福彩海鮮酒家

营业中

休息中

下午茶，野食一流，服務九流。叫樓面攞辣椒油，叫左3次，應左又無來，第4次先來，仲好唔願意咁既樣。4點鐘收茶市，3點9趕客走，攞野又唔見你地咁快，趕人走就神速。無下次！

外賣自取用APPS會平d.燒肉仔春卷幾好食夠脆口, 其他嘢我自己就一般般, 本身唔太中意飲茶食點心~而家呢個環境, 最重要老人家開心, 一家人外賣係自己地方有得聚吓就已經好好

新年無得四圍去拜年防疫留在家 不過未想開爐住所以叫外賣醫肚啦～打開手機Apps一開就有限時優惠唔想食粥粉麵咁揀家庭小菜食啦～今次order1) 燒汁牛仔骨有9件 醬汁夠味 洋蔥索哂牛肉味 2）雲耳炒雜菜太多油 🙈 要隔左啲油再用水沖一沖先食到3）雙拼飯 - 油雞叉燒飯既份量足2碗 叉燒半肥瘦 油雞又夠滑配埋薑蔥蓉一流4）雙拼飯 - 油雞燒肉油雞髀位 但無左最多內個部份 😅得下下髀燒肉皮仲脆 加埋油菜不過呢個豉油少咗啲今次2大2小 - $220平均每人$55

😷😷😷依排疫情又嚴重左，😭😭連夜晚都冇埋堂食，所以都係叫外賣多🥡🥡🥢，而福彩係依段時間都不斷更新佢嘅外賣餐單，基本菜式由$48加到$52😳，佢嘅😋😋茄子炆伊麵都真係幾好食嘅！電話落單前後唔使半個鐘就有，不過呢一個炆伊麵🙅🏻‍♂️🙅🏻‍♀️唔係素菜，係有肉粒係入邊嘅，⚠️食素嘅朋友仔要注意啦！♻️環保啲，可以同職員講唔使要餐具㗎！🍴🥄🥢🙅🏻‍♀️🙅🏻‍♂️

仲有不足一個星期就到農曆新年，陸陸續續都開始提早食團年飯。沙田區嘅酒樓雖然多，但係亦都好多一家大細食飯提早個幾星期先至book到呢間酒樓，好在一圍已經可以包一間細房，私隱度比較高，隔音亦幾理想，一家人可以靜靜雞地傾計食飯，而職員都相當殷勤最鍾意就係呢個金茶香巢香脆百花球！熱辣辣炸得好脆，鮮味十足，大人小朋友都勁鍾意仲有大青斑兩味，炒班球啖啖肉，份量仲超多最尾有生果盤之餘， 紅棗糕以及紅豆沙都好好味， 前後食足兩個鐘頭無停口 ，家中長輩都非常滿意， 性價比算好高嘅一餐！

今日一家人去慶祝過年，係第二日選擇左係婆婆樓下嘅酒樓食飯啦！咁平日酒樓都唔忙，一d都唔爆。我地齊人之後點菜都好快就上菜啦！首先係個例湯，菜干豬骨湯，好濃味，同埋都好足料。跟住就係片皮鴨同埋白切雞，片皮鴨我見到枱枱客人都叫，果然係唔錯，鴨皮夠脆口，加埋熱辣辣嘅皮，一d都唔漏。而切雞雞肉滑，而且夠味，根本就唔洗點蔥油。雞比夠滑，而雞胸都唔鞋。跟住就係婆婆食嘅紅燒豆腐同埋金銀蛋菠菜啦。基本上兩樣菜式都正正常常，婆婆都好滿意。跟住就十係西蘭花炒班塊，同埋蒸頭腩，一班兩味，魚肉夠滑，新鮮，抵食。最後埋單咁多野食都係千二蚊，抵食，重有免費泊車。

第一次與家人到沙田第一城中心的福彩海鮮酒家飲茶， 叫到成枱點心， 咁多款點心當中我比較喜歡的點心是雪山菠蘿包， 外脆內熱， 裏面的叉燒餡料有肉汁， 很好味。 茄子炆伊麵帶微辣很惹味， 食完一碗又添一碗。 不過臘腸卷就比較求其， 臘腸卷裏面只有一塊臘腸， 平時食開臘腸卷是一條臘腸的。 然後叫了三碗米線， 三碗裏面都有未熟透的米線。 牛肉球，珍珠雞，蒸粉卷和釀茄子的味道也不錯， 反而這裏的炸物溫度偏凍， 應該炸了一段時間吧！酒樓樓底偏低，所以環境比較嘈吵， 不過我比較喜歡飲茶熱熱鬧鬧的氣氛， 至於價錢方面， 今次就沒有留意，因為是家人請的，下次有機會一定會再來。

入座時要求了唔搭檯，又安排左搭檯比我，都算，體諒佢可能午市比較多人（睇真d唔少吉檯，而且是平日）！啲食物慢慢到，已經冇位擺，要求可唔可以轉枱，因為都阻礙到搭枱嘅客人。而且見佢都有唔少吉枱。第一個員工同我講唔得。真心呆左！咁多檯都唔得？咁諗住叫個高級d既黑色衫部長，問佢可唔可以轉枱，已經非常有禮貌地問佢。點知佢同我講話佢唔係負責安排座位，叫我出返去出邊自己問帶位員！我都覺得幾好笑竟然叫個客自己走去自己問！我話你係呢度嘅員工你唔可以去問吓帶位員可唔可以安排另一張枱比我嗎？係好難嘅一件事嗎？真心唔知呢個係咩服務。心諗你收我一服務費架，你有服務嗎？最後帶位員工經過，佢就安排左另一張枱比我。除咗服務差到貼地之外，食物老實都係麻麻。以後唔使再幫襯！

今晚同家人一起食慶祝中秋嘅做節飯，揀咗$2888套餐。燒味拼盤，乳豬塊皮薄薄地仲脆卜卜，叉燒太厚燒得太硬。家庭式小菜，又唔係咩集團式大酒樓，都勉勉強強合格，總算過得去。其中一個不滿意係，套餐最後無飯麵，根本唔夠飽。第二個不滿意係，有一位傳菜員黑口黑面得好緊要，要我地幫佢執埋枱黎請佢落餸，兩面胭脂查到好似七月份咁，影響食慾。另外全晚最好味，竟然係佢碟紅棗糕點。煙煙un un 仲有少少薑味，真係好食，其他一般。

我真係超喜歡食海鮮的😋食完呢間酒家的阿拉斯加長腳蟹，薑蔥炒蟹, 上湯龍蝦覺得好好，的確新鮮好食 又底食😍🦀長腳蟹啖啖肉， 清蒸畫花雕蛋白蒸一樣都好食🦀 薑蔥炒肉蟹，好入味，連平日唔食蔥既我都食哂D蔥🦐上湯龍蝦夠哂肉汁又彈牙很滿足啊😍飲食推介指數🏆🏆🏆🏆🏆@沙田福彩海鮮酒家地址: 沙田第一城銀城街1號置富第一城商場1樓147鋪電話:2648 6868#live #host #medicalbeauty #facial #video #kol #prettykol #beautykol #kolforbeauty#pretty #hkkol #hkblogger#hkmodel #model #blogger #travel #travelkol #photography #fashion #beauty#foodie

兩個人飲早茶，福彩是一個好選擇，易揾位，價錢尚算便宜。濃湯鮮竹卷是這最美味的點心，皮薄料多，很入味，比其他高級酒家做得較出色。盅頭飯很抵吃，不用$20已吃到，比街市的便宜。排骨鳳爪飯好味些，鱆魚雞粒飯比較差，因為鱆魚不夠香！蒸粉果是晶瑩通透的，味道ok, 皮薄，也是健康之選。牛肉腸粉，拉得也算不錯，有牛肉味、滑的！炸荔芋可以不試啦！不夠熱、不夠脆、芋頭不夠香，可能不是時令。服務質素較不理想！自行找位，但坐下了，侍應卻多次要求客人移動位置，因為有些位是留給熟客的。為甚麼枱上卻沒有擺放"已訂位"標誌"？作為大型屋邨的酒家，以老人家為主要客人來源，如果我們不持高要求的話，在這裡飲茶是可接受的。吃五、六碟點心，每次也是少於$120, 可有甚麼期望呢？

假日一行五人到福彩飲茶，11:00不用等位直接可以進去。很多食客，因此枱與枱之間空間不多，主要做街坊生意。碗碟衛生程度還可以，但侍應人手不足，茶壺要加水需要耐心等候。今次點了8款食物，2款值得推薦，1款有伏，其餘5款中規中矩。值得推薦系列：1）五香芋絲糕少有酒樓有芋「絲」糕！細絲芋頭增加了表面表積，讓油煎後，更香脆，芋味香濃，十分推介！2）桂花紅豆糕本來覺得這個配搭很奇怪，但是當這桂花紅豆糕融化在口腔時，便覺得桂花的清香和紅豆的豆味原來一拍即合。這款甜品不太甜，又有椰汁味，非常有驚喜！中規中矩系列：3） 鴻圖窩伊面抵食夾大件，有很多配料：蝦仁、魷魚、叉燒、肉片、雞片、冬菇…面的份量也很足，粗麵沒有鹼水味。只是味道普通，正正常常。4）圓盆馬拉糕馬拉糕很大個，每個人都分到很多。夠鬆軟，也有蛋味。5-7）蝦餃、叉燒包、油菜味道和口感都跟一般酒樓差不多，普普通通。中伏系列：8）藥膳雞腳別看這雞腳的皮已炆到溶化了，實際上他的筋腱位置還是很硬，老人家咬不動。他勝在花生夠多，也很大粒。但是雞腳就不值一試了。整體而言，酒樓主要做街坊生意，平時與家人朋友吃飯飲茶還可以

第一次黎試下福彩晚市，星期日晚周圍d酒樓通常都滿，所以提早兩三日訂位。到左訂位時間黎到，都要係門口一段時間等佢安排入座。星期日晚真係好旺場，枱同枱之間拍得都近，難免嘈雜抵讚既係野食選擇多，價錢亦大眾化，做街坊生意。味道方面感覺可以，不能期望太高，特別係幾乎枱枱都叫既片皮鴨，皮同鴨完全無預過分量，食完d鴨仲淨返勁多塊皮，d皮亦全部痴埋晒一齊，完全無顧食客感受，因為好難拎到一塊完整既皮出黎D鴨肉主要係脂肪，同好少肉樓面經理態度可以，但傳菜姐姐好惡結論係：唔帶任何期望純粹同家人食一餐飯，不過不失

星期日早茶帶位混亂。未坐低已經有不快。在酒樓門口寫咗紙仔，叫我入座，檯號係301, 入到去知客又話唔係，在紙仔上加上唔知咩符號，然後用手指，指著遠方說那張檯，我唔知佢指邊張，問係唔係那張方檯，佢唔答，只話嗰張，我問佢即係幾號檯，佢無答，過了一秒鐘，佢有 d 誨氣咁話 : 我帶你。一路行，一路話 : 真係麻鬼煩。然後帶到入一個房，去到房門口就交俾另一個樓面，佢叫我坐一張方檯，檯面個牌寫41號。我坐低咗，然後用電話通知友人檯號。無幾耐，樓面又話呢張唔係41號，轉咗個牌做31號。

表弟的大囍日子，婚宴當夜！當然要來賀他一下。設宴沙田福彩。來到果然真的是挻有氣派...環境算是裝修得美輪美奐..這裡相信都會吸引不少在此區生活的準新人⋯⋯有幸坐在主家席其中一圍.第一道菜例牌是乳豬來的.這隻大紅乳豬全體，乳豬的大小適中皮吃起來非常之脆，而且肉也很甘香.在最底的豬仔肉也很嫩.蘸點甜甜的乳豬醬來吃，真的不錯。稍嫌的是皮下的脂肪偶爾多了一點點。接下來的是碧綠花姿大帶子.大大粒的帶子與青紅椒同炒。帶子鮮味十足且彈牙有咬勁。帶子數量非常多.加上西蘭花軟硬度剛剛好。真的合格有餘。發財肉環瑤柱甫。用上原粒的瑤柱甫確實用料足。原粒瑤柱煮得軟淋。能吃得一口濃郁的乾瑤柱味。玉環的節瓜也煮得軟淋。色水夠濃，相對蠔油茨汁也夠濃味黃金炸釀蟹柑基本上即是炸蝦球隔離親友説食落蝦味不重...本人認為蝦球外層炸得脆脆的。而且真的是非常之熱.蝦肉挻彈且結實這已經是很不錯了！還要談什麼蝦味重不重...紅燒海皇生翅。看上去至少不會是槳糊翅已經是很開心的了...再吃下一口，湯頭帶點雞湯鮮味。而又不過鹹！花膠切得很細，比起針翅還細！真的不知要讃酒樓的魚翅夠足料...還是花膠下得太吝嗇，但真心果句！應該是屬於前者吧