禪

营业中

休息中

沙田實在太多美食，今次試左間襌😋焦糖芝士窩夫🧇窩夫整到好出色，蛋味濃重點好脆口，佢地嘅芝士醬又整得好香好滑，好好味🤤吉列大蝦🍤白咖喱烏冬🥣個烏冬用左忌廉加薯蓉整成超級滑，撈埋咖喱同烏冬，超超超好味👍🏻配左個吉列蝦就正.正.正。美國安格斯牛肉月見蛋丼飯🍚簡簡單單一個丼飯已經好滿足，有安格斯牛有日本雞蛋撈飯可以食多幾碗😂都唔嫌多。跟餐加錢有飲品同沙律，我就叫左摩卡同拿鐵，飲埋飲品成晚好滿足😌

禪 (沙田)評分：🌝🌗🌑🌑🌑價錢唔平但份量少到非常不合理，主食女仔都唔夠飽，台同台之間近到同搭檯無分別。❌原條鰻魚飯 ($168): 係原條無錯，但係一條未見過可以咁細咁短既鰻魚，而且鰻魚好薄，口感欠奉。成個盒子都好細，飯量都好少。去K11附近鰻魚飯專門店，坐得正正常常鰻魚飯大大條都唔洗呢個價錢。🆗美國安格斯牛肉月見蛋 ($138): 份量又係細到令人無語，仲要用咁高既碗，令份量短缺情況更加明顯。牛肉有5薄片，飯都好少。味道黎講有好多黑椒同鹽之下都帶到牛肉味出黎，但有啲牛肉煮過龍有點硬。環境🖼️：呢個價錢冇諗過啲枱根本就係喺正隔籬，同搭枱冇分別。咁啱隔籬坐左個講嘢大聲嘅女士，搞到同對面傾偈都有啲困難。服務🧍🏻：正常。

🇭🇰 Sha Tin 沙田 | ZEN by Tera Famous for their cream udon 🍜 and shaved ice, 🍧 ZEN is a restaurant under TERA pancake house. They have just opened at Shatin New Town Plaza. ✨ Their japanese 🇯🇵 styled interior design makes it perfect for friends to come and enjoy a comfort meal. I gave these a try:🐓 Teriyaki Chicken Steak with White Curry Udon 🍜 With a thick layer of white cream on top, adding creamy and fulfillingness to the curry 🥘 udon. We chose teriyaki chicken 🐓 as our choice of protein, two bi

＊法國藍帶廚師主理＊日式打卡餐廳～THE TOWN IS EVER NEW ～每次來到新城市廣場，總會有新景象新餐廳，間中都會來refresh一下！這間日式餐廳🍴中文名為. 禪.有着靜思的意思，日系木色裝修，但就算係平日嘅新城市廣場都人流頗多，很難靜下來👨🏻‍🦲🧑🏻‍🦱餐廳有我鍾意嘅抹茶刨冰，下午茶時段有十多款定食，包$42以下飲品🍸美國安格斯牛肉丼飯 $98牛肉肉味香濃 ，肉質柔軟，帶有炙燒的香烤味道，一口飯一片肉連蛋王一齊吃，滋味無窮！明太子蟹肉意粉 🍝$88濃稠的明太子蟹肉忌廉醬緊緊包裹着每一條意粉，美味鹹鮮，上面還放了蟹籽和紫菜，意粉偏硬有口感！日式抹茶紅豆鮮奶+$12抹茶味比奶味重，整體唔錯！濃縮咖啡湯力 +$10芝士年糕 $26年糕口感軟糯，中間芝士香滑而不膩，如果喜歡年糕和芝士的話，這甜點絕對不能錯過！炸單骨手羽 $26單骨方便容易食👏🏻抹茶刨冰 $108嚴選日本十大名水白川水源製作，抹茶味道濃厚，口感棉密清新，抹茶控難以抗拒！內裏以紅豆、白玉糰子作餡料！

TERA旗下全新品牌登陸沙田，由法國藍帶廚師主理，主打多款日式料理，從主食、小食、甜點同飲品應有盡有，店內環境唔大，木系風，服務態度友善，適合約閨蜜食飯吹水👭餐廳招牌菜有白咖喱烏冬，上面有層厚厚嘅奶油，下面就鋪滿咖喱烏冬，味道香濃惹味，濃厚度適中，麵條煙韌而且超級掛汁，唔好以為份量咁少，食吓食吓都幾飽肚㗎。冇咁膩嘅可以叫番茄湯烏冬，湯底唔係水狀，似醬汁多啲，而且有番茄蓉，真材實料，配埋少量野菜，開胃又健康。小食有炸蝦、芝士年糕同單骨雞翼，炸至金黃酥脆，熱辣辣好好味。甜品方面有刨冰同窩夫，要咗個櫻花抹茶同大黃士多啤梨口味嘅窩夫試試，前者帶苦，後者微甜，窩夫散發著蛋香氣，本身已經有味，所以其實唔點醬都得，下次會揀加雪糕。

Zen by TERA由法國藍帶廚師主理嘅Tera，前排喺沙田新城市廣場開左一間和洋料理cafe，店舖走日式風格木系裝潢，主打白咖哩烏冬同甜品，咁吸引當然要黎試一試‼️- 吉列大蝦白咖哩烏冬薯蓉加上忌廉混合，再配上日式咖哩嘅稻庭烏冬，薯蓉口感極濃厚忌廉不膩，撈勻後同咖哩嘅味道出奇地夾，而且烏冬夠彈牙好惹味，大蝦仲有四隻絕對抵食，推介👍🏻- 蒲燒鰻魚丼飯鰻魚夠厚，肉汁鮮嫩，蒲燒汁夠濃味，份量夠慷慨，拍得住去日本旅行食嘅質素- 白桃伯爵茶窩夫窩夫極重蛋香味，伯爵茶醬濃而不澀，伴碟有新鮮白桃果肉、忌廉、餅乾碎，白桃的清甜平衡了伯爵茶的甘香- 抹茶蛋白卷賣相精緻，質地濕潤有彈性且入口鬆軟，抹茶味夠回甘，配上一串白玉小丸子好可愛🍡- 豆腐花咖啡好好飲，唔會中伏嘅一杯飲品，就係豆腐花+latte(真係有豆腐花喺裡面！）其實係可以想像到嘅味道😛- Espresso Tonic用上nutty豆子，正常發揮啱我口味Total $383

禪☆║．．．．．．．．．．．．．║☆‼️ 南蠻炸雞（丼） $118✅ 炸雞好嫩同Juicy 炸皮薄薄一層唔會食到成口粉 真係有日本嘅感覺✅ 有配上蛋黃醬增加味道層次‼️ 美國安格斯牛月見蛋（丼） $148✅ 和牛份量頗多 半熟 絕對唔會嚡口 唔係cheapcheap肥牛 配上蛋黃係perfect match‼️ 日式抹茶鮮奶（凍） +$10✅ 係難得一見奶味重嘅抹茶鮮奶 但係同時又唔會蓋過左抹茶味 證明奶同抹茶嘅份量都好夠 而且調配得啱啱好‼️ 白桃伯爵茶窩夫 $108✅ 伯爵茶窩夫係唔會出錯嘅組合 配上白桃酸酸甜甜 輕輕鬆鬆就KO曬一個！📍 沙田正街18-19號沙田新城市廣場一期109號舖📷 Canon R8 + RF24-105mm f/4-7.1 IS STM📩喜歡我的文章，可以關注我及讚好以作鼓勵

之前食過大圍圍方商場嘅Tera，今次呢間日式Cafe禪，係由Tera主理，同樣主打日式定食同甜品🥰 🔸美國安格斯牛月見蛋丼賣相好吸引，珍珠米飯上面舖滿咗炙燒安格斯牛肉，最正係粒橙黃色嘅蛋黃‼️ 用咗新紀元卵「曉」特濃蛋，係可以生食用嘅雞蛋，蛋味超濃郁🥰 一啖接一啖，好味到食唔到，極推薦💯🔸吉列豬鞍白咖喱烏冬白咖哩烏冬應該係餐廳嘅Signature，門口有好大塊牌介紹，烏冬最頂有一層薯蓉鮮忌廉，底下係日式咖哩，唔會太辣，帶有少少蔬菜甜味🥰 烏冬用咗稻庭烏冬，口感彈牙，可以完美掛起醬汁🫶🏻🔸豆腐花咖啡呢杯咖啡好特別，奶啡裡面有豆腐花🤣 如果拉花再靚啲就更好啦🤣🔸抹茶蛋白卷午餐定食可以追加甜品，Size比單點嘅迷你啲，勁搞笑，蛋白卷上面嗰串小丸子真係勁迷你🤣

餐牌又寫入座只能60分鐘，上餐等咗半粒鐘，仲要上錯餐，趕時間唯有焗食😫😫😫出面無排隊亦有幾張吉檯，唔明點解等上餐就要30分鐘，仲要人哋30分鐘快食錯誤嘅食物！

位於沙田區既日式Cafe，由法國藍帶廚師料理Tera旗下嘅品牌。沙田分店既限定餐牌新增左日式白咖喱烏冬同埋刨冰😍 午市套餐會跟配埋沙律、麵豉湯同埋$42以下既飲品🥤仲可以用優惠價加配埋甜品，真係幾抵食👍🏻芝士年糕一份有兩件，即叫即炸，上枱時仲係熱辣辣架!! 入面仲有煙煙韌韌勁多嘅芝士🤤🤤🤤 安格斯牛肉月見蛋丼 燒過嘅牛肉油脂爆棚，配合埋生蛋口感更加嫩滑蒲燒原條鰻魚飯鰻魚烤至黃金酥脆，外層嘅醬汁充分沾咗喺魚肉身上，肉質鮮嫩，配合埋沾滿鰻魚汁嘅白飯，簡直食到停唔到口 🤤🤤🤤 楊枝甘露刨冰呢個刨冰真係重點推介✌🏻 刨冰綿綿嘅口感質，配合埋芒果醬同埋椰奶，每一啖都充滿左涼快嘅感覺 😎 而且呢個刨冰上面會有一層鹹鹹地好Creamy嘅芝士奶蓋，刨冰中間仲會有椰果同埋白玉，好似玩緊尋寶遊戲咁 😂😂😂 飲品仲叫咗荔枝椰果烏龍同埋百香果梳打，兩杯都係果味非常濃郁，好飲👍🏻

Zen by Tera放假同朋友去咁沙田Zen 嘆下午茶。餐廳下午茶定食好多款式照燒雞扒白咖哩烏冬白咖哩汁撈起啲烏冬食好香口滋味。照燒雞扒雞肉嫩滑，照燒汁好惹味。美國安格斯牛肉丼飯美國安格斯牛肉大塊嫩身，配上月見蛋王入口特別滑溜。跟餐仲加咗兩款壺茶慢慢嘆！係桂花國寶茶同玄米茶。迷你抹茶刨冰好香濃既抹茶味。配上芝士奶蓋口感更加豐富。原來餐廳既刨冰係用日本十大名水。白川水源製造食落特別好食。迷你大黃士多啤梨窩夫入口鬆脆士多啤梨好鮮甜。加杯百香果梳打都係$6。好抵飲。

Tera 出品嘅野食都有啲保證🉑 日系裝修環境好舒適 🎎 而且服務都好貼心⭐️ 美國安格斯牛月見蛋（丼）($138)安格斯牛丼有驚喜💗 牛肉燒得岩岩好7成熟，肉質嫩滑多汁，帶有濃郁嘅牛香～ 配上曉日本蛋同日本米飯粒，每一啖都好滋味✨⭐️ 明太子蟹肉意粉 ($148)Tera嘅明太子蟹肉意粉一路咁出色✨ 滿滿嘅明太子醬配上蟹肉、蟹籽同紫菜，意粉彈牙有嚼勁，極之滿足🤤⭐️ 楊枝甘露刨冰 ($98)期間限定嘅楊枝甘露刨冰，刨冰綿密細滑，楊枝甘露甜甜地濃稠，配合刨冰爽口～原來入面仲有小丸子同果肉增添口感，令味道更似楊枝甘露

呢間餐廳嘅午餐大盛自由配幾抵食又彈性！可以自選主食同配料，啱晒鍾意自由配搭嘅朋友！我哋叫咗兩個唔同嘅set🍱第一個set，我揀咗白咖喱烏冬$88做主食，加咗美國安格斯牛肉$38做配料，仲追加咗小食炸單骨手羽（4件）$26。白咖喱烏冬嘅湯底濃郁，烏冬煙韌，牛肉嫩滑，炸單骨手羽外脆內嫩，好惹味！配埋沙律同熱摩卡，一餐豐富嘅午餐就搞掂！第二個set，朋友揀咗自家製番茄烏冬$88做主食，加咗美國牛小排$48做配料。番茄烏冬嘅湯底酸酸甜甜，烏冬彈牙，牛小排肉質軟嫩，味道唔錯！仲追加咗枝豆同埋濃縮咖啡湯力+$10，同埋一個迷你窩夫🧇$48：白桃伯爵茶。朋友話個濃縮咖啡湯力幾特別，咖啡味濃郁，帶有少少汽水嘅清爽感覺。迷你窩夫白桃伯爵茶味香濃，口感鬆軟。

好耐冇去過沙田市中心啦！見到一間新開嘅日式餐廳-禪 Zen by Tera🍽️原來呢間餐廳主打白咖喱烏冬、丼飯，以及刨冰同甜品等等，都有唔少人喺出面排隊等住去食㗎 ！今次我同朋友就點咗兩個主食同升級咗一個套餐，已經食到超飽😋當然唔少得就係點佢哋嘅吉列豬鞍白咖喱烏冬🍜同埋美國安格斯牛月見蛋丼飯🍱🍛，依兩個主食都係必食之選😋❤️我哋仲升級咗一個定食，加一定金額就有枝豆及紫薯鮮奶🍠🥛😋超級豐富😻🌟 吉列豬鞍白咖喱烏冬吉列豬鞍已經有驚喜👍🏻❤️夠晒厚肉，重點唔會好乾，食落去仲好Juicy同好入味😋白色的忌廉實際上是薯蓉，當薯蓉同咖喱撈埋一齊其實都好香，再加上煙煙韌韌嘅烏冬。🌟 美國安格斯牛月見蛋（丼）一塊塊嘅安格斯牛肉煎到五成熟，肉質鮮嫩多汁，仲有好香濃嘅牛味，再加上生橙色嘅月見蛋黃，米飯吸收左肉汁與蛋黃的精華。🌟 升級定食-枝豆及紫薯鮮奶（熱）每一款主食加$28可以升級做套餐，所以我就揀咗枝豆及紫薯鮮奶😋不過紫薯鮮奶都要加多$10🍠🥛枝豆食落去爽脆，仲好健康；紫薯鮮奶個賣相超夢幻，粉紫色的，飲落去仲有淡淡紫薯香味😋

沙田新城市出名好行又多野食，我地又出動搵食😎😎😎😎今次阿女想食烏冬，就揀左《禪Zen by Tera》餐廳行日本風，日式木系裝潢・令人舒適😌座位與座位之間距離適中💫日式照燒雞扒白咖喱烏冬（𨍭自家制香濃番茄湯）蕃茄🍅湯超級濃郁，烏冬煙韌有口感雞扒煎得外皮金黃香脆，食落juicy💫蒲燒原條鰻魚（丼）鰻魚肉質滑嫩，烤至金黃，蒲燒醬汁香甜入味，真係送飯一流😍💫磯煮鮑魚（2隻）鮑魚鮮嫩，肉質彈牙，而且醬汁鮮甜香濃，配上魚子，口感層次升級💫大黄士多啤梨🍓窩夫窩夫厚身，脆卜卜口感食落外脆内軟，配上草莓奶蓋，酸酸甜甜，仲有士多啤梨同雜莓伴碟😍好味到未影好就偷食左一塊😂💫凍荔枝椰果烏龍茶 飲落清新，烏龍茶茶味香濃，配上清甜椰果💫豆腐花咖啡（熱）估唔到幾特別，豆腐花+ 咖啡飲落去好滑而且出奇地夾Tera水準任何分店都一樣👍🏻👍🏻👍🏻