福泉鉄板燒•鮨 (已結業)

因為唔鍾意食魚生，所以一向對日本料理感覺一般，但福泉嘅日式鐵板燒真係唔錯，我第一次見到成隻活活生嘅大鮑魚係大鐵板上扭來扭去由生燒到熟，師傅好熟手地又喺同一塊鐵板上準備好相配嘅醬料，之後嘅燒和牛同大蝦多士都非常之好味，但視覺效果就相對差咗少少，haha，可以話鐵板燒真係視覺，嗅覺同味覺嘅多重享受，而且環境好舒服，服務又周到，下次有機會一定會再來過！

最近天氣轉熱，都係食壽司開胃啲。福泉因為午餐抵食，返工中午次次過來都多人，見到師傅好忙碌但處理食物完全唔馬虎，十貫壽司都好美味，不過始終最愛都係件大TORO，一入口油脂同魚香混合埋一齊融化口裹，幾時都咁好味，最後嘅烏冬略有失準，經理即時換過一份，服務態度十分抵贊，難怪咁多回頭客。

壽司就食得多喇，日式鐵板燒都係第一次試。坐喺師傅面前，睇住佢塊大鐵板上直接烹調食物都幾有趣，第一次見到大大隻活鮑魚，喺鐵板上扭來扭去，食材咁新鮮，又點會唔好味，加埋Ｄ特別調配嘅醬料，完全味蕾嘅極上享受。燒飛驒牛都好惹味，一咬落去成口油脂香。福泉嘅師傅唔算好多嘢講，但態度友善，會仔細介紹菜式，令人感覺好舒服。

晚餐食福泉嘅Omakase完全稱得上係享受，前菜精緻又美味，刺身同壽司超級新鮮，師傅好仔細咁解釋每貫壽司嘅食材同食法，我最鍾意嘅一定係海膽，師傅最後上咗兩種唔同嘅海膽壽司，雖然當時已經飽到上心口，仍然感受到果種清甜美味。餐廳環境舒適，同兩個朋友由六點幾坐到近十點，慢慢嘆住食曬所有嘢先捧住個肚走。

灣仔食日本料理其實都多選擇，不過近排最鍾意都係福泉Fukuizumi，間餐廳主打廚師發板壽司同鐵板燒，雖然之前試過啲壽司都新鮮好味，但係時間充裕嘅話我更加喜愛鐵板燒，事關望住師傅準備食物都幾有趣。前菜有日式沙律，食落好清新，仲有啲蕃茄，好甜好fresh，燒龍蝦肉質好飽滿，入口爽彈，和牛就喺燒緊時已經聞到好濃既焦香味，上碟色澤夠哂鮮紅，食落口感真係好嫩好多肉汁，夠juicy!呢度嘅食物水準穩定，幾次幫襯都好滿意。

由灣仔地鐵站行過來福泉只需分鐘，地點算幾方便，環境又舒服，前兩日同一排無見嘅舊同學約埋喺呢度嘆下Omakase傾下心事。晚餐嘅野菜沙律同前菜開胃醒神，龍蝦甘甜美味，鵝肝滿口濃香，和牛薄燒就夠juicy，幾道主食太豐富，Ｄ炒飯同龍蝦味噌湯未上已經飽八成！食物一流，氣氛又好，成晚大家都好盡興！

好友生日想安排食一餐特別嘅晚餐，諗起福泉鉄板燒•鮨。可能因為附近多寫字樓，夜晚人比以前中午來果時少一Ｄ，但環境舒適好啱我哋幾個人慢慢食下嘢傾下計。晚餐前菜好開胃，我鍾意個螺，爽口得來好似有少少酒香，壽司鮮甜肥美，牛小排味道香濃，鯛魚湯都好暖胃，鯛魚仲好鮮嫩添，真心推薦！

長假期前臨時起意試試福泉鉄板燒•鮨，日本料理最抵食一定係午餐，配餐嘅日式沙律已經好清新開胃，之後嘅壽司鮮甜到爆燈，尤其係大拖羅壽司肥美到入口即溶，手卷都超正，中午來呢到好多人，不過座位比較闊落有空間感，總之係令人好滿意嘅一餐。

之前喺福泉食過午餐，再次行過見到做緊周年祭有第二位半價嘅優惠，忍唔住約埋朋友一試。前菜中最鍾意份田螺，清爽又開胃，跟住上嘅六貫壽司印象最深刻係件剝皮魚，連埋上面嘅魚肝食勁好味，南非鲍鱼配海胆忌廉汁爽口之中带有陣酒香，稱得上色香味俱全。朋友就對牛肉薄燒讚不絕口，咁好味嘅日式料理，兩個人計埋加一都唔使二千蚊，好鬼抵食。之前喺福泉食過午餐，再次行過見到做緊周年祭有第二位半價嘅優惠，忍唔住約埋朋友一試。前菜中最鍾意份田螺，清爽又開胃，跟住上嘅六貫壽司印象最深刻係件剝皮魚，連埋上面嘅魚肝食勁好味，南非鲍鱼配海胆忌廉汁爽口之中带有陣酒香，稱得上色香味俱全。朋友就對牛肉薄燒讚不絕口，咁好味嘅日式料理，兩個人計埋加一都唔使二千蚊，好鬼抵食。

美國萬通大廈地下嘅福泉個，係近排新搵到嘅優質餐廳。之前多同同事一齊過來食午餐，今次約朋友放工之後一試晚市套餐，我最鍾意個鱈場蟹，夠晒解甜，幾款刺身都各有特色，鮑魚配海膽忌廉汁濃香美味，雖說價錢係高過午餐一截，但食物質素一流，完全抵返晒

日本餐午市最為抵食，所以公司附近嘅福泉平日都好爆下，前幾日中午叫同事一齊去試下，幾個人都覺得有驚喜。我叫咗個Omakase套餐，壽司有赤貝、白蝦、池魚、右口魚、海膽同拖羅，件件新鮮好味，同事各自叫咗五盛魚生飯同蒲燒鰻魚，都話好好食，呢度無論服務質素同環境都唔錯，下次可以encore。

第一次食福泉，行到入去先發現午膳時間原來都幾多人，因為唔趕住返公司，試下佢哋個鐵板燒套餐。一開始嘅前菜無咩驚喜，原來好戲在後頭，件南非鮑魚即場燒起，配埋海瞻忌廉汁好好味，和牛要咗五成熟，表皮焦香但一咬落去喺口里流出大量油脂，香氣逼人，令人回味無窮。炒飯口感粒粒分明，成碗食完都唔會滯，以午市套餐來講，真係超水準之作。

轉咗工過來灣仔第一次食Omakase，係去公司附近嘅福泉，可能因為多公司客，lunch time都幾爆下。個Omakase嘅set,一開始嘅沙律同前菜幾開胃，到食壽司嘅時候，可以睇住師傅一件一件整，佢又會解釋下魚嘅特別同埋邊到嚟，我最鍾意係件剝皮魚壽司，魚肉甘甜美味，連埋上面膏腴香濃嘅剝皮魚魚肝，令人回味無窮。間餐廳除咗野食好味，環境、服務都有水準，食完呢餐完全挑起我對日本料理嘅食慾，相信好快會再來幫襯。

完成個project，夜晚同同事去灣仔美國萬通地下間福泉慶祝下，刺身當中最鍾意個大吞拿魚腩，相當肥美，有入口即溶嘅感覺。跟住上嘅活龍蝦同鱈場蟹都十分鮮甜美味，到和牛上來果時已經開始飽飽哋，大滿足嘅一餐。

情人節來食日本菜，好彩提前訂咗位，好有日本餐廳嘅feel，坐落好舒服。我地叫咗個套餐，前菜係野菜沙律，無公害野菜，撈啲好特別又酸酸甜甜嘅醬，好好味好開胃。仲有日本黑松露燉蛋，好香嘅黑松露味，燉蛋好嫩滑，而且好精致。仲另外叫咗個鵝肝，真係好正！壹上即刻食，入口即融，認真唔錯。咁好味，肯定仲會有下次！