神戶北之坂 (已結業)

行完Donki Donki，就去左隔離food court 既其中一間餐廳醫下肚～本身鐘意食抹茶甜品，於是揀左呢間鋪食個lunch~嗌左個三文魚蘆筍茄汁忌廉意大利粉，覺得味道偏淡，味道一般般，三文魚都算足料而佢既抹茶蛋糕相比之下吸引得多，佢既蛋糕體有點濕潤之餘唔算甜，有d淡淡抹茶味，而忌廉偏奶味甜味重，但兩者搭配起尼岩岩好，唔錯唔錯如果大家下次尼，建議可以試下飯多過意粉，而蛋糕就值得加錢配套餐一試既！！

本身諗住係Donki買外賣點知行左個圈覺得唔係咁岩食，就行左出黎Food Court果邊睇下有咩食。呢間餐廳偏向和風style同埋都幾多款選擇，有意粉同焗飯，仲可以加錢轉唔同組合既套餐。我揀左牛油明太子魷魚意粉$55，跟住加$7轉套餐，有湯、沙律同埋汽水。因為太肚餓既關係食左2啖同飲左一大半湯先記得影相意粉軟硬適中，份量都算多，而味道都幾唔錯。加$7蚊轉套餐有粟米湯、沙律同埋汽水真係幾抵食。下次諗住試下焗飯同埋蛋糕

一向叫北之坂做地板，因為餐牌上面的字體寫到好似地板一般😂這間北之坂，之前經常在九龍灣的德福廣場美食廣場裏面吃，之後都曾經在港島區另一美食廣場見過分店，當時九龍灣還是用咪高峰大叫號碼，現在都很久沒有去過，現在荃灣Donki美食廣場內再遇北之坂，當然希望一試。😻據說以前去北之坂，想叫焗飯，一係就店員會話俾你知個飯要等好耐，勸退你；一係就好像我在九龍灣那間，確實等了好耐，然之後要急速將焗飯爬落肚中。以前使用的咪高峰叫號，現在已經改為電子震動器，響號的時候就可以去拿餐。呢個當年最喜歡的焗芝士茄汁雞扒飯，跟餐的選擇現在也多了，除了餐湯、沙律、飲料這些平時都常見的，還可以選擇抹茶食品，我要了個抹茶卷蛋以及飲料。可能由於Donki開啟已久，而且美食廣場都只有五六間食肆，如果不是在附近居住或者工作的人士，都應該不會專程來這個美食廣場吧，因此，在下次的下午茶時間，人影疏落，那就更加容易搵位，而且等食等到不會太久。無論是海之戀，定還是Donki，好像整個商場環境，都冷氣非常強勁，即使是食客，定還是現場的清潔小姐，都感到寒冷非常。可能由於現場人數不多，即使即整焗飯，都只是等了5至10分鐘左右，焗飯入邊見到些

經過荃西海之戀既Donki Food court, 佢有好多間餐廳，唯獨呢間係食和洋食(日本人「改良」左既西餐), 就諗住試下。之前都試過幾次意粉，但次次都伏！汁少，意粉唔索味，好多客人都食淨好多意粉。所以係唔推介既。唯獨佢既蛋包飯，真係好好味，一試再試。叫左60幾蚊連set A既蕃茄雞肉蛋包飯，加7蚊就包湯、凍／熱野飲(同價)、沙律，超抵！首先，佢個蕃茄汁好懷舊，有童年既味道～個人覺得好好食，味道唔complicated而好直接。汁識叫一定叫多汁，撈落d蛋包飯同雞度超正！蛋夠滑，飯都幾好，每粒分明每粒都香，唔會痴埋一舊。雞肉調味有點港式既味道，但勝在夠滑嫩，齋食未必好食，但配埋蕃茄汁真係好正。沙律普通，叫做健康d咁。凍檸茶都係一般貨色，但加7蚊包咁多野算抵。粟米湯就真係唔得，佢地用粉沖，整好左一大壺咁，又潔身又無乜味。整體而言，成間餐廳試勻晒，CP值最高、最可取一定係呢個蛋包飯（咖哩豬扒蛋包飯都唔錯，但個人較喜歡呢個）。意粉唔洗試，伏。

意粉口感幾好，連埋飲品，湯，沙律嘅set lunch 都好抵食。三文魚野菌忌廉茄汁意粉三文魚份量比我想像中多，一路食啖啖都食到三文魚，野菌亦都多。最鍾意佢意粉唔會太淋，偏硬身得嚟彈牙。汁嘅濃度亦都剛剛好。另外一個set 加左炸雞，都算幾滑，不過好多陣雪味。整體來講，滿意！

Donki有唔少熟食🍱都唔錯，不過食黎食去都係固定某幾款食得多都會厭 (有人都同我一樣嗎? 🤣) 有時係入面行得夜又唔想食熟食，就會幫襯出面既food court🙉 今次介紹既呢間西日式快餐店以主食為主，意粉🍝、蛋包飯、焗飯🍛加埋有成19個選擇咁多，最平既50蚊就有交易，另外仲有5款套餐加7至24蚊就有粟米忌廉湯🥣 / 飲品☕️ & 沙律🥗 / 炸雞🍗 / 蛋糕🍰，選擇都幾多🤩係收銀處落單後拎住個取餐器🧿等10-15分鐘叫號就可以取餐，值得一提既係呢度全部主食都係即叫即焗/製，用餐時切記小心唔好辣親呀⚠️******************************✨芝士焗咖喱吉列豬扒飯🧀🐷🍛 ($54)呢間快餐店既彈性都幾大，基本上每款焗飯都有兩款唔同醬汁供客人選擇，而呢款吉列豬扒飯就有白汁/咖喱汁可以揀；既然食得西日菜，當然要試下呢度既咖喱汁啦🤗 不論係香氣定係味道，呢度既咖哩汁同係日本🇯🇵食過既有分別就一定架啦，不過個人認為還原度都幾高，起碼質感夠濃稠，味道亦夠濃郁，帶有日式咖喱獨有既辛辣香氣但食落唔會辣；另外好懷疑呢度既芝士🧀係咪唔洗錢，成個焗飯上面都鋪滿左邪惡既拉絲芝士非常吸引，白

第一次到荃灣海之戀商場， 當然要逛下激安之殿堂，順便食晚餐， 激安裏面有美食廣場，幾間餐廳可供選擇， 今次就決定試下神戶北之坂。 餐廳是日式西餐， 價錢便宜， 看見賣相都唔錯， 就點了以下菜式～茄子肉醬意粉$50、 粟米忌廉湯 & 薯仔南瓜沙律$24、 茄醬雞扒奄列飯$54、 沙律、忌廉湯 & 飲品$7。 茄子肉醬意粉～ 賣相係唔錯， 但味道偏淡， 茄子和肉醬都沒有味道， 碟底還有很多油， 感覺油膩。粟米忌廉湯 & 薯仔南瓜沙律～ 粟米忌廉湯熱辣辣，雖然細細碗但味道幾好， 薯仔南瓜沙律亦唔錯， 南瓜沙律甜甜地。茄醬雞扒奄列飯～ 雞扒有一陣雪味， 奄列飯的蛋口感硬， 飯的溫度凍， 配上凍冰冰的茄醬， 整體真是麻麻地。沙律、忌廉湯 & 飲品～ 感覺餐廳的配菜相比主菜還要好， 起碼忌廉湯是熱的。整體來說餐廳價錢便宜， 但食物質素有待改善。😉

除咗之前介紹嘅燒肉丼之外，海之戀Donki food court入面仲有日式西餐-神戶北之阪我哋叫咗兩個餐，上菜時間非常之快，但係可惜攞嘢食嘅時候比較混亂，店員誤以為我哋攞錯餐，大家記住攞餐嘅時候，如果有第二個餐就唔好比番張單店員~-三文魚雜菌忌廉茄汁意粉($58)(另加套餐D $15)三文魚茄汁意粉本身期望好高，因為見到張圖好靚，但係結果賣相一般，好好彩嘅係佢味道都算唔錯唔會話好淡同好膩，三文魚同醬汁非常之夾。除此之外我哋加左套餐D，抹茶意大利芝士蛋糕同飲品。蛋糕冇乜抹茶同芝士味，好似淨係食咗個有cream而濕咗嘅蛋糕咁，唔係咁推薦大家食呢個。-牛油明太子魷魚意粉（$55）（另加套餐A +$7）明太子嘅味突出，魷魚亦都非常有咬口，唔會話太鹹，都非常推薦大家試吓呢個意粉。另外，我哋加咗個套餐A，有飲品、粟米忌廉湯同沙律。粟米忌廉湯非常之好飲，都幾推薦大家加套餐A-位置：荃灣海之戀商場2樓(荃灣西站C出口）Don Don Donki 海之戀店 Food Court

上回講到我2公婆專登請假去街扮去🇯🇵😅😅咁到左午餐我會選擇咩嘢食呢🤔🤔我就係「DON DON DONKI」的food court內選左北の坂。食咩好呢🤔北の坂主要食物係～芝士焗飯同埋自家製作的意粉，供應多款意粉和芝士焗飯，我叫左個：芝士焗吉列豬扒飯，仲要係要邪惡😈既咖哩汁😂😂，再另加$7就有埋餐湯、沙律和飲品，咁抵我緊係加埋啦等左大約10分鐘，終於黎喇，賣相相當吸引，唔知食落係點呢 好緊張。係好味既，但係都係嗰句啦，呢度唔係日本🇯🇵，無左果種應覺，就連味道都感覺有分別但唔係唔好食架，北の坂係好食架，只係我個人感覺唔同左咋我呢個餐總消費係$61，真係相當抵呀

返第四日工今日就相約幾位新同事一齊食飯，近近地係公司旁邊嘅Food court食晚飯，我就揀左北之坂嘅咖喱吉列豬扒奄列飯配A餐$59，貪佢平平地有菜、有湯、有野飲😝😝好鍾意跟餐個沙律🥗菜，就係喜歡佢冇落沙律醬改為添加咗少少黑醋，菜又新鮮又大碗感覺開胃又健康😊😊湯就係粟米湯但明顯係用粉開出黎，味道一般😐😐到講下個主食‘咖喱吉列豬扒奄列飯‘嘩！個咖喱汁多到佔左隻碟嘅2/3，屬於日本甜咖喱一d都唔辣🌶，加返少少辣可另味道更有層次😋😋蛋包飯嘅飯就ok 啦d蛋幾滑😌😌唔錯唔錯！吉列豬扒炸得幾香脆，好鬆軟肉質望落好似好乾，但入口多汁，真係睇佢唔出又幾好味😜😜其實都食得好飽，只係視覺上好似細左😝😝

北之坂，係一間平價高質既日式快餐店，有多款意粉同焗飯，提供不同套餐俾你選擇。我地點左以下食物😋🔸白汁煙肉溫泉蛋意粉（味道不錯，份量夠多）$54🔸配粟米忌廉湯（似日本罐裝粟米湯，好香甜好好味）、日式炸雞肉（新鮮炸好，肉質嫩滑）轉套餐只係加$7🔸抹茶意大利芝士蛋糕 （好味道）$20整體來講平靚正👍價錢實惠。———————————————————⛳️北之坂 (荃灣)荃灣大河道100號海之戀商場2樓激安之殿堂美食廣場內

又是外賣的時間，food court太多人了。而且不是「平易近人」的價錢。一見明太子，不用想了，就這個。阿女講過想食千層麵，買返去試試。「明太子」值得推介，差不多每條麵也掛著明太子，冇魚腥味，墨魚新鮮，軟而彈牙。千層麵賣相有點輸⋯食落唔夠蕃茄汁，下次再試其他的。

激安美食廣場開幕😍過來看看有咩好野食媽咪揀左一間最多人排隊的因為價格比其他店相對是較為便宜所有意粉/蛋包飯都是介乎$50-$70左右套餐只需加$7，包括沙律，忌廉湯及飲品媽咪叫了一個白酒汁蜆肉意粉$58,另加$7轉套餐CP值超高，份量絕對足夠而我叫了芝士焗雞粒奄列飯$50,另加$7轉套餐性價比高讚入口完全感受到香滑的蛋味配上香濃芝士，絕配茄汁炒飯配上雞粒，有口感份量超有誠意質素亦好高性價比超絕讚推介比大家

今早因事而在奔走各區，忙完一輪才不過十點多。在荃灣想找個地方休息一下，也不易容。得知早前開幕的激安，也開放了美食廣場部分食店，位置較多，不用擔心午市人多被趕。選了北之坂。發現有另一間神户北之坂，所賣的亦相似，不知是分店還是互相抄襲？每樣主食也可加價成ABC套餐，我選了C，炸雞和湯。等了不到十分鐘的時間，賣相可以。先飲湯，粟米湯，但心中一涼，沒半點煙不夠熱，味道其實不過不失，忌廉湯一類，不熱就是大忌。下意識摸摸意粉，也是不熱的。還好廣場有微波爐，這個告示，完全明白的。首吉列豬扒，外表厚重，但原來豬扒被一樣厚的炸漿包裹著。最大問題是有炸衣包不住豬扒，出現脫皮的問題，吉列之大忌。豬扒調味平啖，口感稍硬。脫漿後的豬扒真身。再說意粉。其實意粉質感頗佳，但成碟都無味。首先意粉是水烚翻熱，碟底都是水就知道。這樣沒問題，但肉醬一定要夠味。這裡的肉醬，份量其實夠撈成碟意粉的，個調味不足，不過是罐頭蕃茄煮牛肉的感覺，味道平淡，再加上水煮意粉的水，味道可想而知。櫃檯有調味料自助，可以幫到手。最後炸雞三件，卻食到三種味道，第一件是好味的，第二件卻帶點酸味，第三件是淡而無味。整體而言，價錢不貴，追加成套餐也划算