神經餵飼 (已結業)

呢日約左個朋友出黎傾野，要搵個坐得舒服，傾到計又坐得耐既地方，之前嚟過神經餵飼覺得唔錯，於是同朋友再嚟。呢到有兩層樓，下層有少量座位，上層就全層大好多，上到去要除鞋同坐榻榻米。cafe嘅佈置屬重型文青風，用咗大量木製嘅家具，乾花，字畫，各色大小嘅植物，特色擺設，靚得嚟好有特色。食物同飲品都好正，真係唔係得個樣👍🏻👍🏻⭐️牛油果蟹肉法式多士多士香脆，牛油果香濃軟滑，配埋蟹肉感覺清新開胃。⭐️煙火雞雜菜芝士三文治　麵包烘後外脆內軟，多肉多菜多芝士，好足料，大大件好好味😋⭐️抹茶鮮奶⭐️朱古力傾到口渴再返落樓下再叫多杯嘢飲😂

神經餵飼位於太子舊區 位置有d偏僻上層係一個休憩區～ 乾花佈置、小cushion、油木地板，家既感覺下層係open kitchen 每次都喜歡坐近玻璃窗既位置太陽暖暖的 喝一口咖啡 野食既種類唔多而且略貴，三文治都要70蚊...扮文青係要付出既💤✅三文魚茶泡飯細個睇深夜食堂老闆煮茶泡飯..情意結💘我覺得係咁多樣入面最好食呢三文魚煮得岩岩好，肉身粉紅色，有魚油慢慢滲出黎👍🏻加上清淡茶香， 唔會太油，味道好夾不過d飯就硬身左d ... 有一種茶湯同飯分開既感覺，小敗筆🆗貓毛定食認真我覺得係將d飯前小食放哂係個大碗度🤭🤭影相係幾吸睛既味道就係......「魚有魚味，飯有飯味」囉❌cheese bagel佢話有4款唔同既芝士...實際上芝士少到可憐 想試真啲個味都難🌚最大塊就係超市都有既車打芝士...個bagel係凍既....d芝士又係凍既..完全無果種微熔 好cheesy 既感覺✅Latte咖啡濃郁 無酸味，咖啡泡企身🆗蜜桃茶Snapple好飲d 黎過兩次，都覺得呢度既staff唔係好nice問下個餐牌既資料都好唔耐煩咁個人感覺而已～—————————食物質素：6/10環境衛生：8/10舒

聖誕節食飯，多數俾人劏到一頸血。今年終於冇俾人劏，而且味道仲好好添！今次兩個人食，連沙律、前菜、湯、主食同飲品都係五百蚊到，仲有乾花送😍1. 粟米湯配脆多士香濃粟米味，而且十分香甜。粟米打成容，仍然有少少粟米粒，增添口感。配上脆多士，點啲湯食，超正！2. 紅酒無花果核桃煙鴨胸沙律3. 紅酒燉肉丸肉丸係用雞肉整，比較少食到。但肉丸同汁似乎分開處理，煮好肉丸再淋汁，肉還肉汁還汁，肉丸未能吸收汁嘅味道。4. 14安士肉眼扒配洋蔥汁肉眼扒煎得好靚，肉味香濃。配菜都好出色，特別係孜然籽炒啡菇意瓜，無諗過孜然味同蔬菜都咁爽。反而，薯蓉失色咗啲，落太多sour cream令到薯蓉過酸。

太子隱世cafe, 日式fusion菜，咖啡亦做得不錯，適合忙裡偷閒，煩囂中尋找寧靜的角落。今日食了牛油果蟹肉法式多士 加 溫泉蛋鹽味牛柳粒蓋飯，再配以一杯cappuccino，a perfect day off！

同屋企人黎食飯，預祝生日，問佢地有無甜品寫碟，佢地話有，寫低左碟上內容，點知最後又同我講繁忙時間唔寫碟，好似俾佢呃左咁，如果佢一開始就話無，其實都無問題，但係佢應承左個客但最後又反口真係好差，野食幾好都無用野食係好食，但定價都係貴，動輒8、90蚊一碟，飲品另叫，lunch4個人都食左4百幾蚊，我諗比哩間野抵食服務好既大把，如果哩間野要長做長有真係要廚師同服務生協調好先，唔係唔會留到客人，人氣哩d野好快會過

經過一天繁忙的工作，除了要吃飽飽，最好讓神經也休息一下！ 今次來到太子附近，就被一間文青小店清新的店面吸引住！發現原來係一間以吃輕食同飲日本綠茶的小店！立即入去試下！入面的坐位都是兩人坐，很適合我們！餐飲選擇貴精不貴多，有我最喜歡的沙律！見大餐menu無咩野飲，侍應比左個drink menu我！立即喜出望外，有一頁係日本綠茶🍵叫左鹿兒島豐綠試下。茶味清清的，很香，卻不澀！主菜叫左血橙紅肉柚子煙三文魚沙律🥗擇盤很吸引！女孩子必定鐘意！三文魚分量多味道質地都不錯！沙律汁很清新，一點都沒有厚重感！朋友叫了推介的貓毛定食！份量偏少！但個黑椒雞翼好好好好食呀！跟餐仲有涷檸茶

餐廳係鬧市中偏靜既街舖，假日中午條街好靜，有陣懶洋洋既氣氛，加上個日落住微微雨，好舒服好有feel，好似去左台灣cafe咁地方都幾細但幾cozy ，好似仲有樓上，不過無上到去，，食材既配搭幾好，簡單原味，唔會太濃，而且present得幾靚，間舖用左好多木做布置，成件事都好舒服，見到個幾個玻璃樽，令我都想返屋企自己整返幾樽，見埋後院洗手間，好似去左人地屋企咁，，但價錢都唔算平，，間唔中一次半次就接受到😎

與朋友上完文縐縐的手工藝班，自然要繼續這個氛圍，因此便選了這家文青店吃晚飯。朋友之前有到過這店，喜它寧靜不趕客，可以舒服地玩塔蘿。今晚入店後店員一面難色地告訴我們只有一張略窄的三人枱，否則便要坐地下了。由於我們不是單純飲野，所以便選擇了三人枱。我的茶漬飯非常美味，魚皮烤得香噴噴，絕對令人食慾大增。但看著朋友的定食，配有沙律又覺得十分吸引🤣🤣🤣最完我的茶漬飯取得完勝——點定食的朋友吃不飽，要追加下場哩😝

神經餵飼—一個有趣又令人摸不著頭腦嘅名字。終於有機會來試試。餐牌掛喺牆上，並非一般cafe嘅食物，比較有特色。飲品有好多日本茶選擇👉🏼鹿兒島豐綠好有日本茶感覺，因為根本係日本茶😂講緊廢話。茶味香濃，有層次感。👉🏼溫泉蛋燒汁豚肉飯滿滿嘅豚肉，加上溫泉蛋，係幸福嘅味道，超多飯，我食唔晒😂其實我唔係細食架。👉🏼明太子雞肉親子丼又係一大碗，好多明太子，雞肉同埋蛋一啲都唔少，材料十足，味道亦親民。👉🏼野菌五目炒飯又係材料十足嘅炒飯，味道唔錯。👉🏼蜜糖芥末煙三文魚三文治好fresh好輕盈嘅餐，睇落好少野，但塊三文魚都唔細架！適合唔太肚餓嘅朋友。👉🏼熱朱古力熱朱都有拉花，盡顯心思，濃濃朱古力味，甜度適中。

其實呢間餐廳只係距離我屋企大約行5分鐘，但係竟然一直都冇試過，今次朋友介紹，決定一試。餐廳門口種左好多小植物，感覺係清新既，餐廳有兩層，樓下係普通座位，樓上係矮木檯，用藤座墊坐地下。我大約六點半到，當時仲係冇咩人，同朋友坐o係木地板上面，加上周圍既乾花佈置，實在係好有日式屋企既感覺。最驚喜係食物同飲品都係好味既，價錢亦唔算貴。Bellagio Chocolate (Hot)拉花係靚既，朱古力味夠濃，但唔會太濃，亦唔會太杰太漏牛油果蟹肉多士蟹肉份量夠多，加埋牛油果蓉食味道同口感都好夾，法包又唔會太硬，可以一啖一啖咬黎食而唔會散開，配菜沙律亦都夠新鮮。南瓜蓉八爪魚沙律Dressing係柑橘醋，令到成個沙律好開胃，八爪魚煮得岩岩好，唔會太硬咬唔開，南瓜蓉份量足，加埋菜食中和左唔會好滯，三個人share都分到夠食既份量。野菌五目炒飯(素)材料好豐富，有幾種菇，豆，洋蔥等，雖然冇肉，但絕對夠香，好日式既感覺。溫泉蛋燒汁豚肉丼溫泉蛋夠哂流心，撈堆飯食係正既，燒汁豚肉夠味唔會太咸。另外仲叫左黑啤蜜糖雞翼，同埋朋友飲左草莓冰冰。雞翼係燒既，夠脆，蜜糖味香，啤酒味反而唔係好食到，不過用串燒上好似居酒屋呀

所以，咪奢望入去佢地會對你笑 (尤其最矮嗰個)。入到呢間嘢，要乖乖聽指示，話左裡面無位，就好乖乖地咪行過去，唔係班姐姐仔會 “和唱“ 咁勞氣同你講 “無位啦!“明白做餐廳唔容易，亦唔認為要當食客神咁拜。但我只希望：你地同客講嘢，比返個尾音我想調位時，你唔好大力拍凳兩個人叫蛋糕食，咪咁孤寒只比一隻叉補充：個飯幾好食，質素好，價格算合理再補充：但服務咁樣我唔會再委屈自己啦同埋，kindly reminder，若你地覺得做 server 對客咁辛苦，不如返後欄洗碗啦

.聽講無論係文青定偽文青都要黎依間餐廳打下卡，係有上下兩層位置非常舒適。無論係叫餐，拎餐具，定係攞書睇都係要自己落手落腳去做。.明太子雞肉親子丼 • 餐廳裏面好似大部份嘅菜式都係用碗上，個感覺好簡單唔做作。個飯用嘅應該係珍珠米，粒粒分明口感唔錯。飯上面鋪滿咗雞肉，再上面就係一督明太子。雞肉煮得一啲都唔老，撈埋帶微辣嘅明太子食，令到味道更加突出。順帶一提，如果比較大食嘅人可能會唔夠飽。......見上一次嘅文青post迴響唔錯，所以就決定寫埋另一個餐。佢係位於太子砵蘭街嘅「神經餵詞」，我發現砵蘭街嘅新餐廳越開越多，成條食街咁。唔知大家有冇另外一啲文青系列嘅餐廳想我哋去試呢？歡迎留言話我知。.照燒三文魚茶泡飯 • 其實日本料理黎講，茶泡飯算係我好少食。泡飯同樣地係用碗上嘅，三文魚完全冇骨，兩邊都煎到金黃色，亦都灑上咗蔥花。食泡飯個湯底梗係好重要，今次個湯底食得出係由高湯同綠茶溝埋而成，聞落有啲茶香，食落有鰹魚嘅味道。將三文魚篤碎一齊食，健康得黎又飽肚。.餐名: 明太子雞肉親子丼+照燒三文魚茶泡飯價錢: $176評分: 7.5/10餐廳: 神經餵飼 (旺角)地址: 旺角砵蘭街434號地舖Ig

呢度係一個好適合文青去嘅地方， 雖然價錢平但係可以畀你休閒咁坐一日照燒三文魚茶漬飯，88蚊唔包飲品， 三文魚味好重，成碗飯一滴油都冇，淨係有魚香味！好食！而且好夠飽！

店名是神經餵飼, 英文Feed your nerves, 見網上訪問說, 為神經提供食糧, 似乎... 用"精神"好過"神經"吧...??十分引人注意的店名, 通常兩種反應..., 要不是就很喜歡, 要不是就: 唓! 嘩眾取寵..., 同行友人就是後者..., 難頂吧..?? 哈哈哈...甚麼是文青Cafe? 這絕對是代表作,  簡約裝潢, 粗糙木製檯椅, 年青侍應, 還欠了些文藝書籍..., 文藝書籍當然不是用來看的吧, 因為去文青Cafe的, 九成都是偽文青囉...  我認我係呀!牆上黑板, 午餐只有四款, 友人和我二人, 選了: 拋打肉碎煎蛋飯 ($70), 和 野菌麻婆豆腐丼($68). 此店需要先付款, 後送餐.此餐牌內的第一頁, 列名了十一大注意事項, 敬告各位最好細心閱讀, 否則後果自負...友人的餐飲: 檸檬茶. 我無飲到, 據友人提供, 有檸檬味, 有茶味, 是一杯檸檬茶..., 的確..., 這是令人驚喜的結論! (我保證, 這編不是試食文章, 而且開飯也沒有稿費的)這是我選的餐茶, 餐牌如是說"AMERICANO", 即是美式咖啡吧..., 由意式國藉的特濃咖啡,

因為見到店名幾得意，和我女兒便決定去試一下。到了店已經有人在等位，我們第三張。先説等位，門口超級曬，無瓦遮頭。再說內面地方唔大，只有五、六張枱，那些食客食完繼續坐，完全沒有離開的意思，完全沒有限時，我們足足等了40分鐘多，乾曬40分鐘，汗流夾背。終於有位，原來有樓上，不過樓上要坐地下及要先點餐付錢。上到樓上，見到我們前一位人客，而且原來有很多位，真不明白為什麼不早點給我們上去坐，要我們在外面曬。我們好奇怪為何我們前一位客人明明坐樓下，現在坐到樓上，她的枱不是空出嗎？後來才知道我們後面排隊的人客是店裡的熟客，所以店員將那張枱給了這位熟客，她們不用上樓。總之這樣的待客態度，已經一定不會再光顧！