秀作居食屋 (已結業)

星期六, 同老公再次重臨這間居酒屋. 假日的西貢, 度度都好多人好嘈...唯獨這一間比較靜, 店員態度亦比較親切. 坐低第一時間點刺身, 嘩.... 真係好新鮮, 連隔離枱個鬼佬都同個店員講, 佢第一次食到咁鮮甜O既吞拿魚.跟住叫O左個海鮮鍋.. 湯底又甜又鮮味. 材料勁新鮮.... 兩個人食夠有餘!唯一係個甜品雪糕太甜...

經朋友介到此一試，刺身不新鮮，壽司好散，雞翼無味！但不知為何我的朋友會介紹？！但佢的邊爐湯低的確好好味！

在人脆弱的時候, 或在假期及喜慶日子時, 都特別容易想念不在身邊的人, 包括親人和朋友. 遙遙的祝福你們, 珍重.當尖沙咀, 旺角, 中環, 銅鑼灣人頭湧湧之際, 西貢倒還落得清靜, 讓我可以喘息一下.叫了set dinner, 幾抵食但質素當然比平時差了.龍蝦沙律–清新, 龍蝦肉也不算少, 可惜欠缺鮮味.刺身壽司platter - 刺身有三文魚, 八爪魚和吞拿魚. 吞拿魚有筋. 壽司有帶子及海膽, 帶子壽司飯有些過硬, 海膽壽司飯但又不太覺有此問題, 海膽不苦不腥.炸芝士蝦丸–炸得幾油, 應該索乾些油才上桌.鐵板黑椒汁豬扒–聲勢十足, 黑椒汁咸了些, 豬扒不乾不鞋, 肉質還算爽嫩, 但肉味不濃.什菜冬菇金菇豆腐煲–清湯底真是很清兼淡, 豆腐香滑.日式炒麵–有紅黄椒絲, 洋葱絲和日式魚蛋絲, 普通而已.甜品反而有驚喜, 是用洒杯裝着, 南瓜蓉在底, 朱古力慕士在面, 感覺清新, 不甜不膩, 如再滑些更好.

看了介紹, 說這裡不錯, 剛好要到西貢與小孩玩小型賽車, 就到這裡試一試。中午12點去到, 未有其他客戶, 祗有我們, 一住低就每人送上一吃蚧籽沙律, 夠溫馨。先點刺身, 原本想叫油甘魚, 可惜賣哂, 侍應介紹深海池魚, 薄切, 就叫了一客試試。其他還叫了三文魚刺身、赤貝刺身、喬麥冷麵、煱仔烏冬、燒牛脷、網燒牛柳、各種壽司等。池魚好掂, 老闆娘說是昨天剛到, 三文魚有魚味, 赤貝新鮮; 唯一要彈的是刺身不是直接放在冰上, 略嫌不夠凍。烏冬夠煙韌, 湯底又好味, 正。燒牛脷非常香口, 好味!壽司整體都OK, 最差係個燒牛柳, 韌左D而且無乜牛味。但整體來說, 這樣的價錢食到這種貨式, 係我食過最抵食又最有質素既日本料理店, 推介!

一個煩擾失落的星期五晚, 幸好有薑餅人和日本料理才令心情不致壞透.師傅推介金目, 外形似大眼雞, 日本入口果然唔同D, 嫩滑外有油光, 淡味得來細嚼下有鮮味, 雖貴但值得一試.赤貝刺身–在bar枱看見赤貝還在郁下郁下, 忍不住叫了一隻造刺身. 入口好爽甜, 一D都唔腥.三文魚壽司, 章紅魚壽司, 象拔蚌壽司, 芥辣八爪魚壽司, 墨魚壽司, 帶子壽司, 三文魚子壽司. 象拔蚌勁爽甜, 帶子夠肥和甜, 三文魚也肥美, 其餘就普通, 尤其墨魚感覺唔夠juicy.芝士珍寶大蝦壽司卷–有芒果蓋面, 芝士香, 但炸蝦反面唔夠出.已經第四百個食評啦, 請繼續多多指教!

餐廳搬來呢個位後幫襯過一次，感覺係唔專業但出品質素同價錢ok，今個週未冇乜特別想食就再去幫襯；今次叫o既石燒鰻魚飯呀/剌身呀質素都係非常一般。但係今次之後肯定好耐都唔會再考慮呢間。食物選擇少，好多基本食物都冇(普通鰻魚飯/豬扒飯/牛肉飯/拉麵之類都冇)。上錯剌身。我都有責任，咁都睇唔到照食，但係個問題係"點解會上錯呢?" 老板娘埋來講"唔好意思... "但係原來佢唔係道歉，意思係問"唔好意思，份剌身好似唔係你叫喎，你做乜照食!?" 跟住就話"我加埋落你張單度啦" 全程係完全冇道歉o既意圖。快快上食物做多轉。可以理解；但係連食日本菜生先熟後都唔識，拿拿林乜都上晒放到成枱都係... 唉，我而唔係去酒家喎。今次發覺老板娘非常好客，但祗限外國人!! 對於我o地呢D本地散客，態度係"我唔介意你唔幫襯" 同上次原全兩回事，可能生意好o左啦。唔找錢。兩個人食o左三百幾，埋單應該要找8蚊，我心裏面都打算佢一埋來就叫佢唔駛找，但係比係人情，唔比係道理，巳經有service charge d 待應絕對應該找錢，我係想睇真o下呢間餐廳真正服務態度。非常失望，埋單後上o既果盤都食埋都唔找返來，心諗"唔係咁樣衰

昨晚5個人去食飯~行好耐都唔知食邊咩好~到最後就去呢度啦~等一陣就有檯啦~我地坐既係一間房~呢間餐廳出奇地比到我一種好wram既感覺我~咁我地叫壽司食啦~我地5個人咁又想試多d唔同款式喎~咁就同侍應生講:可唔可以每款壽司整5件~個侍應生一口答應:好我同師傅講!!~重點係~宜家以客為尊既餐廳已經買小見小~感覺係入去食野唔係要賺你錢,而係..有一種好溫暖既感覺!!(唔知點形容好)誠意向網友推介~當晚我地見到郭藹明,劉青雲,張家輝,關詠荷~重同佢地影相呀~意外既收穫!哈哈!

薑餅人請我食飯, 地點菜式由我訂, 選擇試試這裡的日本菜.七時許去到, walk-in 無訂位, 所以坐bar枱位.叫左:油金魚刺身–肉厚, 有油甘香, juicy and fresh.章紅魚壽司, 墨魚壽司, 加拿大海膽壽司, 龍蝦沙律壽司, 蟹羔壽司, 芥辣八爪魚壽司, 帶子壽司, 三文魚籽壽司. 普遍quality唔錯, size適中, 冷暖度恰到好處.加拿大海膽唔苦但唔係好甜, 墨魚唔夠fresh同juicy, 蟹羔幾鮮甜, 帶子大隻鮮嫩.沙縋魚和蝦天婦羅–炸漿幾脆, 唔油, 肉keep到juicy.前菜有酸蘿白片, 餐後有生果(火龍果+木瓜+提子), service唔錯, 必再來.同場加映- 當晚見到劉青雲夫婦食飯呀~

Been there several times. Food is great, especially their Beef Hot Pot. However, waiting time is a bit long. Wait for an hour for the first dish.

有晚放左工同朋友去試下, D 野食唔錯, 幾有水進. 炸豆腐用鐵板上,過底好脆.(得帶相機同阿嬌(狗狗)影相,成日要你抱, 好爹)