祥榮餐廳

营业中

休息中

今日去黃埔探望叔父，晚上一齊去祥榮餐廳，餐廳係港式茶餐廳老字號，我小時候叔父經常帶我嚟食，今日再重臨，環境已經不再，叔父話餐廳重新裝修過，食物多元化，除咗好味，重係大碟又抵食！港式扒餐奉送餐湯、餐包和熱飲。轉凍飲只需加3元，特飲加12元，其他主食亦會奉送餐湯和熱飲。餐湯有忌廉湯、羅宋湯、老火湯選擇，我哋比較喜歡忌廉湯，口感順滑，味道香甜濃郁。美式雜扒，雜扒本身有豬扒、牛扒、雞翼、腸仔、煙肉，因為叔父唔食牛，餐廳將牛轉做雞扒，食材用鐵板熱辣辣盛載上枱，倒入濃郁的黑椒汁，立即發出吱吱聲，並且香味四溢。豬扒和雞扒煎得香口，肉質都好鮮嫩，沾滿黑椒汁十分惹味！肉絲炒麵，滿滿配料的一碟肉絲炒麵好有鑊氣，麵底做到脆卜卜，於炒麵上淋上肉絲及醬汁，不僅口感層次多，味道也很夾，真的是百吃不厭。特飲紅豆冰：紅豆大粒得嚟又起沙，質地軟腍，配上香滑花奶，香甜可口，用上高杯盛載甚有懷舊感！凍檸茶：茶味香濃，檸檬清香冇澀味。甜度適中。西多士，來到茶餐廳一定少不了邪惡的西多士。即叫即做，切開炸至金黃的西多士，入面有一層花生醬，淋上糖漿，加上牛油後的香甜氣味；放入口中，甜香可口，口感香脆鬆軟。