秋拾米線

营业中

休息中

服務態度差 麵又煮不熟 每食一啖麵 都有一條係硬 完全不能咬 未食過一間米線係咁差 叫佢再煮多次 再煮完都係一樣 無分別 唔明點解有人推介 永無下次🙄貼錢買難受 啲人講到識飛既豬頸肉好普通

作為附近嘅街坊知道呢一間小店好有名氣，因為晚飯時間多人，於是外賣自取，先喺app上面落單，但係冇諗過一等就等咗超過30分鐘，見到店入面兩位侍應慢條斯理，堂食嘅客人同我一樣等咗大半個鐘枱面都係冇嘢食。終於攞到外賣返屋企，打開先知道最出名嘅炭燒豬頸肉米線竟然冇炭燒豬頸肉，變咗蝦多士(已經腍晒，極不建議外賣），極度無奈！！！！！冇諗過咁簡單執嘢食都執錯，冇咗最出名嘅炭燒豬頸肉，其他嘅食物食品味道都好一般，唔值得浪費等30分鐘。

一碗米線等了超過40分鐘，追了冇人跟， 一肚氣墨魚春卷係室溫唔夠熱蘿蔔有根唔入味唔夠淋豬軟骨好鞋湯底反而OK , 薯粉正常發揮覺得overrated, 自己就應該冇下次。

我平時都唔會點寫食評，唔好食都只係自己記住唔會再二訪，但今次想勸世唔好去食🙏🏻一直都知道呢間餐廳，見佢豆腐撈米線咁有特色，決心要搵機會嚟一試。當日我放工大概7pm入座，餐廳7-8成滿，有4個樓面（睇唔到廚房有幾多人）用QR code落單，眼見豆腐撈米線話售罊，唯有叫其他，下次再嚟食啦。叫咗招牌魚腐米線豬骨湯，再加多份通菜，扣底。到碗麵嚟到，我一夾⋯麵呢？？？我夾起所有麵，先勉強有兩啖嘅份量⋯（唔係兩大啖）🫠🫠 可能我對扣底有誤會，冇諗過扣到咁少⋯所以提醒各位女仔，即使細食都好，千祈唔好扣底！！另外就想講佢魚腐，係幾足料，比咗5嚿。但一吞，啲骨大嚿到⋯係食到唔夠膽吞，驚啃親⋯豬骨湯底 = 滾水+少少鹽 + 少少花奶調色，完全冇味，係滾水米線😂😂😂同期趣事：一邊食一邊聽到餐廳不停漏單、出錯單，客坐低堂食一直都冇QR Code落單（講緊間舖唔算特別滿，又算多樓面幫手？）有客堂食等得太耐，應該都超過20mins，奶茶都飲晒碗、麵都未到，問完先知廚房冇收過單😂😂 本人係好支持小店的，但今次食物質素真係唔太好，希望店舖會收聽意見改善下啦🙏🏻

秋拾豆花撈米線·bb辣 （$40）麻辣雞球（+$8）墨魚春卷（+$8）芝士丸（+$6）米線本身已經係咁多種麵類入面最滑🫶但有咩可以超越得過米線本身既質地呢🥹就係加豆腐花😊食落去吮個下勁順滑😌好似飲緊嘢咁🤩麻辣雞球炸完之後辣油嗰種香口感出晒嚟🫶墨魚春卷都炸得好脆！慢煮豬軟骨米線（$50）麻辣雞球（+$8）呢度有米線湯底清淡得來香口🫶唔會太多油喺個面度🫶但係依然俾到麻辣嘅感覺你🥳自己個人覺得個湯底冇乜味精 食完唔頸渴😝豬軟骨都整得好腍😌仲有都揀左最索湯汁嘅肥瘦肉部份落去😍食落去好惹味！滷水雞翼（$22）呢度主打滷水唔係太濃烈🤓餐廳應該用咗燉煮嘅方法 所以好入味🤤仲有就係煮到好腍😊個人唔鍾意太實肉嘅雞翼☺️所以都啱啱好!炭燒原塊豬頸肉 （$48）依到啲豬頸肉炸到有啲似街頭小食咁🤩酥酥地既焦香味🫶同泰式辣醬超夾🫶脆炸珍寶韭菜餃 （$27）呢個係必食推介！呢三隻餃絕對對得住個價錢🤪 個餡超級多一啖絕對食唔晒成粒長洲大魚蛋咁🥳個皮都炸到超脆😍成個口感就係由外脆到內！特色檸益（檸檬益力多） （+$15）好耐冇飲過力多🤤回憶返晒嚟再加多啲驚喜添😙檸檬夾埋益力多酸酸甜甜好開胃🫶檸檬西洋菜蜜（+$6）

係主打米線既新蒲崗人氣店, 當日所見去到下午茶時段, 店舖外仍然有絡繹不絕既人潮, 食物亦都果然係水準之上, 難怪吸引到咁多人排隊.🍽️ 炭燒豬頸肉米線 $56一定要先講豬頸肉份量之多, 係疊左2層豬頸肉舖滿一隻碟, 所以非常抵食, 同時亦非常高質! 豬頸肉炭燒至燶邊, 焦香味濃郁, 而且肉質勁軟嫩, 難怪係店舖招牌.除左豬頸肉之外, 我仲加左店舖另一招牌-魚腐同墨魚春卷, 魚腐食到真材實料, 落足魚肉去整, 墨魚春卷咬落食到粒粒墨魚肉, 而且質感亦夠彈牙. 至於靈魂人物米線, 今次我試左比較特別既通心米線, 口感比普通米線更煙韌, 更有嚼口, 口感更佳. 所以個人更推薦大家試通心米線.🍽️ 自家製手作蝦多士 24多士炸至酥脆, 入口唔會太重油膩感, 食完唔會覺得好油好重負擔. 而蝦亦夠大隻,蝦肉亦非常結實. 🍽️特濃朱古力

作為附近嘅街坊自從開業咗之後都經常嚟食因為覺得佢比其他小店 有心小食都唔錯 雖然好多都係來貨但係價錢唔貴 豬頸肉又整得幾好食好可惜 可能因為舖頭太細人流太多 又要做外賣 所以質素真係維持唔到另外仲有安全問題店內的貨物 倉存 層層疊疊起來隨時有機會倒塌🤔首先，我堂食 要等20分鐘 之後佢話其中一樣食物冇咗即係話20分鐘之後佢先打算整第二 朋友個碗比較快嚟咗 可惜已經冇咗半碗湯 好可能擺埋一邊唔記得咗佢 所以叫佢重新煮過估唔到好快3分鐘就嚟咗豬頸肉 比較情緒化 有時會好燶 有時啱啱好睇運氣希望小店的老闆可以改善一下

上網見人推介好耐今日終於去試吓，真係有啲失望😞叫左碗豬軟骨雞翼酸辣米線$60，豬軟骨d骨完全唔淋，未炆得淋骨仲係白色咬到有啲難食，雞翼普通貨色沒咩味道，賣相都唔討好見人地食豬頸肉賣相都可以，希望好食啲湯底都係麻麻地，好普通。第一啖就知賴嘢，咁奇怪既酸辣，唔係平時食米線既湯底，但唔可以浪費唯有食晒佢啦。最有特式真係蝦多士，cp值高$24蚊2塊，呢個真係推介，其他就期望不要太高下次會叫蝦多士外賣。*真實食評。

不懂安排客人入座，白浪費人時間晚上7:30店鋪滿座，看見門口只有二人排隊，我們三人排在二人後面，跟著有二人排在我們後面，接著有張四人枱座位離開，店員先安排兩位客人入座在四人枱，接著再安排排在身後二人入座，我們三人還要繼續等，之後有二人離開，但店員沒有再叫客人入座（在後面還有客人排隊），再等多一會，又有另外兩人離開，當刻已估計到店員會先安排其他二人入座，因為不是一張4人枱，之後店員真的叫其他二人客人入坐，還叫我們等多回，只好立即離開，不再浪費時間

作為鍾意食米線嘅我，聽聞新蒲崗有間人氣米線，又有YTB介紹，我又點會錯過！今次就特登黎試下，中午週末都要排一陣隊，但唔算好耐入得。🍜招牌魚腐米線 $50★★★☆☆秘製酸辣湯底偏向咸甜，唔會太辣太酸，夠味。配料好豐富，有好多醃左味嘅大肉碎、花生。叫左自家製魚腐，個魚肉餡料幾住家鯪魚肉FEEL，算幾索湯汁，但個人鍾意炸脆個隻。整體唔係唔好食，但普通左啲。🍜炭燒豬頸肉★★★★☆豬頸肉都應該係必叫之一菜式，份量多，佢切做厚片，食起黎更有口感，一絲絲肉，好有口感，唔會燒到乾爭爭。點埋生蝦泰式醬汁，好開胃唔膩🌟總括：整體普通，唔知係咪最出名個豆花米線冇叫到，冇驚喜。 

秋拾米線 (新蒲崗)新蒲崗康強街34號康強洋樓A座地下8號舖食米線湯底好重要，平日返工也經常食，手機落單整坤好先去。今日假期心癮又起啦，去食米線做晚餐。$20 上湯娃娃菜$50 豬軟骨米線，仲可額外加做菜底，我加了$8 麻辣雞球 同$6 蘿蔔，大大碗，湯底仲有豬骨湯或酸辣湯添。餐加錢有飲品假日4-5pm 都依然人頭湧湧，而沒麵粉魚肉煎釀三寶也賣光食唔到。#igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

炭燒豬頸肉米線 $56豬頸肉好大份，燒到少少脆邊，好香口，再點上附上的汁，少少辣，重香料味。雖然係薄切，但都好好食😍😍😍湯底可配豬骨/酸辣湯小編揀咗小辣🫰🏻飲嘅第一啖有驚喜！🤩🤩🤩夠酸！夠辣！（小編食開五小辣）❤️❤️❤️配有芫茜、花生、木耳、芽菜，面頭仲有好多肉碎🥰，增添風味及口感米線可以免費轉薯粉，仲可以揀軟硬度：軟/正常/硬小編揀咗正常，覺得都偏軟身👌🏻米線本身未算好滑，但都okay👍🏻結論$56 黎講cp值真係高到傻咗🥰豬頸肉夠香口😍，真係好食，絕對係招牌！⭐️⭐️⭐️湯底都重口幾正，食得辣嘅可以揀小辣以上～大推🥰🥰🥰環境就正常要搭枱，嘢食黎得快👌🏻

秋拾米線 (新蒲崗)新蒲崗康強街34號康強洋樓A座地下8號舖食物推介：自家製手作蝦多士 $24，日本芝士年糕(2件) $22 ，八味豆腐 $26，滷水雞翼 $22，檸檬益力多 $25自家製手作蝦多士：這款蝦多士極受歡迎，枱枱都叫，很誇張！原隻鮮蝦，蝦肉很鮮嫩，釀在多士裏炸至外層酥脆，沾上芥末醬後，滋味動人！😄😄😄日本芝士年糕：年糕軟綿彈牙，芝士香甜滑溜，帶來豐富的奶香和濃厚的芝味，烤至微帶焦黃，內層是流心融化狀態，味道一流！👍👍👍八味豆腐：豆腐質地嫩滑，切成小小的立方體，豆香濃郁，炸至金黃，脆卜卜，卻不會油膩，正宗的富貴黃金磚，已經是大酒樓的質素了！😍😍😍滷水雞翼：雞翼滷得非常入味，醬汁的味道充分滲入肉中，使得雞翼的口感鮮嫩多汁，鹹香誘人，十分適合喜愛濃郁口味的朋友！😋😋😋檸檬益力多：既清涼又具有酸甜口味的飲品，檸檬的酸味與益力多的甜味相互平衡，非常提神和解渴，啖啖透心涼！❤️❤️❤️

呢一間米線之前喺網上同社交平台都聽過人介紹，有一次經過諗住試下，不過有成10幾人喺度排隊就打消呢個念頭。早幾日經過見到唔使排隊走入去試吓，證明之前唔浪費時間排隊嘅決定係十分正確。一共叫咗兩碗米線同一個”炭燒”豬頸肉，一碗叫咗魚腐蘿蔔豬骨清湯，另一半叫咗豬軟骨雞翼酸辣湯。先講豬骨湯，都幾肯定佢冇落味精，因為係淡而無味🤣蘿蔔就好”特別”，特別硬 同特別奇怪，味道就好似番薯糖水嘅番薯，只係一個好硬嘅蘿蔔入邊。魚腐就不過不失，唔理解點解係招牌菜。酸辣湯同南記嘅味道好相似，豬軟骨同雞翼都夠入味，但肉質煮得太爛。而好多人慕名而來嘅”炭燒”豬頸肉，食落佢只係一份炸得幾乾身同味道一般嘅豬頸肉，完全唔知點樣同”炭燒”扯上關係？不過$48就唔洗深究咁多。總結嚟講，食一次就唔會再返嚟，如果要排隊就更加不了。另外店員們長期黑面，隔籬枱顧客問點樣落單，店員一句說話都冇講，就飛咗將QR code去枱面。小店可以冇Service ，但基本禮貌都欠缺就幫唔落。

游完水做完gym，約屋企人出去啟德行街街，但係未食晏出到嚟已經係下午茶時間。咁就諗吓食啲咩好啦，之前mark低咗呢間米線，都唔難搵好快已經搵到啦，估唔到過咗午市時段都爆場。未到舖頭之前已經喺OpenRice嗰度睇吓有啲咩食其實心裏便已經算好咗，但係嚟到嘅時候有心大心細。基於未食早午餐嘅情況下，嗌咗豬頸肉酸辣米線另外加咗豬腩肉同埋豬軟骨，再嗌咗個小食魚皮。個魚皮細細粒唔夠過癮，但夠爽口，唯獨是佢個汁太濃味有少少鹹。豬頸肉同埋米線都到啦，豬頸肉份量好足，唔會燒得太乾身，相當Juice。另外食米線之前飲咗啖湯，救命，好好飲⋯⋯佢酸辣得來帶少少泰國風味真係好好飲，雖然嗌中辣但係唔會越飲越辣。同埋幾鍾意佢個米線係有米線個豬軟骨亦都炆得好腍入口即溶，滷肉就的色咗少少有少少唔夠喉。整體嚟講相當有驚喜，下次要試埋佢個(豆花)。唯獨一樣唔係咁好嘅地方就係坐門口嗰張枱啲人出出入入對門係咁撞隻手，明白後生意啲枱就擺得密啲，但係呢個位就真係差少少。