福福拉麵 (已結業)

前排經同事介紹而去左呢間新開既拉麵店，對我嚟講係元朗實在幾遠，因為我住將軍墺區，冇咩事真係唔會入元朗，但見同事熱烈推介，而我本身又鍾意食拉麵，所以收工就同同事一齊入去食啦我地總共5個人，當日都叫左好多嘢食，好似想食哂全部嘢咁主食 : 2個鰻魚飯，一碗炸蝦烏冬，一碗醬油拉麵由於我係食醬油拉麵，其他冇食，不過聽同事講鰻魚飯同炸蝦烏冬都好好食，而我個醬油拉麵都好正，其實我唔係咁鍾意食醬油拉麵，因為之前食過既都覺得一係好咸，一係好甜，所以唔係咁鍾意，但由於同事推介，咁就試下啦，一試之下，終於知道咩叫醬油拉麵，超愛佢個湯底，感覺好清，食完完全唔會覺得口渴，口味啱啱好，麵質都啱啱好，唔會太軟或太硬，我直程飲哂成碗湯，真係好耐未試過出街食會飲哂d湯。小食 : 炸豆腐，凍豆腐，波菜卷，全雞串燒(要預訂)，枝豆沙律，餃子，天婦羅由於人多，所以可以叫多幾款小食試下。最鍾意係波菜卷同枝豆沙律，佢地個味好特別，好似有少少甜甜酸酸咁，唔係好識形容。而餃子亦係推介之一，皮薄肉亦都新鮮，好有肉汁感，唔會煎到好乾。最特別係全雞串燒，要先預訂，因為係即日買新鮮雞做，將唔同部位用唔同方法燒，而最正係有個汁點，一個係was