禮 (已結業)

喺太子有間叫禮嘅居酒屋，佢哋嘅裝修風格都好有日本居酒屋嘅感覺。紫菜芥末八爪魚：八爪魚有惹味嘅芥末，令八爪魚嘅鮮味更加突出，配埋香脆嘅紫菜一齊食，外脆內軟，口感好特別。蟹肉蟹羔甲羅燒：呢個不得了，鮮甜無比，蟹肉、蟹膏同埋蟹籽，三種撈埋一齊食，鮮甜到極點，加多一隻日本無菌蛋撈埋一齊，令口感更順滑，配埋香脆嘅梳打餅就更完美。南蠻炸雞：呢度嘅炸雞即點即炸，熱辣辣脆卜卜之外，仲連埋骨一齊炸，令雞肉多添一份骨香，而做到皮脆肉嫩，表面仲有香氣四溢嘅蒜蓉，令人未食都流晒口水。青森青提䐁肉卷：好特別嘅串燒，用豬肉包住嚟自青森嘅青提，青提嘅清甜有效消減豬肉所帶嘅油膩感。烤柴蘇三味雞肉丸串 ：雞肉丸子一串三粒，每粒上面都有不同嘅醬汁，味道豐富。脆皮風鱔：鱔肉厚實。鮮甜肥美，燒到塊皮香脆無比，完全做到外脆內嫩嘅口感，而且一啲腥味都無，令人一食上癮。鮮燒原隻日本魷：魷魚係用上刺身級，肉質會更彈牙爽口，燒嘅火候控制得宜，所以唔會好韌，而且味道好鮮美，加埋秘製醬汁，令其帶點微辣，同魷魚好夾。秘制半熟鰹魚他他：鰹魚他他用秘製方法做到半熟，魚味好濃，一啲腥味都無。「素」鹹蛋媽媽素肉：佢哋仲有一隻係豬肉版，我哋呢個係素肉

呢間居酒屋真係掋🤭好岩朋友聚會傾偈食少少野飲2杯，仲要價錢唔貴又坐得舒服😻$98/2小時 任飲生啤、指定清酒(OpenRice有$49券半價優惠) 🤭我地去完先發現不過我地個晚2個人都每人飲咗6杯☺️回哂本啦🫶同路人店長好客 人又nice 值得多多支持的 $168半打室津生蠔🦪 可惜琴日打風無飛機貨 無蠔到🥲🥹唯有下次再去食，今晚既食物整體都Ok‼️特別推薦👇鵝肝牛肉丼👍燒雞肝👍酒盜芝士👍花魚一夜干👍

好友生日表示想食日本菜，因為澳洲返來後就想食了，我搵左間居酒屋，聚一聚，談談心🥰，估唔到誤打誤撞搵到間好野「前菜-牛舌粒」是精心慢煮出來的，精美！而且淋身🥰。（*不過係我見到隔離台有，而我地連杯茶都無時問的😂，服務員表示忘記了！）「芝士玉子燒」軟棉棉的蛋卷內有拉絲芝士😍 出色👍🏻「半打日本生蠔」抵食🤩隻隻大！少少creamy 加小爽！ 唔錯呀😏 細心地完全脫殼🥰「燒飯團」香口！有汁燒感🤭「蟹子沙律」不是普通的，感覺有肉絲，醬料豐富地打混😋「青森豚肉卷」好甜的提子，用豚肉卷上，甜！「雞翼」好貴的一隻雞翼，但的確好食，外脆鹽燒，肉質滑😏「牛舌串」麻麻地😨有點乾備註：🔺OpenRice 訂位有優惠🔺價錢略貴，但品質唔錯🔺台面比較細，經常跌野（其他客人台也是😅）

在 openrice book 位，去到被安排一張最逼嘅二人枱坐，其他兩個人反而安排四人枱，職員大細超，成晚第一枱要逼住咁坐池魚刺身不新鮮，而且 $138 只得八片。生蠔抵食，不過日本蠔本身沒有味道。燒飯糰有醬油味過得去。雞皮唔脆，雞棒就咁放係蛋上面就上枱。之前九龍城食過都 ok，旺角呢間真係唔掂。以為好多人，點知晚市得三枱客。由於座位擠迫，唯有食完急急腳走人，連清酒都冇意欲叫。呢間野再請都唔會再去，食物再好味都冇用。

餐廳門口用木框加燙門，第一下已感覺日式。入到去，大多數都係木系，座位安排比較鬆動。晚餐餐牌主要係各類型串燒- 雞肉，豚肉等，仲有玉子燒，沙律，丼，蠔等，相對地選擇唔算太多。飲品方面亦有日本sake,日本飲品俾人叫。同友人叫了豚肉串燒，厚切牛舌，蟹膏玉子燒同柚子雞扒丼，串燒質素幾好但相對地價錢亦屬於中上。蟹籽蟹膏玉子燒88蚊，第一口熱辣辣好味，蟹籽多到瀉，不過個玉子燒比起外面餐廳，size 比較細。最普通的卻是丼，價錢並非便宜，128蚊一碗，份量少得黎質素亦比較差，飯同雞扒都比較乾身。如果喜歡食串燒既人，可以來試。

今日路經太子 決定係呢間日本餐廳 礼食lunch門面同內面裝飾都十分日式 點左兩個午餐分別係 禮角切魚生丼 同 季節刺身四品兩個套餐嘅賣相都非常不錯午市套餐都會跟頭盤一個小沙律 柚子蘿蔔同生果 茶碗蒸同麵豉湯茶碗蒸好好食！ 連平時唔識欣賞嘅友人都覺得唔錯而刺身set就跟我最愛既茶漬飯所有刺身都好鮮甜 而且足料 食落好味之餘有口感茶漬飯加咗三文魚碎 令到個湯更有層次 加上又脆卜卜嘅配料增加口感而角切魚生丼都好足料飯同魚生比例啱啱好今次lunch 比預期中好 好滿足

話時話我都比較少去居酒屋食嘢，因為大部分居酒屋食物價錢都唔平。不過搵到呢間居酒屋價錢都係100鬆D，而環境又幾好，都幾高質。餐廳既環境幾特別，好日式個種咁，坐落去係好舒服又有恬靜既和風美感，別樹一格。有埋衣架掛衫，夠貼心。辛辣泡菜豚肉窩定食夠晒豐富，有紫薯沙律，燉蛋，豆鼓湯，刺身，紫菜飯，同豚肉窩，每樣味道都唔差。六握壽司定食的壽司都新鮮，特別三文魚腩同吞拿魚，入口即溶。芥末偏淡，反而帶出壽司的鮮味。另外加錢，有雪糕，同炸蠔。雪糕係黑芝麻同豆腐雪糕，濃味得黎，又唔會太甜。今餐好滿足😊

見到人排隊，先發現呢度有一間日本餐廳。內部環境好有日本本土特色 。欣賞有掛衣位置，仿似置身在日本的居酒屋。餐廳致力為客人提供優質環境，每張枱原來都可以用大布隔住，感覺好有私隱度。食物方面，是日我地試下set lunch 🍱 起初覺得價錢稍貴，但食物一上枱，就覺得好抵😂😂壽喜燒和牛定食，燒鯖魚定食，可選烏冬或飯。每個set都有三文魚刺身二片，沙律，前菜，生果，茶碗蒸，麵豉湯！好豐富！三文魚好好味，果然係日本餐廳，下次一定黎食刺身壽司！追加炸雞🍗而家贊好，仲有雪糕送😂

去到門唔都唔太肯定自己係咪到左, 因為門口既裝修完全同隔離既舖頭格格不入, 打開門好似穿過左隨意門去左日本居酒屋咁🏮Staff會勁大聲用日文講歡迎光臨, 裝修水泥風再掛左唔同日式既錦旗, 食物既選擇都好多, 重點係勁高質😍牛舌漬物🐮(前菜)厚身既牛舌整得好入味同腍身, 配埋青瓜好開胃元氣蒜頭漬🧄($38)用生蒜去整既蒜頭漬完全唔會有生蒜果種難頂既辣, 仲要keep 到本身蒜頭既爽脆, 滿滿既五香粉舖左係蒜頭上面勁惹味☺️雞泡魚乾🐡($78)熱辣辣又甜甜地既雞泡魚乾配埋Mayonaise, 拎黎送酒簡直係一流🤤媽媽鹹蛋豬肉棒🐷($48)鹹蛋黃整既外皮包住滿滿既豬肉, 啖啖肉好爽😍京蔥雞肉串🐔($48)雞肉好嫩滑配埋甜甜既燒汁好正, 京蔥燒到少少腍身, 同雞肉一齊食好夾絕對係必勝既組合, 🥳紫菜芥末八爪魚🐙($58)超濃郁既芥末八爪魚撈埋沙律菜一齊擺係紫菜度食係正到冇得頂😍蟹肉蟹羔甲羅燒🦀($88)滿滿新鮮蟹肉絲,蟹膏配上爽脆蟹籽再加埋生蛋黃, 蟹味勁濃勁Fresh, 仲可以配埋Crackers 一齊食真係正到爆, 絕對推薦俾鐘意食蟹既朋友🤩兵庫縣室津生蠔(半打)🦪($168)生蠔超肥美鮮甜

呢間居酒屋雖然細細間，但入到去都好有日本feel，基於佢座落係人流唔係太多既太子，又係小店，本身對佢期望唔會高，不過食落真係有驚喜樣樣野都好有心機，有水準！依家$98就可以任飲啤酒，清酒，絕對可以同朋友慢慢傾計飲個痛快👍🏻我地兩個人都叫左好多野，有燒明太子，牛舌，一口牛，雞軟骨，玉子燒，免治雞棒，清酒煮蜆（朋友encore左😂），燒廣島，燒飯團….多到記唔晒🧐要讚既係真係無一樣係唔好食🤯出面食既燒明太子通常會好咸，但呢到既明太子配上青瓜，岩岩好中和左明太子既咸味，食落仲有種清新既味道👍🏻玉子燒既玉子燒到好滑，可以一d都唔鞋，我地後來都追加埋另一款玉子燒😋（不過溫馨提示唔好一淡放晒落口因為入面好熱🫣）可以再回頭既一間居酒屋😀

見到餐廳門面幾靚，誤打誤撞，搵到間好嘢。設計好日式，而且餐廳好細心，安排咗衣架俾人掛外套；當見到我哋帶住小朋友，仲借出玩具。 Lunch set嘅選擇都算多，而且價錢合理。同老公叫咗個溫泉蛋豬軟骨同鹽燒清魚定食。豬軟骨煮到好淋身，配上甜甜嘅醬汁，仲有溫泉蛋同蔥香，成個飯嘅口感好有層次。鯖魚唔止外型煎得靚，仲好香脆。佢哋嘅前菜亦都唔馬虎，兩片大大三文魚刺身，柚子味嘅醃蘿蔔，就連茶碗蒸都好足料，麵豉湯又唔會太鹹，好欣賞。我哋另外仲加咗個吉列蝦，唔會好厚粉，即叫即炸，蝦身都好彈牙。最後又點少得甜品呢，我哋加咗抹茶、芝麻同豆腐味雪糕，每一隻味都好濃郁。

平時去開花墟買花都有經過呢間餐廳，好似幾吸引，呢個weekend買完花就去試。.餐廳唔算大但都坐得舒服，有分吧枱同普通枱，一入去俾個sake 牆吸引左😆好多清酒呀，不過我地食lunch 就無飲到。Lunch 有兩個menu，串燒就得夜晚提供。未食lunch 就同朋友決定下次一定要夜晚黎食串燒同飲酒呀，因為星期日至四晚可以加$98任飲啤酒同清酒😍簡直心心眼。.叫左兵庫縣室津生蠔半打 HKD168又唔貴呀，新鮮好味.禮角切魚生丼 HKD148見到都好開心，滿滿既魚生呀，個飯底唔會太酸，味道剛好。套餐仲配埋前菜、沙律、麵豉湯、茶碗蒸、同埋生果。麵豉湯好飲，唔係死咸。.辛口泡菜豚肉鍋配腐皮烏冬HKD128呢個又係勁多料，除左泡菜同豚肉之外仲有啲粉絲，吸曬湯汁，正。份量真係超多，除左前菜同糖之外仲有兩片刺身，食到好滿足。好鐘意個酸蘿蔔，唔係單調地酸，有加埋柚子蜜甜甜地，又多一個層次感。.沖繩炸雞 HKD28炸雞唔會炸到乾身仲配埋包柚子鹽，好特別。.兩個人食到捧住個肚走，價錢睇落唔平但cp 非常高，好值得。期待下一次食串燒☺️

➖ 季節刺身四品全份定食既前菜小碟都做得幾好，酸蘿蔔本身我唔係好食因為好多都整得太酸，但呢到既只係微酸好岩我又開胃。沙律仔有幾粒角切魚生係入邊加埋個汁同菜食幾清新。茶碗蒸調味好味蒸得靚而且仲好足料有齊魚蝦蟹肉係裡面。麵豉湯都正常味唔會太鹹茶漬飯一上枱佢已經係倒左啲茶湯落個飯到，心諗一陣實淋哂所以我試左幾啖先。飯上面有三文魚碎同飯素撈埋黎食同個飯都幾夾而個茶湯既味都好好。但如果佢個茶湯可以另上會更好，我食完啲前菜再返去食佢已經變左小小糊仔咁了四品刺身係用時令款，今日係深海池魚、油甘魚、吞拿魚同帆立貝每樣都食得出個鮮味，刺身每款兩件而三款刺身魚都好厚切食落好有滿足感，係帆立貝比較薄片應該都係一開二果啲。味道比較突出既深海池魚肥美帶點魚油味唔錯。另外個吞拿魚我都覺得幾出色，赤身較瘦無咩油脂食落好似比較淡口，但新鮮啲既赤身會食到個魚味而且都幾重，所以呢兩塊都幾好食🪧 呢個定食想食好耐果然無失望，雖然唔係平但都唔貴值得食既

識得哩間餐廳，係因為正值禁晚市堂食，好多餐廳都攪盡腦汁推外賣套餐黎吸客。有日喺instagram見到哩間餐廳有串燒套餐，仲包埋即棄嘅炭爐，好方便。佢有幾款盛合揀，今次嗌至尊盛合二人前 $468，下面慢慢介紹返。第一款係媽媽鹹蛋豬肉棒2串，豬肉棒好得意，唔係成舊豬肉係打散哂肉餅咁，燒完再掂加左咸蛋嘅bb蛋黃醬食，雖然唔係好食得出咸蛋嘅味道，但係整體黎講味道幾特別，係本身個棒調味上咸左少少。第二款係厚切牛舌芯 2串，好好好好食，唔係平時拎黎炆嘅淋牛舌，燒完個邊好香口，又好濃牛味，好值得encore!第三款係鹿兒島一口和牛 2 串，哩個牛味好香，但就多左少少肥膏，有少少膩，不過都係每人一串所以都ok!第四款係極上黑豚腩 2串，本身唔係特別鐘意食豬，因為好怕豬嘅騷味，特別係腩位哩啲太過肥膩嘅位，但反而哩個黑豚腩我會用好好食黎形容，每舊黑豚腩都有三分一肥同三分一瘦，燒完個肥位好香，但又唔會太多，瘦位又唔會好韌，仲要冇豬騷味，好好食。第五款就係亞波美手羽先 2串，好大隻，穿得好靚，唔驚燒燒下會反，食落好有雞嘅甜味，皮又唔會話好厚好肥，好食！第六款係雞頸肉 2串，豬頸肉聽得多，雞頸就少聽，一條條咁，

食居酒屋其中一個最期待嘅就當然係呢度嘅環境氣氛啦，呢度真係非常之有風格，而且食物質素都幾高質！我自己好鍾意食呢一度嘅玉子燒，玉子燒好滑，而且蛋香味十足！另外呢一度嘅串燒亦都非常之吸引，特別係我好鍾意嘅厚切牛舌！真係大大件嘅牛舌，而且非常之厚身，所以成入去嘅時候啖啖肉好過癮！上面再加埋少少調味料，真係食過返尋味！