神燈海鮮酒家 (18廣場)

营业中

休息中

推介超級好食嘅伊比利亞叉燒王✨半肥瘦嘅叉燒好軟腍甘香 而且仲要有脆脆地嘅燶邊🔥好入味 食落超級清甜嘅蜜汁味🍯燒到好香口 有淡淡炭燒嘅香味 雖然有啲貴 但真係必食❣️❣️

呢間中菜館食物嘅質素真係好高✨佢哋個糯米炒膏蟹 真係非常之好食😋糯米飯炒得好乾身又煙韌 仲有脆卜卜嘅飯焦😍面頭嘅膏蟹 肉質鮮甜 仲有好多蟹膏🦀個飯索晒啲蟹嘅鮮甜味 好正💓

真係第一次見糯米炒蟹🦀煲仔裝住糯米飯 飯粒好煙韌 食到最底仲有脆脆飯焦😍同個膏蟹一齊炒到好香口 食落唔油膩 勁甘香鮮甜😚再加埋面頭隻啖啖蟹肉 鮮味十足嘅大膏蟹 真係大滿足✨

平時好小食粵菜的我見到呢間位於佐敦的神燈海鮮酒家除左經典粵菜之外，仲有新加坡名菜「星洲麥皮蝦」😍😍😍超愛食蝦的我絕對係為咗呢道菜而來😃😃一坐低已經見到隔離兩台都有叫星洲麥皮蝦果然係必叫招牌名菜👍👍👍香脆可口嘅燕麥包住新鮮彈牙海蝦，海蝦大大隻，多肉爽口🤩🤩仲帶有一絲絲微辣的刺激，非常鮮味開胃🥰神燈獨有的「牛魔王叉燒」真係第一次食🙈用上美國的Prime 級安格斯牛小排作原料及西班牙的伊比利亞豬肉，油脂分布平均，充滿牛香及肉汁🐷🐮豬牛叉燒真係夠晒特別養生人士首選的百花蒸釀遼參海參配上大大粒的蝦肉，清淡又健康豉椒炒蟶子皇又香又惹味的豉椒炒蟶子肉質鮮甜又無腥味師傅炒得好夠鑊氣👍👍而且聖子洗得好乾淨，唔使剝殼就可放入口，正啊😃最後仲有免費嘅甜品牛奶布甸🍼大滿足🐷

最近我食過最好味有誠意的中菜，我會選呢間，佐敦神燈海鮮酒家 ！滋補燉靚湯❤️相當足料黑蒜雞肉豬肉等湯渣就都放了一大碟，用心的湯水特別好飲又溫暖！星洲麥皮蝦是餐廳招牌菜，炸得剛剛好，蝦肉肥美可口！百花蒸釀遼參同樣十分滋補養生，海參上有大大粒蝦肉，好喜歡清清地都好好味😋牛魔王叉燒用上西班牙伊比利亞黑毛豬，脂肪半肥瘦狀態，特製的燒到又香噴噴又多汁，配埋濃郁蜜糖實在無法抗拒！神燈海鮮酒家佐敦長樂街14-20號18廣場地下

特色牛三寶有齊牛黃喉、牛肚(牛柏葉)同牛肝連(封門柳)🐮牛黃喉好軟腍 好香油脂味😍封門柳好嫩滑 牛味好濃郁🤩牛柏葉好爽口✨再加埋啲醬汁 味道更昇華😎全部分量都好多 抵食呀！！

呢間中菜館嘅粵菜質素真係好高✨推介糯米炒膏蟹👍🏻面頭勁大隻膏蟹 勁多鮮甜嘅蟹肉同甘香嘅蟹膏🦀下面底嘅糯米飯索晒啲蟹味 口感好煙韌 仲有脆卜卜嘅飯焦 真係超級正😍

☀︎ 𝗦𝘂𝗺𝗺𝗮𝗿𝘆：位於佐敦的「神燈海鮮酒家」樓高兩層，装潢以典雅風格為主，坐得舒服特别提下店員的服務水準主動換碟執枱態度友善親切，充滿人情味⚗︎·̫⚗︎酒家主打懷舊粤菜菜式今時今日仲可以品嚐到傳統粤菜既酒家並不多食想真係要ʙᴏᴏᴋ定位啦٩(ˊᗜˋ*)و.◈ 糯米炒膏蟹 $⁵⁶⁸上枱時已見到大量熱煙湧出⁽⁽ଘ( ˊᵕˋ )ଓ⁾⁾如手掌般大既大膏蟹底下係糯米飯膏蟹無論係蟹肉定蟹膏都係爆多翻炒後，糯米飯吸收哂膏蟹既鮮味同蟹汁粒粒糯米飯都極之入味(⁎⁍̴̛ᴗ⁍̴̛⁎)‼ 口感煙韌，味道鮮香食完記得要食埋肉質嫩滑既蟹肉同焦香脆口既飯焦呀˙Ⱉ˙ฅ.◈ 即燒伊比利亞叉燒皇 $²²⁸選用黎白西班牙伊比利亞黑毛豬油脂同色澤都分佈均勻半肥半瘦，肉質鬆化柔軟帶咬勁淡淡既蜜香，邊邊位更帶點焦香(*´∀`)~♥.◈ 白灼牛叁寶 $¹⁸⁸好老實，材料新鮮才能做到白灼(ง ´͈౪`͈)ว牛叁寶為牛黃喉，毛肚，牛肝連牛黃喉口感細清爽毛肚，即係牛柏葉肉厚較厚帶韌性，吸汁力強勁牛肝連，即係封門柳，入口柔嫩，牛味濃郁.◈ 百花炸釀松葉蟹鉗 $⁵⁸/隻蟹鉗是即叫即炸的٩(•̤̀ᵕ•̤́๑)ᵒᵏᵎᵎᵎᵎ真條熱辣辣咁上枱架金黄色既外層，入口酥脆裡面係蝦

檯布勁多跳蝨、飛蟲，一路食一路會在檯布上爬來爬去飛飛下，有大有細，碗又有死蚊，感覺成間餐廳都好唔衞生。野食一般，12:15已經話冇哂乳鴿，不值呢個價錢。燒賣正常蝦餃好厚皮，味精重牛肉球好細粒好實炸野比較好（同比較放心進食）有炸雲吞炸蝦球同場朋友話質素差左好多甜品紅棗糕冇味好難食土匪雞翼一般木耳可以食，正常送燒腩仔算正正常常 冇期望冇失望結論：寧願去正常點心店食，起碼乾淨衞生啲，野食好食啲，食完唔洗驚肚痛

聽過神燈呢間酒家好耐，見到好多人都會去食下海鮮，最近終於去了！酒家入面都有好多位，而且多數人係好多人一齊坐圓台好熱鬧。原來不止海鮮，小菜類都幾多。先說當晚最喜歡的菜色- 🦀️糯米炒膏蟹超驚喜地好食，一開蓋已聞到好香的蟹味，揭開蟹蓋更加係超多膏，食落去膏味似蛋黃，好香口😋😋而且蟹肉好新鮮鮮甜！至於糯米粒粒分明得來好軟香，吸收了蟹的精華好濃香，還有好多飯焦，口感幾好，可以話每一啖都係一個享受另一款必食之選- 🐷伊比利亞叉燒皇同樣充滿驚喜，估唔到叉燒都可以咁好味！肉質是超軟嫩，而且少肥得來都可以做到入口即溶的感覺，的確出色😋另外仲點了幾款都幾有水準的菜色-🦀️百花炸釀松葉蟹鉗入面係新鮮蟹肉，口感幾彈口🌟海哲彈口，配上味道酸酸的醋，開胃得來口感幾好。🐟粟米深海鱈魚柳看似其貌不揚，入面的魚肉也相當有水準，是白雪雪的新鮮魚肉，而且是啖啖肉。這裡的服務都好好，食蟹時每過一陣子就有店員幫我們換碟。👍🏼最後還有自家製的果凍，甜度適中 ，奶香味重，真係由頭到尾到好滿足😋😋

放假通常都同屋企人食下酒樓，佢哋通常都揀中菜。試吓最近都幾多人推介嘅神燈🧞‍♂️帶屋企人食下好嘢。一上嚟就見到一個打卡嘅小橋位，裝修風格偏向中式古代風🔮即燒伊比利亞叉燒王🐖 $228嚟到呢度就好想試佢嘅招牌叉燒，豬肉係用咗伊比利亞豬，肉質比較細嫩咬落去軟淋淋，肥瘦均勻，燒得好靚🔮糯米炒膏蟹🦀 $568見個個都嗌冇理由唔試吓，糯米飯抵好多，夠食三至四個人嘅份量，而且膏蟹夠大隻，差唔多有半個鍋咁大，多膏厚肉，蟹炒得好有鑊氣，好香，飯底軟糯，少番啲油會更好🔮白灼牛叄寶🐂 $168牛黃喉、毛肚、牛肝連呢三樣嘢平時我都好少食，牛黃喉同埋牛肝都比較特別，味道主要都係靠一個帶少少辣味嘅秘製汁淋上去。牛黃喉非常爽口，有少少似食緊鮑魚片；毛肚幼細唔韌，灼得啱啱好；牛肝連就比較彈牙，似食緊嫩版牛腱🔮濃湯一級竹笙浸翡翠🥬$168去親酒樓點都要嗌菜，叫咗我自己最鍾意食嘅竹笙，味道清新爽口，不錯🔮南乳脆香骨🍖 $118雖然佢叫骨，但係佢無乜骨，比較似炸豬五花，有少少南乳味，脂肪較多，食晒有啲膩提提大家佢係會收前菜小食費用，係一碟炸白飯魚仔黎🐟最值得讚嘅係竟然有玄米茶嗌🍵加分🤟🏻最後仲送糖水同甜品，紅棗雪耳羮同埋桂

老母生日大壽黎慶祝，睇一睇個餐牌，價錢都唔平，食蟹既4人餐都要成千銀一位，普通d 既4人餐又唔太岩食，最後a la carte 咁叫左6樣野。不過就發生左d 唔愉快事件，大家去食都留意下脆米豬手 - 4 / 5味道辣辣地幾ok. 幾飽下食完雞煲翅 - 4 / 5味道都係好，幾濃，翅都ok, 5 個人食一人有一碗，不過搞笑在我全程冇見過煲野，正常都會拎一拎過黎俾大家睇，一上菜就已經係5碗野。想添食完來都已經冇剩都唔知鴛鴦邦荷蘭豆 2.5 / 5成兩百幾蚊，得幾舊邦，唔抵食又冇特別蟶子王 1 / 5味道係好食，一碟4 隻我就叫夠5 隻，60$ 一隻平均，最燥既事就發生，上到台，我夾左3隻俾d 屋企人先，諗住先夾俾自己，已經發現冇了。即係一碟5隻，佢俾得3隻。同個職員理論佢同我數殼既數量但我話但我自己都未夾就冇曬。搞左一大輪先補返兩隻俾我。砵酒煮蠔 4 / 5大大隻，入味，份量ok蝦多士 3 / 5味道ok, 但漏單，小食最後先黎啤酒 唔夠凍既份量唔老實，好肯定唔會encore，好彩冇叫蟹餐，肯定再呃秤。蟶子叫5 隻黎3隻都夠膽死，實呃唔到既野都挺而走險，叫蟹仲得了？

一直都好想試的點心放題，但失望到極點，工作人員態度極差極無禮，顧客入到店雖然我是從後門入(因為坐電梯)，有位短髮四眼侍應呀姐可能以為我是白撞，但其實入得來的都應該是客人吧，即使你不確定也應該問-問吧態度差到完全是趕客，如果不是外面大風雨帶著老人家一定立即走，地方環境污糟裝修黑黑暗暗，又漏單，食物入到口吧，我只叫了一轉之後加碟菜便算了，我是第一次寫食評，因為真係想提醒多些人，其實食物味道好見人見智，但現在市道不好，大家應該為自己老闆盡多一分力去做好些如果做飲食是想趕客，我相信你成功了，連最基本服務都做不好，食物又怎能好呢！

好有heart值得推介嘅食肆今日同老朋友相聚約咗喺呢神燈 海鮮菜館訂咗四位免開瓶費自己帶咗兩支酒叫咗五個菜～ 紅燒乳鴿～應有水準ok！小炒王～食落有啲驚～吾錯！紅燒豆腐～食落真係好滑～有驚喜，下次我都會再叫～ok～冇得彈！麥皮蝦～蝦有肉質口感～～算有水準！炒飯～有驚喜，唔差～有驚喜ok！呢間菜館～服務好～我唔係要要求～侍應態度好！我會再幫襯

我發覺我愈黎愈鍾意食中菜，朋友問我食咩就揀左中菜😝今次唔夠人食長腳蟹，等蟹季再encore🥰🎈糯米炒膏蟹 $568雖然冇食到長腳蟹，但係呢個炒膏蟹真係超正😋唔單止爆膏，仲啖啖肉呀🥰而生炒糯米飯絕對唔係配角，粒粒分明又軟糯既糯米飯吸收晒蟹肉蟹膏香味，估唔到糯米同膏蟹可以擦出火花😝🎈即燒伊比利亞叉燒王 $228叉燒肥瘦適中、鬆化又香，蜜汁又夠，絕對係酒店級數👍🏻 果然係招牌菜😋🎈脆皮乳豬 (1/4) $258乳豬最緊要係個皮夠脆，肉又唔可以太肥🤪我就最鍾意配砂糖一齊食😝真係好耐冇食過脆皮豬，好滿足🥰🎈金磚豆腐 $68雖然係炸豆腐，不過keep到豆腐外脆內滑🥰超香👍🏻🎈白灼牛三寶 $188三寶有牛黃喉、毛肚、牛肝連，睇埋英文先知道牛肝連即係好多人都鍾意食既封門柳😝 牛黃喉同埋牛栢葉好爽口又唔會韌，配埋秘製醬汁真係好好味👍🏻最後仲有桂花糕同埋牛奶布甸，呢一餐真係大滿足🥰🥰