秀韓國餐館 (已結業)

又一個平常的工作天, 收工後又係尖東集合. 這晚的目的地係秀.下午來就可已坐得鬆動點, 是晚來到, 當然要搭臺. 老闆娘亦不在, 但服務都係無乜問題的.先要個鐵膽, 再試樣未食過的.兩碟前菜有五樣食物, 但沒有粉絲.年糕炆牛肋骨$88: 8分: 好像比之前幾次吃的差了點, 有部份肉不算腍, 肉質感覺上係較差, 但整體還是好入味. 趁文迪不覺吃了帶肥羔的部份, 係好肥美. 年糕沾上了牛肋骨的汁, 亦幾鮮甜.比不上莊園的, 不過已經係相當出色.芝士雞蛋卷$68: 7分, 一共八件, 芝士味係好濃烈, 雞蛋卷蛋味好出, 都幾好味的. 但味濃的關係, 吃足四件係吃不消了.水準仲係算幾好的, 但不再係一時無兩之選.

自從與友人A去韓國食過公仔面鍋之後,一直都好想0係香港搵番間韓國食店係有呢樣野食,公仔面鍋係乜?有公仔面,魚片,年糕,椰菜,洋葱,粉絲,腸仔,雞蛋同埋一大pat韓國辣醬,放0係一個類似鑊的器皿,滾滾下,直至收乾水份,湯汁變濃,撈埋一齊食囉終於俾友人A0係秀搵到,同0係韓國食0個鑊有九成似,唔似0個一成係因為呢度份量細鑊好同,仲要賣$180,0係韓國食,同樣叫做二人份量,但至少多一半,都係約$100~~~btw,有得食已經好開心:>另order了泡菜煎餅,在友人口中稱之為「不舉」,皆因只得邊邊有少少脆,筷子一夾,omg,「dum」晒落黎,始終覺得莊園正好多,香脆又堅挺!!!還點了什麼年糕牛肉排,一舊肉團包住條年糕,用鐵板煎,賣相似蔗蝦,舊肉唔鞋囉,但因為最後上桌,食0左個鑊面都已經好飽,其後0既野...sorry...評分點都會打個折!!!

幫襯過「秀」都有五六次, 都係食依幾樣:1.豆腐湯2.牛肉石頭飯3.海鮮煎薄餅4.炸醬麵5.年糕炆牛腩6.年糕炒牛肉食物水準同服務都相當滿意, 價錢亦都可以接受。仲有佢斜對面有間超級地道叫「漢城美食」, 亦都唔錯!

25/Feb行過韓國街,突然想食韓國野.去左秀附近既清溪川.但係因為服務態度勁惡劣,所以去左秀,反而有驚喜喎.秀,俾人既感覺簡潔.感覺良好食物方面呢~先黎一個前菜(送既)有泡菜(黃牙白/青瓜仔),大豆芽,薯容,好好食喎~細細碟,好快清左因為我地兩個人既關係,只係叫左炸醬面同辣泡菜豆腐湯.豆腐湯係碢上既,所以夠熱,相比起清溪川用膠碗上好得多.湯底夠濃,加白飯最岩.炸醬面好夠味,面身好彈牙,好好味加上老闆娘有禮既服務態度,真係值得加許~~~~~唯一美中不足既係冇韓燒食~~~

I went to this restaurant with my fds on x'mas eve, we'ver ordered 2 dishes, the service is good & food is delicious, I wil try this another time nei!!!! But the shop is a little bit small, so not so comfortable if there's too much people...luckily there's few people at that time

之前同openrice的食友們試過之後，覺得好好﹗於是介紹朋友到此﹗全部朋友都讚不絕口﹗但是，最近一次到此卻有感水準不再﹗因為其中一款"黃芽白泡菜"有一種酸味，感覺不是很好﹗一行2人點了3樣東西:1. 泡菜石鍋飯: 因為泡菜的味道有點酸，故覺得不太好吃2. 香辣炒年糕: 同泡菜石鍋飯一樣因為有酸的泡菜而覺得一般3. 炆牛肋骨: ok，但比起莊園，真的有點距離。不過最難得的仍然是老闆娘親切的態度﹗希望下次再去食會改善﹗

星期日同朋友出黎尖咀呢一條俗稱"韓國街"搵食, 記得有朋友推介過呢一間"秀"好好味, 於是入黎試下。8點幾比起附近既食店黎講都算少人, 我地兩人叫左炸餃子, 年糕炆牛肋骨, 牛肉炒粉絲, 叫完野食先上5款前菜, 味道好普通, 個薯仔絲最好味!炸餃子- 好大陣九菜味, 仲有粉絲, 生菜, 冬菇等素菜, 味道ok但好多油牛肉炒粉絲- 粉絲又粗身又少& 咬極都唔斷, 牛肉勁多但味道普通年糕炆牛肋骨(2pcs) - 得兩件年糕以為好貴, 又係un無乜味道；牛肋骨似煲完湯d豬展, 好淋都幾入味, 蘿白都好淋好甜另, 侍應會隨身帶備剪刀, 上台前幫客人剪開食物, 等客人見左個賣相先!

兩個女仔星期四六點半到, 地方比較細, 但比人一個好乾淨幾舒服既感覺. 叫左泡菜炒豬肉, 什菇牛肉炒粉絲, 炸泡菜餃子4隻同埋一客燒雞泡魚乾.附送既泡菜有5款, 有菠菜, 薯仔絲, 大豆芽, 泡菜, 仲有青瓜片. 但係感覺上d泡菜好係太好食泡菜炒豬肉: 豬肉唔會um, 泡菜唔算太重, 味道偏鹹, 如果送飯應該會好d什菇牛肉炒粉絲: 勁多牛肉, 味道帶甜好好味, 粉絲又勁入味, 我同朋友食到唔停到口, 但一致認為下次要叫多粉絲少牛肉炸泡菜餃子: 個皮炸到好脆口, 饀料好多, 但只食得出有粉絲, 豬肉, 蘿白同菜燒雞泡魚乾: 無乜特別, 叫佢只係因為朋友勁鍾意食雞泡魚乾加兩罐啤酒埋單$275, 價錢唔算太貴, 只係我地兩個人叫左太多野, 最尾都要打包一半返屋企

我去吃之前都上過呢個site睇過,見到有讚冇彈咪去試下.昨晚去試左,2個女子去,所以只叫了3樣野,其實果度並不多野吃.果度好細下,得6-7張台,2個服務員,一個負責寫單n收銀,一個負責送野n執野.我地第一次去ma,咪問個寫單果個有咩好介紹囉,點知佢用英文答返我地叫我地自己睇餐牌picture喎.都算啦,見佢地用韓文溝通,可能佢地係韓國人啦.我地叫左石頭飯+泡菜湯+釀尢魚.先來一個石頭飯,熱辣辣~正~又多飯蕉,but好似唔係好夠味,之後再黎個泡菜湯,都係熱辣辣ga,正.通常新鮮熱辣辣d野都好鬼正gama.呢2個野都ok,唔差.點知釀尢魚就唔掂la,貨不對辦呀,見佢影張相出黎好鬼吸引ga,點知黎時潤腸咁細,仲有仲有呀,內裡冇肉ga,係鬼釀尢魚呀,分明欺騙人.味道都唔好吃o既.大失所望有d.仲有,果度冇人添荼俾你ga,難道吃一餐得一杯荼,我唔夠bor.人手又少,我個fd忍唔住手自己去添.個服務見到先幫手.原來個服務員識講中文ga,頂~見住佢同其他客講中文gala.咩意思先,對我地就扮唔識中文.

呢間野係朋友介紹~~~亦都係我第一次去食傳統的韓國菜~~~都幾特別呀~~其中的炆牛腩係最好食的~~都不是辣..味道好濃~~!!唔知D韓國人係唔係真係咁鍾意食辛辣麵~~~不過我就唔係覺得好特別~~~

一心想食地道韓國菜，兩個人唔係好肚餓，於是叫左什錦泡菜石頭飯同炒牛肉粉絲．石頭飯味道清淡，雖然有一小碟醬汁撈飯，但好一般，泡菜唔太辣但尚算新鮮．炒牛肉粉絲ok，牛肉都幾多，食到我地兩個好飽．另外有碟薯仔絲前菜幾好味！當日都見到有幾枱韓國人，可能呢種就係地道韓國菜!

今個星期好多時間都早走, 到星期五又突然有堆工作倒落黎.和同事做完野一齊走黎左附近買野, 來到此店吃個飯.地方細細的但不是像廚師那樣淺窄, 燈光但老闆娘真要花點錢去裝修.牆邊灰剝落得好緊要, 要不是我留意到, 我條黑西褲變左白西褲.點了唔係咁多樣食物, 因為都成九點幾. 先來泡菜, 又幾好味, 有一碟紅紅色的, 辣度差不多接近我的極限;其他芽菜, 青瓜也好吃.先來紫菜餃子年糕湯, 個湯有d紫菜和胡椒味, 幾清和香;年糕有韌有彈性;反而餃子吃不出內裏是什麼.石頭鍋飯, 配菜都幾多, 蘿蔔絲, 芽菜等. 顏色幾豐富. 其他食友驚的醬辣, 冇落自己要幾多便添幾多, overall味道淡了少許.海鮮煎餅香香脆脆面少少金黃, 內裏香軟, 有水準的煎餅.總括我覺得幾好食, 不過有個同事話的食物冇咩味.食完返屋企覺得好口渴, 照計唔關食甜品事掛?後記:1.)隔離好多檯都叫窩, 滾滾起都幾過引.2.)女主持都幾靚又有禮貎, 亞裔侍應也服務週到.

我之前睇到好多食評都話好, 所以個多月前去試.....老實講, 呢間店真係好住家feel, 不論食物水準, 服務都好一般...跟新羅寶, 莊園, 明洞屋, 梨花園....相差太遠了!炒牛肉年榚, 牛肉跟年糕的比例不成正比, 牛肉太多了. 但年糕少得可憐. 另外, 有個牛肉年糕卷, 我以為係一片片的牛肉捲著年糕, 點知係牛肉球(捣碎) 捲著年糕, 感覺不太好....而牛肉球好大, 實在太大了....大家好不容易才食完一. >_<

我星期六下午去食。食左個雜錦牛肉窩飯，金菇炒牛肉同炸年糕。飯就普通啦。個炒牛肉好好食。好大塊又夠味。年糕無咩特別。老板娘幾友善我會再去試下其他。

9:45p.m.去到金巴利街,好多間食店都closed左,見「秀」仲營業,而且當時已經非常肚餓,就入左去喇。3個人叫左:1)韓式炒年糕差差差,我之前o係「韓國宮」食過好食好多,佢係就係平o的,但係價錢同份量成正比,唔太掂。2)雜錦石頭鍋飯麻麻地,食過好多間既呢個飯,唔算好,同埋我之前食間間都會有人幫我地撈埋,呢間冇...3)泠麥麵(我唔記得左個名)呢個就真係唔錯,我未見過泠都真係有o的冰o係個碗度,o的麵好彈牙,好食。o的前菜真係麻麻地,分量少都唔緊要,質素一般,可能我太在意o的餐具啦,佢冇鐵筷子都算喇,連o的碗都用香港野,冇咩誠意,價錢係比其他好多間平,但係去過就算,唔會再去。total $173