影片
更多
2024-09-11
464 浏览
作為米線愛好者，當然唔可以錯過依間係新蒲崗嘅米線舖﹗為咗唔洗排太耐隊仲專誠一收工就過嚟，平日晚6畸半都已經滿晒，人氣超高﹗秋抬米線有啲好特別嘅菜單，新派嘅豆花撈米線同通心米線都好少見。當然平常嘅米線都有，薯粉都唔洗額外加錢就可以食，除咗依幾款仲可以選擇菜底。而湯底主要有兩款，分別喺招牌豬骨湯底和秘製酸辣湯底，仲不含味精添。第一次食就先試一般嘅米線同薯粉，分別揀咗豬骨湯底和酸辣湯底，連豬骨湯都可以揀辣度好少見，兩款都揀咗BB辣。自選加餸都有勁多選擇，份量仲好多好抵食，湯底本身都已經包括部分配料，都好豐富。當然其中一樣最出名嘅炭燒豬頸肉，所以直接單點﹗淨係賣相已經令人已經流晒口水，外皮燒到香脆。食落香口惹味，切到厚薄適中，皮脂比例都好均勻，附埋嘅泰式醉辣汁除咗解膩仲令豬頸肉味道再昇華咗，當然單點已經好好食了。另外仲有招牌手作蝦多士，一份兩件，兩個人share啱啱好，大大件仲有原條蝦係上面。剪到金黃香脆，熱焫焫即食超正。(影食張相果陣已經光速咁食完蝦多士XD)豬骨湯本來嘅配料有豆卜、腐皮、翡翠苗，仲有芽菜不過我走咗，每樣配料都可以揀要唔要好貼心。額外仲加咗貢丸、肥牛、蟹柳、娃娃菜。米線都可以
秋抬米線有啲好特別嘅菜單，新派嘅豆花撈米線同通心米線都好少見。當然平常嘅米線都有，薯粉都唔洗額外加錢就可以食，除咗依幾款仲可以選擇菜底。而湯底主要有兩款，分別喺招牌豬骨湯底和秘製酸辣湯底，仲不含味精添。
第一次食就先試一般嘅米線同薯粉，分別揀咗豬骨湯底和酸辣湯底，連豬骨湯都可以揀辣度好少見，兩款都揀咗BB辣。自選加餸都有勁多選擇，份量仲好多好抵食，湯底本身都已經包括部分配料，都好豐富。當然其中一樣最出名嘅炭燒豬頸肉，所以直接單點﹗
淨係賣相已經令人已經流晒口水，外皮燒到香脆。食落香口惹味，切到厚薄適中，皮脂比例都好均勻，附埋嘅泰式醉辣汁除咗解膩仲令豬頸肉味道再昇華咗，當然單點已經好好食了。
另外仲有招牌手作蝦多士，一份兩件，兩個人share啱啱好，大大件仲有原條蝦係上面。剪到金黃香脆，熱焫焫即食超正。
(影食張相果陣已經光速咁食完蝦多士XD)
豬骨湯本來嘅配料有豆卜、腐皮、翡翠苗，仲有芽菜不過我走咗，每樣配料都可以揀要唔要好貼心。額外仲加咗貢丸、肥牛、蟹柳、娃娃菜。米線都可以揀想要淋啲或者爽口啲，今次揀咗標準，真係煮得恰到好處，食落爽手唔會過生，就算食到最尾都唔會淋晒。豬骨湯底清甜，加埋小小辣更加惹味，配米線一流。
酸辣湯本來嘅配料就有辣肉碎、花生、木耳。落得超大方，重黠係花生係脆卜卜﹗額外加咗翡翠苗、芝士丸同埋麻辣雞球。如果中意食辣，一定要加麻辣雞球﹗雞球外脆內軟，就算浸到最尾都仲係咁好食，麻香得嚟又唔會搶晒啲味，就算溝埋酸辣湯都仲係好出。而湯底嘅酸辣度都好出，又唔會過辣辣到食唔到其他味。薯粉喺幼身薯粉，吸晒啲湯嘅味超好食。
餐飲都有好多特色少見嘅選擇，我哋分別叫咗兒童鴛鴦，即喺阿華田同埋好立克，小朋友都飲得嘅鴛鴦；另外果杯係檸檬益力多，酸酸甜甜超開胃解膩。
作為米線控當然係超級滿意﹗連平時唔太好米線嘅男朋友都願意陪我嚟食，而且佢食完都覺得好食真係太好啦。
张贴
