菜亦算很快速, 大概十分鐘後已經開始有嘢食, 款式和品質都比預期中好.北菇綿花雞的 雞肉十分嫩滑, 亦很入味, 魚肚索了湯汁 很爽甜.時菜鯪魚球皇 的鯪魚球沒有魚腥味, 亦很彈牙, 尺寸適中 可以一口吃下去.皇醬蒸鳳爪 真的要一讚, 除了有青椒紅椒亦加了蒜蓉粒 少少辣味, 醬汁味道十分濃郁, 食到停不了嘴, 最重要是鳳爪沒有被蒸爛, 鳳爪永遠都是賣飛

鴛鴦炒飯、叉燒包、鳳爪、蝦餃味道均保持水準，蒜蓉煮虎皮尖椒，沒有釀魚肉，但簡單爽口，可以一試。宮廷蘿蔔是蘿蔔漬，是原片蘿蔔做的，比較少見，配粥吃不錯。芝麻糊吃得出不是自家煲的，味道帶少許苦澀，以前吃過的杏仁茶比較好味。環境方面，地氈不夠乾淨，要注意一下。服務方面，下單錯了找他們看帳單，等了半小時也沒有人理會，每一個女侍應每次都黑口黑面說：「得啦！」夠竟得什麼？到我們找了個男部長來，不知道為什麼，那些女侍應立即，是立即能夠把帳單拿出來。但語氣真的好差，我們真的非常無奈和不快。

後悔無睇完評價先嚟！😡😡😡$2888一個餐，無人飲啤酒想轉汽水，侍應懶得轉一口咬定話唔轉得，直至我地話叫經理嚟，我地自己問，先死死地氣轉！問侍應拎隻公匙，懶得拎就一句大聲話：「就係無呀！」乳豬全體一上，正正如評價所說一樣，被抽水抽得體無完膚，根本連1/4隻都無，仲要個豬頭真係似唔知返用左幾次！😤😤😤食物差、服務差，呢啲食肆真係睇佢幾時執！

門口老知客態度極差，同老闆趕客，為香港飲食業蒙上污點，再者客人才是員工大老闆！食物質素更好都無用，食得咁受氣我即走及列黑明單。荃灣廣塲有好食物質素高，服務態度好既店舖，無需受氣！

廣告賣＄168 全隻BB豬，咁嘅價錢已經預咗沒有會給全隻，果然連4分1隻都無，而且八成係頭頭尾尾，好似唔知邊度拾番來拼埋一堆，大部分豬頸肥肉，唔知燒咗幾耐而在餐前再番炸，更加肥膩，個豬頭就唔知循環用咗幾多次，有史以來食過最最最差的所謂乳豬，奉勸啲老細唔捨得俾人食，就唔好賣啲咁嘅垃圾去欺騙顧客。

一路食，一路受氣！特別其中有位男侍應，態度極差！埋單時明明任食火鍋，卻收我地茶錢，七位共收多了$91！ 問佢先幫我地取消返！明呃！Last order 又不講聲，話cut 單就cut 單，想再落單時居然話已經cut 左單，不可以再落，放題一向都會提下茶客cut 單last order!!!!2250過來講話收23點，23點再來講說'我們要收工'， 趕客！ 仲有幾桌未食完都要走！男侍應全程黑面！放下食物時竟然嘆氣，發生咩事呢請問？！總之不會再食第二次！

因為有喜事要慶祝，一班人想揾個地方可以舒舒服服坐低傾下計，所以就過左黎荃灣打邊爐啦～之前我都已經黎過一次，因為環境又靚坐得又舒服，兩個半鐘限時又食到野又傾到計，值得encore~因為各人都放工放得遲既關係，今次係食宵夜時段（八點半入坐）五個人但係俾左張大檯我地，又有多d 位擺野食，坐得又鬆動又有位擺袋～野食同湯底都幾多款式，我地叫左醉雞湯底～個湯底同雞塊係分開既，初初唔知以為未倒d 雞入去個陣仲嫌個湯底無乜酒味，點知一落d 雞連汁d 酒香即刻飄上黎，好正呀！！其實d 料又正又新鮮，熟食任叫都好食，但係都有野係要彈，而且真係好應該係呢度講俾大家知一：呢度d 料如果out of stock d staff係唔會話俾你知，直接唔出俾你就算。是晚同同行友人勁寫沙白蜆，但係一直都無黎。最後係我地問職員先知。二：呢度出菜慢（無論係熟定生），而且佢上同一張order 可能分兩次（中間仲要隔好耐架）。咁我地見佢無上咪劃多次囉，結果最尾就上左好多啦！好難預到份量呀但係除左呢兩樣唔好之外其餘都好好的，又有好多野飲同中西式甜品揀，以打bino黎講真係good 最鐘意係佢地方大同乾淨！坐都坐得舒服d

上次吃過荃灣廣場的鴻星，本來都吃隔離斗記，但10點半仍未開門，原來早起的鳥兒，如果條虫未訓醒的話，一樣無虫吃，所以輾轉去了稻坊，一看稻坊的裝潢擺設，就知道稻坊是稻香的高級版。 橫竪等位入座，不如先看餐紙，一看之下，我們看得很興奮，因為有很多未嘗試過的菜式，食慾蠢蠢欲動，就來按捺不住，接著有位女侍應飄飄然地走出來問，有誰人願意搭枱，我即刻三秒三衝到她面前，將手舉到天花板對她說：我願意。今日我同她同處一方，雖然她有她嘅生活，我有我繼續嘅忙碌，但係假如有一日我哋喺稻坊偶然咁撞倒，我哋會點吓頭，然後一對新人進場，再然後已經發現原來她…唔知走左去邊。真的，她帶位帶到一半，然後不知芳蹤，我唯有死死氣地問其它侍應，方知我該坐何處。出面很多人，但是，入面也有很多空位，可能較少搭枱，這樣強烈的對比讓我想起我的那對大脾。一來就來兩碟，先講一碟辣妹子抄手，其實即係紅油抄手，好采和老婆一起吃，畢竟偷偷吃辣妹子，會令我有種罪惡感，都說紅油抄手是我的最愛，既然這碟叫辣妹子抄手，就讓我來一個辣口摧花，一放入口，立即感受到餡料十足，可惜熱感不足，感覺這碟似乎不太新鮮，不如鴻星的好吃。脆皮奶皇包：都夠脆皮，比較之下，我

有時想和家人傾計晚飯，會選這裡。坐得舒服，環境不錯。稻香集團每晚都有特價菜，這晚叫了上海龍躉，很鮮味沒有煮得過火。雜菜煲，雞煲不過不失。海皇煲每次來都必點，很多海鮮而且汁醬少辣，食味濃郁。

兩個人星期日行過，好好彩，等左十分鐘就有位。突然見到燒鵝幾靚，又點左個燒鵝瀨，98蚊半邊，一碗三人份嘅瀨粉。燒鵝睇落好靚，但無乜肉…………得陣皮…………之後叫左XO醬炒蘿蔔糕，仲有炸蝦角，呢兩款味道都唔錯。唯一可能表近新年，侍應成日走嚟問買唔買年糕，有啲壓迫感。一餐飯，足足答左六次，仲要有兩次比同一個人死纏難打…………