福泉鉄板燒•鮨 (已結業)

老細請指定請食呢間既lunch,個名同日本菜唔係好夾,但一入餐廳就feel到係有質素。有訂枱一入去就坐係鐵板燒前,但今次想食壽司,所以叫左壽司定食;有麵豉湯（唔係咸用粉開果隻）,小小前菜（特別,出面少有）,主食有十件手握壽司(一啖一件岩岩好,似係日本食的size偏小,但係非常夠飽滿足,好少一次過食甘多款魚刺身壽司,完全唔腥,好正！),最後仲有一小碗烏冬,麵身好煙un,幾飽都食哂去...另外同事就食鐵板牛，附上一張照片，同事就話一般。甘抵食既壽司lunch set都係around $200,sorry無睇清楚價錢因爲有人請食飯,覺得夜晚食日本野貴既甘就黎食下lunch啦！值得！

食晏時候有點雨也不太想行太遠，經過這間福泉鉄板燒。一行3人，每人點了個午餐精選。大家開心share。酸甜醬日本沙律菜配上日本黑松露燉蛋作為開胃前菜。松露味道剛好不太濃，沒有把蛋香蓋走。先來了一個魚生飯，魚生很新鮮甜美，鐵板燒的牛肉卷入葱花蒜粒很香口，雞肉入口嫩滑。 另一個時日限定定食。天婦羅餐。不太特別。味道ok。最後再來一杯香濃咖啡及一件非常精巧又美觀的芝士蛋糕。整體餐廳感覺ok，食材新鮮，環境很清靜。可以再來一試。

不用多說，看圖便知好食。最好食的是鵝肝，入口即溶。和牛不得了，可是份量真的不夠呀。龍蝦有些太鹹，唯一敗筆。炒飯，香口彈牙。生豪肥美，男友説是他整晚的最愛。甜品，還好，不過不敗。

同朋友一齊來體驗Omakase➕Teppanyaki整體餐廳有日式高級餐廳的私密感覺，又帶有濃郁的港式風格，一進門就被整體氣氛吸引，進入包間更是十分舒適👏🏻實在想兩個都體驗，就拼了一半Omakase一半Teppanyaki從Omakase開始，每一道菜品都十分精緻，每一口都感受得到廚師的用心最讓人驚艷的是鐵板燒的食材，會跳舞的鮑魚，超大的虎蝦，進嘴的口感更是從未體驗這裡的每一個廚師也都十分有經驗，不停地幫我們講解，實在是一晚完美的體驗💕

第一次幫襯，感覺良好！格局高，恬靜，坐得舒適，招呼好！點選的廚師精選sushi set lunch , 前菜是日本野菜沙律，菜新鮮爽口，配上日本芝麻醬味道恰到好處，好味黑松露鮮蝦蒸蛋，旦香夾嫩滑，混雜黑松露清香，好味主菜：sushi plate ，品質絕佳，各款魚都精彩絕倫。好味到吾停得口！再奉上烏冬，有泠或熱，揀了熱的，烏冬很滑溜，好正！單尾，咖啡或甜品，咖啡佳，成餐都好perfect呀！雖然價格貴點，但很值得！ 會再去！

2週年同老公食餐好的，上網見到呢間食評唔錯，所以想試下。可能因為週末，無爆場。坐得舒服服務又好。好鐘意師父煮法，基本上佢煮咩都好食。全場唯一失望就係個豚角煮，我屋企工人煮得仲好食過佢。

雖說是友人的午餐飯堂，而佢都冇試過呢度的Omakase晚餐，襯佢生日當然要來試試菜啦﹗其實間野門口唔多起睇，行行下好易行過左，入到去分左2邊，左邊係食Teppanyaki而右邊就係約10餘人的L型Sushi Bar。坐下Waitress即送上熱毛巾抺手，然後棒著10多款Sake杯比的地挑選。Omakase$1500(+10%)每位，價錢屬中高價，沙律+餐前小食+4 Sashimi+11 Sushi+湯+水果，大食的你地都應該夠哂飽﹗蝦夷鮑: 好鮮味超爽脆，問師傅掂解要切到有坑紋，佢話薄切的話要咁樣先唔會卷埋一齊，而且可以增加爽脆感火灸金木鯛，金木鯛一向係的至愛，今次竟然係去左皮原舊火灸，食落外邊有小小焦無脆脆，外層係暖暖地但內面係涼涼地，好特別龍蝦Sashimi，好新鮮好鮮味，師傅的刀工好細膩，將龍蝦D根盡量切斷蝦肉依然保留一球球，再刨丁點柚皮碎，更加提升其味道﹗而D龍蝦殼就拎去餚之後飲的龍蝦湯石垣貝壽司，本身已經好爽身好鮮味，加上師傅的握法及拍打石垣貝，喚醒石垣貝去收緊其肌肉，食落更加爽身(可以留意同張相，肌肉收緊左垣貝好挺身，如果唔盡快食，佢就會塌反落來)白蝦昆左漬壽司，昆布本身的

搭的士和司機說：美國萬通呀！以往如果司機不懂，你轉為說句：愛美高。他們就會明白。情況和有小巴還寫著銅鑼灣大丸、屯門八佰伴一樣。不明？朋友，你太年輕了。但這次情況更為覆雜，因為當華置將美國萬通賣給恒大地產，原來的美國萬通大廈就改名做中國恒大中心，而在美國萬通大廈旁的匯通大廈，就因為美國萬通保險進註，而改名為美國萬通大廈，很亂吧！Google Map都改唔切啊！所以來這間餐廳，如果你找Google Map，就要小心啊！這間坐落「新」美國萬通大廈地下的日本餐廳，作為打工仔的我就肯定三過而不入，因為它的午間最平都要二百多元，貴的可以四、五百元呢！今天因為阿Sir請食飯，要歡送工作已久的同事，結果選了這間餐廳。餐廳內分了鐵板燒枱，壽司吧枱和卡位，阿Sir事前已作出公開諮詢，不約而同，我們都情傾鐵板燒。店員引領我們到鐵板燒枱前，然後遞上熱茶。先要說說鐵板燒枱，這張枱客人和鐵板燒的距離大約一尺半，這個闊度可以足夠廚放上煮好的食物碟和客人自己的用餐碟，不錯。看看午餐餐牌，由二百多元的商務套餐，至二人的1500套餐都有。我們各有己見，阿Sir話不如叫一個海鮮餐和廚師長推介，然後「些牙」來食！大家都舉腳讚