福井壽司和食屋 (已結業)

本應開開心心與父親提前興祝父親節,但今餐真難以吞下,原本想算數了事,反履想了一週，實在不吐不快,現公開這種惡行與各大綱友分享,望各位想想是否應该光顧. 　此餐廳亦有分店於大埔，之前也光顧過，發現無論餐種，價格，味逍都會令你再次光顧，但父親居住粉嶺中心，為他方便只好揀就近食市，亦知道此餐廳是同一集團经營，因此有信心保證，所以選擇入內慶祝。　我連同太太父母一行四人於大约七時半到達，門口經已有十幾二十人等位，我亦拿票等待進入，大概等了一小時左右，终於到我，我一家被安排近寿司吧位置，坐下時已經聽見很大的聊天聲，不是顧客發出，而是吧內傳出，內容夾雜大量粗口及黄色笑话，為什麽我這樣清楚，因為實在太大聲，做ＳＨＯＷ一樣，最特別印像是穿黑色厨衣，舆其他人不同，應该是主管，不會是戲服，理應自覺有點道德，看見經理行過聽到也不加理會，彷如習以為常，但都舆我無關，各有各守則方式，開始進入戲肉，我點了刺身、寿司、串燒及天婦羅等幾樣熱食，不用等太耐，約十五至二十分鐘所有寿司、熱食都來齊，但刺身，等了半小時都未到，次序有點問题，舆侍應詢問情況，眼見待應為我跟進時给那位師傅用粗口痛罵，用極不友善眼神回望我，內容大致就

麻煩看了這食評投訴一下啦﹗食物不錯, 效率也不錯, 環境也不錯, 好可惜有個粗口皇在BAR 枱工作送免費全場粗口talk show, 個個同事都比佢用粗口話過, 其他同事好似好忍讓佢, 不敢多言,看佢名牌居然無掛, 他似乎幫老闆倒米多過''顧客第一'', 我唔相信這個是老細呀﹗

d野係抵食既不過最衰係免費加送粗口課程上至經理下至侍應該無一不以粗口溝通真係食到背脊骨落r

粉嶺, 真係無乜日本菜好食!! 這間都算係咁,價錢唔貴可接受, 食品種類都叫有得選擇!!卡位好坐, 超寬.......不過食品, 只是一般, 未見驚喜!! 而且味精效重, 每次食完個口都會勁乾幾粒鐘!!食品速度......有時真係勁慢!! 慢到嚇死人!!!

用茶餐廳呢個詞, 先可以形容到呢間野ge食物特色. 算係粉嶺唯一一間食日本野, 做街坊生意, 自然預左壽司刺身類都冇咩得揀. 不過睇佢menu其他野食都算幾多, 於是兩個人就決定會一會呢間野... 兩個人點左...1) 燒餅: 得沙律醬味.2) 煎帶子: 雪藏貨, 完全冇鮮味, 得d油同鹽ge味道.3) 刺身: ...唔新鮮4) 壽司: 點了好幾款, 其中魷魚壽司隻魷魚仲未滴乾水, 食落口仲已經變左味!! 食到呢到, 其實我地都未飽, 不過真係頂唔順d食物... 所以決定埋單去第2度再食過... 價錢唔係特別平(元綠價), 食完之後不禁奇怪點解咁多人幫襯...

味道唔錯,成日都有去食~除左日式飯同拉麵之外仲有好多小食簡,d小食都煎得幾香.個人認為依度d飯比拉麵好食,食過幾次,叫的食物都唔同,但都好食,有大型居酒屋水準.但串燒一般比較細,但未試過要等位,所以都ok推薦:鯖魚飯,煎秋刀魚,煎帶子

黎過幾次因為粉嶺區太少日本食店choices最好的地方係環境, 燈光暗暗, 唔覺dirty,哈地方都叫大, d位都ok, 同埋d食具幾靚個人幾喜歡食物就, 我覺得sushi麻麻唔太好, 特別係刺身no good熟食反而好d食d咩炒反炒烏東咩鍋都唔錯服務就一dd啦, 有個waitress特別差...完全唔想撈果差, 其實服務參差d啦, 大部份過得去lo

19/9 大約7點到同家人(共3人)黎呢度食，之前有人話好多人等位，不過7點去到先得5成滿，8點幾走既時候先有幾個人響出面等。環境幾好，座位闊又舒服，卡位就更好啦。先叫左5客三文魚壽司($9客)，鰻魚壽司，再叫八爪魚壽司同熟蝦壽司($10-12不等)。d壽司普遍較細件，一口就食到。味道一般，三文魚色澤唔夠光鮮，鰻魚較多骨，熟蝦就好鮮; Wasabi色澤都有暗啞，但媽咪話豉油就好好。熱食選擇真係唔夠多，甜品同飲品反而仲多選擇。最後叫左雜錦薄餅($33)，海鮮鍋烏冬($42)，有個滑蛋芝士雞肉撈烏冬($36)同雞軟骨餃子($28)。雜錦薄餅係最好食既，其實係日式燒餅，又熱又脆，d醬汁同沙律醬都好味，一人兩件都幾頂肚。兩個烏冬都唔錯，海鮮鍋烏冬d湯甜，料都夠，味道幾好;滑蛋芝士雞肉撈烏冬冇湯，但滑蛋芝士汁又幾好味，d吉烈雞肉拎走第二日翻煮都仲幾好味，可想而知即食時會點。最後個餃子，d骨幾有咬口，不過我唔鐘意食韌野，所以對我黎講就一般。3個人食，加埋一大概$255，覺得都合理，d野食唔晒仲打包走。服務大致都幾好，因為都幾多服務員走黎走去，唔難搵到人。加水都加得幾密，食完野好快黎收碟，有一兩次真

呢間野晚晚都好多人等位, 成日想試都冇機會, 終於有一次有機會係星期一下晝兩點幾黎, 冇人! 入到去, 環境都幾好. 我地order 左兩個午餐"咖喱雞扒鍋燒定食" 同埋"雜錦魚生飯定食", 另外因為想試佢d 壽司, 所以就叫左個立魚壽司, 同埋鐵火卷.首先個咖喱雞扒, 賣相非常好, 雞扒香脆, 幾滑, 咖喱唔太辣, 很香, 仲有d 沙律醬o係面, 好好食!! 而且係鍋上, 食到尾都仲熱的, $35 真係好抵, 仲有一碟沙律醬粟米, 炸魚手指一舊(餐牌寫係炸蠔的, 可能改左, 我地冇問) 同埋麵豉湯.至於個雜錦魚生飯, 都算多魚生, 但魚生種類一般, 都係三文, 吞拿, 八爪魚果d, 都係果句, $48 算係咁了, 雖然我食開果d, d魚生係好靚好香口, 但價錢貴成倍, 所以咁既價錢, 算係咁, 而且魚生份量都算ok 多.立魚壽司一般啦, 舊魚唔算大, 舊飯都幾大舊, $12.鐵火卷幾好, 間單的卷物, 不算差, 裡面的吞拿魚都ok 大舊, $12 都幾抵食~至於service, 都真係好差, d waiter 好細路仔, 個個企係度掛住傾計, 野又唔執, 茶又唔加, 叫佢黎就黑口黑面

由於o係尖沙咀返工,所以經常都會去各大日本餐廳享用午餐同晚餐,適逢父親節,假日相約家人在此進餐,可能假日關係6時半已經有好多好多人排隊。大概等左一個小時有多與弟弟及爸媽一起到其中一張梳化坐,其實以前都黎過一次,不過唔係坐梳化位,但係其實位置都好闊,以及人手是充足的,人經常主動加茶,服務質素當然有侍改善,但眼見好多都像其他人所說的是生手多,因為自己以前都是做樓面,所以會比較清楚。在食物方面我想應該要改善一下,當天點了八品刺身,蠔卷,海膽魚子壽司,串燒拼盆,pizza,海膽炒飯,燒鯖魚,炸軟殼蟹,一碗拉面同埋幾碟壽司,首先第一樣到既就係海謄魚子壽司,看來也很大件,但係一口食落去唔知點解有d苦味,唔知係海膽定係魚子苦,兩樣貴價野完全唔夾既感覺。另外就係軟殼蟹,這個都還可以,都幾大隻,跟住就係有炒飯同青魚,飯好似炒得唔夠乾生,除左面頭有少少海膽,跟住都食唔到有海膽,然後就係個八品刺身,感覺三文魚好似變差了,冇以前咁大件,雖然有d冰o係底,但係好似都唔夠凍,吞拿魚筋位多有點失望,最讚的都係pizza,而最差都係果個串燒,完全唔覺係爐端燒既味道,鰻魚有點散,帶子好細位,雞軟骨冇味。最後壽司唔係一次

喱度環境真係唔錯，坐得舒服。價錢o.k.，如果lunch唔駛加一就perfect。和風壽司便當($38)三文魚、白鳥貝、玉子、熟蝦、鮑片各一件，加州卷2件配前菜、蟹柳烏冬、沙律、日式蒸蛋& 雪糕雪米壽司係手握，細細件，好新鮮。個蟹柳烏冬都唔錯，反而係個蒸蛋就多水。但個雪糕雪米連餐一齊上，搞到最尾溶晒，所以我下次叫佢後上。我另一日食刺身便當($48)三文魚、魚、北寄貝、吞那魚刺身各2件，甜蝦1隻配前菜、蟹柳烏冬、沙律、日式蒸蛋& 雪糕雪米刺身一樣新鮮，今次個日式蒸蛋好食好多，冇水汪汪。我同事就叫咖哩豬扒石鍋燒($33)配吉列炸蠔、前菜、麵豉湯& 雪糕雪米佢話豬扒好大件，都幾抵食。

其他食物都ok,但燒豬頸肉好似太咸。

我黎過尼間餐廳幾次喇,服務同食物都ok~不過尼排好似有D唔同左咁...以前尼間餐廳一路都有播音樂,一路食野一路聽住音樂都幾舒服~不過近排佢地播左好多本地歌手果D快歌....有D唔知點咁......""希望佢地可以播返D柔和少少既歌啦...~食物就保持住一貫水準,Order 完之後好快有得食~Good!最後我想講講樓面果D人好似好生手同埋唔係好專心咁...可以再好D就好喇!

地方大,坐得幾舒服,點了以下食物:燒靖魚-燒得剛好,唔乾身油甘魚剌身-好新鮮炸蟹蚶-okay燒豬頸肉-okay再飲杯pina colada,味道唔錯以粉嶺/上水區來說,呢間日式食店算多選擇

星期日早上要返工，心情實在低落﹗2:30回到粉嶺，還未吃午飯，要為低落的心情打打氣(藉口)，在福井order take away sushi。有三文魚腩、吞拿魚、帶子、甜蝦、帶子海膽灸、三文魚芝士灸。我最鍾意都係帶子，吞拿魚有點乾，其他都ok﹗