神戶屋日韓放題

营业中

休息中

兆萬出名多野食，只係放題都有幾間。我地揀左依間神户屋，係因為正當係樓下睇餐廳宣傳版既時候，有幾個後生仔係門口極力宣傳，叫我地上九樓，見到d相又好似幾吸引，所以就上左去。因為係日韓放題，餐廳門口已經係度播韓文歌。點餐係傳統的點餐紙，由A至J，10張，都有幾多野食揀！有好多飲品揀，連啤酒都有！食放題點可以唔食壽司刺身呀！依度d壽司剌身食落都幾新鮮，選擇又多😀最推薦係黑松露壽司，係成個壽司既精髓❤️而打邊爐都有好多選擇，一人一鍋，抵食！

老公前晚突然發口痕話想食放題咁減緊肥嘅我唯有捨命陪君子 同佢暴食一餐未食過兆萬8樓既神戶屋 原來閒日都全院滿座一入座有兩張特別嘅放題紙 首輪刺身及火鍋 仲有一張係訂座優惠 海膽或生蠔 二選一 其他放題紙都總共有9張 都有幾多選擇刺身同海膽都好新鮮 帶子厚切鮮甜 北寄貝象拔蚌爽口 最欣賞有原隻松葉蟹鉗海膽色澤金黃 無腥味 入口即溶 日本和牛壽喜燒 初春食啱啱好牛肉份量超多 加上野菜 食完呢個飽咗六成黑松露帆立貝壽司夠香夠厚肉 蔥呑拿魚蓉軍艦 細嫩多油 可以encore 熱食清酒煮蜆 夠酒香 而且粒粒蜆都肉食 無沙韓式炒粉絲以及韓式牛肋骨 炒粉絲材料豐富 如果可以加辣就更好 牛肋骨肉質軟綿綿韓式人蔘雞湯 真材實料 除咗雞肉飲到底真係會見到有幾條人蔘日式茶碗蒸 蛋香滑無起泡情況 面層櫻花蝦香口芝士燒黃金沙律開邊蝦 溶咗嘅芝士極香 加埋無得輸嘅沙律醬 一兜一隻 呢款必食炸物我最鍾意係榴槤炸彈 炸牛奶 炸雪糕平時比較少機會食到 外邊炸到金黃香脆 內裡全部流心 炸物相對其他放題出色最值得一提 係餐廳服務非常好 店員會主動幫手追單 又會怕我地要等 溫馨提示某啲食物可以早啲落單 整體呢間放題可以一戰

已經好耐好耐無食過放題...最近同朋友係旺角行街...見到兆萬樓下有個好熱情既男仔派傳單..於是就上去食下...反正諗唔到食咩好...👇🏻一出電梯已經見到好大個招牌👇🏻好快就有店員帶我地入去坐...超級滿座...相信應該唔錯👇🏻坐低店員話我地兩個人可以選擇生蠔...或者海膽...或者雪糕...👇🏻我地揀左一隻生蠔同一份海膽...生蠔好大隻...新鮮肥美...海膽亦無苦澀味...👇🏻飲品種類唔算話好多...不過已經夠飲...👇🏻我地可以揀日本和牛壽喜鍋...或者韓式芝士部隊鍋...我地要日本和牛壽喜鍋...滿滿一大堆牛肉...唔似其他放題...分量少...👇🏻食放題當然要食刺身啦...特別推薦甜蝦同三文魚😋😋😋👇🏻另外仲叫左好多熟食...種類好多...全部味道都好好...對於好耐無食放題黎講...我覺得呢間真係算高質...價錢又唔會太貴

同朋友去旺角shopping 行街街，周圍搵野食醫肚仔。行過兆萬有好多人派單張。見到呢間lunch 放題又幾抵食咁喎。上到去都幾多人lunch食放題喎🤭🤭當然要即刻叫啲刺身食下先啦🤗都有幾多款既刺身揀喎！我地就每樣都叫d試下。啲質素都唔差喎！上菜既速度都幾快。仲有得食生蠔添😬每人有一客🤤生蠔都新鮮，幾creamy.芝麻雞翼同炸蠔都炸得好脆。好味！炸蠔唔會話好細粒！榴連炸彈好重榴連味，正呀！我喜歡的有芝士年糕，好多好濃既芝士味呀！很好吃！牛舌，咬落好煙韌。都幾大塊喎。燒菠蘿：一咬很多汁流口，而且好甜。很好吃！羊架，好大塊，起初以為係牛肋骨，哈！食落唔會好大陣羊騷味，都ok！壽司方面都幾好，細細舊咁。最好味係火焰三文魚壽司，燒到好惹味！黑松露油甘魚，味道濃郁，幾好食。野飲就自己出去任揀。呢個價錢都幾抵喎！

今日難得閒日放假。😬家人話想食放題話咩都有得食，多野揀喎！但佢明明戰鬥能力就好差，食得唔多但佢講到話要食，咁當然要順下佢意啦！上網睇到邊間放題好先。俾我見到呢間放題話有優惠好抵食。好似又幾多選擇咁地理又方便，就係旺角。一於就揀呢間喇！😬係兆萬8樓，呢間係日韓放題。一般放題既野都有，仲多左啲韓式野叫添。入座後每人都可揀一份海膽或生蠔食。一份既海膽雖然唔多，但味道都幾仲海水味，唔差。仲可以揀一鍋牛肉壽喜鍋或芝士部隊鍋。個牛肉壽喜鍋都唔錯架，好多塊肥牛，有啲雜菜金菇等等，食刺身壽司凍野食得多，食番啲熱辣辣既野會覺得好啲。食放題唔少得既一大盆刺身，選擇都好多！三文魚，肉質鮮甜肥美！帶子刺身亦好大塊，食落爽口！最好味的刺身：我覺得是赤蝦大大隻，食落好彈牙新鮮！口感相當豐富呀！佢亦有好多壽司選擇。壽司既size唔會話好大，唔洗怕食左會好飽肚！炸物都唔錯，熱辣辣，即炸。我就最鐘意食個炸鮮奶卷，甜甜地，幾好味！食左好多野，食到大家投降了🤭

一般放題以日式食物為主，而呢間因應潮流加入韓式元素，所以吸引我去食，雖然怕肥，但遇到放題咁多食物的確難抗拒，偶然一次半次可以放盡去食。食物種類方面，種類頗多，刺身、壽司、天婦羅、串燒 、熱食等等，任飲任食真係不得了。食物質素方面，整體端來的食物質素保持唔錯的水準，當中我最欣賞的食物:炸鮮奶~外皮香脆酥化，內裏的鮮奶軟滑，唔稀唔杰，入口即溶。一口炸豆腐~ 豆腐頗為辛辣，舌頭還受到刺激，呢個時候有炸鮮奶配搭就最啱喇，因為炸鮮奶嘅甜可以中和到炸豆腐嘅辣，掂。韓式炒粉絲~粉絲質感似水晶狀。粉絲有咬口煙韌而不肥膩， 啲芝麻同黑胡椒味道幾重。韓式燒牛舌~厚度適中， 燒的火侯掌握得不錯，加上有少少紅辣椒更加惹味。今次日韓放題感覺整體不錯，再約朋友來盡情一番。

今晚慶祝朋友🤝生日🎂，大家相約此間放題餐廳🥂，我們到步只見人頭湧湧爆棚👥👥，要等一陣就被安排入座🙋‍♂️，見到其他食客食得開懷，我都想即刻食呢😃。我印象中放題來來去去的食物種類差不多，而這間也是一樣，也是大堆頭樣樣有，百多種選擇令人花多眼亂，那就要看食物質素了，這的刺身鮮味，三文魚🐟、厚燒玉子 🥚、八爪魚🦑 、松葉蟹棒🦀、松葉蟹鉗 、北海道角螺🐚、希靈魚、赤蝦刺身🦐、帶子、吞拿魚、赤貝、甘蝦等，不會將價就貨，只要大胃口的任食唔嬲。💦除了刺身，熱食也不錯， 好似韓國牛肋骨🐃、燒有機菠蘿🍍 、雞軟骨、紫番薯天婦羅🥔 、豉椒魷魚鬚等都是不錯，當中韓國牛肋骨嘅肉質夠腍夠入味👈，一咬溶化，調較的醬汁微微香甜，唔錯。💪一如以往，食放題要做個精明食客，先分配想食的次序同份量比例☺，因為最後要留肚食甜點，這裡甜品夠多，當中我喜歡心太軟，外皮微微硬而內裡流出朱古力心🍫，不太甜，甜嘅程度啱我心水。整體食物選擇多，質素不錯，放題之選。😋😊😋😊😋😊😋😊🍻🥢🍻🥢🍻🥢🍻🥢🍻🥢

試了很多間不同的日式放題 覺得這間放題的各種食物都很一般 食物種類不多 飲品選擇少 甜品的選擇也不多 好啦 入正題啦 首先我是預定了晚上七點半吃的 由於當天是星期五 人數眾多 所以八點才正式入座吃東西 等了半個小時而已 好閒姐 喜茶都要等兩個小時啦 😆食物種類不多 所以也不怎麼評價啦 唯一想評價的就是枝豆 枝豆端上來是熱的 是熱的 是熱的⋯ 很重要 很驚訝 所以要說三遍 真的是會冒煙的那種熱⋯然後後面很多的食物都很失望呢 還有就是覺得有些搞笑 有些兒戲 AB代表工作人員 A：喂 哩樣嘢邊度嘎？B：唔知喔！然後經過我們 就把食物放給了我們 剛好我們有點 所以就沒多說什麼 綜合以上各種 都覺得這次是不錯的嘗試 但只可一 不可再 希望食物 服務都會有改善 不過我就沒有機會見識啦⋯完

泥到旺角兆萬食放題，價錢相當公道！因為呢度除左可以任食刺身壽司同熟食，仲可以享用埋韓式部隊鍋🥘兩小時任食，一共有二百款食物😛----一坐低就即刻開始用準備左嘅紙仔點菜，開頭梗喺要瘋狂食刺身啦！叫左咁多嘢都泥齊晒，三文魚同甜蝦都叫左幾十片，三文魚夠厚肉，甜蝦夠鮮甜😬因為我地喺預先訂坐，所以有訂坐加推嘅三選一，除左生蠔、韓國雪條仲有產地直送嘅海膽刺身，海膽幾好食，鮮甜帶甘👍🏽至於韓底部隊鍋就好足料，平時食開嘅材料都有齊晒👍🏽加埋芝士即刻變人間美食！----熟食炸物都值得推薦，韓國一口芝士同黃金牛油焗粟米都好好味，可芝士皮夠脆夠熱，入面芝士味超濃，牛油粟米甘甜帶牛油香

瘋狂食刺身朋友想食放題,就訂左神戶屋同佢係星期日放鬆下, 傾下計! 一去到, 店員就帶左我地去坐卡位, 好開心! ☺☺☺ 未夠7點就已經坐滿晒人, 好彩有訂位! 枱上面已經放左3個小食 (泡菜, 螺肉同中華沙律) 同埋3個醬料俾你點炸物一開始拎晒咁多張紙出黎睇下有咩想食, 2個人係咁寫寫寫, 終於可以落單啦😎!!! 我地落完單就去拎野飲, 有好多款既汽水, 啤酒, 果汁同韓國飲品, 選擇都唔少!佢地上菜速度勁快, 落完單冇幾耐就開始上菜👍提早訂座仲送海膽/生蠔/韓國雪糕, 每人簡一份, 我地2個都簡左海膽, 海膽份量都唔細, 都幾新鮮然後就係我地最愛既剌身😍😍😍!!! 全部都勁新鮮好食!!! 蝦刺身都有4款, 仲有松葉蟹棒同松葉蟹腳! 食完真係勁滿足!!藍鰭拖蘿蓉軍艦同鰻魚壽司好味茶碗蒸同溫泉蛋, 落左好多櫻花蝦 我地仲點左d 炸物, 勁多芝士炸物, 岩晒我哩d芝士控😋仲有好味既牛舌同燒扇貝食完仲有好多款雪糕簡, 好滿足!!!!!!!! ☺☺☺

當約朋友出黎聚舊但食放題又驚限時間食太少可以選擇食間，因為只係網上訂座買優惠券就可以由中午12點至6點都可以任食，再送埋6隻生蠔同每人一條韓國雪糕或雪條。不過我地一去到仲未開門，所以等左一陣員工都肯安排左座位俾我地坐先，但俾個前菜雪得太凍了，所以去左拎野飲。因為時間充足都等埋個朋友先落單，一上黎既三文魚同其他刺身都雪到冇晒味道，跟住改食手握壽司就好食得多了。熟食方面太咸同太油因此都好少食，之後食埋個打邊爐就夠了。

以為經openrice訂coupon，晚市可以55折食幾抵，到現場發現係真係伏，大伏以往都係openrice cd-rom，但第一個食評+負評係俾依間餐廳嘅，因為就係唔想有咁多無辜嘅人中伏🐷🐷我食嘢唔醃尖，但都唔會塞下等食物下肚我知便宜冇好貨，可是都唔好俾咁差嘅食物、環境俾客啦係咪🙄原價300幾點都有返咁上下水準啦係咪？冇咁大個頭就唔好笠咁大頂帽，coupon描述吹噓到同埋加加埋埋嗰服務費，其實我不如去食牛陣、炑八啲晚市放題好過？食物質素份量、環境等點都好過依間可能唔熟兆萬中心，兜咗一大圈先到餐廳嗰場細到O嘴份量少之餘，嘢食質量都係一般般🤢好似食緊垃圾咁送餐係快嘅，但快唔係一間好餐廳最主要嘅因素算啦，以後都唔會幫襯有圖有真相，俾大家睇睇嗰新鮮生果嘅份量：0）

實在太耐無食過放題喇，今日突然搵埋朋友一起去旺角兆萬中心搵野食! 大家都知兆萬中心有好多食肆，臥虎藏龍，今日決定到8樓一探究竟! 來食放題點可以無刺身拼盤!一上盤時實在太驚喜了，唔單止無漏單，望落又多種類又新鮮! 個人最鍾意「激巨 赤蝦刺身」新鮮鮮甜好味! 讚! 珍寶帶子刺身亦相當大粒好味!日式茶碗蒸蛋第一次食到茶碗蒸蛋會擺櫻花蝦上去，而且份量絕不客氣，櫻花蝦的咸香搭配茶碗蒸蛋的清新，兩者融合得剛剛好!日式溫泉蛋原來呢種連日式溫泉蛋都會放櫻花蝦，又係另一番風味! 好食!訂座加推的「直送海膽刺身」每位限選一份的訂座加推，無腥味, 清新易入口! 爽呀!藍鰭拖羅蓉軍艦好少放題會有得食拖羅蓉，梗係點都要嗌碟來試下啦! 食落都有驚喜，好食!當然仲有芝士年糕、人蔘雞湯、麵豉湯、炸豆腐、芝士扇貝等香口小食啦! 2個人埋單都係$526, 抵!

去到西洋菜街最好就係去兆萬搵嘢食，神戶屋放題位於旺角兆萬中心8樓，上日星期同朋友去咗食，覺得都唔錯上到去坐好之後，當然係點左嘢食先，限時放題最怕就會上菜慢，但係依間放題上菜好快，落左單無耐啲嘢就陸續咁黎。第一樣黎到嘅係一大盤嘅刺身，依度啲刺身除左三文魚同蝦，仲有松葉蟹鉗、海膽、象拔蚌刺身，呢盤嘢除左外觀一流之外，全部都好新鮮，連平時最怕有腥味嘅帶子、海膽都鮮味十足！除咗刺身之外，依度亦有其他值得推介嘅嘢食，比較喜歡呢度啲卷物、壽司、迷你手卷，份量唔大，唔會食完飽晒，食唔到其他嘢。另外，燒牛舌、雞肉串、鹽燒海蝦都好高質，忍唔住食左幾round。店裏面嘅環境光線充足，座位唔算好闊但係都坐得舒，枱同枱中間嘅距離都好闊，都係一般日式放題嘅價錢，但總體黎講質素都唔差，值得約朋友去依度聚下餐。

身邊總有個鍾意食放題的朋友，見openrice可以用優惠價$179/人 6小時放題，想也不想就買左。餐廳主打日韓放題，入座先知仲有火鍋提供，有兩款選擇- 日本和牛壽喜燒 or 韓式芝士部隊鍋， 作為和牛控，當然食前者~餐廳食物選擇真係多不勝數同時又涵蓋日式及韓式，有刺身、串燒、鐵板燒、炸物、一品料理、火炙壽司、手卷等等，數之不盡。為左值回票價，我地主攻幾款食物。不得不推介刺身，新鮮肥美，款式又多，三文魚、松葉蟹鉗/蟹棒、象拔蚌、希靈魚等，食左兩round，都仲好想繼續食。另外叫左炸物-吉列廣島蠔、蝦卷、仲希我最愛芝士年糕，款款熱辣辣，又好味！仲叫左火炙壽司&黑松露壽司s，份量的式，一口食完，好prefect，因為咁先可以食更多。飲品有汽水、啤酒任均選擇，一個午餐已經食左晚餐分量，真係大滿足😀